ديوان / الشاعر طلال الاحيوات

كنا في طشه بالبر وتلاقينا مع شباب وكان معهم واحد من جيل ( بابا سمح لي )او(الخصر الساحل)
كما نسميهم ,, وكان اغلب كلامه باللغه الانجليزيه وهو لا يعرفنا ,,
والظاهر انه قال في نفسه هذول بدو وخلني اتفلسف عليهم,,
الشباب اللي معي يعرفون ان اللغه الانجليزيه هي اساس عملي وانني اتعامل بها اكثر من 12 سنه
,,, وقاموا يضحكون ,, ودهم تنشب السالفه بيني وبين هالشخص
المهم بعد العشا قلت ودي اسمعكم هالابيات

روس المشاريف مرقاي!!!

	انا على روس المشاريف مرقاي=ولا انت يا أصبي العذارى على ماش جربت فيك العد والسد والراي=والحاصله في جدول الفعل مهناش واحد بظرب اثنين والثالثه (واي)=ترطن وراسي من رطينك ترى انداش كانك على درس اللغه سرت قراي=ودوبك نقشت حروفها وسرت نقاش حنا لها ,,, قرض اللغه والتفت جاي=واسمع كلامي وافهمه لا تمعناش (كم هير) واجلس وانتبه لي ومغزاي=(وي أر) في طرد البدن دوم طراش (بت تيك رست) ولا تغني على اغناي=(وي أر) في هذا الطرب نقرش اقراش واترك لحون المطربه عازف ناي=وخلك معا طلقين الايمان تعتاش (وذ قن ز) نرمي كل طاير وسراي=وام البهم تمسي على غرفة انعاش وبعد العشا تقبل على كاسة الشاي=وشقراً تعدل راس من كان منداش و(أيم) على روس المشاريف مرقاي=و(يو أر) يا أصبي العذارى على ماش

توضيح الكلمات الانجليزيه المقوسه
(واي) لماذا......(كم هير) تعال هنا.........(وي أر) نحن او حنا .......(بت تيك رست) لكن استريح
(وذ قن ز ) بالبنادق او بالسلاح .......(أيم) انا ............. (يو أر) انت

طلال الاحيوات المساعيد

على اثر الحادث اللي حصل للشاب خالد محمد سوعان الربيع
واتمنى ان يستجيب الله لدعائكم ويرده سالما معافا الى اهله وابيه وامه
وان يتمم فرحتهم بشوفته سالما معافا ان شالله
لا تنسوه من دعائكم بارك الله فيكم

يا ابو فهد قلبي معك!!!

	الله من علم(ن) ب شاشه رأيته=علم(ن) شلع لي مشاهد الصبح وا ويح ويالله عساني ساعة اني قريته=اعمى كفيف ولا قريت التصاريح علم(ن) يهز اركان قلبي دريته=علم(ن) يقولوا خالد(ن) بالمطاريح ها ذاك فلذت كبد وعيون بيته=لمحمد السوعان ذيب المساريح يا ابو فهد قلبي معك ما لقيته=اقفى كما طيراً عصى بالتلاويح والعبره اللي داخلي لو عصيته=تفجرت في موق عيني مسافيح وارفع يديني للولي لا دعيته=الواحد اللي سير الغيم والريح يالواحد يالمعبود يامن رجيته=ويا من على بيته عبيده منازيح يالله طلبتك رجعته وسط بيته=وتزرع بعين ابوه وامه تفاريح

اللهم ااااااامين
اللهم ااااااامين
اللهم ااااااامين

طلال الاحيوات

وش بقى يا زمن!!!

	اه يا عيني اللي كل ما قلت طابت=ساقت الدمع سيل وليلها بس تهله واه يا قلبي اللي دعوته ما استجابت=دوب يقنب قنيب الذيب في مرقبٍ له واه يا ظلعي اللي دقت الصدر هابت=من وليف(ن) وعدني واخلف العهد كله ذاك غفر الخمايل مرتعه ما تنابت=غير زهر الخزاما والنفل مستحله مستذير العيون ئ من الظلال استرابت=يستشك بظلاله لا تغير محله سهم نار ان جفل في عاشقه م أستثابت=به من الريح خِفه وبه من الثقل حله يا عذاب القنوص اللي من الصيد خابت=عودوا بالندم للعزبه المستظله وش بقى يا زمن من قصتي ويِش جابت=غير عيني ودمعي ليلها بس تهله

طلال الاحيوات المساعيد

اعتذر على الغياب
لكن هي ظروف العمل
والله المستعان

جديدي واتمنى ان ينال اعجابكم

سيف جساس !!!

	لو عاندك سيف(ن) مثل سيف جساس=يمكن تقول الزير للكليب ذباح وبعض العرب لو باع دمه على الناس=تجارته قشرا ولا تجني ارباح وبعض العرب يبني على مايل الساس=والصبح يرفع والمسا ما بعد طاح وذبحت انا كبشي على بيض الاطراس=والدم الازرق سال والريح ما فاح والحقت راس الهرج صندوق الاقواس=وشوشحت في غب البحر خيط مفتاح وبعض السوالف ما تسولف على الناس=ادرا عليها ثوبها ستر و وشاح ولا قلتها ضربة جنون(ن) و هوجاس=مير التجارب عشتها عيشة اتراح ولو عاندك سيف(ن) مثل سيف جساس=أثبت وقل جساس للكليب ذباح

طلال الاحيوات المساعيد

تستاحش أعيوني !!!

	الله من قلب(ن) تولته الايام=ساقت عليه ظعونها وانزلت فيه ساقت دبشها في ظميري كذا عام=والهم يسرح في حشاي ومحانيه لين أستجف القلب من دبك الانعام=وجفت أعدوده وأمحلنا خباريه وأمست صحاري يابسه مثل الاقلام=والريح تسفي والعجاج أمتقفيه من عقب ماهو فيضة(ن) مرتع اريام=اليوم خالي ما تونس مفاليه تستاحش أعيوني وانا خاطري زام=وكل ما نظرته مزنة العين تسقيه ولا هو كرم تبكي عيوني وتنظام=لكن سبايب عجه اللي أمغطيه

طلال الاحيوات المساعيد

ابيات موقف والله يسامح من كان السبب

من رافق الجربه !!!

	بعض الرفق يذبح ولا يسمع اعذار=واكبر خطأ تذبح خويك بلا ذنب يا صاحبي وش جاك كنك على نار=وتحط من قدرك وانا خابرك ذرب وتحد سكينك على سن مسمار=والعيد بدري تو ما بان له قرب ماني خروف لعيدكم وانت جزار=حللت دمي كيف يا معاكس الدرب انا عزيز النفس والراس سنجار=ولا طاح راسي غير لعبادة الرب مسلم ومؤمن منهجي منبع انوار=هدي الرسول المصطفي خير من دب أعرف حقوق الناس وش عاد يا جار=لو حالت أحدود الدول كلنا عُرب وكل ابن ادم في حياته له اسرار=وما كل شئ(ن) سار ينقال للغُرب أقول تدري بختصر كثر الاشوار=واسوقها بيتين بعلاج مع طب الرجل تكشف معدنه كثر الاسفار=ولا نهار المعركه بساحة الحرب وانته على ما قيل بلسان ثرثار=وحنا على ما قيل ندمح ونشّطب نبني من احجار الجبل للذرى اجدار=ونهد سور المقبره لو بدا خرب وناخذ من امثال البدو خير تذكار=من رافق الجربه على الحول يجّرب

طلال الاحيوات المساعيد

اعتذر من الاحباب على طول الغياب
لكن ظروف العمل والانتخابات النيابيه
والاهم التجهيز الى زيارة بيت الله الحرام
يوم السبت القادم ان شاءلله وعليه الاتكال
وهنا مشاركه اتمنى ان تنال اعجابكم

ابيات موقف

قولي عماوي والعماوي مسيكين !!!

	يابنت انا ماني عماوي مسيكين=انا بدوي وعزتي غض طرفي ما جيت ادور للبنات المزايين=ولاني من اللي يخدعه كل ترفي حنا رجال(ن) يا بنيه عفيفين=وبوق المعزب عمر ما كان عُرفي ولا ظنتي بالزول مدعاه للزين=ولا ينتخي لك كل قافي وحرفي عيني مليه من صلاتي على الزين=محمد رسول الله في كل ظرفي قولي عماوي والعماوي مسيكين=وانا بدوي وعزتي غض طرفي

اللهم صلى على سيدنا محمد
طلال الاحيوات المساعيد

الله يرحمك يا عبدلله الفندي ويغفر له ويدخله فسيح جناته
اللهم ااااااااااااامين
كما يعلم الجميع انني لم يسبق لي معرفت عبدلله الله يرحمه
فانا من الاردن وهو من السعودية رحمه الله
لكن ما دفعني لهذه الابيات المتواضعه في حق هذا الرجل
هو ما سمعته وما قرأته عنه رحمه الله
وكما قرأت ايضا انه تدخل في فك رقبة قبل وفاته رحمه الله
مما دفع بي الى قول هذه المتواضعه التي اضعها بين يديكم
والعذر منكم على التقصير

عبدلله الفندي

	من قال مات ؟ وطيب الذكر ما مات=حي(ن) مع الركبان ما قيل مفقود هذاك لامن راح يبقى له اثبات=وكم واحد(ن) حي(ن) ولا هو بموجود يالشمري ضمك ثرى الارض بسكات=وانا ادري ان دمعات عينه على اركود عبدلله الفندي سليل الزعامات=يالشمري بالخلد و الحوض مورود قصرت انا في خط قافي والابيات=لو عاد مابه سابقة عرف وعهود ويالشمري طيبك مع الناس ما مات=لامن دريت عيال شايع عن السود لا اغز لك بيضا بروس الطويلات=و بيضا ل بن شايع على راس قردود اللي كفا خالد سيوف(ن) صقيلات=عز الله انه صافي الجد والعود قلته وانا ابن ابوي والهرج بثبات=وانا الاحيوي وثاني الجد مسعود

طلال الاحيوات المساعيد

هذه الابيات المتواضعه اسندها على عميدنا العزيز
مشعل بن عسام التريباني ( ابو عبدالرحمن )
عسى ان تنال اعجابه ورضاكم ,,, ودمتم بخير وعافيه

اسناد على عميدنا العزيز ,, مشعل بن عسام التريباني

	يامشعل العسام مسيك بالخير=والا صباح الخير وقت ضحويه سلام صافي من حليب المغاتير=اللي رعت عشب الفيافي زميه سلام يشدا في ثعول الشخاتير=ابيض يسابق مزنةٍ مرزميه عليك يا نسل الرجال المناعير=اللي على علم المراجل عفيه من عقبها باشكي لك الحال ياطير=حرٍ تعلى بالطويله مجيه وابنشدك ثنتين والثالثه خير=وكلن على ماقيل ينشد خويه الاوله مثل الدلال المباهير=عليه من عطف الولي مرحميه اقفت وانا قلبي تشكه مسامير=والموت حق وكل حق ووفيه والثانية حسمى ربيعه نواوير=ترعى بها قوس الظلوع الشقيه لكن زمانك لا وقف بالنواطير=يحرم عليك مشاهدك للهويه عُرف العرب والحجر مايجلب الخير=يعزل قلوبٍ في بعضها رضيه والثالثه فرقا السنين المعاسير=ابيض ربى بالراس لا واخطيه عذبت انا قلبي وقلبي كما الطير=يكفخ عقب ماصاد صار الضحيه

طلال الاحيوات المساعيد