آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 28-09-2013   #21


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي جبت القلم ياهاجسي واقبل الليل



السلام عليكم ورحمة الله بركاته
قد يتمنى الرجل ان يعيش عيشة الامرأ ولو يوم واحد واما انا فقد عشتها لمدة ثلاثة ايام انا ومعي
مجموعة شعار من النخبه الفاخره من شعار قبيلة بلي بضيافة مخيم قبيلة بلي بينبع الصناعيه
فقد استدعونا قبل كم سنه ومكثنا بضيافتهم ثلاثة ايام فعشناها كما عاشو الامراء ف جزاهم الله
عنا كل خير بهذه المناسبه اليكم هذه المتواضعه
جبت القلم ياهاجسي واقبل الليل

جبت القلم ياهاجسي واقبل الليل = وانا قبول الليل راعي نجايب
احثهن حثة هل الخيل للخيل = واسري بهن وفجوج ربي رحايب
وأصل بهن لاقصرن المواصيل = مداهل رجالاً تفك النشايب
وسوقهن لمبهرين المعاميل = كنوز الرجال الى حدتك النوايب
زباين الخولان دقاقة الهيل =كسابة المعروف لوهو نهايب
ربعي بلي يامدورين التنافيل = نطاحة القاله لدفع المصايب
وان احتدو للمرهفات المصاقيل = وطبو بسوقً فيه الانفس جلايب
عز الله ان مواجهتهم غرابيل =سيل المضيق اللي يشيل الترايب
وان جت لذبح الحيل ذباحة الحيل = والرزق عند اللي يسوق الهبايب
غربي جبل رضوى تشوف القناديل = شرق البحر ديوانهم بالجذايب
كم قلطو به من حشام الرجاجيل = وفي شبهم تلقى مفاهيم شايب
ساعة دعونا للونس والتعاليل = وكومً شحمها في لحمها عجايب
بعد البهار وسوق غر الفناجيل = ومزارق الجاوي حسين الطوايب
وسوالفً تبهج كبود المشاكيل = وتجلى عن الصدر العليل الشوايب
والصبح تسمع للمصلي تهاليل = ومن وافق الاذكار ماهو بخايب
ومن بعدها قبل اختم القال والقيل = طالبك يامنشي حقوق المخايل
تجعل لهم من باب رزقك محاصيل = من مد جودك ياعظيم الوهايب
وتمت وصلو عد وبل الهمالي = واعداد ماهز النسيم الذوايب
على الرسول اللي عرج رفق جبريل = شفيعنا لبعثرن النصايب



مع اطيب المنى للجميع


 
 توقيع : سليمان بن جبيل



قديم 02-10-2013   #22


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي رشة عطر





السلام عليكم ورحمة الله وبركاته

هذه قصيده مطلوبه من اعزاء علينا وعليكم وقد طلبوها بقصتها ولاكني اعتذر عن
قصتها واكتفي ب اسم القصيده / رشة عطر/ ولاكنني كنت الراااش وليس المرشوش
ههههههههههههههههه
ارجو ان تنال اعجابكم
موجهه لاحد اصدقى وهو راجي العنزي وقد شاهد الحدث بعينه


رشة عطر

راجي نزلت السوق والسوق به غوش = وواجهت زين الدل بالسوق ماشي
اقبل وحييته وانا تقل مرعوش = ورشيت من طيبي لوجهه رشاشي
جيت اصفه لاني في الوصف مبلوش = براقعً مايلبسن المغاشي
عينه كساها داير الفلك برموش = ارماح ربعن حولو للهواشي
والخد به لمدور الولف شالوش = برقن تمزع من عروض المناشي
ناب الردوف واهني من ناشهن نوش = وروس الثمر كنه غطاوي غراشي
والعنق ريماً جفله زيلة طروش = من روضةً فيها تتيه المماشي
ممطور تو وناشه الوسم برشوش = على اوله زملوق عشبه يناشي
اقفى وانا وقفت واقفيت مغشوش = وهو يحسب انه ماعمل بي ولا شي
وعليه قلبي من عراويه محشوش = وعليه نطاف النظاير انشاشي
وعليه مكنون الحشى يغتوش غوش = وحتى اشوايه قام لهن اغتواشي
مسلوبةً تاخذ من الزين وتحوش = وتلعب في قلوب الغلا ماتخاشي
صدفه ومرتني وانا تقل مرعوش = ورشيت من طيبي لوجهه ارشاشي


استرو علي الله يستر عليكم


 
 توقيع : سليمان بن جبيل



قديم 20-10-2013   #23


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي قيود الاصيل



اسعد الله مساكم ومن العايدين وكل عام وجميع رواد هذا الصرح المتئلق بالف خير وعافيه
هذه من الارشيف قصيده موجهه لابن العم محمد ابن سالم الميهوبي وهي تعبر عن نفسها


قيود الاصيل

مهما نسج اقدامنا للمشاوير=ونقول لقيود الاصيل انطلاقه
ونقول للخاطر لعل وعسى خير=وياسلوة الخاطر غديتي شفاقه
نرجيك رجوى المذهبين المداوير=للهيملان اللي قليلاً وفاقه
القلب كنه يابن سالم علف طير=يمزع منه طير الوحش عقب فاقه
واعول واجاوب جروعة رايم الضير=هرجوف بواً في ظهرها وساقه
لو الجروح جروح عشق الغنادير=كان العوض في باقة الورد باقه
وتبقى الطيور بريش جنحانها تطير=والادمي يمشي على عضم ساقه
لكن سنيناً مقتفي صبحها عصير=وهاجوس تال الليل ضيق خناقه
شهب الدهور مثلمات البواتير=اومت بنا اوماي الهوى بالعلاقه
ان اقبلت هانت عليك التدابير=وان ادبرت شان البعير ومساقه
وش جرة الفزعه على سالم الزير=حرب اربعين من العمر لجل ناقه
هاذي من الاحداث من غير من غير=يمكن تجيك من الفهيم اصطفاقه
ان قلت عوجا جاب تسعين تبرير=لكن تعرف مهايطته ونفاقه
وان زلت الاقدام قالو مقادير=وان اقتدو قالو سلوب ولباقه
لاشك مثلك يازبون المخاسير=ينسج من اخيوط الحرير الرقاقه
لنك فهيم وجاك بالوضع تقرير=عجل فدوك مفرقين الرفاقه
عجل ترا ماعاد به سر في بير=شالو غطاه وزودو فيه طاقه



تقبلو فائق احترامي


 
 توقيع : سليمان بن جبيل



قديم 30-10-2013   #24


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي طار النعاس وفارق النوم عيني



مساكم شعر وقصيد
وهذه المتواضعه موجهه لصاحب الصوت العذب والشاعر الجزل /ناصر ابن خليوي الشنوطي


طار النعاس وفارق النوم عيني

تبرز مواري ليلتي تالي اليوم = يعني من اعصير المواري تبيني
وانا لمحت اول مواريه مردوم =على مراهيشه تجاذب حنيني
ورقت عيون النوم عن لذة النوم = وطار النعاس وفارق النوم عيني
انا كذا بهموم والا بلاهموم = لاجن براسي مرعدات الهجيني
اسابق الوكري على ادراجة الحوم = ولو لي جناح وريش لبرد غبيني
لا شهر واحدر الشارده ثم لاعوم =واجمع مزايا الفاخره في يميني
وادعي حصايلها كما نبت يشموم = واطرب بها مسامع الطيبيني
شرواك ياناصر مقدر ومحشوم =وطلق الحجاج ومكرم الغانميني
الطف من الودان في حزة الصوم = واصمل من العبرود عوق الذهيني
ياهل الدلال اللي تواصو عن اللوم = واهل النجور منعمات الثميني
لك مثل ما للناس عادات وسلوم = ولو مانت ياعزوة خليوي فطيني
ماسقتهن لك كنهن قرح الروم = صفرن يوردن الفتى حاجتيني
اما غنايم قوم لاجندل القوم = والا سهوم ميتمين الجنيني
والشعر هو والخيل محمود مذموم =جنبيةً تفعل على وجهتيني
وان شفت داب الحي بلسان مسموم = لك فيه مايقصر لسان اللعيني
والعلم كله كوم وحكايتك كوم = ولاعاش من في وقفتك يستهيني
شاعر ومثلك بالجزيلات ملزوم = شط الفرات مصددر الوارديني
شاعر وابن شاعر ووقفات وعزوم = وعزاً يناديني وانا وين ويني
جيتك مسريهن عن البيع والسوم = ووردن نهر دجله وناخن عطيني
وتمت وتمسي بين شيحاًوقيصوم = وتصبح على زين العمل يالفطيني



فائق احترامــــــــي


 
 توقيع : سليمان بن جبيل



قديم 03-11-2013   #25


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي ياواصل نهير النمش في محله





ياواصل
يسعد مساكم هذه ابيات مجاراه للاخ العزيز نهير النمش مع التقدير
لعلمكم انا رجل احب حايل واهلها ليس من باب المجامله بل هي حقيقه


ياواصل نهير النمش في محله

يا واصل نهير النمش في محله = اللي لكوم الضان يركز عمديا
بلغ سلامي للمصيت وقل له = بلسان من لاهاضته مارقديا
لعــل نشو المزنه المستهله = اللي مقادمها تهل البرديا
تسقي دياراهل العلوم المجله = فكاكة الخلفات واللي قعديا
اكعام روس اهل الكبود المغله = لباسة المحزم صباح وهجديا
شمر لعلم الزين دقه وجله = للضد ضد وللمسير سعديا


 
 توقيع : سليمان بن جبيل



قديم 11-11-2013   #26


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي تشيب الرجال وتمتطي صهوة المركوع



الى قلوبكم الزكيه

تشيب الرجال وتمتطي صهوة المركوع

تشيب الرجال وتمتطي صهـوة المركـوع = والأيـام فـي تغييـر الأحـوال معـتـاده
يعين الزمل شيالت الحمـل عضـد وكـوع = ويذل الدهر عزم الجمـل عقـب مجـراده
ومرد الطيور اليا أعتلت بالوطـاه وقـوع = ولافيـه طيـراً غـادر القـاع مـاعـاده
ونشد النظر ويعانـق الكوكـب المرفـوع = ونسج القـدم وأسـرار الأتعـاب تقتـاده
ومن الله خلق بطن الشبع هي وبطن الجوع = والأرزاق تكتـب للفتـاء بـأول مـهـاده
والأيام كـم راسً قسـاوي تـرده طـوع = ولاهمهـا فـي قسـوة الـراس وعنـاده
وانا كـل مـره شاربـاً كاسهـا قرطـوع = رضا واشكـر الله والله ادرا فـي عبـاده
صبوراًً ولا لي في رجاوي هشاش ضلـوع = لو الوقـت يلـوي ساعـده يبلشـه زاده
على الهون والدنيـا تعلمـك يالمصـدوع = عن السيد الـي كانـو القـوم لـه سـاده
وتذكر ترا من ساق شجره تكـون فـروع = ولازالـو اهـل الطـيـب للطـيـب وراده
رجـالاً يقلبهـا الدهـر ماتخـر خضـوع = لهم في سجل المجـد عـاده بأثـر عـاده
كرامـاً يذلـون الـردا فـي ليـال تـروع = أهـل دلـة صفـرا ومصحـف وسجـاده
مشو للشكالة درب سنـدا طلـوع طلـوع = على وسـادة ليلـه وليلـه بـلا وسـاده
خذوها مواريث ونمـت نميـة المشـروع = مواريـث عـوداً ورث الطيـب لحـفـاده
عسي المزنه اللي ساقها من الهوى ذعذوع = تهـلـع مقادمـهـا وتقـفـاه رعــاده
محاري عشرة أيام وان قصـرن أسبـوع = تـردد عليهـم كـل عـصـراَ بميـعـاده
تـرزم مراعيـد وتضاحـك سنـا متبـوع = وتباكـا حقاقـاً يحـرم العـرق مـرقـاده
على من يلحـق للشواكـل ثمـان ضلـوع = يضيم الصحون لحشمة الضيـف وسعـاده
تجلـت غرايزهـم كمـا صفـوه الينبـوع = زلالاً قـراح ويبهـج النـفـس مـيـراده
ومعاذير شاعرها عن السـرد بالموضـوع = تجنـب هزلـهـا والرجاجـيـل نـقـاده
والأجساد تربه والنفس غرسها المـزروع = نباتـه علـى الله ثـم عنـدالله إحصـاده
كما ساقط الدمعـه فراقـه بـدون رجـوع = يمـا الله يـرده للجسـد عقـب مـابـاده



مع فائق احترامي


 
 توقيع : سليمان بن جبيل



قديم 19-11-2013   #27


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي البارحه قلبي تصافق خفوقه



رد متواضع على قصيدة الشاعره/قمرا الشعر
لكم مع التحيه


البارحه قلبي تصافق خفوقه

البارحه قلبي تصافق خفوقه=طوارين تقبل وتقفي معه غاد
لولا مغاليق المحاني تعوقه=ساير مطافيق الخلايق ولاعاد
واليوم ليه لازماً صوب لوقه=من دونها مالي امريّح ومقعاد
اما اسرجو صفر الخيول السبوقه=والا على عوص النضا شدو شداد
لعيون من دمعه عشاه وغبوقه=مصيونةً ماخايلت كل رعاد
ترجي لها علماً على الله اوفوقه=الياس دونه والرجا فيه من غاد
ترجي شفق شمسه وبزغة شروقه=رجوى الضرير لشوفة وجيه الاجواد
وتنوح نوح الراعبي في عذوقه=باح الكنين ولابقى الا التوجاد
جابت جمل حمل المفارق تسوقه=عليه من جور الغلا ثقل وانكاد
تقول ذي حملة غلاي امعيوقه=يابن بلي قلبي تبجد تبجاد
كزه لمن عاهدت نفسي مابوقه=كزه فدو راسك مطافيق الاوغاد
من لام قمرا ماكتوت به يذوقه=قمرا خذت من حد رمح ابن شداد
يابنت من كيف النشامى ريوقه=اللي تذارف دلته بن وقناد
*اسمه وعنوانه ونيه صدوقه=وبعون رب الكون لي معه مقعاد
ان كانت سلوم النشامى تشوقه=لاجيه بسلوماً قديمات وجداد
وان كان له في جمع الاحوال توقه=لنشر لك الفرحه على روس الاشهاد
والا الحقي طيراً تنحى سبوقه=وش عاد ياطرد المقفين وش عاد
مثلك الى زل الغشيم الطّروقه=لك ياعذاب الغيد بالعرف ميراد
يابنت لك ساسً جويده اعموقه=شمر الى ثار الدخن ملح وزناد
والى احتزم راع المشوك لنوقه=حماية الوضحى مغفلة الاذواد
رجالهم يمشي الكرم في عروقه=كم حايلاً ينثر شحمها على الزاد
وتمت بعنوانه ونيه صدوقه=وبعون رب الكون لي معه مقعاد


اطيب المنى


 
 توقيع : سليمان بن جبيل



قديم 02-12-2013   #28


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي عابرة سبيل -3



شعرت بقصوري معكم وانتقيت لكم هذه العابره
لقلوبكم مع التقدير


عابرة سبيل -3

القوافـي كـل ماقـلـت انتهـيـت وجــزت منـهـا=هاض في نفسي لها هاجس وداعيها دعاني
هاجسً هاضت له ضلوع الشقا وامن سكنهـا=كـل يـوم يشـن لـه غـارات مـن بيـن المحانـي
والهجوس اللي سرجها خيل واعطاها رسنها=مهـرةً تـاخـذ ضلـوعـي بـيـن غــاره وهذبـانـي
لو لهـا سـوق ومباعـه واشتـري وادفـع ثمنهـا=مـاتـذوقــت الـبـيــوت ولاتـمـكـنـت الـمـعـانـي
لاكـن ان الــراس موطنـهـا ويامجـمـل وطنـهـا=وان ضمنها ماحسب لك يافـلان ابـن الفلانـي
الذيـابـه كــل مـاصــاح الـنـجـر جـــرّت لحـنـهـا=وانــت مـاتـوحـي دنـيــن نـجـورنـا يامـودمـانـي
كـل يــوم تـذكـي الـذمّـه وتــذرع فــي كفنـهـا=ميـر لاتحسـب قـدوم اخطـاي يمـك ليـلادانـي
ساقـنـي صـوبـك وفــاي وجـيــةً لابـــد مـنـهـا=شفتهـا حقـاً علـي وجيـت ولسانـي حصانـي
تـاجـراً يـعـرف مـوازيـن الـذهـب لـــو مـاوزنـهـا=ماهـراً مايغـرق السفـن ابمحيـطـات المـوانـي
والذبايـح بالقـدور الــى سحـبـت الـنـار عنـهـا=يارفيـقـي مالـهـا بـعـد النـجـاض الا الصـيـانـي
ادري انك راس عرف بسوق حرفـة مـن دفنهـا=لاكــن انــي راس عــرف وبهـلـوي للبهلـوانـي
ان نويـت اصـدهـا عــن درب عـرفـك واختزنـهـا=والله انـي لدعـي القـطـران قـدمـك زعفـرانـي


 
 توقيع : سليمان بن جبيل



قديم 12-12-2013   #29


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي الميسم



مساكم خير *وشعر* وهذه المتواضعه
-
الميسم

الله من قلباً الى شاط طاريه = ميسم على غال الركايب يشاطي
اغلى الركايب ياسمه مصخراً فيه = خوفاً عليه من الطمع والغلاطي
ان راحن السبّق بعيده مماديه = وان اعرضن للزين مزيون صاطي
وانا صطأ بي ميسمن ذاق صاليه = بس ان ذا ينشاف وان ذاك غاطي
هدف الضلوع اللي عن العين تخفيه = ياما بهن من غاد غيره مصاطي
جور السنين اللي تبيّن مواريه = شيً جداد وشي منهن مباطي
ياناس لو ينفعني الرجم اعديه = لاكن الى ارقبته يزيد احتباطي
يتلني خطو الطواري واخليه = وامشي ولا ادري لو تزل المواطي
مثلي يتيه ومثلي يدل مايتيه = ومن لامني عله على القاع ماطي
ماني على الدنيا كثير المشاريه = لاكن بهالدنيا لزوم ارتباطي
كل أدمي له في حياته خوافيه = ياكود مخدوم المهد بالمقاطي
-
تحياتي


 
 توقيع : سليمان بن جبيل



قديم 15-12-2013   #30


الصورة الرمزية سليمان بن جبيل
سليمان بن جبيل متصل الآن

بيانات اضافيه [ + ]
 رقم العضوية : 3653
 تاريخ التسجيل :  12 - 03 - 2013
 أخر زيارة : منذ 13 ساعات (06:11)
 المشاركات : 1,620 [ + ]
 التقييم :  303
 اوسمتي
درع التميز وسام شاعر متميز 
لوني المفضل : Cadetblue
افتراضي قدرة الله



اسعد الله كل ايامكم /وهذه لقلوبكم الطيبه
-
قدرة الله

أه من علة نفوسً لاتهيد ولاتهدّي =يفهمون العلم ناس وناس مانفهم عليها
كل ما قلنا قضينا والحكايا تستجدّي = تطوي الايام صفحات الليال وتحتويها
وش نخلي من علومك يالزمان ووش نعدّي= الطبيعه مبتليها والخلايق مبتليها
تنصدع منك الجبال الصم عسرات المهدّي = وحيرة نفوس الخلايق حكمةً لله فيها
نرسل الابصار فوق بغيهبياً مجرهدّي = وترجع الابصار والحسره جلالاً ترتديها
لو لبسنا احلى اللبوس ولو تنازعنا التحدّي = قدرة الله قدرة الله مالاحد قدره عليها




 
 توقيع : سليمان بن جبيل



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:16


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام