ديوان الشاعر / شفاقه بريكان الحسيني

نصيحة شاعر .. ..

	ياالشباب الله يعينك ويهـــــــــداك=لاتطيع اللي على الموت صلقك اترك الدخان وتب عـــــــن خطاك = قبل تيبس عروقك وينحت ورقك كيف ترضي بليس يرتع في حماك = تطعمه من بدنــــك وكــد عرقك شف أثار اللي تدخل في حشاك =بالسنون وبالبراطـــم يبين حرقك لاهو أكلاً تاكله ولايروي ظمــــاك=بلغماً إن تنفســــــــته اخنقك خوته مثل خوة الخبــــل إذا ولاك =لو تقـــول له إنزح وراك فلقك لاتدمر صحتك اللي الله عطــــاك=تحرق النعمـــــة اللـي الله رزقك لو تناظر لمبتــــــــــداك ومنتهاك =ربك اللي كـــونك هو ليه خلقك؟ عن طريق التهلكـــــه ربك نهاك =لاتعاند اللي بالبيــــــــان وثقـك ولاتناظر اللي ضرب درب الهلاك =ناظر اللي على الخيـــر سبقـك أذكر اللي يحسب أيامك وراك=إن قضى أجلك لو تطـــير لحقك خذ نصيحة من لايبـي ردة ثناك=قبل يقضي عليك أويموت شنقك النصيحة ماتنقـــــــص مستواك=إن تركت اللي قنيتـــه وأسرقك

قصيدة الشاعر شفاقه بريكان الحسيني

نـــصيحه للشـــباب والشيـاب .. ..

	أول مبداي ابي اقول صلاة على الرسول=النصيحه بالمعقول تذكير للي مايدري انا ابي اهدي لي نصيحه عطيه ماهي منيحه=حيث ان الدين النصيحه ياابن وانت تدري للجيل الاول والتالي شباب ومنهم وعيالي=تذكر يا الشاب الغالي لاتنسى الموت وانت تدري ان اخطيت تب عن خطاك ترى الموت ماينساك=ماوطا الاول يطاك ياابن ادم وانت تدري أنا اشووف بعض الشباب للمعاصي مايهاب=من دخان ليا شراب ياخذها وهو يدري يعرض نفسه للأسباب مايحسب للدنيا حساب=كيف تنام ببيت الداب يا ابن وانت تدري بيت الداب السرطان واسبابه شرب الدخان=وين راح فلان وفلان يا ابن ادم وانت تدري ياخذ الاجازه خارجيه خسران بالميه ميه=الله العالم بالنيه يا ابن ادم وانت تدري فكر ياقليل الميز حكم عقلك بالتركيز=كيف تروح تدور الايدز يا ابن ادم وانت تدري اقض الاجازه ببلدك وريح بالك وجسدك=بالخارج لاتبسط يدك يا ابن ادم وانت تدري تزوج لك بنت حلال مستورة وبنت رجال=وترتاح ويجيك عيال ياابن ادم وانت تدري اسمع يالشاب الحبيب خذ كلامي بالتريب=ترى المراجل والطيب بالنزاهه وانت تدري النزاهه ترك العيب تبعدك عن العذاريب=وانت شاب قبل الشيب ترفع شانك وانت تدري إذا بشبابك ماطبت ماظني تقدر اليا شبت=لو حاولت ولو جربت يا ابن ادم وانت تدري ياشباب الله يهداك امتثل لأمر مولاك=اللي صورك وسواك يا ابن ادم وانت تدري افيدك با أربح بضاعه صلاة مع الجماعه=ماتكلف ربع ساعه يا ابن آدم وانت تدري بعض الشياب متجاهل بأمور الدين متسآهل=وانت تكلم ماهو جاهل وان نصحته يقول ادري هو يقول الله رحيم وانا اقول الله كريم=لكن عقابه عظيم يا ابن ادم وانت تدري فكر يامسكين الحال وش قدمت من الاعمال=لاتصير من الجهال يا ابن ادم وانت تدري انت مخلوق للعباده عاذك الله من القراده=لاتصير ضعيف اراده يا ابن ادام وانت تدري شباب او كنت شايب إذا فارقت الحبايب=وحطوا عليك النصايب يا ابن ادم وانت تدري إذا بالقبر حطوك ناكر ونكير جوك=وعن ثلاثه انشدوك وش جوابك وانت تدري إذا انت من المقبولين نطقت الجواب الزين=إذا جوك المحاسبين يا ابن ادم وانت تدري الله يقدي جوابك وبالقبر يخفف عذابك=وعسى يخطينا ماصابك ان كان جوابك هـآه؟ لا أدري اطع شور من لا غشك قبل وكيلك يقشك=وإذا مت يوزع قشك يا ابن ادم وانت تدري ياسالمين العقول النصايح له مفعول=والدنيا تبي تزول يا ابن ادم وانت تدري وختمه صلاة وسلام على النبي الانام=عدد ماناح الحمام وعدد ما بالكون يجري

الشآعر / شفاقه بريكان الحسيني الشمري

بسم الله الرحمن الرحيم

هذه القصيدة نصيحه للفتيات وكان قبلها نصيحه للشباب والشياب

نصيحــــة للفتـــــيـــآت .. ..

	بسم العزيز الوهاب خالق آدم من تراب=عآلم ما بآن ومآغآب من جميع الكآئنآت بأسمه بديت وسميت وعلى نبيه صليت=ولنشر النصيحه نويت بديت بنظم الابيات ابيات له لون وطرز مازونات ماهن غرز=للي قلبه حي حرز مهديهن للفتيات اول نصحت الشباب كلام على صواب=وان جاني منهم عتاب نقول اللي فات مات اليوم ابي انصح بناتي ومعهن شريكة حياتي=والبعيدات وجاراتي من جميع الطبقات النساء من مجتمعنا حنا منهن وهن معنا=واللي ينفعهن ينفعنا النساء هن الامهات ابي اوصف طبايعهن قبل توخذ ودايعهن=عسى النصيحه تنفعهن قبل هدام اللذآت النسآء لهن طبآيع منهن العاصي والطايع=ومنهن المرعي وضايع كاسيات عاريات النساء بهن شنّآيه طبع له لو مالها غايه=كلامه ماله نهايه دايم لجات وصجآت والنساء منهن فتانه دايم تسمع بأذآنه=من قول فلان وفلانه تنشره على الجآرآت والنساء منهن عروفه مآيلحق زوجه كلوفه=دآيم تنآظر ظروفه وتعرف ظروف الحيآة والنساء منهن لوآمه أن جآء زوجه من دوآمه=وإذآ هي واقفه قدامه كاتبه له طلبات قال انا جاي من الدوام تعبان وأبغى انآم=قالت لاتكثر الكلام ارجع هات الطلبات قال والله فلا معي العود مديون وعلي قصود=بكفيل غآرم وشهود وثلاث قصود حآلآت قالت ماعلي من الدين انا ابي كل شي زين=طلبي تجيبه الحين ولاتنفعك العذآرآت والنسآء منهن قنوع من حسينآت الطبوع=لو أنه تموت جوع مآ قآلت لزوجه هآت والتشبيه والتقليد يا بناتي مايفيد=وراه وعيد وتهديد بــالحيآة وبـــالممآت قصقصة شعر الروس لاهو سلم ولانآموس=بس ضعيفات النفوس يبن مثل الكآفرآت وعسى اللي عرفت عذروبه ان الله يرزقها التوبه=من تابت تغفر ذنوبه وأسمه مع التوآبآت ومن تابت توبه نصوح ذنبه السابق ممسوح=وباب الجنه له مفتوح تدخل مع المحسنآت وآخر موضوع الكلآم بأزكـى صلآه وسلآم=على نبي الأنآم عدد رمل الذآريآت

الشآعر / شفآقه بريكآن الحسيني الشمري

السلام عليكم ورحمه الله وبركااته


الفيه الشاعر الشيخ \شفاقه بريكان الحسيني الشمري
وقد قالها عااام 1382هـ

ألفيه الشاعر الشيخ\شفاقه بريكان الحسيني الشمري .. ..

	= ( الألف ) ألف أولف من كلام بترتيب = قيل على درب القدا والمواجيب أظن مابه منقدية ولا عيب = كلام احلى من طعم درّ الأبكار ابكار بكّر بالزمان اختلافي = دور على الأجواد مابه عوافي اقفى وخيله بس تركض مقافي = ياما سهج من خيّر طاح ماثار = ( الباء ) الباء بعيني شفت شيٍ هوايل = شيٍ يهيل العقل عدل ومايل تذكروا ياأهل القلوب الهبايل = باللي نزل في جزء عم والأسطار أسطار سطرات الليالي تلوعي = ياما وطت من حاكمٍ له جموعي بالكون قومه يلبسون الدروعي = راحوا ولا منهم بقى كود الأذكار = ( التاء ) التاء تفكر بأمر دينك ودنياك = تر ماوطى الأول لزومٍ ياطاك لاتحسب ان الموت يسهى وينساك = تراه حتمٍ كود يسقيك الأمرار أمرار ياجاهل ترى الموت سنّة=احسن بيسرك فبل عسرك يكنّه وافهم نبأ ما أقول لاتحسبنّه =سوالفٍ يقولها كل هذّار = ( الثاء ) الثاء ثقيل اليا ثقل رأس مالك = كلن يبي قربك ويرغب قبالك واللي تبي لو ما وصلته عنالك = وان قل ماعندك خطيرٍ من العار عار تعيّر به يقولون يالهيس = وتصير بعيون العرب كنك ابليس لو انك تجدع بالدبيله ملابيس = غديت ماتسوى ولاربع دينار = ( الجيم ) الجيم جنّب عن طريق النميمه = والكذب والبهتان هو والنميمه لو انت تأخذ من وراهن غنيمه = مذكور ان أصحابهن هم هل النار نار خلق ضده نعيمٍ مقيمي = حدايق الفردوس ضد الجحيمي خلاّقها محيي العظام الرميمي = جنات عدن يجتبيها للأبرار =( الحاء ) الحاء حدث دورٍ وأمورٍ غريبه =شيٍ قبال العين ما ينحكي به كيف الفتى ينهج يطالب نسيبه =يامن خبر ياللي للأدوار خبّار خبار من خلقت وطاه وسماها = ماقالوا الأجواد باعت نساها صارت تجاره والمكاسب وراها = بيعن مثل بيع العبيد وهن أحرار =( الخاء ) الخاء خسر من يبذل الطيب باللاش =مثل الذي يدفق صميله على الطاش يبي يزيّن ماء البحر مار ماباش = لو هو يزين مزيّنه كل مدرار مدرار مادري الردي بالجميله = إنه مع الطيّب سواة العديله اليا إحتجتها من دون شكٍ تجيله = تلقاه عنده مانواه بالانكار =( الدال ) الدال الدنيا يكفي الله شرّه =تقبل وتضحك لك وضحكه مغرّه ياما تمكّن ثم توريك حرّه =تقلب عليك وتسمرك لك بمسمار مسمار مسماره يفك الحديدي = ماتلّحق اليا أقفت مداها بعيدي يبيد طرّاده وهي ماتبيدي = وتعرّض اللي يطرده درب الأخطار = ( الذال ) الذال ذلّت للولي كل قوة = وذلّت من الأنذال أهل المروة أمرٍ غريب ٍ ماحدث كود توه =هل الندا صاروا عباة وهم أمّار امّار مار ان الاماره لها ناس = ماتستوي للي يبيها بلا قياس تبي مع التقوى جدارٍ على ساس = ولا حدٍ ذكر من دون ساسٍ بنى دار =( الراء ) الراء رأيك يافتى لايغرّك = جنّب عن الرأي العمى لايضرك اليا صار قبل عادته مايسرك =خلّه وتلقى مع صليبين الأشوار أشوار شاور من برأسه شكاله = صمصيم رأس الشور حلحيل قاله اللي اليا جيته على كل حاله = فتلّك الرأي المضوفر بالأفكار =( الزاء ) الزاء زلاّت الرفيق اغض عنها =تر سامح الزلات يعطى ثمنها لاتجادله تبلش بتالي شطنها = مجادل الأقراب مابه لك افخار افخار تفخير الفتى من نصيبه =ان جاد حظه صار مامثل طيبه واليا تردى بان للناس عيبه = والحظ تر مابه طباخٍ اليا بار =( السين ) السين سدك ودّعه من يضمّه = وديع سد ما عطى سدّه أمّه رفيقك اللي هم حالك يهمّه = لابأس يصلح بينكم كشف الأسرار أسرار اليا منّهطرالك طواري =تعطيه غاية مقصدك ماتداري ومن عاش ماله في زمانه مباري =دزّه عمى رايه بغبات الابحار =( الشين ) الشين شر الناس لافات خلّه = جنّب عن الشاشات واترك محلّه وش قال راع القيل يا فاطنلّه=ينصح بقيله عن طواريق الاشرار أشرار تر الشر مثل الشراره = ان طبت الغابه يزود استعاره صارت دخاخينٍ يهوّل غباره =ويكبر لهبها اليا تقاربت الاشجار =( الصاد ) الصاد صبرٍ بالله المستعاني = الصبر مفتاح الفرج والأماني صبر الفتى له من خيار المعاني =وابو زويد قال مافيه تعبار تعبار ناظر وش يقول المهادي = الصبر مذكور عليه اعتمادي هذاة شيٍ يالسنافي وكادي =به تكسب القدرة وبه تأخذ الثأر =( الضاد ) الضاد ضدك اليا تلاين جنابك = يضرب عليك اليا مشى مايهابك يرمي بحيلاته يدوّر ذهابك = حولك يحاول حفر شركك بمحفار محفار محفار العدو البطيني =يقرص كما العقرب وهو مايبيني ابعد عنه لاتجعله لك خديني =لا تأمنه حذرا ترى الضد غدار = ( الطاء ) الطاء طلبت اللي على الخلق عالي=طالبك يامعطي العطايا الجزالي يارب مقصودي يزين أعمالي = ياباعث الأرض المحيله بالأمطار أمطار بأمرك مزنها يستهلّي =ياملحق العظم الهزيل المتلّي ياللي لحكمك بالغداري نصلي =أسأل منك العفو ياوالي الأقدار = ( الضاد ) الضاد ضيفك حيّ به يافتى الجود = وصغّر له النفس الكبيرة عن الزود وقلّط له اللي بين اياديك موجود = وقلّه مثل ماقال بيطار الأشعار اشعار شعّار بيوته بياني = ثلاثةٍ خلّك لهم مرحباني ضيفك وجارك والخوي الهداني =لابد ماكلّن يسولف باللي صار = ( العين ) العين عن من ينقل الهرج ريبا =لو عنده آيآت تحسبه خطيبا تراه على الكلمة سواة الرقيبا =واليا سمعها حطها كبر سنجار سنجار سمكري السوالف يزيده =يغويك زوله بالهدوم الجديدة اليا ماتعرفه تحسبه وليدة = وهو نجس أنجس من جناحين اباذآر =( الغين ) الغين غاب الذهن اليا أفكرت بالناس = مالونها واحد طبوعه والأجناس منهم كما الفضة ودانات ونحاس =الاسم كله ناس وعقولها أطوار أطوار بأرزاقه وفرق العقولي =مثل الحفور الطامنه والتلولي وأحمد وصفهم بالمعاني يقولي =منهم تنك يبرق على جرم فخار = ( الفاء ) الفاء فراق اللي فراقك يريده = فرقاك عيدٍ له وفرقاك عيده لاتقاربه ترضى لنفسك زهيدة =ارحل وبدّل منزلك عنه بديار بديار أجاويدٍ كرام حمايل = اللي لهم خط ٍ على الناس طايل أهل المروة والندى والنفايل =اللي على العليا قديمٍ لهم كار =( القاف ) القاف قل للي يريد المديحي =اللي شفيٍ بالمراجل يشيحي يتعب على الطولات مايستريحي =يحط حوشه بس بكتار وبهار بهار بذل النفس والمال قادي = اليا صار ماتبذل بطرق الفسادي النقر بأسبابه وحوشٍ تصادي = اليا جهلت افطن لبيت ابن عمار =( الكاف ) الكاف كن بحكمة الله راضي =تر المقدّر ماعليه اعتراضي شيٍ يصيبك وين ماجضت جاضي = خلّك لحكمة مالك الملك صبّار صبّار تر كثر التشكي سماجه = والحكي بالفايت وكثر اللجاجه نقصان عقل ولابهن قضي حاجه = كود التصغّر والتفغّر والادبار = ( اللام ) اللام لاترضى لنفسك هزيعه =عزّه عن التدنيق خلّه رفيعه واللي يدوّر هكعته لاتطيعه = تصير طيرٍ قص ريشه ولاطار ماطار ناظر وش يقول ابن حشاش =لاتحسبن الطير ينتف وينحاش تراه لولا الريش جزمٍ فلا عاش =الاّ ولاأظن يتقماه صقار = ( الميم ) الميم من ينقل من الكبر مثقال = ورد خريفٍ من لظى يشعل اشعال ماينفعه تزيين عذره والأقوال =عند الولي ماينفعه زين الأعذار أعذار راع الكبر ماهي مليحه = يوم المحاسب والمعاتب قبيحه راعيه يبشر بالشقى والفضيحه = الكبر حبله للمياهيف جرار = ( النون ) النون ناسٍ مشقيه كثر ماله =كلّن يحسّب بالسنة وش غداله ألهاه كثر الحوسبه عن أعماله=يما وصله الموت قصار الأعمار أعمار ياما عمّرت من عماره =جابوا له الاستاذ شمرخ جداره لابد عقب الشمرخه من دماره = لو جوًدوا بنيان ساسه بالأسوار =( الهاء ) الهاء هواي الفوز يوم الحسابي =يالله عطني في يميني كتابي يامهوّنٍ كل الامور الصعابي = ياواحدٍ حكمك على الناس ماجار ماجار حكمك ياوسيع البنايق = يافارج الضيقات عن كل ضايق ياعالمٍ بإجلالها والدقايق = يامطعم الداب العمى بلج الاطيار = ( الواو ) الواو واللي له نصلي بالاشراق=الواحد اللي رافعٍ سبع الأطباق اني فلا قلت التماثيل ملاق=حتى يقال فلان بالشعر بيطار بيطار بدعي للمثل يوم فكرت =وعن مايشوفه ناظر العين عبّرت للي غدا عن درب الأجواد ذكّرت =والله ذكر بالشعر حكمه وتذكار =( الياء) الياء ياعل اللي سمع هالمثايل =تصير له مع كل دربٍ دلايل يضرب طريق الرشد ان كان عايل=ويترك طريق أهل النمايم والأشرار أشرار شرّيت النصايح بتصطير =دلايلن للي يبي مسلك الخير وصلاة ربي عد مارفرف الطير =على النبي الهاشمي سيد الأبرار