آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 14-05-2012   #1


الصورة الرمزية شاعر انا لاتاثقين بكلامي
شاعر انا لاتاثقين بكلامي متصل الآن

بيانات اضافيه [ + ]
 رقم العضوية : 3248
 تاريخ التسجيل :  12 - 05 - 2012
 أخر زيارة : 03-06-2012 (10:25)
 المشاركات : 20 [ + ]
 التقييم :  10
 الدولهـ  Saudi Arabia
 الجنس ~  Male
 MMS ~
MMS ~
لوني المفضل : Brown
افتراضي ديوان الشاعر / شاعر انا لاتاثقين بكلامي





السلام عليكم ورحمة الله

صباح الخير

مقدمه بسيطه:

محد عنده شك بقبيلته لكي يمتدحها فلو جمعت جميع
القصائد التي قيلت في شمر مدحا ً لسجلت ودخلت بموسوعة جينييس للارقام
القياسيه بالمرتبه الاولى وبدون منافس مع احترامي لجميع القبائل الاخرى ..
..وكل القبايل الاخرى الف ونعم فيها لا حل طاريها فقط هو موقف حصل
معي وردة فعل لااكثر "وكل بكيفه لاتفاخر بربعه - وانا افتخر بأن السناعيس ربعي "

لكننا نحتاج احياناً الى إلجام من يستحق الإلجام ممن يحاول التقليل من شأن الغير ظنا منه بأن "منصبه" او مكانته الاجتماعيه العاليه قد تخوله لمزاولة هذا النوع من التعدي
اعلم جيداً بأن " الحقران يقطع المصران " وأن هذه القصيده قد تكون
اخذت وقتا وجهدا في غير محله حينما كتبت في هذا الشخص او من على شاكلته لكن " الطنيه " لاجت ... جت

فتقبلوها كما هي .. تكرم مسامعكم


مصافحه اولى " ابن الاكــــــــــابر "!!!

اكبر خطأ بالكون من يظلم الغير = وانته ظلمت الغير ياابن الاكابر؟
وعند الولي لاماتفيد المعاذير = حيثه على الظالم قوي ٍ وقادر
خليتني اوصفك بأردى التعابير = وانت بوصوفك يااسود الوجه خابر
عدّوْك ربعك من كبار المناعير = لامادروا بانك خسيس ٍ وماكر
تجر بشتك وتعتبر نفسك امير = تآمر وتنهى وانت رهن الاوامر
هرجك كثير وعايش ٍ بالتزاوير =عايش على حب الرياء والمظاهر
عدّيت نفسك من كْبار المشاهير = تقول انا صقار؟ ومكرِم؟ وشاعر؟
صقّار لاكن مانت ضمن الصقاقير = قصقص ظفورك ياطويل الاظافر
تبغى الحبارى بس صدت العصافير = صقرك تبرى منك وانته تناظر؟
شاعر وتقصد بالهوى والغنادير!! = وتقول ياكم ليلةٍ بت ساهر
عمر الشعر ماينشرى بالدنانير = وانته شريته ياعديم المشاعر
كريم لاجتك الضيوف المسايير!! = كريم واصبح عندك الخير وافر
تكرم من اموال الضعوف المقاصير = ماتستحي يالعنبوا هالصوابر
اقول ...مالك عندنا اي تقدير = قدرك تحت رجليك صوب المحادر
وان كنت يالمذكور تحتاج تذكير = اذكرك ان كان ماكنت ذاكر
حنا الكرم واهل الدلال المباهير = حنا الوفا وحنا بزمنا نوادر
حنا الطنايا لاطنينا هوامير = لامانفرق بين مسلم وكافر
وقت الغضب انسخر الصعب تسخير = ياما استضافت من غضبنا المقابر
وياما هزمنا من جيوش وطوابير = وياما انتصرنا واعتلينا المنابر
امجادنا امسطرينه بااساطير = بالطيب ماجتنا بجبر الخواطر؟
ودامك تهوجس بالسفر والمشاوير = قص التذاكر ووين مارحت سافر
مثلك حياته كل ابوها مخاسير = مثلك مكانه وسط ذيك المواكر
مثلك يعيش بذل يانافخ الكير = بين الخمر- وبين البنات العواهر!!
لاصار تسكْر وتقضي العمر سكير = يُحرم على شرواك هل العباير
ماقول الا ياعسى روحك تطير = بذاك المكان اليارتكبت الكباير
من شان ماتكذب ولاتظلم الغير؟ = وتصير عبره لمن يقص التذاكر
تجر بشتك وتعتبر نفسك امير = تآمر وتنهى وانت رهن الاوامر
هرجك كثير وعايش ٍبالتزاوير = عايش على حب الرياء والمظاهر
حنا الطنايا لاطنينا هوامير = لامانفرق بين مسلم وكافر
امجادنا امسطرينه بااساطير = بالطيب ماجتنا بجبر الخواطر


 
 توقيع : شاعر انا لاتاثقين بكلامي


كل ٍ يشوف الناس بعين طبعه= وانا اشوف الناس بعين طبعي
وكل ٍ بكيفه لاتفاخر بربعه = وانا افتخر بأن السناعيس ربعي


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:02


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام