ديوان الشاعر / محمد طاري الذرفي

في ليله اجتمع فيها اﻷخيار ورجال اﻷعمال في المنطقه الشرقيه وجمع غفير من إخواننا السوريين المقيمين في المملكه حيث كان الملتقى ذو فقرات مميزه وكان آخرها إختتام بالتبرع ﻹخواننا المستضعفين والمتضررين من الطاغيه بشار ،،، واترككم مع المقطع

بركان الشعر

أبيات قديمه

اتمنّى ان تنال على إعجابكم

ياوجودي وجد ماشفت مثله فالوجود !!!!!

	ياوجودي وجد ماشفت مثله فالوجود = كيف اشبّه وجد حالي وانا وضعي فريد !! ياعذابي كان وقتي غدا وجه ٍ حسود = مايفكّر غير في جزّ قلبي والوريد عقب ماكنّا سوا للعرب سمّ الكبود= صرت انا ارسلها وترجع لصندوق البريد!! عقب ماكنّا سوا بالعوايد والعهود = صرت اراقب طيفها ياهجوسي من بعيد !! ياشبيه الريم . آسف ترى اقصد يالعنووود = ياعنووود الريم . آسف ترى اقصد يالعنيد !! لاتكبّر وانت بيّحتلي كل السدود = وانت تذكر موقفي موقف الرجل السديد كانك انت تشوفني ثابت ٍ وسط الجنود = كيف قبل شهور عينك تقول اني عميد !! والله اني ماتراخيت حزّات الصمود = غير راسك بيّد اللي بعمره مايبيد !! من صفاتي ماتدرّى ولا اعرف القيود = مير حبّك حط للسان شعري كم قيد !! لي ثمان شهور مابين موضوع وردود = آتصبر واثر الايام والبلوى تزيد !! كل حاجه وانت تدري لها وقت وحدود = وانت تاصل لآخرتها وترجع من جديد !! حالف ٍ عقب الهجر لوتعود انحر قعود = واحفظ التاريخ ويصير هذا اليوم عيد

وهذا مقطع لها شيله بإسم لي مستعار ,, وبصوت المبدع راكـــان




وسلامتكم

بسم الله الرحمن الرحيم

السلام عليكم ورحمة الله وبركاته

أقدّم لكم هذه المتواضعه .... لأن النصيحه لاتحتاج الى تكلّف ..

نصيحه !!! واذا ماودّكم لا حد(ن) يقرا !!!

	سلامي على الشّعار مدري مساء الخير =مسا الخير ذالليله وليلين من بكرى توحّوا كلامي يالاكابر مع التقدير=(نصيحه) واذا ماودّكم لا حد(ن) يقرى تروح السنين وباقي الشعر والتعبير=سوى كلمة(ن) تفخربه او كلمة(ن) قشرى (والا يارفيق(ن) تكتب النصّ بالتشفير!!)=ترى الناس تفهمها مع (الوجهة الاخرى!!) وانا شايف انّ الوضع يحتاج له تغيير=(نصيحه) واكيد معزب الغانمين ادرى!! اذا الذيب قالوا طاح في ذا الزمن بالبير =وحاول يبا المظهار لاكنّه ازرى!! نقول اننّا وقت المهمّات طبعاً غير!!=يد(ن) واحده . ماهي بيمنى ولا يسرى وانا توّني بالعمر بين النشاما صغير!!=ولاكنّ ممّا شفت!! ابي ذمّتي تبرى نصيحه عسى تلقى لها عندكم تاثير=واذا مالقت تاثير!! ابا احطّها ( ذكرى )..

وسلامتكم

بسم الله الرحمن الرحيم

ابيات لي قديمه في الشيخ / خالد بن سليمان الصغيّر .

رجل دعم ميادين الفروسيّه دعماً سخياً . لعدّة مواسم .. فكتبت هذه الأبيات وماهي إلا تعبيراً عن مشاعري الشخصيّه تجاه تلك الشخصيّه .. بعيداً عن التكلّف ..

ارشيفية تتجدد كل موسم فروسي + يوتيوب!!!

	اذا المدح من حظ القريبين=ظلمنا فضايـل كـلّ خيّـر واذا الناس تتناسى الكريمين=فانا جيت اباعـدّل واغيّـر ابمدح على حق وبراهيـن=ولاني من النـاس متخيّـر والى قيل منهو قلت هاللحين=سؤالي عسى مانت متحيّـر !! ابنشدك من شيخ المياديـن=بدعم ٍ سخي وبفكـر نيّـر ؟ تبا تقول لي طلق الحجاجين=((خالد بن سليمان الصغيّـر))

وهذا شوط في محافظة الزلفي بتاريخ 24/4/1433هـ
نهائي اشواط ميدان محافظة الزلفي على سيارة الشيخ / خالد بن سليمان الصغيّر ..
واللتي يخطفها رادس بقيادة المتألق نايف العنزي

واشكر المعلّق اللذي فاجئي بإلقائه القصيده ... بدون اي علم منّي مسبق ..




وسلامتكم

بسم الله الرحمن الرحيم

السلام عليكم ورحمة الله وبركاته

أقدم إعتذاري عن غيابي في الفتره الماضيه ... فقد كنت في فترة عمل .. أخذتني عن أخوتي وأحبّتي ..

وعُدتُ .... ولعل العودُ أحمدُ ....


خيــــانــة العــــرب لسوووريا




وسلامتي وسلامتكم ههه