آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 06-08-2009   #1


الصورة الرمزية ضوح النقا
ضوح النقا متصل الآن

بيانات اضافيه [ + ]
 رقم العضوية : 1503
 تاريخ التسجيل :  07 - 06 - 2009
 أخر زيارة : 03-07-2011 (09:20)
 المشاركات : 114 [ + ]
 التقييم :  11
 اوسمتي
المركز الثالث وسام مرثية ريف 
لوني المفضل : Cadetblue
افتراضي ديوان الشاعر / ضوح النقا





السلا م عليكم ورحمة الله وبركاته ...
أتشرف بوجودي معاكم بهالموقع الرائع , وأحب أشارككم بهالقصيده التي أتمنى أن تنال إعجابكم
(مع العلم أنني مبتدئ بالشعر) ؛؛ لذلك أتقبل نقدكم عليها بصدرٍ واسع.
ولكم القصيدة:

وداد السماوي.. ..



عزي لقلبٍ مثل قلبي هواوي = يحب ويعشق ولايكره إلا عدوّه
حتى العدو لولا بعض الهقاوي = كان الغلا والحب معانق سموّه
هذا طبع (فارس) ببعض المناوي = صورتها بإحساس فكره وجوّه
كبرك طبع قاسي وفطرة غلاوي = ولا الهجر خايف يطول مدوّه
بعض التغلي جهل ويصبح خلاوي=لا له لا صاحب ولامعه خوّه
ويصير مثل اللي يدور غناوي = الناس راحت وهو يطالع بغنوّه
ماكل مريض دواه طب المداوي = ولا كل سقيمٍ ينفهم وش خلوّه
أحدٍ يداويه وعود ومنايا ومناوي = وأحدٍ يبي فرقى عديم المروّه
وأحدٍ دواه شوفة عيون وغطاوي =وأحدٍ صغيرٍ توّه على الحب توّه
وأنا دواي شوفة ((وداد)) السماوي = عشقي وحبي من كثره وشوّه
أحبها مثل حب "سعد الخلاوي" = (للحفر) بقوّة هل الطيب قوّه
ولا أملك إلا ذكريات بالحال تاوي =وقتٍ مضى معها بشريطٍ مموّه
داخل محيط المخ ويصيح عاوي = ذيبٍ قنب في داخل الصدر نوّه
إني لحالي الحين صبح ومساوي =خالي قلب والحب مالي ولوّه
الله يوفقها ويسترها وهو قاوي= إنه ينسيها إسمي بشانه وعلوّه




 

قديم 13-02-2010   #2


الصورة الرمزية ضوح النقا
ضوح النقا متصل الآن

بيانات اضافيه [ + ]
 رقم العضوية : 1503
 تاريخ التسجيل :  07 - 06 - 2009
 أخر زيارة : 03-07-2011 (09:20)
 المشاركات : 114 [ + ]
 التقييم :  11
 اوسمتي
المركز الثالث وسام مرثية ريف 
لوني المفضل : Cadetblue
افتراضي أشــــلاء دمّـــي



بسم الله الرحمن الرحيم
مساء الخير على الجميع ,,,
هذي ثاني قصيدة أنشره بالمنتدى ...
وأتمنى أن تحوز على إعجابكم ,,
وهي بعنوان

أشلاء دمّي .. ..


الحزن والقرطاس وأشلاء دمّي=وحبر القلم والبرد وأصابع الموت
تغتالني والوقت ماهوب يمّي=دقايقه تمشي وتسرع لتابوت
لو كنت له أصيح وأقول همّي=رجع صدى قلبي يجاوبني الصوت
برد العروق وضلوع صدري تلمّي=مايدفي نار الحشاء وملابس الكوت
القلب لو يشكي نثر كل غمّي=وهزيمته دايم في حرب جالوت
هزيمةٍ نكراء وبعده يسَمّي=كل الأماكن كذب والصدق ممقوت
أصل الزمن لو صار ضده مهمّي=همٍ يهم القلب ويصير مكبوت
بسجن الوهم محكوم حكمٍ يعمّي=ولايخص به قاضي والأمن مفلوت
والقلب ومحاميه من دون ذمّي=ما أستثير لقولهم والشك مكتوت
إحساسي لو شارني بشئ تمّي=وش دخل القلب يوم يوزع التوت
توت الحشاء مافيه سمٍ يسُمّي=فيه الحلا والزين والشرب والقوت
حفظت درس البعد وصميت صمّي=وبمدرسة فرقاه تفوقت يانوت
وشهادة الحزن الأسير المِتمّي=مبروزه بصدري وبضلع منحوت



ضـ,ـ,ــوح الـ,ــنـ,ــقـ,ــا


 

قديم 24-06-2010   #3


الصورة الرمزية ضوح النقا
ضوح النقا متصل الآن

بيانات اضافيه [ + ]
 رقم العضوية : 1503
 تاريخ التسجيل :  07 - 06 - 2009
 أخر زيارة : 03-07-2011 (09:20)
 المشاركات : 114 [ + ]
 التقييم :  11
 اوسمتي
المركز الثالث وسام مرثية ريف 
لوني المفضل : Cadetblue
افتراضي عشت مجبور



بسم الله الرحمن الرحيم

مساء الخير على الجميع

نعود إليكم من جديد ونحمل لكم الجديد ,,,

وأتمنى أن تحوز القصيدة على إعجابكم ...

عشت مجبور .. ..


ياللي تزين الدار يا(ساكن الدار)=تضوي قناديلك زوايا من الدور
تنور على حيّك ويفرح بها الجار=عقب مابالدنيا سنا نور ديجور
إستحوذت جدران بيتك لهب نار=كنّه على لقياك تستنبط النور
ياللي على درب المحبه بعد سار=دربك خضر مابه بوايك ولاسور
بيبان هجرك تقفل بشارعٍ مار=ولاتنفتح مابه مشاور ولاشور
لاصرت أنا الداعي والقلب مغوار=والصدر كله شعر والفعل مخبور
لاتلتفت للناس .. ولاتروي أخبار=لاصار (بيت الحب) مبني ومعمور
ما أبي يلف الوقت والوقت دوّار=ما أبي أعيش الحزن ,,, وأعايش الدور
وإن كانها صارت وخلي علي جار=قبلي يغنيها طلال (عشت مجبور)


فارس العلياني


 
 توقيع : ضوح النقا

ياصاحبي هذا زمننا غدا أقطاعـ**وفي كل قطعه : مذهب ومنهج ولون
إن طعت نفسك هذا وقتك ولا "طاعـ"**وإن طعت وقتك نفسك تزيدها (غبون)
يعني تجيبه / يمين / وتجيك :: أرباعـ**يعني تجيبه / يسار / وتجيك :: بالهون
مار * الصبر * يغلب علينا (التطبّاعـ)**ولو ما صبرنا "شابت الروس ودقون"

* فارس الشايع *


قديم 30-08-2010   #4


الصورة الرمزية ضوح النقا
ضوح النقا متصل الآن

بيانات اضافيه [ + ]
 رقم العضوية : 1503
 تاريخ التسجيل :  07 - 06 - 2009
 أخر زيارة : 03-07-2011 (09:20)
 المشاركات : 114 [ + ]
 التقييم :  11
 اوسمتي
المركز الثالث وسام مرثية ريف 
لوني المفضل : Cadetblue
افتراضي (سعود وزياد) قصيده بالحادث



بسم الله الرحمن الرحيم
صباح / مساء الخير على الجميع من مشرفين وأعضاء وزوار ,,,
حبيت أنشر قصيدتي بالأخ الغالي / سلطان خلف الدهام العلياني , على خلفية الحادث الذي وقع له ولإسرته ..
وأبغى أثّبت طيب الرجال اللي فزعوا معنا وخففوا علينا مصابنا الجلل "

الله يرحم (أم زياد) ويغفر له ويسكنه فسيح جناته , والله يشفي (سعود وزياد) اللهم آآآمين...

ولكم القصيدة ::
(سعود وزياد) قصيده بالحادث .. ..


أيامنا من وين تجري على وين=واللي يقول الصدق ماهو بمسكين
تجري بنا الأقدار والوقت دوّار=لكن عوضنا ربنا قاسم الزين
أنا أحمد اللي من ترجّاه أعطاه=واللي يـبي الغفران عيده بعيدين
الـواحد المعبود مافيه غيره=خلق لنا الجنه .. إذا تَتبع الدين
صوادف الأيام للعمر صَكّه=تِكتب لنا بكتاب وتشوفه العين
بس إصبروا ثم إصبروا يارفاقه=صبرٍ مع النسيان ثم ربك يعين
(سلطان) يا أبو زياد ياكبر عزمك=أنا أشهد إنك بحاميات البراكين
ترسي كما رسو السفن في بحوره=فيها الهبايب ماتجدعه يسار ويمين
فقدت أم عيالك يالله ترحم=ترحم "أم زياد" قولوا معي آمين
وتغفر لها ذنبه وتقبل عملها=وتجبر لأهلها مصابهم إجلي البين
يالله تختم لي بمسكٍ ومثله=قرآن تقرأ صايمه ويوم الإثنين
ويالله تشفي عيالك (سعود وزياد)=وجِعلك ماتفقد واحدٍ من هالإثنين
و((سديم)) يحفظها لكم ياجماعه=لاشفتها سالت دموعي من العين
وأنا أحمد اللي من ترجاه ماخاب=على السلامه وعقب هالعسره اللين
ومادام إن الوقت بدري وتوّه=أبمدح رجالٍ مع الشده تبين
(منصور السحيمي) سحابة مراجل=تمطر على قاعٍ ما يسقى من سنين
معاه إخوانه رجال البطوله=بانت فعول الطيب رجالٍ مسَمين
فزعوا لنا بالخير والخير فيهم=نعم الفعل والاسم نعمٍ ونعمين
ولا أنسى (ابن ملبس خالد) ماقصّر=(المحمدي) للمرجله بالعناوين
قلته وأنا شاهد على كل ما صار=واللي تشوف العين أقصده في حين
شاعر وأقول الحق في كل حاله=وأعطي حقوق الخلق وأعدل موازين
تمت قصيدة فارس الشايع وهو=يرجي من الله يرجع النور نورين
وصلاة ربي على النبي عِداد وعِداد=ما أنبتت هالأرض ورد ورياحين


وسلامتكم ,,,
فارس محمد فهيد الشايع
الخميس : 16/9/1431 هـ


 
 توقيع : ضوح النقا

ياصاحبي هذا زمننا غدا أقطاعـ**وفي كل قطعه : مذهب ومنهج ولون
إن طعت نفسك هذا وقتك ولا "طاعـ"**وإن طعت وقتك نفسك تزيدها (غبون)
يعني تجيبه / يمين / وتجيك :: أرباعـ**يعني تجيبه / يسار / وتجيك :: بالهون
مار * الصبر * يغلب علينا (التطبّاعـ)**ولو ما صبرنا "شابت الروس ودقون"

* فارس الشايع *


قديم 01-02-2011   #5


الصورة الرمزية ضوح النقا
ضوح النقا متصل الآن

بيانات اضافيه [ + ]
 رقم العضوية : 1503
 تاريخ التسجيل :  07 - 06 - 2009
 أخر زيارة : 03-07-2011 (09:20)
 المشاركات : 114 [ + ]
 التقييم :  11
 اوسمتي
المركز الثالث وسام مرثية ريف 
لوني المفضل : Cadetblue
افتراضي ديوان الشاعر / ضوح النقا




السلام عليكم ورحمة الله وبركاته

مساء الخير على الجميع : المشرف العام والمراقبين والأعضاء واحد واحد ...

آآآآسف على التأخير وذلك بحكم النقل إلى حائل وظروف العمل المرهق ؛؛؛

لكن نرضيكم وخاصةً :(أبو غازي) بحكم الرسائل اللي لقيته قبل شوي بالبريد
وحرصه الدائم على تواجد الأعضاء بإستمرار بهذا المنتدى الشامخ ..

والقصيدة بعنوان :



عطني قدوعك.. ..


تـعـال وإســق القـلـب مـــن كـــل يـنـبـوع=وصـلــك وشـوفــك والــحــلاوة بـنـوعــك
مـا أبـي تـرى رشـفـه ولا أبـيـك قـرطـوع=أبي أنــا الدلـــــــــه و(عطـنــي قدوعــك)
أبـاكـلـك قـطـعـه تــرانــي عــلــى جــــوع=وأســـد بـــه شـوقــي وقـلـبــي يـجـوعــك
غـرامـك السـاكـن بـصـدري لـهــا طـــوع=وضـلـوع قـلـبـي تحـتـفـل فـــي رجـوعــك
لقـيـاك سـاحـه وسـطـهـا قـلــب مـجــدوع=وأسـوارهــا أشــــواق خــافــق يـمـوعــك
وعـلـى جــدار القـلـب اسـمــك ومـطـبـوع=وحـروفــك بـعـيـنـي يـاعـيـنـي دروعــــك
أشفـق علـى وصلـك تــرى حالـتـي لــوع=محـبـتـي طـبـعـي وأنـــا أبـغــى طـبـوعـك
مــا أبــي أنــا بـعـدك ولــو شـبــرٍ وبـــوع=ولا أبـــي أشـاهــد دمـعـتـي ولا دمـوعــك
وصلـك تــرى صـايـر مـثـل حـبـة الـكـوع=ولا أبــي أطـفـي شـمـعـةٍ مـــن شـمـوعـك
وختـامـهـا أحـبــك وحـبــك بـــي فــــروع=تأصــلــت فــيـنـي وأنا "أقــدع قـــدوعـــك"

ووووسلامتكم ::::

تحياتي ,, ضوح النقا


 

قديم 16-02-2011   #6


الصورة الرمزية ضوح النقا
ضوح النقا متصل الآن

بيانات اضافيه [ + ]
 رقم العضوية : 1503
 تاريخ التسجيل :  07 - 06 - 2009
 أخر زيارة : 03-07-2011 (09:20)
 المشاركات : 114 [ + ]
 التقييم :  11
 اوسمتي
المركز الثالث وسام مرثية ريف 
لوني المفضل : Cadetblue
افتراضي مطلبي في غيابك



السلام عليكم ورحمة الله وبركاته

مساء الخير على الجميع...

قصيدتنا لهذا الإسبوع بعنوان : * (مطلبي في غيابك) *

وهالقصيدة إهداء لكل من... : * ذاق طعم الفراق *
بعد أن... : ""إرتوى كأس الهوى ""

مطلبي في غيابك .. ..


مشاعري جادت على كل معلـوق=حب وأحاسيس ووله فـي غيابـك
أحيا على وصلك ويحيا بك الشوق=شوق الغرام اللـي تعنّـا وجابـك
جالك غرامٍ ماشعـر فيـه مخلـوق=إلا أنـا حسّيـت لهفـة سرابـك
يدق جـدرانٍ وأسـوار وطيـوق=جالس على شانك ويـدق بابـك
إفتح لشوقٍ بات من غيـر منطـوق=من كثر ماينطق بقولة: (هلا بـك)
أهلاً هلا يـاذوق يامنبـع الـذوق=أهلاً هلا والقلـب مايـوم تابـك
ذابت لك عروقٍ وذابت بك عروق=تذوب من شدّة غرامٍ سـرى بـك
إسأل (وريد الدم) عن حب مخفوق؟=مزيج من : لونك وزينـة شبابـك
يجاوبـك إيـه المحبـة لهـا سـوق=في قلب للعشرة على طول شابـك
شوفة عديل الروح ياروحي بمـوق=تسوى كنوز الأرض و"أموال سابك"
وشوفة حليل القلب والزول ممشوق=هي مطلبي يا (مطلبي فـي غيابـك)


تحياتي ::: فارس الشايع (ضوح النقا)


 

قديم 15-05-2011   #7


الصورة الرمزية ضوح النقا
ضوح النقا متصل الآن

بيانات اضافيه [ + ]
 رقم العضوية : 1503
 تاريخ التسجيل :  07 - 06 - 2009
 أخر زيارة : 03-07-2011 (09:20)
 المشاركات : 114 [ + ]
 التقييم :  11
 اوسمتي
المركز الثالث وسام مرثية ريف 
لوني المفضل : Cadetblue
افتراضي قصيدتي بمناسبة عودة الملك عبدالله *( شمّر خوالك )*



بسم الله الرحمن الرحيم

قصيدتي بمناسبة عودة الملك / عبدالله بن عبدالعزيز - حفظه الله - إلى أرض الوطن ,,,

" "

شــمّـــر خــوالـــــك .. ..


جتني هواجيسٍ وأنا تالي الليل=وتقول لي قصّاد وين القصايد
ما أبغى غزل ولافراق ومواويل=أبي الفرح داخل حروف الفرايد
إكتب فدتك علوم ماله تماثيل=إكتب وعطنا من جميل الحصايد
وأمي تحرّضني وأنا لأجلها سيل=وتقول ياوليدي ترى الفرح زايد
بعودة مليك الخير شعبه له يميل=وقلوب مالت لأجل شوفه تعايد
وهذا الوطن تضحك شوارعه بالحيل=حتى تراب الأرض طربان وايد
ثم أنوَرت قَفر الأراضي مفاليل=وإستبشرت من هو يلومه يافايد
هذا مليكٍ فاح طيبه معاميل=هذا مليكٍ صار للخير رايد
هذا مليكٍ قدم العود والهيل=ودلال فعله ذاقها كل نايد
كسب قلوب الشعب أفواج ترتيل=والعالم أجمع وكل ذيك البدايد
أنا أشهد إنه صارم وغير حلحيل=وأنا أشهد إنه من صقورٍ فرايد
حبّه تعدّى حب مصرٍ لهالنيل=ألا تعدّى حب دبي زايد
مايوصف شعوري حروف وتقاويل=ولايكفي شعوري صحايف جرايد
مهما كتبت من الشعر بأزرق الميل=ما كفت بوصف الفرح هالقصايد
شمّر خوالك هالقروم المشاكيل=تفداك دام الروح حيّه وكايد
شمّر خوالك هالرجال الحلاحيل=تفداك مادام الجسدلللحايد
خذنا لك جنودٍ عيال ورجاجيل=خذنا لك سلاحٍ على كل بايد
خذنا لك الدرع الموثّق على خيل=خذنا لك قرومٍ وساع البنايد
خذنا لك الصرح المبنّى تهاويل=يحميك من دونك يشب الوقايد
ومن هو يفكر بس للأمن تخليل=بس نذبحه ذبحة جضيع الوسايد
ومن هو قلب راسه كثير التحاليل=وأصبح على شئٍ بغيضٍ محايد
نقول له ول للخلا مثلك يشيل=تفكير سطحي والمطامع مكايد
ياناس ياعالم ترى الوضع تعليل=واللي فهم قولي لايمكن يزايد
عمرك تشوف الأم تعزل عن الشيل=وتشال عن طفلٍ رضيعٍ يدايد
ولا الطفل محروم من عطفها حيل=وتقفي ويشّر يم أمّه سنايد
هذا الطفل حنّا وملكنا لنا يشيل=وهذا الوطن بيتٍ وسيع البدايد
يضمنا أسرة وحيدة تماثيل=وعادات نخوة طيب من فعل قايد
قايد مسيرة خير مثل الهماليل=تمطر سخا من كف جوده عوايد
حنا الوطن لأجل الوطن ندبل الحيل=ونقوم بالواجب نشيل الحدايد
ونضرب بها من هو غدا فيه تشكيل=ومن هو غدا بألفين فكرة لدايد
لك الوعد منّا وشمّر حلاحيل=حنا معك دايم ولايد ولايد
لعيونك اليمّه ندوجه على الخيل=ولعيونك القمّه وعدنا الوعايد
بالمختصر وينوب كل التفاصيل=ولا الكلام يطول شرحه بزايد
إنت المليك اللي له أفراحنا سيل=وقلوبنا مالت من أجلك تعايد
يومك وطيت أرض الوطن بالتهاليل=إستقبلك شعبك يشوفك ياقايد
وأكرره وأكرره بالتقاويل=شمّر خوالك دون عينك ولايد
وصلوا على محمد عدد ماء الهماليل=وعِداد حرفٍ إنطبع بالجرايد
فارس الشايع


 
 توقيع : ضوح النقا

ياصاحبي هذا زمننا غدا أقطاعـ**وفي كل قطعه : مذهب ومنهج ولون
إن طعت نفسك هذا وقتك ولا "طاعـ"**وإن طعت وقتك نفسك تزيدها (غبون)
يعني تجيبه / يمين / وتجيك :: أرباعـ**يعني تجيبه / يسار / وتجيك :: بالهون
مار * الصبر * يغلب علينا (التطبّاعـ)**ولو ما صبرنا "شابت الروس ودقون"

* فارس الشايع *


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:34


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام