ديوان الشاعر / حسين القفيلي

انا بدوي!!!

	أنـــــــا بـــــــدوي مــاجــيـــت ســـــــور الـمــديــنــه=أعـــيــــش بـــيــــن جـــبــــال نـــــــازل ورحـــــــال وهـــمـــوم قــلــبـــي فـــــــي الـظــمــايــر دفــيــنـــه=ومــاقــلــت بـشـكـيـهــا عـــلـــى كــــــل رجـــــــال ويــــــن الــرفــيــق ألـــلــــي عــلــومـــه سـمــيــنــه=إن غـبــت يـفـقـدنـي ويـنـشــد عــــن الــحــال وإن جـيــت لــــه يــفــرح ويـضـحــك جـبـيـنـه=وإن مـالـت الدنـيـاء يـجــي سـتــر وظـــلال صـحـيــح لــــي ربــــع (ن) تــزيــح الـغـبـيـنـه=لو غيّمت شمس الضحى بأشهب اللال يـشـهـد لـهــم مـاضــي الـزمــن فـــي سـنـيـنـه=فــعـــل الـــوفـــاء والــمــجــد تـــاريـــخ وأفـــعـــال مــاضــامـــنـــي شـــيـــئــــاً وهــــــــــم خــابـــريـــنـــه=ولا شــكــيــت مــــــن الــعــســر قـــلـــة الـــمـــال لـــكــــن تــغــيـــب وجــــيــــه عــــنــــدي ثــمــيــنــه=روس الــــرجـــــال مـــعّـــدلـــة كـــــــــل مـــــيّـــــال وانــــــــــــا عــــلاقــــاتـــــي عــــــلاقـــــــه مـــتـــيـــنــــه=مـــاهـــي بـمـبـنـيــه عـــلــــى الــقــيـــل والـــقــــال ومــــادام تــجــري الــريــح عــكــس السـفـيـنـه=بصبـر عـلـى وقــت ٍ بــه هـمـوم واهــوال حـــــتــــــى يــصــافــحــنـــي بــــــمــــــدة يـــمـــيـــنـــه=يـقـبـل عـلــي بــعــد الـجـفــاء طــيــب الــفــال

ايها الاخوة والاخوات اداره مراقبين مشرفين شعراء واعضاء .
تحية لكم وكل عام وانتم بخير , ويسرني ان اقدم هذه القصيده والتي هي في شمر اهل العز والكرم وبمناسبة تواجدي بينهم بهذا الصرح الشامخ.

سلام ياشمر وحائل!!!

	سلام يااهل الطيب واهل النواميس= أهل الوفاء والعز وافين لشبار شمر وياشمر عيال السناعيس= يافزعة المضيوم والضيف والجار أهل الكرم من عهد حاتم وبلقيس= واهل الشموخ اللي مثل ضلع سنجار عالين في علو النجوم المراويس= ولهم مع العربان خوه ومقدار ولهم بقلبي حب فاق المقاييس= لني من رجالٍ يعرفون لّخيار من يام مانقبل جبانٍ ولاهيس= نقتله إذا ماهو شجاعٍ وجبار وإن جاء نهار فيه ضرب المتاريس= خيولنا تقفز على كل مضمار حرابنا ماتنفعه قوة لويس= والترك تدري عهد راكان وش صار؟ واليوم في حكم الرجال الأشاويس = أخوان نوره يافخر كل لقطار بعد الجهل والنوم خوف وكوابيس= ننعم بامان الله في ظل لحرار وللحاسدين أهل الكفر لعنة إبليس= اللعنه اللي من سببها وطا النار وسلام يااهل الطيب واهل النواميس= ياحايل وشمر من صغار وكبار

وسلامتكم يالغالين

قلوب العصافير!!!

	البارحه مابين هم وتفاكير= كن الفضاء ضايق بشرقه وغربه عليك ياغض النهد جعلك بخير= يامبعد عني على غير سبه آراجع الماضي ولا فيه تقصير= أنا وهو وأمورنا مستتبه وآراجع الحاضر وإذا فيه تأثير= كلام كساب الردى اللي يشبه صار الوفاء يسكن قلوب العصافير= ولا البشر ماغير من خاف ربه ياليت قلبك يازعيم الغنادير= يجاوبك من في الخلايق لعبّه؟! صحيح ساقتني عليك المقادير= سوق الشماليه لمزن ٍ تهبّه جيناك وردْ ثم رجعنا مصادير= ونهر الزلال أزريت مافيه شربه ماغير هوجاس الشعر والمباهير= فنجالها يضفي على القلب حبّه واجر وناتٍ مثل ونة الزير= وعيني على الرجم الطويل ومذّبه عساني آشوف البيوت المعامير= ياطيب ساكنها ومن حل قربه ياللي على شوفك نسوق التباشير= ومالك شبيه لو هقيت يتشبه إلاّ زهـور الفل في حزة عصير= جاها رذاذٍ من سحاب ٍ يصبّه