آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 10-12-2010   #11


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي سفينة حلم



السلام عليكم ورحمة الله وبركاته

صبحكم ومساكم الله بالخير جميعاً
سفينة حلم .. ..

الناس عابت زمان ٍ غيَّر اطباعه=ما تدري إن المعابه فعل امانيها
احدن يكيل الحسد ما يكترث صاعه=ما يبغي الا حضوض النفس يرضيها
واحدن على حزن غيره يضرب اصباعه=والنار ما تحرق إلا رجل واطيها
واحدن شرى كنز فاني يطلب اشباعه=ما يدري إن القناعه كنز شاريها
واحدن يهجر القرابه في غضب ساعه=حتى الحسايف يجنِّب ذكر طاريها
واحدن يدوس الصداقه والوفا باعه=ما يركب إلا ذلول الصدِّ راعيها
واحدن يهاجر دياره يبغي امتاعه=نفسه دنيّه يبي يشبع مشاهيها
واحدن يجنِّب دروب الدِّين واتباعه=يتبع طرايق دخيله خاب ماشيها
ياكيف نبغي حلول الوقت واسناعه=وهذي مماشي عباد ٍ صوب باريها
ياكيف نبغي غيوم الغيث وارجاعه=وقلوبنا عايفه غيث ٍ بياديها
وشلون نبغي نحلَّ الفقر واوجاعه=وحنا نمانع زكاة المال جابيها
وشلون تامن هنوف الستر واقناعه=في غابة ٍ صار حاميها حراميها
هذا زمان ٍ عجيب ٍ تلهث اسباعه=ما همَّها غير كسب ٍ في مساعيها
المجتمع في سفينة حلم واشراعه=صدق وأمان وتفاني في مباديها
كانك تعيب الزمن والهمِّ واصراعه=حنا سقوم الزمن نقدر نداويها
حنا قصور الأمل والنور واشعاعه=نبني سعادة شعوب ٍ غاب بانيها
نجبر صدوع الأمل لا بيَّن اصداعه=ونشعل فوانيس عتْمه ضاع ساريها
نِخْضِع بعزم القوي ما يصعب اخضاعه=وراعي المهونه دروبه ما نداريها
يلِّي تعيب الزمن لا غيَّر اطباعه=حنا عيوب الزمن نهدم مبانيها


وسلامتكم،،،


 

قديم 20-01-2011   #12


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي انساااااااني



مساكم وصبحكم الله بالخير جميعا


اعتذر منكم يالغالين عن الانقطاع الا إرادي والذي حصل لظروف صعبة وأسأل الله فيها التساهيل.


واترككم مع هذه القصيدة
انساااااااني.. ..

ياللي جفيت الغلا بالماضي انساني=وانسى خفوقن تعلّق في رجى ودّك
ما عاد ينفع تعيد الماضي الفاني=ما دام دربك وطيته في دجى صدّك
اتصد عني تبي لا جيت تلقاني؟=غلطان يا مقفي الخطوات في عدّك
مديت لك ثوب عزّن يرفع الشاني=واخترت ثوبن يناسب قدرك وقدّك
هذا خيارك بغيته في رجى ثاني=يومني ابغي وصالك في رجى لدّك
عنيت نفسك وقلبي فيك عناني=وش عاد تنفع دموعن سيلها خدّك
إمسح دموعك بيدن طعنها جاني=وتشوف قطرات دمي من طعن يدّك
لعبت في صدق حبي لعب ورعاني=وخلطت بالحب مزحك في هوى جدّك
اسأل ليال الحزن والشعر والحاني=وبيبان بيتك قبل ما تعزم بشدّك
سلمت قلبي وفكري لك ووجداني=وجازيت مدّي وبذلي شح في مدّك
وارخصت في سوق حبك كل خلاني=واصبحت في غدر بيعك خصمك وندّك
وحفظت سدّك ولا بيّح به الساني=وبيحت بلسان جهلك سرّك وسدّك
من قبل صدّك بغيتك شوق ولهاني=واليوم ردّي على جيّتْك لي ردّك
لا عاد تطري رجوعك لي وترجاني=خلّك تذوق العنى في يومك وغدّك

وسلامتكم،،،


 

قديم 30-03-2011   #13


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي تحفظ ملكنا



مساكم وصبحكم الله بالخير جميعا

هذه قصيدة شاركت بها في أمسية ( فرحة وطن) المقامة بالأحساء بمناسبة وصول خادم الحرمين الشريفين سالما معافى الى أرض الوطن.

تحفظ ملكنا .. ..





سلامن ازكى من العنبر ومسكن وعود=وازكى من الكادي الفواح عطره ثبات
ويــامرحبـــــا عدّ همالـن بغيثه يجـــود=ويا مرحبا ياملكنا ياعظيــم الصفـــات
واعداد ماغـرد القمري وهبّات نــــــود=واعداد سيلن تحدّر مروين للوطــــات
استبشرت فيك الأمه والأمل بـــك يزود=وجيتك سالم علينا من عظيم الهبـــات
والشعـب يرقى بظلك يا ملكـنا سنــــود=وانفوسنا دون نفسك يالملك مرخصات
لك وقفتن بين شعبك والملا لك شهود=والدار تزهى بحكمك ســاهرن ماتبـــات
ارسيت حكم الشريعة بالعدل والعهود=واوصيت بالشعب خيرن موصين للجهات
ومدّيت كف الأبوّه لليتامى وعـــــــود=وحملت هــمّ الأرامل عـون ومطلقــــات
وهدّيت من درب طلاب الوظايف سدود= وبنيت للعـلـم نبراسـن لها جامعــــات
وسعيت جاهد لنهضه مالها من حــــدود=والدار تشهد تقدم في جميع الجهــــات
وللعالم ارسلت للمحتاج عـــونك وفـــود=وارتفعت أيدي فقارى للملك داعيـــات
وللعاني ارسلت جيشك ما بديت بصـدود=حتى تعيش الشقايـق بالأمن هانيــــات
ودايــم تبــادر وتسعى باذلن للجهــــود=في حل أكبر قضايــا بالدول معضلات
في كف طيبه ورحمه وارثه من جدود=وفي كف سيفن تواقد في نحور الطغات
وسلطان ياقف عضيدك معجزن للحقود=ولامد كف السخى والجود منه عظات
والنايـــف اللي محقق للأمن والركــــود=مِحْزَمْك لا ثارت الظلال جهل وفئات
لجلك نسوق المطايا للوغى والحشـود=ونفتك براس المعادي ضرب بالمرهفات
ولجلك تهون المنايــا والولد لك نقـــود=تفـــداك أرواح شعبـك للوفــا هيّنــــــات
ولجلك نفـك العقايــد جلّهــا والقيـــــود=في درب سيــر المسيـره للعلا راقيـــات
ولجلك تهون الصعايب حملها مايكــود=ما دام مثلك شتـلها بالمنــاكب وجـــــات
هذي خطوطن رسمها للوطن بالبنـــود=صقـرن تعلى بفعلــه ماكـــره نايفـــــات
وحّد شتــات الجزيره قايــدن مايحــود=عبدالعزيز الله اكبــر جامعــن للسمـــات
شهم وكريمن وفارس سمعته للخــلود=وسطر لنــا في ثباتـه مجــد والمعجـزات
هذا وطنـــا عزيزن هامتــه ماتنــــود= ما دام مثلي ومثلك عن حــدوده حمــات
يادرّتن صانش الرحمن عين الحسود=والطــامــع الله يـــورّد حالتــه للشتــــات
يا لله يا مرسلن رسلك علينـا شهـــود=و يا عالمن مــا نكنّه بالصــدر خافيــــات
تحفظ ملكنا وتحفظ دارنا والحـــــدود=ويـبـقى ملكنــا معــافى ذخــر للمقبــلات
ويطول عمره ويبقى دايمن بالوجــود=و يـارب نطلبك عفــوك والثبـات الثبـات


وسلامتكم،،،

محمد ضرمان الشولاني العجمي


 

قديم 20-04-2011   #14


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي لبيـــــــه



مساكم وصبحكم الله بالخير
لبيـــــــه .. ..



لبيه يللي تسرق الطرف لبيه=صحيح سارق بس منت بحرامي
تماد في سرقتْك ما قلت لك ليه=ما دام عقلي في محبتْك هامي
سرقت قلبي والعساكر تباريه=ياقوّ قلبك مطلقن للخطامي
رميت سهم الحب للقلب ناويه=حتى فرق لضلاع للقلب دامي
سهمك خطيرن واذبحتني مراميه=ما دام قوسك طرف والزين رامي
وردتني بير العنى والشقى فيه=وبير المحبه دربها دوم ضامي
اعلنت حبك محتمل للمشاريه=واعلنت انّك في حياتي غرامي
واعلنت انّك مالك العقل غازيه=وحقّق هجومك فيه حكمن نظامي
ومكّنت حكمك فيه والحصن بانيه=واصبحت اسيرك دون قيد وزمامي
وتدري متى يهنا لي الغزو والتيه=لا صار منْك الجيش والقصد سامي
ياهيه انا رجلن بعيده هقاويه=حرن مطاليعه تعدى الغمامي
ومن قوم عزن واللقى ما تحاتيه=قومن لمن ثارت كما السيل طامي
فلا تضْرم النيران والحال تشقيه=وتنْعم على الراحه بريش النعامي
ابيك توفي والجفا ما تطرِّيه=وتسهر تخاطر روح حتى المنامي
واكون فارس حلمك اللي تعنِّيه=هقوات بـِعْد الخلِّ وسْط الجهامي
والميسم اللي طارق الجوف كاويه=ومصْلي على جمر الوله والحطامي
لا صرت اتبع طرف والشوق ماليه=بسّ الظروف المانعه ما تسامي
منّه تعلمت الأسى كيف تخفيه=ومنّه تعلمت الصبر والصيامي
وما كل ما يبغي الفتى دوم ياتيه=وما كل توأم بالمحبه سيامي
يالله يللي من ترَجّاك تعطيه=ويامسير الأكوان حسب النظامي
تِذْهب كسوف الشمس والليل تجليه=ويبقى شعاع الشوق بَعْد الظلامي
وسلامتكم،،،

محمد ضرمان الشولاني العجمي


 

قديم 16-05-2011   #15


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي ديدونة الحساد



السلام عليكم

مساكم وصبحكم الله بالخير جميعا

ديدونة الحساد .. ..

ديدونة الحســــاد دربن طويلي=ما يتبعه غير الردي خايب الســاس
ما يجمع العثرات غير الطفيلي=يقتـات بالسّـيــة وللعـيــب عســـاس
منظمه واللاش أفضـل عميـلي=في ســاحة الأنذال جـــاهـد ومساس
يشقلب الفرحه بســاعه عويلي=امكيفـن جــوفــه مـواريده ارســاس
راداره الخسـه بجـلـي الدليـلي=امـوهمـن للنــاس راداره احـســـاس
يشتّت الجمعـه بحكـين جميـلي=وعن قولة الواقع كتومن وهســـاس
هذا الحسد والحقد وقعه جليلي=شف قوم ابن مرّه بسوسن وجساس
ما يتبـع الحســاد كــود الهبيلي=واقـول للحـاسـد عقــوبن وخســاس


وسلامتكم،،،

محمد ضرمان الشولاني العجمي


 

قديم 28-05-2011   #16


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي المـــــوااااجع



مساء الخير جميعا

المـــــوااااجع .. ..


لا صار صدري مزدحم بالمواجــع=وطعنات سيف الغدر هدت حناياي
قلّبت صفحـــات الأسى والمـراجـع=واحرقت صفحات الهنى في بقاياي
يكفي جـــروح الحــال فيني نواجـع=ويكفي شكوك الناس مقصد نواياي
ويكفي ظروف الوقت ثورة فواجـع=ويكفي شحيح المدّ ردّة عطـــــاياي
ايقضت يا وقت العنـا بالمضــاجـع=ثورة براكيــن الألــم في خفـــــاياي
والآه من حزني غدت طير ساجـع=من عقب ما كان الطرب في غناياي
ومبدا سهوم الطيش اضرب وآجـع=ودرعي قناعـــاتي ووقتي عـزاياي
وكـلّ ما قلت اكتفى جــاك راجـــع=حتّـى رحيــلي ما يكفـّر خطــــاياي
ودّي أغيــّر نظـــرتي للتّـراجــــع=بس الوقــايع ما تســـاعد هقـــــاياي







وسلامتكم،،،
محمد ضرمان الشولاني العجمي


 

قديم 06-06-2011   #17


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي إعصار وجداني



صبحكم ومساكم الله بالخير جمعا

إعصار وجداني .. ..



لي صاحبن لا غاب عنّي تلهّفت=لهفت غريرن ضاع صدرن يزمّه
زوله حليف العين لا من تشوّفت=طيفه يلاحقني وعيني تضمّه
يستاهل الغالي لشوقي لو اسرفت=شوقن مهو باليد زينه يجمّه
انسى معه نفسي وغيره انا عفت=زينه ينسّي ناضره رضعة أمّه
أنا على عهدن قطعته ولا اخلفت=ما دام يجري داخل العرق دمّه
دامه على عهده ودامي له اسلفت=ودام الجفا مرفوض كيفه وكَمّه
وما همني لدَّ المقفّي لمن شفت =دمع الحسايف مغرق الشوق كُمّه
من عافني عفته ولسياده اشرفت=ويكون بالماضي وهمّه يطمّه
واللي لقربي شاريّن لجله احتفت=سور المهالك واستمع عزف فمّه
وما همني سود الليالي ولا خفت=وطي الجرايف دون دابه وسمّه
معه تحوم اشعور والفكر به نفت=حزم المعاني والمشاعر تلمّه
ارهقني التفكير بالشوق واشعفت=إعصار وجداني وشعري ينمّه




وسلامتكم،،،

محمد ضرمان الشولاني العجمي


 

قديم 30-06-2011   #18


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي مسرح الدنيا



صبحكم ومساكم الله بالخير
مسرح الدنيا.. ..



شنّت عليّ الدواير حرب واجهادي=حتى عجزت آتصدى غاره وغاره
عجزت أناحي زمان ٍ طبعه السّادي=في زوبعه مالها مركز ولا شاره
به راس مالي ذلول الفكر وشدادي=بيض النوايا بعصر الزيف منهاره
تغيّر الوقت والأعراف تنقادي=من قمة السّلم صوب الجرف حدّاره
والشيمه اللي تتوج روس لمجادي=راحت قيمها وخانت قصرة الجاره
وشوف المظاهر طغى بالجوهر وسادي=وما كلّ لولو يزيّن شوف محاره
واليد وإنْ مدّت المعروف ما فادي=في ظلمة الجحْد والنّكران محتارة
دنيا غريبه تجانس فيها لضدادي=حتى تخاوت سباع الغاب والفاره
وذيب النّوايف بعد ما كان يصطادي=أصبح فريسة ثعالب صيد مكّاره
والحر لا من وقع بالشرك ينصادي=ويصبح أسير الوكر في سبق صقّاره
والواقع المرّ نخفي صورته.عادي=مثل المسارح تحجب الواقع ستاره
نخدع ونكذب ونمكر زيف واحقادي=والناس تبغي تزيد المسرح إثارة
يا حكمة الماضي الأمثال تنعادي=مثل المسلسل به الأدوار مختاره
والفقر بالحكمه أقوى من فقر زادي=وسقم العقل ما يفيده طبّ واعطاره
ممكن تعين الفقير ابمدة أجوادي=بس الغنى لا تعلّم صيد سنّاره
وسط البحر درّ كامن وانت صيادي=والبوصله عقل راجح عرْف بحّاره
لكن على الله يزين الحال باعبادي=جبّار وحده تعلّى فوق جبّاره



وسلامتكم،،،

محمد ضرمان الشولاني العجمي


 
 توقيع : محمد ضرمان الشولاني



قديم 03-04-2012   #19


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي قصيدة تفاكير



صبحكم ومساكم الله بالخير جميعاً

اولا اعتذر عن طول الغياب لظروف حرمتني التواصل معكم فانتم نخبة اتشرف بالتواصل معها

ثانياَ اشكر كل من تواصل معي وسأل عن سبب غيابي وعلى رأسهم المشرف العام ابو غازي واخي العزيز عبدالله المفضلي .

هذه قصيدة احببت ان اشارك بها في هذا الصرح الشامخ والعزيز علي بعد طول الغياب

قصيدة تفاكير!!!

همن توطا خافقي تالي عصير=من لاهجن وسط الضماير سبيله
ينعاد للماضي علينا تفاكير=وتطوى صحايف بالفاعيل ثقيله
يوم المراجل نار ما تبغي الكير=مشتعلتن باعلام قومن اصيله
واليوم منفاخ الردى فيهم يثير=رمادتن تكثح بوجه الفضيله
شانت نواياهم على غير تبرير=وذابت معاني الصدق في وسط غيله
وصارت نفوس الناس مثل القوارير=تملا من افواه الحسد والنقيله
والشارب الي دسمه مخلب الطير=يدسم ولا تذكَر فعول الجميله
وقفات من نكرانها جفت البير=وقضابة ارشاها فلسها تشيله
الا قليلن بالبشر فيهم الخير=فصيلتن يا طيبها من فصيله
تضرب فجوج القاع ما تخطي السير=محشومتن من شين درب الرذيله
يا بعد فرق الحر من رزة الجير=الشكل فارق والفعايل دليله
احدن فعوله تشرح الصدر واتجير=من علتن وسط الضماير عليله
واحدن فعوله تمرض الحال واتصير=مثل الجبل حمله يزيد الحصيله
طبن تطبب له وطبن بعاثير=وطبن تطبابه يشب الفتيله
ويالله ياللي مرسل الرسل تذكير=وياحامين بيته من أشرم وفيله
تصلح امورن اهلكتها المعاذير=وراعي الردى يا رب عجل رحيله


وسلامتكم،،،

محمد ضرمان الشولاني العجمي


 
 توقيع : محمد ضرمان الشولاني



قديم 14-04-2012   #20


الصورة الرمزية محمد ضرمان الشولاني
محمد ضرمان الشولاني متصل الآن

بيانات اضافيه [ + ]
 رقم العضوية : 2409
 تاريخ التسجيل :  10 - 10 - 2010
 أخر زيارة : 15-01-2015 (02:01)
 المشاركات : 575 [ + ]
 التقييم :  10
 اوسمتي
شاعر متميز 
لوني المفضل : Cadetblue
افتراضي الخيانة



مساكم وصبحكم الله بالخير

الخيانة!!!


الخيانة ذنب والصده عذاب=والتجاهل جرم في حق الوفا
والنبيه اللي خذا منها وتاب=والحظيظ اللي كِشف له ماخفا
اتعب الضميان طرده للسراب=لا روى جوفه محاصيله جفا
لا كفيف ٍ نرتجي منه ثواب=مير قدّا به خفوقه ثم هفا
وش يفيد الهرج في ظل العتاب=وش يداوي جرح ما حوله شفا
وش يصبرنا على عتم الغياب=والسراج اللي يقدينا طفا
آه يا قلبٍ عشق خله وذاب=واسكنه بين المحاني مانفا
والحصيله كفّ مليانه تراب= سفّه إعصار الخيانه ثم سفا

وسلامتكم’’’
محمد ضرمان الشولاني العجمي


 
 توقيع : محمد ضرمان الشولاني



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:20


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام