آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 19-10-2011   #11


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي الاسم (حايل ) بس هي سلوة الروح



الاسم (حايل ) بس هي سلوة الروح !!! ..

حايل جميله والحبيبه جميله=هاذي لها المهجه وهاذي لها الروح
مافيه فرق الا عبايه وشيله=متشابهات بحدْ نفسي على البوح
قبل ارجع لحايل ظميت استخيله=يبست عروقي واصبح الصوت مبحوح
ابكي عشر ساعات كانه قليله=بااليوم لين الورق علمته النوح
من عاش باالغربه حياته ذليله=يومه عذاب وليله هموم وجروح
البعد ماعمره سأل عن قتيله=يفرح ليامن شاهد الصب مذبوح
لو تطلبه يرحم نفض لك شليله=يقول مالي باالمجاريح مصلوح
ينكر وهو يشفي بقلبك غليله=البعد في ذلْ الملاهيف مشفوح
من يعشق الغربه مضيٍع دليله=تسومه التعذيب ويعدًه مزوح
كانت معي في شوف حايل بخيله=حسبي عليها خلت السر مفضوح
ماتدري اني لالمحت (الرعيله)=يستر بالي والغثى عنٍي يروح
حبيبتي ماني مدوٍر بديله=الاسم (حايل) بس هي سلوة الروح


 
 توقيع : احمد الجريفاني



قديم 20-10-2011   #12


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي حتى الرجل ملزوم تسئل عن امه (من ارشيفي)



حتى الرجل ملزوم تسئل عن امه (من ارشيفي) !!!


سبحان من حط البشر عدة اجناس=شخصٍ حبيب وشخص كلٍ يذمه
شخصٍ كلامه ذوق واقباله اوناس=وآخر اهانات البشر كل همًه
النذل يستانس ليا عذرب الناس=و الداب يفرح لانفث فيك سمًه
الحقد في قلبه بحر ماله قياس=حب الاذى للغير يجري بدمه
من يدمن التجريح يبشر با الافلاس=لو عاش مية عام محسوب رمًه
يعيش عيشة ذل ضايع ومنحاس=ابوه يشمت به وخاله وعمه
محدٍ يصادق شخص ما عنده احساس=حتى الزهور تموت لاجا يشمه
لو با النعل بعض الرجاجيل ينداس=يفرح لان النعل مقباس فمًه
مرسول زمرة حقد وصخين واخساس=شيطانهم ولًوه كل المهمه
جاهل شرب خيباتهم بالف ابو كاس=من ينقصه تعليم ما شاف خمًه
حطوه نادل يجمع الكاس والراس =راس المعسل مايبي زود ذمًه
نصيحتي يللي ذبح راسك عماس=اسال عن العذرا قبل ما تضمه
التربيه له دور والعرق دساس=حتى الرجل ملزوم تسئل عن أمه


 
 توقيع : احمد الجريفاني



قديم 22-10-2011   #13


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي البنت باخلاقها والذوق تجذبني



البنت باخلاقها والذوق تجذبني .. !!!

يللي تخيًلت حبك حيل متعبني=اكيد غلطان تقصد واحدٍ ثاني
يمكن غرورك كذب لك قال معجبني=اما انت عادي وانا ماكذٍب اعياني
غيرك من الغيد في لحظات تسلبني=لاصار وجدانها من نوع وجداني
البنت باخلاقها والذوق تجذبني=ما يجذبن صوبها طرحه وفستاني
والله لو انك بنظراتك مصوبني=واني على ترك دربك صرت ندماني
واني على نسيتك نفسي تحاسبني= ودموع عيني من اجلك تجرح اوجاني
كان استخفيت من وجدي ومن غبني=واصبحت مجدوع في دار المرستاني
انصحك تبعد وفي هرجك تجنبني=الزم حدودك كفى لا تسحب لساني
لاقالوا (احمد) فتحت افمك تعذربني=وش جاك مني بكذباتك تبلاًني
من يستمع لك يحسب انك مجربني=ماعرف بيتك ولا تنْدل عنواني
تشهر سلاحك عسى ناوي تحاربني=افتح عيونك انا ولد الجريفاني


 
 توقيع : احمد الجريفاني



قديم 23-10-2011   #14


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي ما ودي اسمع يا عرب (مات سلطان)



ما ودي اسمع يا عرب (مات سلطان) !!!..


ما ودي اسمع يا عرب (مات سلطان)=قولوا دعاه اللي يحبه ويغليه
دعاه وآل العرش لمعانق جنان=وعد بها المولى لمن آمنوا فيه
رحل عن الدنيا ولاهو بندمان=وشلون يندم والله اللي مناديه
ورًث مكانه طيب واخلاق واحسان=واجيال تدعي له وتذكر حسانيه
ما مات من واسى عجايز وشيبان=واطفال تفرح كل ما حل طاريه
ما مات من شيًد للايتام بنيان=وموسسات الخير من صنع اياديه
رغم المرض يبدي لك حجاج فرحان=يضحك بوجه الناس والسقم باريه
حتى لو انه كان با الحيل مرضان=الشهم ما يقدر يغيٍر مباديه
طبع الكريم بكل الاوقات (انسان)=تنبيك عن راع المكارم مواريه
في حفظ رب الكون يا وبل الامزان=يا من عليك الجود هلًت عباريه


 
 توقيع : احمد الجريفاني



قديم 25-10-2011   #15


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي الدلة اللي ما تبهًر من الهيل



الدلة اللي ما تبهًر من الهيل !!!..
مثل الجبل ما هزٍني قالٍ او قيل=ما دمت اميٍز هامتي من رجولي
ابعد عن دروب الخفاف المهابيل=ولا يهمن هرج كل امهبولي
وان خاطبن عاقل سليل المشاكيل=آقف واهللٍي به وانوٍخ ذلولي
اعطيه من راسي علوم وتفاصيل=وآخذ علومه وابتعد عن فضولي
ولد العرب لاصار ما ينطح الشيل=ولا يعرف المرجله والاصولي
ولا بهًر الدله وحاف المعاميل=وليمته جبنه ولبنه وفولي
وخٍر عنه يا علْ دربه تساهيل=من شان يبعد لايصول اويجولي
من كلمةٍ تعرف نصوف الرجاجيل=ومن كلمتٍ يعرف سليل الفحولي
كبر الجهامه ماتهنا به الفيل=لاسمعتٍ زينه ولا زين زولي
طير الرخم يدبك بليا محاصيل=يخاف من ظله رعاعٍ جفولي
والصقر له سمعه وهيْبه وتبجيل=لا ضاع صاب اللي يهدٌه ذهولي
خشم الجمل يفْرق كثيرٍ عن الذيل=البشت حشمه والردى للنعولي
زين الرجل لاصار عاقل وحلحيل=يعجبك لامن صار فعلٍ وقولي
ياويل حالي ويل ويلن على ويل=هذا الزمن شاهدت شيٍ يهولي
شفت الهمج ما تعرف الجدي وسهيل=يضيع لو عمره ثلاثين حولي
ويبدا يصيح اليا امطرت واقبل السيل=يشكي على ربعه يقول افزعوا لي
خطوه بخطوه لا تعدون با الحيل=وليا مشوا خطوه يقول اوقفوا لي
(الدلة اللي ما تبهر من الهيل)=ما تشربه غير السلق والعجولي


 
 توقيع : احمد الجريفاني



قديم 26-10-2011   #16


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي العرض ينهك والعروبه تفنجل !!!



العرض ينهك والعروبه تفنجل !!!



ماعـاش مـن يسكـت علـى الضيم والــذل=ولا يعجبـك شخـص(ن) بـرد حـيـل حيـلـه
(الـشـاعـر؟) الّلي لا تـاثــر تـمـثّـل=دمــه تـحـرك نـعـم ذيـــك الفصـيـلـه
اضـرب علـى الكايـد تـرى مــن نـشـد دل=ولا ضــاع منـهـو صــار قلـبـه دليـلـه
والـيـا وردت احـيـاض مــن دوّرك عِــل=تــر الـسـراب يـمـوت مــن يستخـيـلـه
وليـا قنصـت ابعـد بعـيـد(ن) عــن الـكـل=واحـذر تجـي صـيـدات قنـصـك هزيـلـه
ولا تكتب اسمك بـا الصخـر فـي قلـم (بَـل)=احـفـر حـروفـه لا يـجـي مــن يزيله
وليـا طِلِـب مـنـك الحـكـي فـكّـر وقــل=تــر الفـتـى يـكـرم لـيـا قَــلّ قـيـلـه
ولـيـا سمـعـت الـذكـر سـبّـح وهـلــل=تــر العـمـر يــا دوب يــوم(ن) وليـلـه
ولا تقـبـل الثـانـي تـمـسّـك بـــا الاول=ولا تنـتـظـر رد(ن) لـفـعـل الجـمـيـلـه
يـا نـاس انـا بِـي غـل مـا يشبهه غِــل=باالشـعـر اجـاهـد والقـصـيـده وسـيـلـه
المـوت اشوفـه يـا عـرب عـنـدي اسـهـل=مـن مـا نعيـشـه مــن حـيـاة(ن) ذليـلـه
لا ضـربـت اسرائـيـل قـمـنـا نـولــول=وعـلـى بعضـنـا كــل بـنــدق نكـيـلـه
عـلـى ا لـحـدود جـنـود تقـفـي وتـقـبـل=نبكي علـى (الصحـرا) وننسـى (مليلـه)
عـلـى بـعـض نـزعـل وبالشـتـم نـنـزل=والـكــل بـالاعــلام يـنـشـر غسـيـلـه
ولا ذكــرت النـخـوه نـقــوم انتمـلـمـل=مــا كنـنـا نـفـخـر بـسـلـم القبـيـلـه
نـشـوف اهلـنـا كــل يــوم(ن) تـقـتّـل=والـلـي نـجـا ملـعـون ابــو سلسفـيـلـه
(قونتانمو) و(غريب) (غزه) خذ وخل=والـلــي يسـاعـدهـم يـخــلاّ سـبـيـلـه
واغـتـالـوا (اليـاسـيـن )قـصــه تـفـشّـل=(ومحـمـد الــدره )شــروا لـــه فنـيـلـه
الـعِـرض ينـهـك والـعـروبـه تفـنـجـل=الـحـكـي واجـــد والحـمـيّـه قـلـيـلـه
(نرهـب بعضـنـا )ذبـحـة الطـفـل الأعــزل=فيـهـا الشـهـاده والـشــرف والفضـيـلـه
تقتـل هلـك! قـال: اقـتـل اقـرابـي اسـهـل=والـحـجـة اسـرائـيـل مايـنـقـوي لـــه
حـنـا بِــذل(ن) مــا يقارن معه ذل=قـمـة فخـرنـا بــا الـعـلـوم الـرذيـلـه


 
 توقيع : احمد الجريفاني



قديم 27-10-2011   #17


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي ردي على قصيدة : (سلم على حايل وسلم على شمر) للشاعر ناصر القحطاني



ردي على قصيدة : (سلم على حايل وسلم على شمر) للشاعر الكبير ناصر القحطاني !!!

هلا بشهمٍ صدق في رسم منهاجه = هلا بمنهو تمثّل في جبل شمّر
هلا بمن تعجز القيفان لحراجه = ومن حقه إنه على القيفان يتأمّر
وصل سلامك ولا يحتاج ديباجه = عمّرت صرح الغلا ياعلّك تعمّر
نظمت عذرا تهبّل في تغنّاجه = لو حاول احدن يجاري حسنها قصّر
يامير الاشعار يامن يحسده تاجه = اعذر محاكيك بالقيفان لو كرّر
لو يمرض الجود نادوا فيك لعلاجه = تعطى البشاره لمن في جيتك بشّر
لو يظلم الكون نورك يجلب افراجه = ماعاشرك في حياتك حي ويكدّر
يشهد لك ا لليل لامن ضوت ابراجه = ويشهد لك الحبر والاقلام والدفتّر
والطيب يشهد لك انك صرت هداجه = نعم المراجل ونعم الاصل والمخبر
قحطان كنه محيطٍ تلطم امواجه = طوفان عارم ليامن الهوى زمجر
ولامن هدا الموج يهدي غالي انتاجه = الدر واللول والمرجان والعنبر
ما رامهم طامع إلا يرجع ادراجه = الليث ماينقرب خصٍ ليا كشّر
نبراس عزٍ يسرك في توهّاجه = من خلقت الكون حتى ساعة المحشر
يامن نظمت البيوت وقمت بخراجه = عسى حياتك سهود ولايجيك الشّر
منت الذي يحسب بيوته على حاجه = حنّا هلك والجبل في مثلكم يفخر
ولا غابت الشمس محدن دور سراجه = نور القحاطين ساطع في جبل شمّر


 
 توقيع : احمد الجريفاني



قديم 29-10-2011   #18


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي تقدر تقول ان الغلى سبة اعجـاب



تقدر تقول ان الغلى سبة اعجـاب !!!


تقدر تقول ان الغلى سبة اعجاب=وتقدر تقول ان المحبه مذله
الحب لغز الكون مجهول الاسباب=لغزٍ جميع الناس عجزت تحلًه
يللي سلبتيني بتذبيل الاهداب=انا فدى ذيك الرموش المظله
ما كنت اظن اللي للالباب نهاب=يسلب حشاك وفوق ذا سامحٍ له
يبرق ويرعد والمطر خارج الباب=وانا رجيته غيمةٍ مستهله
غروٍ غرير يبهذل القلب سلاب=بنى له بوسط المعاليق فله
نصفه من الديره ونصفه من اجناب=يخطي وانا مستانس ومرخصٍ له
لا جا يهرج بلهجتي صار مرتاب=ولا جيت اعدل لهجته قلت خلًه
واليا ابتسم بان الحلى بابيض الناب=وليا همس خلٍ تلاقى بخله
ما يعرف الغيره ولا يبدي عتاب=واثق كاني واحدٍ من هلٍ له
غلاه زار القلب واهداه ترحاب =اموت لا شفته لقلبي يتله
حلو اللعس يا ليتنا نصبح اقراب=ما دام قلبي سلمك كل كله


 
 توقيع : احمد الجريفاني



قديم 30-10-2011   #19


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي البس البشت يصبح لك مقام وقدر



البس البشت يصبح لك مقام وقدر !!!


ياهل العرف عقب اليوم مالي صبر=ولا لعيني هناتن فـي لذيـذ المنـام
وقتنا يحسد المييـت بوسـط القبـر=وش يبي في حياتن كل ابوها عـدام
المريح الذي بـاع الحيـاة وظفـر=صار همه رضى ربه وصلى وصـام
ما حدن فكر بويـلات يـوم الحشـر=استوت عندهم كلمة حـلال وحـرام
السروق امتهنـي والعفيـف بفقـر=والصدوق امتعني والكذوب ابسـلام
والنحييف يضيع بجنب واف الهبـر=الجهامه تضييع كـل قرمـن همـام
البس البشت يصبح لك مقام وقـدر=افصخ البشت ما يبقى لشخصك مقام
الغني لو هو اهبل قيل كلـك نظـر=اشهدوا في نبوغه واسعيـن الافـام
والمسيكين ضايع مـا لليلـه فجـر=وان شكى قيل له يكفيك كثر الكـلام
وصنفوا كل نسل ادم نظيـف وكـدر=تقل فيه ادم(ن) ثاني طلع عقب سـام
من مسك صنعتن تغنيه نززل حدر=ومن قعد ينطر الشرهه له الاحتـرام
راح عصر الرجال اللي تفك الاسر=راح عهد الفحول الطيبيـن الكـرام
صابهم من عجاج الوقت ضيقة صدر=وخيلهم لو تهده ما يثور العسـام
كدرتهـم تهاويلـن بتـال العـمـر=اشهد ان الذي في وضعهم ما يـلام
من يلوم الذي باالفرش ماتـوا قهـر=شاقهم شيلة الشلفى ولبـس الحـزام
ذا زمانن حرام يعيش فيـه الصقـر=والرخم مشبعاتن في مكـب القمـام
ومن كدح يحلم ان فكر تملك قصر=وحاملين الاقامـه يعتلـون السنـام
والوفا عقب ماهـو جاريـن كاالنـهر=صار مثل الذهب نادر مقاسه غرام
آه واشيب حالي من صـروف الـدهر=ناشف الريق ملتاعن وروحي تضام
اكتب ابيات شعري والمحاني جمـر=انتخي با القصايد يوم طـال السقـام
شعر ما يشرح الواقع فلاهو شعـر=وشعر مايوقف القاعد مجـرد كـلام


 
 توقيع : احمد الجريفاني



قديم 31-10-2011   #20


الصورة الرمزية احمد الجريفاني
احمد الجريفاني متصل الآن

بيانات اضافيه [ + ]
 رقم العضوية : 2926
 تاريخ التسجيل :  24 - 09 - 2011
 أخر زيارة : 03-05-2022 (12:20)
 المشاركات : 1,814 [ + ]
 التقييم :  14
 اوسمتي
وسام درع وسام وسام الوسام الذهبي 
لوني المفضل : Cadetblue
افتراضي شعرك الفوًاح لونه شلًهم



شعرك الفوًاح لونه شلًهم..!!!

احضروا دعوات الا انتي بدون=كنك اللي عازمتهم كلهم
لو تعذرتي تريهم مايجون=يجلسون ابيوتهم أحسن لهم
الجميع لشوفتك يستنظرون=مابدوا بالحفل من يأذن لهم
جيتي آخرهم ومن غيرك يمون=جيتك يا( فاتنه) عزن لهم
من دخلتي والجميع يزغرتون=لجل عينك ماخبر طبع(ن) لهم
حارس الفندق تسآئل من تكون=يحسب انك ياغلى بنتن لهم
من جلستي صاب حسادك جنون=ياكثر ناس(ن) بكوا من غلهم
من قهرهم قرروا ما يرقصون=شعرك الفواح لونه شلهم
طآرت السهره وهم يتلفتون=ناس يحتاجون من يفط(ن) لهم
ما حد(ن) لزم عليهم يحضرون=من جبرهم يالحبيبه خلهم


 
 توقيع : احمد الجريفاني



 

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:22


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام