ديوان الشاعر / ضاري الزوبعي

گلي ولہ !!!

	كلي وله جيتك حبيبي من اقصاي=تاهت دروبي في زوايا حنينك لا قلت وينك.. صاح قلبي انا جاي=واللحين قلبي يطلبك وانت وينك.....-؟ ما قول قلبي يبكي اليوم وياي=اقول قلبي صار ينعى سنينك يازمرة اشواقي ويانكهة الماي=قلبي ينادي لك وعيني تدينك تطرى علي ذكراك واقول شراي..؟=وتسهر عيوني وانت في نوم..... عينك وأحزم أحزاني وأقضي الليل سراي=واتصور..... النجمات هالة... جبينك وشلون تمسي بلا وجودك حكاياي.....؟=أسال اشواقي تقول ربك يعينك جيتك وصار القلب يبكي مع الناي=وعيت دموعي تذرف الا بيدينك والدمعه الي تذرف اليوم وياي=دمعة رجل وتقول........ لا ما أهينك وأمشي نويت اجيك وأتحذر خطاي=خايف اجيك تكون خالع........... حنينك مادام جيتك لازم نعرف شراي....؟=اما تدينن إو أنا الي.................. أدينك

من الارشيف حبيت امسي على النشامى بهالقصيده القديمه !!!

	الدمع في بعض الاحيان مقبول=لا صار همك والفرح في تساوي وما كل دمعن يسكن العين مذلول=استغفر الله كان دمعي هواوي ليتك تشوف القلب وشلون يحول=عايش على ذكراك قلبي الشقاوي لا والله إلا في غيبتك صار مقتول=تعال يامبعد علينا الخطاوي يا واسع العينين ياشامخ الطول=ياجرح قلبي يالطبيب المداوي في سحر عينك باتت سيوف وخيول=ومعاركن تطحن قليب النداوي وفي لون شعرك خيم الليل معزول=والليل تحته يسكن البدر ضاوي وثغرك عقيق ومبسمك سيف مسلول=وكلك على بعضك حلو يالمهاوي الوصف فيك يطول ويطول ويطول=يلي جمالك منبع الحسن حاوي ودي ابوح بداخلي حكي واقول= بسباب بعدك قلب شوقك خلاوي ليه البعد..دامك عن القلب مسؤول=الوصل غايه صار والقلب غاوي رسمك بعيني ينعش القلب ويزول=تفرش بعيني وتمسي الليل ضاوي لا مر ذكرك ينصت القلب مذهول=واتذكرك في صوت كل الغناوي قالوا اكيد البعد تلقا له حلول=والجرح حله بالصبر والتداوي واقول من هو صار ياناس مشلول=مو مثل من هو يقترح بالهقاوي يلي بعينك ترسي جبال وسهول=ليه انت مبعد؟ للهجر انت ناوي! معقول تنسى كيف وشلون؟ معقول؟=وين الرسايل وين ذيك الحكاوي قرب وشوف القلب وشلون يحول=يتنفس بذكراك قلبي الشقاوي وارجع اقول انوب واقول واقول= بسباب بعدك قلب شوقك خلاوي

رثاء في صديقي واخوي الشهيد(عبدالجبار العفاره الدليمي)استشهد بيد عصابات الاسد!!!

	الله واكبر وانجلى ظلم الأشرار=نار الجهل لابد ننثر رمادة اسلامنا عقب البطا دك الاسوار=زاح الغمام ولاح ضو الأراده يوم انتخت عذرى شكت جور كفار=واطفال تصرخ تشتكي من إباده هبوا هل التوحيد من كل الاقطار=على خطا رسولنا في جهاده خصمين صاروا بين عسكر وثوار=والفرق واضح لو تبي استفاده خصم لنصرة دين سموهم انصار=والخصم الاخر ضد دين وعباده من مات دون العرض والمال والدار=ندعي عساه انه ينول الشهاده وانا فقدت الصاحب الغالي البار=في خوته ماشفت ضيق ونكاده كل ما نتخي به قال..ابشر وتم..صار=يرقى على كتف المنايا جواده الجامعة كانت لنا عرف واخبار=وعقبه فلا فارق مرادي مراده خمسة سنين وصار لي جيره وجار=وان نمت مد عروق قلبه وساده مرة سألني..قال هم تكتب اشعار=فيني وتسرف بالمقاله آشاده ماكنت احسب ان الزمن حيل يندار=ويذر بعيوني بقايا سماده جبار فعلا كنت بالفعل جبار=جرح القوافي في يدينك ضماده دنيا.الفناء اهديتها لرب الابرار=وطلبت جنة خلد فيها السعادة جاني خبرك واصطلى خافقي نار=ماعاد فيني عقب موتك جلاده وش ذنب شعبن بالسطر دمهم ثار=ثورة كرامه..اعلنوا له ولاده وسفاح قام يذبح كبار وصغار=ويصوب بصدر الرضيعه زناده وهد المآذن وكشر انيابه امتار=سفاح ابن سفاح بان اعتقاده لا يا النصيري عادتك حمل الاسفار=يالتابعي للفرس طوع واراده النصر قرب والصبر طبع الأبرار=والعبد لله غايته و اعتماده بشار لاترحل و لا تترك الدار=راسك ترى قد حان موعد حصاده وبكرى عسا نلمح بنشرات الاخبار=راسك يداس بدون رأف وهواده

انتي اغلى أمنياتي!!!

	ياحياتي انت اغلا امنياتي=انت اغلا امنياتي ياحياتي ماسكن انسان مثلك في ضلوعي= يارحيق الورد ياعذب الصفاتي للهوى في خافقي ذكرى جميله=وانتي اجمل ما ذكر من ذكرياتي مقلتيك(ي) درب ينهكني أتباعه=كنها بحرآ وامواجه تعاتي و الورود بوجنتيك(ي) شغفن قلبي=كنهن ورد الصباح مفتحاتي والشفاه كأنها ازهار نرجس= كنها بعطر الربيع معطراتي والنحل من شفتك ياخذ وياخذ= والعسل مصنوع من ذيك الشفاتي سل واسأل ماسليت سواك سلوى=انت كل همي وغاية مبتغاتي عد.... علي..... علني .....انسى جراحي=انسى همي بالسنين الماضياتي من عرفتك والوله يسكن جفوني=والعيون الما تشوفك ساهراتي انتشي لامر طيفك في فؤادي= وتنتشي ذكراك في عقلي وذاتي وان لمحتك احسد عيوني بشوفك=يل عيونك كالطيور الجارحاتي ويكفي اني ياحياتي من عرفتك=والليالي في وجودك زاهراتي

تدري وش اللي يجرح القلب بسكات!!!

	يا الهاجس المشغول مالك وما فات = الماضي اقسى لو تمعنت به زيــن شف كيف حالك قبل ما تنكر الذات = وكيف انت يوم انك لقيت العــناوين الضيق.كلمة..والمـــــــعاني معانات = والهم..قصة تبتدي بك بــــــحرفين يوم ابعدوك وقربوا الاحتــــــمالات = ان القناعه كنز ماندركه ويـــــــــن مايعرفونك..يالقناعة..مـــــــــسرات = استنطبوا من شعر الاراء بيــــــتين عيش بزمانك ذيب لو تسرق اقوات = غيرك..ولو انه فقيرن مسيــــــــكين الرزق حيله..وللهدف قيل غايـات = حتى لو انك تحلف الزور بالـــــدين تشوهـــت بعقـــولنا اصـطلاحات = وظلم الظلام اشباح والخلق ساهين تعكــــرت كل الوجيه الشحيحات = اللي ابتسامة طعنته كالـــــــسكاكين الي صفا لــك من جميع الــعلاقات = جرح وسهر واوراق شعر ودواوين تدري وش الي يذبح القلب بســكات = انك تحس بغيبتك..ما انــــــفقد شين وتدري وش الي جرعن مر الاهات = احساسي اني ماعرفتك لهلـــــــحين تغيب عادي..صار عنـدي قنـاعات = ان المحبه..ناتج اشخاص فاضــــين تجرعوا من طاســه الجهل رشفات = واخر لقب..في حد علمي مجانــــين والمشكله انك مافـــــهمت الاشارات = افكار شعرن شـفــرتها المضـــــامين مرتاح..لكن..ساعة الضحك لحظات = ولحظات ضيقي لو احس كنها ســـنين مرات اقول الحــــزن فيني ومرات = اقول هذا الضيق هو جاني مـــــنين لا ما حســبتك يالجروح القد يمات = عقب البطا في صفحه العمر تومين يا غامضه..يا موطــن الانتصارات = يانكسة العشاق ماعـــــــــــاد تدرين اني لـــك اعبر لك جميع المحــــــطات = يوم ان قدرك كان يسوى ملايـــــــين واليوم..تمطر في خدودي ابتسامات = راح الخريف واقبل اليوم تــــــشرين واللي يسلي خاطري عقب ضيقات = انك رغم كل الحلا مرجعــــك طين يكفيني اني صار عندي قناعـــات = ان المحبة..ناتج اشخاص فاضــــين

(ضارري الناهض الزوبعي)

(وحيد دونك) ضاري القاسم الشمري!!!

	عقب انتظار شهور من دون تشيش=جالس وحيد هناك وسط القهاوي زحمة بشر واوراق وشيش دو شيش=والزهر والطرنيب والكل غاوي والنادل اللي ينتظر منك بخشيش=وجمر الفحم فوق الاراكيل ضاوي زحمه.. وشلة ناس متعبهم العيش=جيت وجلست هناك وحدي خلاوي لا ضاق صدرك والليالي معاكيش=خذلك.. بريك.. ارتاح.. من هالبلاوي يا وقت.. وين الدرب جنب بنا ليش=وين الرفاقه وين ذيك الحكاوي هذي ثلاث سنين.. في غربه.. نعيش=غربة صدورن غارقة بالرجاوي ياطير.. اعطن.. من جناحينك الريش=ودي احوم اسابقك يا نداوي راحت.. سنيني طيش والحال تدفيش=وما زال قلبي في ودادك هواوي اذكر صدودك.... قلت لك تهجري ليش=قلتي فؤادي يا فتى حيل هاوي للحين احبك يم... عيون(ن) معاطيش=كلي احبك يا غزالن مهاوي رحتي.. مثل ماراحت سنينا.. طيش=ولا عاد.. ندري... بالغلا.. وش يساوي يا صاحبي يوم اقبلت كنها جيش=طول ولباقة زول خصرن رهاوي لو تسألوني.. بيش ما قلت انا.. بيش؟=اشري غلا من قادني للبلاوي فلي جديلك واجمعينا على ويش=ما عاد اعرف انطق... ولاني بقاوي لو تنكثين القلب.. يا هيه تفتيش=مافيه غيرك ساكنن به وضاوي جريت صوتي... ولا وصلت لك مطاريش=ما ظل داعي للشعر والغناوي

من الارشيف حبيت اكسر غيبتي عن النشامى فيها!!!

	انا وشلون أتهنى بدونك في حياتي أعيش=وأنا لا مني جيت أنسى يغص الحزن في جوفي مقضي الدنيا من دونك حياتي كلها تدفيش=وانا لا مني جيت انسى اوجس بالحشا خوفي لأن ادمنت أنا ذكرك كأن ذكرك غدا تحشيش=أنام وأحلم بطيفك واحسه يحاظن طيوفي اجيك وكلي اماني تداعب خاطري بشويش=واروح انكس اعلامي ويداعب دمعي كفوفي واناجي الليل يسألني علامكمكتئب هو ليش=تساهر نجمي وتبكي تحسب ان الزمن يوفي واجاوب يختنق صمتي يداهمني السؤال بأيش=تغير حال هالدنيا وتغير حالها ظروفي تصارع حسرتي حلمي وتطير أحلامنا كالريش=وتبدد لطفوله حلم..تناثر في فضا شوفي رسمنا دروبنا بفرحه ملاها بالشباب الطيش=ودارت فيني الدنيا ولعب هالوقت بصروفي واحس بخافقي ينزف جروح يعاني التهميش=واحس الجرح يتسلل وينزف داخل حروفي واشيل احزاني وامشي وادور عن وطن للعيش=وتجي تلعب بي الذكرا ويصير القلب ملهوفي غريبه كيف تتناسي علامك ليه هالتطنيش=امانه لاتعذبيني امانه بخافقي روفي انا صعبه علي احيا بدونك في حياتي اعيش=وانا لا جيت اتناسى يغص الحزن في جوفي

قصيدةالجامعة (ضاري القاسم الشمري)!!!

	الماضي اللي نـــــــذكره اربع سنين = اول سنه بالجامعه تذكرينه طلاب كنــــــــــا كــــلنا مستجديـــن = ماغير اسم الجامعة حافظينه بـآخر مدرج نجلس آخــر مكانــــين = واحجز مكانك من قبل تجلسينه ودكتورنا ماكمل الدرس بعـــــــدين = مادام يشرح درس مو فاهمينه هي فرحته ماتكتمل دون شهريــــن = من بعدها طلابنا ساهجينه كنتي مناي اللي ادور له سنــــــــين = من بعد ذاك القلب ضيع سنينه كنتي غــــاي بنظــــرتي ماتحســين = كنت اشتعل حب ومشاعر دفينه بس كيف اعبر والمشاعر براكــــين = حكي العيون ابلغ حكي يا فطينه بيني وبينك والحكي بـــــيننا اللحــين = بشويش لكن جد لا تاخذينه عقلي يقول اصبر وشوف المزايين = وقلبي يقول انتي هواه وحنينه ان جيت أصارح واجمع شتات قلبين = احسب حساب القلب لا ترفضينه وانا من اللي يكســـــــرون القوانـــين = ربعي طنايا والمدح كاسبينه أن عودت للطـــــــيب ربعي كريمين = بيض النوايا والعطايا سمينه وان عودت للعز ربـــــــعي سلاطين = خيل المراجل والسطر معتلينه منتي من اللي يفهمون المــــــضامين = ولاني من اللي ينزلون الطمينه بس افهميني واسكنــــــــــيني دواوين = اروي شجون القلب لا تكسرينه استوطنيني شـــــــعب كلــــي موالين = دام الأماني في وجودك ثمينه تفرعني بي عشق ضمـــــيني شوين = عطرك نسيج الأمنيات الدفينه لا تتركينا في صــــــــدودك مجانين = اصغي لنا بعين العقل يا ذهينه مرت سنه في ذمــــــتي مرتي سنين = والوقت يشكي للموادع حنينه بكرى نتخرج ويصبح الدرب دربين = ولا باقي الا ذكرياتن حزينه قاعات تحكي قــــــصة أحلى حبيبين = وقلبن وحيد ولا دروا في أنينه هم يذكرونك ياغــــــــــرور المزايين = في نظرتك حتى الهوى تسحرينه ياتوت لون شفاك يانكــــــــــهة التين = وخدودك أنتي يالغلا ياسمينه مديت قلبي كان حلــــــــــــمي تحنين = ومات الأمل بالقلب لا تطعنينه خلاص باقي شـــهر أو قول شهرين =وتوادع أمواج المواني سفينه وتعيش بـــــي ذكراك وأنتي تموتين = داخل ظنون االي ظنونك تهينه والماضي اللي ظـــــنتي أربع سنين = بالجامعه بكرى يهزك حنينه

"يا هيه يلي ما بعد حبك أنذاع"

	الوضع عادي..لا يهمنك اوجاع=الضيق دربن من مساريه ضقنا شمس المحبه ما سطع منها شعاع=ما غير عشنا...حرها واحترقنا هذي هي الدنيا عداوات وصراع=الين ضاقت هالسما من فشقنا لص القوافي..تطرب بشعره اسماع=وصدر الشعر يعزف ادب من ورقنا حب الظهور بحضرة اذناب واتباع=من كثرهم مل القصيد وزهقنا يقول انا الي صيدتي كلها سباع=والناس تسكت لا حكينا ونطقنا ياخي فديتك اسمعن واقضب القاع=العقل نعمة ربنا به رزقنا يا هيه يلي ما بعد حبك انذاع=قبل البدايه..والقى افترقنا لا جيت في بالي يدق قلبي ايقاع=لحن الغرام الي مرارته ذقنا الشوق بحر..ومركبي مابه شراع=واجبرت قلبي..للمسير وغرقنا ان قلت لي وشفيك..بقول ملتاع=ليه انتهينا وتونا ما عشقنا كنت الامل يوم الامل عندنا ضاع=واليوم من كف الامان انسرقنا جنبك حياتي.بالشهد طعمها انواع=رغم الظروف القاسيه تعــتـنقنا نسكت وتحكي عيونك السود وانصاع=لذاك الغرام الي بعد ما عتقنا حبيبتي..والشوق ظالم وطماع=زوري منامي..في هدوء يخنقنا خليني افهم دون تلويحه ذراع=ان الفراق..بدربنا هو لحقنا الوضع عادي وامتلى خافقي اوجاع=بأول بداية حبنا افترقنا

يا دار خلي ما نبت بأرضك الشيح//ضاري القاسم الشمري//

	نبهان والدنيا ..هموم وتباريح=ان ضقت ما ضاقت علي الفسيحه واقف على باب الرجا خاف لا طيح=ومثلي ..يحسب لكسرته في مطيحه اليوم ربعي كل ابوهم مجاريح=شوف الهوى عذب قلوبن جريحه الليل مظلم والعذارى مصابيح=يحلى الغزل..وقلوبنا مستريحه وديار شوقي لا لفى منها ريح=بوقت العصاري يطرب النفس ريحه يا دار خلي ما نبت بأرضك الشيح=شاعر وجيتك ممتلي بالقريحه ي ويح قلبي من بعد هند ي ويح=بفراقها كل المناظر قبيحه لا شافته عيني طرت لي تصاريح= وطبعي أنا يا خوك روحي صريحه تقول هند وكلمته دون تلميح=في عينها مضمون فكري تبيحه (ابوي يذبح لنشامى مفاطيح=وانا برمش العين ارمي ذبيحه) قل للذي لفراقنا دايم يصيح=وخذ للعواذل من كلامي نصيحه الجو روعه والمطر قرب يطيح=وابداننا والحمد لله صحيحه واليا نشدوك الربع عني "أنا"منيح"=والوضع"فل"وحالتي مستريحه