ديوان الشاعر / سليمان بن جبيل

جاير الوقت!!!

	ياجاير الوقت مابالخلق لك داعي=سببت ضيقه وانا ماني بلا ضيقه اسرفت في راحتي واثرت باوضاعي =تحدني والطريق الضنك ما اطيقه لو بهجتي بالمزون افنيت مرباعي=وقصرتني عن حجا المزموم لاويقه لـيت المقادير ماتنكر شقا الساعي=ويصير كفٍ وحيـد بدون تصـفـيـقه ان مات مايـنـفـعـه في قبره الناعي = وان عاش حسرة خلاوي ناشفٍ ريقه من مـدةً طايـله والـوقـت ماطـاعي = والعـبـد له مطـلـبٍ ماطـال تحـقـيـقه والـذيـب ياكل وليد الـذيـب ياجاعي = ماتربطه عن عشا عياله مواثيقه وللجود راعي مثل ماللردى راعي = ولا ليم الجمع من يسعى بتفريقه وفكرالفهيم اللبيب المدرك الواعي = حرٍ على الصايبه طلقه مسابيقه ان جيت تستفزعه بالعـون فزاعي=يعطيك صافي ضميره من معاليقه طبايعه بارك الله ذيك الاطباعي= ماهـي تصنع علـوم وعيش تـلفـيـقه

رد متواضع على الشاعر الجزل
اخوي العزيز - عطر الحكي
-----------------------------------

رد على الاخ العزيز عطر الحكي!!!

	حييت ياعطر الحكي وانجذابه = ياصانع بيوتاً عليها الكلامي حييت ووجيه الليالي تشابه = ولا تفرق عيون الكفيف العتامي وش ضيق اصدور الفضا والرحابه = ضاقت وصارت كبر جحر الحرامي قضيتك ياصاحبي به غرابه = حليتها وتقول وين المحامي لاشك من باب الوفا واللبابه = وراسن يورد كل عطشان ضامي بيت الملامه لاتقرب لبابه = تذبحك رمية واحداً غير رامي كم راس رجالاً عزيزاً جنابه = اسمه كبير وصار حدر الاسامي من عقب مايفرس بضرسه ونابه = سامي ولد سامي وشرواك سامي دارت عليه من الليال انقلابه = وعود يعض من الغبون البهامي الحر مثلك ماقعه فوق لابه = والريش ماطير وليد النعامي الوقت عدأ صاحبك عن جوابه = ودي ولا كملت غاية مرامي

--------------------------------------------------------------------------
ارجو المعذره الرد على عجل وقد يصيب وقد لايصيب لولا احترامك لاْجلت الرد باكر
ارجو قبولها بصدر رحب والصفح عمابها من قصور مع كل الاحترام - اخوك -سليمان البلوي

مساكم بعد الخير قصيد

صدور اللبن !!!

	البارحه والخلايق في مهاجعها = دورت درب المنام وتهت من دونه قعدت اراعي نجومً في مطالعها = كني مواعد بتال الليل مزيونه وانا على هاجسً بالكبد صادعها = اكنها كنة المضرم لغليونه روابع الراس تثنيها وتربعها = ماطاعت اهدؤ تال الليل وسكونه استرسلت بالقصيد وقمت اسنعها = لين استفزت خفاي وباح مكنونه مواجعً صايبتني ما تصنعها = ماتورد الشك للعطشان وضنونه بصدورنا للعلوم بطون تبلعها = عن ناقل القيل في حجة يقولونه لو جت ذلول النسب تجمح على اربعها = يمكن تروح بثلاث وتمرح عيونه لولا صدور اللبن بحلوق رضعها = راحو خوال العيال بسعر ياهونه روسً تذب الرجوم ولا تفرعها = وش كسبها من رفيع الجال وحصونه دنيا الفنى لو تبرك في منافعها = توردك جمة قراحً غير مامونه كم وردت كبودنا يبس مشارعها = وكم راحت صدورنا بالغيض مشحونه حسبتها بنت حصن وسرجها معها = لقيتها بنت ثور سلاحه قرونه لولا القصايد اتدرهم لي واطوعها = واركي على جانبن سقياي بمزونه يشوفها مبعد النظره ويسمعها = وكنوزها مع ذهب قارون مدفونه

سليمان ابن جبيل البلوي

من الارشيف لموقفً ما

اللولو الفاخر !!!

	كتبت القصايد بأحتراف وشموخي فوق = انا الهامه اللي ماثنى الوقت عزتها إلى ابحرت جبت اللولو الفاخر المرموق = ياكم درةً بعض الصدور استفزتها ما عمر العسل جادت به الحية ام شدوق = ولامرت الريح الرواسي وهزتها

سليمان ابن جبيل البلوي

لذواقكم الراقيه

خطا الرمش !!!

	يا ام الهدب كفي خطا الرمش عنا = والا اتركي لمعاتب الرمش ميعاد اما الى جاك العتب تحتضنا = والا الفجوج وساع يا اقدام الابعاد لاتحسب انا للفراق انتمنا = لا والذي في فتنة الزين لك جاد انا عليك اشفق من ام المجنا = وان الغلا متمكن لغاد ابن غاد ولفك لفا مثل الغريب وسكنا = وقلوبنا مدهال وصدورنا ماد ازرع غلا واضمن غلاك وتهنا = واحصد وفا واخلاص وشعور قصاد ياغصن حور من النسيم يتثنا = ومنين ما ذعذع عليه الصبا ناد اما انت لحقنا توالي زمنا = والا انت عطنا حد سيف ابن شداد

***ليس موجهه ولاكن لعيون مطلق بعد عودتي من المغرب***
--------------------

زبون الليل !!!

	منهو زبـون الليل ياتـالي الليل = مـادام انـا وياك قـمنا انـتـخاوى مادام انا باخـص خـفـاياك بالـحيل = وجـروح تـال الليـل ماتـنتـداوى يالـيـل مـدري باللـيـال الـمـقابـيـل = نبـقـا على هالحال والا نتساوى يالـيــل انـا ويـاك جـمله وتـفـصيل =جرحين بالدنيا ماضن انتشاوى اللا ابــمـقـدورً وشرواك حلحيل =ان حل بامرن جت نجومه تهاوى مـيــزان حـقً كـفـتـه ترفض الميل = فـيـها براهين الحقايـق تضاوى يــمـكـن تـدل نفوس شذن مـغـاليل = واقـوم انا وياك للـنـوم نـاوى يالـيــل شـفـنا بالـدهـر مـثـل ماقـيل = روسن دراويشن وروسن شلاوى واللـي يـبـي يقرب من الجدي وسهيل = يسجد لـوجه الله بقاعـن مساوى

اخوكم**سليمان ابن جبيل البلوي

اسلم وسلم لي على كل شمر !!!

	اركب على ظهر الاصيل المضمر = لنك سلايل قوم واجداد وامجاد واسلم وسلم لي على كل شمر = قومن لهم في منهل العز ميراد من الكرم رجالهم مايتذمر =اجواد ورث اجواد من ساس الاجواد حبيت اعايدهم على سرج ضمر=وعلى الكرامه جعل تنعاد الاعياد

* ************************************************** ***

لكل الاعضاء والزوارولمشرفنا ابو غازي ولكل شمري

اقول لكم كل عام وانتم بخير وكرامه تحياتي لاحبابي

اعضاء منتدى نشامى شمر

اخوكم ومحبكم /سليمان ابن جبيل البلوي

السلام عليكم واسعد الله اوقاتكم بكل خير
ايجازه سعيده ان شاالله ماحب اطول عليكم
ولكني اعتذر عن طول الغياب ولكني غادرتكم
جميلين وعدت فوجدتكم اجمل تحياتي لكم جميع

تلاعب رسنها !!!

	الله من نفسن كثيره شطنها = تثور مثل العاصفه وقت الاصياف اومت بحالي لين هدت سكنها=عجزت ادق اوتادها والوعد طاف باسباب من له هرجةٍ ماوزنها=لو قصده انظف من جنيهات الاشراف مثل الاصيل اللي تلاعب رسنها=طبايعن شينه على زينة اوصاف خلايقن يوم الزمان امتحنها=راحت مجاديفن مع الموج صفصاف من ينخدع فيها بيدفع ثمنها=يروح لافواه السمك طعم واعلاف ناقة بخيل وعودت في لبنها=خطرن يموت حوارها هزل الاكتاف واللى حلبها علم الناس عنها=سولف بها لين السواليف تنعاف هو يحسب ان سنين عمره ضمنها=ونسي الدهور اللي يبيدن الارياف والا الفطين الى اقبلت ذل منها = ويدري بطبع بليس للناس ميلاف ان اقبلت غنت بحالي لحنها=وان اقفت الايام برداً ابلا لحاف شف موجعاته يوم صدري خزنها=تسببن لعلاقة الصدر باتلاف هذي ابينها وذيك بكفنها=امور يافايز ثقيلات واخفاف بغيت ادل القافله في وطنها=وذليت يفطن للوطن ناقد القاف شفنا وعفنا من خزايا زمنها=ووش يحتري رجلاً الى شاف ماعاف هو ياكل العلقه ويلحس صحنها=والا يطير ولو جناحينه ضعاف عجل ترا نفسي كثيره شطنها=وتثور مثل بداية القاف عصاف وتمت وصلو تابعيناً سننها=على رسول الحق باخلاص وانصاف

متواضعه ارجو ان تنال استحسانكم

عابرة سبيل!!!

	ياخير من يدعى الى طرف الليل == الليل طرف واعتصم فيك داعي جنك ركابي بالخطايا محاميل = وجيتك على حفيان الاقدام ساعي الوقت جاير والليالي بها ميل = وضاقت مساحات الصدور الوساعي من كثر مافيهن من الحط والشيل = شيً ابلا داعي وشيً بداعي نشيل ماضيق نفوس الجماميل = ونصبر لما تفقد جيوب الجياعي يـمـا تـعـودنـا لـيـال البهـاذيل = الـوقـت يـامـرنا ونـمشي طياعي دهور ماترحم وجيه الرجاجيل = تدعي بعيد الشبح شبحه ذراعي المال ينهض وانياً مامعه حيل = والقل سبعً في وجيه السباعي بيض الوجيه مقلطين المعاميل = خدام ضيف الله كبار الرباعي اهل البيوت اللي بقل المحاصيل = يلقى بها الطرقي مبات ومتاعي يوم الردي يقفي الى جو مقابيل = واليوم مد ابن الردي صار صاعي حلحيل ماهو من ظهور الحلاحيل = يقطعك ياجود البذخ يالصناعي ويقطع سنينً ذوقـتـنا الـغـرابيل = ماصار راع العلم للعلم راعي

السلام عليكم ورحمة الله

اعرف بئر هداج من ذو زمن وهو ملي بالمياه وبعد فتره مريت عليه فوجدته
قد تغيرت احواله الى الاسواء ولم يوجد به ما وملي بالكفرات والكراتين وغيرها
كان منظر لايليق ببير هداج المعروف فكم انقذ من انفس عطاشا وهو كان مركب
عليه 90 سانيه في سابق الزمن ومضرب مثل للجود والعطى فقد استئت للمنظر
وكتبت هذه الابيات القلائل وهو طيب ويستاهل

هداج ميراد العطش مات محيوه!!!

	البال له يانسل الاجواد شادوه = والفكر به لمسامر الليل حيره اقدارنا تومي بنا هنوه وهنوه = ولاياكل المخلوق مقسوم غيره ان اقفت الدنيا لها وجه معتوه = وان اقبلت يضحك حجاج السفيره اما رمتك بوادياً تايه وتوه = والا رمتك بفيضةً مستديره والخلق من شانت لياليه خلوه = بين الرجا والياس يلقى مصيره هداج ميراد العطش مات محيوه = ومن اولاً تسعين غرباً صديره يوم المياه من اول شحاح وردوه =واليوم ياهداج كلاً وبيره يامنقذ كبوداً بعد هلك وردوه = يامضرب امثال الكرم بالجزيره في معجم الاجواد لك ذكر عدوه = كنك على هالداج كلمه شهيره ان متت شيخاً مع هل الصيت ذاعوه = وان عشت ياهداج تكمل مسيره

تقبلو تحياتي