ديوان الشاعر / عويد السلماني

سلام ياجمع النشامى هل الطيب

	سـلام يـاجـمع الـنشامى هــل الطيب =اســمٍ سـمآ فــي جـمع شـمر يــعـمر يــذري لاهـبـت هـبــوب اللـواهـيـب =تـلـقـى ذرآ فـي غـارهـا يـوم شــمـر راس الـجــبال الشامخات الشناخيب =مي الكرم مـنـها عـلى الارض همر يفوح زهر زهوره من ارضها طيب =ريـح الخـزامــى والنـفـل يـوم ثـمـر يـفــوج فـوج بـهـار دلالٍ مـحـاديـب =مـن فـوق خـشب الـغـضا يوم جمر كـسـارت الـطـابور يـوم انـها هيب =اسلم وزوبــع مع سناعـيـس شمر ياما اتعـبوا مـن سـايجات المحاقيب =وهـدوا روسـن بـهـا ابـلـيـس زمـر واليوم حنا بحكم مهدي المصاعيب =مَـلـك مِــلـك قـلـوبـنــا ويــتـــأمـــر حـبـن تـبــادل بـيـنـنا مـابـهـا ريــب =عن هالـفـتـن بـقـلوب اهـلـه تسمر الـيـا امـر كل القبايل لـهـا تـجـيـب =وعـدونـا فـي فــرن حـقـده تـحـمر

اهلاً هلا ترحيبة الارض بمطار

	اهلاً هلا ترحيبة الارض بأمطار = ترحيب قــيــــس آلشمري في ضـيوفـه بالـجآهـليـه قـبـل اسـلامـنآ جـار = اجـار امر الــقــيــــس عن اللي يـحوفـه ثـم خـلـده بـأشعـار لأحفاده اشعار = فـي كـتـب تـاريـخ العرب معـروفـه وفي حفلة السلمان نقول بأحضار = وعـلـى مـعـزبـنا يـسوق الكلـوفـه جهـزت لـي دلـه بـها بـن وبـهـار = ليا شافها الدايخ تشفشف شـفوفـه سـقـهـا يـمـينٍ لـلـهـيافا وحضار = اللي حـضـر وجـب عـلينا مـعروفـه مـجـلى لـشـمر لآبـلـتـهم الاقدار = الـيا وصـلـهـم يـنـتهي عـنه خـوفه ذاك الزمان اللي مضى كارهم كار = من اولاد علي محضبينٍ صفوفه من لابتي شمر مثل ضو الانـوآر = اجـبـال تـرسـي ماتـزحـزح حيوفه مهار تلاعب ذيالها فوقها احرار = عـدوهــم يـرجـع وتـكـثر حـسوفه عبده مع الصايـح جـناحين طيار = اركـــان دار عـالـيــاتً رفــوفـــه اللي يفرق جـمـعـنا مابـعـد صــار= والـلي فـعـل فـعـلا بـفـعـله يشوفه بالخير خيـر وان بغى نارنـا نـار = ومـيـاسمن فـوق العـدو معـطوفه واليـوم حـنـا بـيـن وردٍ ونـّــوار = فـي حـكم من بـقلبه لشعبه مروفه من زين قلبه غير قلوب الاشرار = والحـب يـجـري مع دمه بجوفه كفه على شـعـبـه بالخـير مطّار = واسمه بقلب الشعب يكتب حروفه ابو متـعب لشـعـبـه والدن بـار = والشـعـب يـطلب لـه ويرفع كفوفه

قلت هذه الابيات عندما زرت صديقي واخي
العزيز : نازل عبيد السعدي الزميلي الشمري
وسالني اذا لك حاجه ورديت عليه بهالابيات

الطيب يابو جبل اشلت تاجه

	الطـيـب يابـو جبل اشلت تاجه = يشهد معـي نـاسٍ بعيدين واصحاب لـك مجـلـسٍ بـه النشـامـه تـواجه= مفتـوح لهشـال الخلى مابها باب نـاتـي للـي مـثـلك بـدون حاجه = نفخر بـكم لاصار بالمجلس اجناب ورد على الصافي وجنب هماجه = والـعـين تحميها جفونه والاهداب جموع الهيالا ليا استشرت وهاجه= اولاد ازمل ياغـدى الجو ضبضاب عدوهم يـشـرب عـن الـمـي زاجـه= يتلـون ابن ثنـيان لا كـشر الناب يازادة الموجه على السطح وماجه = تجيك ارواحٍ على الموت جلاب زوبع طنـايـا لا حـصل به لـجـاجه = ترسي جبال طويق ويبلم الداب وان قلت سنعوسي يزود انفراجه= ياطاح عن شقر الجدايل الاسلاب واهل الحـيسه كـان طـول عـلاجه = علاجهم سيوف المنايا بالارقاب والشمري لو ضاق يضحك حجاجه = شمر من طيء تسلسل بالانساب يـبطل قـصص نـاسٍ تـدور خـراجه= تاريخنا من قبل الاسلام بكتاب شمر ينابـيع الصـخى وابـتهــاجه = من قـيــس ابن شمر والطيب جلباب جلباب منها الاطياب الارواح فاجه= والارض يانبتت تفوح بالاطياب فوق الثـريـاء سـاكنـين ابـراجه = واجسامهم حدر الثراء داخل التراب ياعالـمٍ روح الجسـد ويــن لاجه =ادخـلـهم الـجنه بـلا حـساب وعقاب الطيـب فعـلاً والسـوالف سـماجـه= ومفـرقٍ طـيبه عـلى كـل الاشناب ومن يسكـن العـالي يجنـب هبـاجـه= والذيب معه نابٍ والحر مخلاب وصلـو عـدد مـاطـار طيـور وراجه= علـى نبيٍ مرسله رب الارباب

نصيحة من مُحب

	مدح الرجل ماهو على كبر الانساب = ماتـذري ارضك لاهدمت العماره وش عاد لو جدك رقى راس مرقاب = افـعـل فـعـل جـدك وولــع بــنـاره تروا التكبر يودع الجـو ضـبـضـاب = يفـرح بـه الحـاسـد ويـثـور غباره نـاسٍ تـقـلـب كـنـهـا لـون سـنـجـاب = فـي مـوقـع الـفـتـنه تحفر جحاره ومن لا يـفـرق بـيـن صــادق وكـذاب = مـثـل الـذي يـنـجـم بـاول نـهـاره ياكثرة اصـحابــك جوانـبـك تـنهـاب = وشلون تولـف الـقـلـوب بجـــداره النـاس ماتبــي ذيــب مـعــه نــاب = لا غر من الصيدات شقشق استاره ابن الحمولـه يـاتحمــل للاصعــاب = ويصيـر بعيــون الـقـرابـات قــاره يزبن به الخايف ويرقد بـه الــداب = ويـاهبـت الـعـوا تــدفــيــك غــاره مايحتـمــي البيـت بتـجـويـدة البــاب = يـاصــار مـا الـباب قــوي جـداره والله نـهانا عـن الـتنابـز بــاللـقـاب = والنــار تـبــدا مــن بداية شـراره مـادمــر الاجيال يـاكود الاحــزاب = بـعيونـكم شــوفــوا خـرايــب ديـاره والهرج شوك القلب من عرض الاسباب=وقولة يقول فــلان سبة دماره لازم تنـزل مـابـراسـك لـلاشنـاب = وتـحفظ لعـكـفـان الشــوارب قــداره وتـتـعـب ولا تـاخـذ من اتعابك اتعاب = وتـبـذل ويـاتــونــك نـدّر حـراره اغل ويغلونك جماعات واصحـاب= وابـن لـربعـك فـي ضـميـرك عماره

عويد عبدالله السريّع السلماني

حبيبتي قامت تباها بزينه

	حبـيـبـتي قـامـت تـبــاهــا بـزيـنــه =واسترسلت فوق المتون الجدايـل حبه تغلـغـل بالـضـلـوع الـمـتـيـنـه =وعشيقها عقاله على الراس مايل يضـمـك حـشاهـا مـع دفـاها ولينه =مثل البريسـم فـوق بـنـت الـقـبـايل وشمه زها من فوق عـالـي جبينه =ابيض مع احمر يداعب الجو هايل يغضي هدب عيـنـك لا شـاف عينه =سودن محاجرهن على الزين حايل يـدرج كـرم حـاتــم مـن دم عـيـنــه =ورمشه حما عينه عـن كـل عـايـل ربـك حـمـاهـا مـن بـدايـة سـنـيـنه =يـعـطـي لـيـا بـخـلـن يـدي الـبخـايل الطـيـب طـبـعه ماتـطــبـع رزيــنـه =بالطيب والـمعـروف تاخـذ الاوايـل من ذاق مـيـه مـايفـارق بـطـيـنـــه =ياخذ من النـظـره عـلومـن جـلايـل يازيـن رمـلـه لا تـخـالـط بـطـيـنــه =ويازين شمسه فوق سيل المسايل مـن غـربي الـغـوطـه لـيـا حد لينه =عطر الشجر يسبح مع الجو جايل اعشق صحاريـها هـي و المـديـنه =ومـن لامـنـي غلطان في جو حايل حايل واهـل حـايـل فـعـولـه ثـمـينه =مثل الرعد والبرق بوسط المخايل يبرق يميـن ويـلـتـجي في مـزيـنـه =ومهـما بـعـد يـمـه عـيـونـه تخايل عذروب اهلها يذبحون السـمـيـنه =مايــذبـحـون الا خـروفـن وحـايـل الطـيـب مـن الاجـداد مـتـوارثـينه =مــن جــدهـم طــيٍ تـلـقـى سـلايـل يرخـص لـك الغـالي ويبخل بشينه =ويصبر لا ثـقـلـت حـمـول الـثقـايل

عويد عبدالله السريّع السلماني

تعاونوا ياعيال العم والجدي

	ياهـيـه يـالـي تـجـيـب الــهـرج وتـودي = لـك سـاعـةٍ تـتـرك الـدنيا وما فـيـهـا مـصـايـب الــوقـت مـاهـي دايــم تعدي = الي طوى صاحبك لو طال يطويـهـا تعــاونــوا يــاعــيــال الــعـم والــجـدي = وسـفـاسف الهـرج خلوها لراعيـهـا تـكــاتـفـوا مـثـل لـون الـبـيـت يـاشـدي = فـي مـيـدةٍ تـمـسـك الـبنيان تحمـيـها والـيـا دخـل الـحـسـد بـالـبـيـت يـنهدي = شــرارة الــنـار تــكـبـر مـن مغــذيها من لا خذا حساب جزر الموج والمدي = راحت سفاينه تصـافـق فـي مـوانـيها لازم نـنــزل مـا بــراس ونــعــــدي = الـي يـفــرق نـفـوس الــنــاس نـعــديـها واحـب انا المـسطـره والـمنـقــله ضدي = ولا كــل شـي تـحـبـه الـنـفس نـشريها كــل طـايـرٍ بالـسـماء لا بـد ما يهـدي = وكل سفـرةٍ لـو تـطـول الـديــار نـطويها يالله عسى وجيهكم عن النار تـنحـدي = واليا ضمت نفوسنا من الحوض يسقيها

عويد عبدالله السريّع السلماني

جتن قصيده من ماجد رجاء ظاهر الحسيني
منه هالابيات

وين الذي يشعم النار وانجيه = تلقى الدفاء والطيب ماهي غصيبه
طبع الصخا من منبع الجود غاذيه = من لابتن طيب الاجواد طـيبه
مـثـل عويد عـايد الجـود لافيه = ولا ابـو حـاتـم هـو دواها وطبيبـه

ورديت عليه

رد على ماجد رجاء الحسيني

	بـديت بـالي كون الكون ويفنيه = يـرزق بخفا ناسٍ ظروفه صعـيـبــــه رزاق جـنـدٍ مـاتـعـده وتحـصيه = الــي بـوسـط الـمي والـي بـشـعـيـبه كاين خلق من شان كاين يغذيه = هـرم غـــذا كـلـن يـاخـذ نــصـــيـبه الليل يغطيها وتظهر مواطيه = وتلقى على الصحراء اثارٍ عــجـيــبـه يعدها ويفهم خوافي خوافيه = بـالـلـيـلــة الــظـلــمـى يـســمع دبـيــبه يالله يالمعبود والغيم تنـشيه = تـــحـيـــي بـهـا ارضٍ قـــبـلٍ جــديـبــه يالله تغفر ذنب عبدك وتمحيه = مابـيـن كـاف ونـون رزقـــك تـجـيــبـه رزاق طفلٍ داخل البطن مخفيه = من وسط دم الــجـوف يظــهـر حليبه الي رفع سطح السماء ثم يطويه = اليا امر يخشع له الكـون هــيــبه من بعد ذكره نكتب البيت نحـمـيه = شــكــلـت لـجــنه كـامله مـع طبيبه نـشـيـعـه عـن كـسـرةٍ في مثانيه = وبـنـات فكري يلاعـبــن الــذويـــبه يافـريـح جـانـي من عزيزٍ ونغليه = رســالــةٍ مـن واحــدٍ نـعـــتـــزيـبه رد الرساله بطيب الورد نهديه = يــعـرف جـود العـود لـيا فــاح طـيـــبه كمبوديٍ لسوق يجلب ونشريه = لاجـل الــنشــامى فــوق جــمره نـذيبه كلن على ماقـيل يـشبه مـربـيه = من مـاجد الـرجــاء ماهــي غــريــبه بجلساتنا مايختفي دوم نطريه = لــو غــابــت الاجـسـام كــود نـحكي به ومن لا يعرف الحر بالنار يشويه = وغالي السلع عند غير اهلها معيبه مـــن الـهــيافــا ياتذكرت ماضيه = يــومٍ عــج الخــيــل غــطـا ســبــيبه مجلا لشمر صاحب الدم تحميه = اليا وصــلــهــم طــاب وانــكف طليبه من اولاد علي الذيب الاسحم تعشيه = اليا لفاهــم ضـيـف ياخـذ نصيبه وكلن علـى فـعـلـه عــلومه تـوديــه = اما تشيـلـه فوق ولا تـغـدي بـه مــدح الـولد يـفـرح رجــالٍ حــوالـيه = ولـيـا سـب امه شيبة قبل شيبه والـي يـجـيـب الـهـرج يـمـك ويــديه = قـربـه مـثـل الـنـار يـشوي لهيبه قال الشريف الي حكى له حكى فيه = تـفرقــت قــلــوبــهـم وهـي قريبه يـفـرق الجـمع القــوي بــدعــاويـه = ويـبــخــل بالصافي ويعطي سريبه الله يــجـنـب جـمـع شـمـر بـلاويـه = خــوذوا عبـر ياهـل القلوب اللبيبه حـنـا خـُلـقـنا نـاخــذ الحــق ونعطيه = والـي يـشــذ مــنــا ربـك حــسـيبه

عويد عبدالله السّريع السلماني

يابو جمال ماجاك عن اخبار حايل

	يابـو جمال ماجاك عن اخبار حايل = جتك البشاره كان خشم الجبل سال الــلــه يــرزقـــهـا مــزونٍ ثــقـايــل = تـسـكب عـلـى دار الـكرم مي همال ســودٍ خـشـومـه لـه رباب وشلايل = راس الهنوف لا رمت عنه الاشيال فـي مـحـفــلٍ مـن الـبـنات الاوايــل = مـثـل اللـهـب قـام يـتـلاقـى ويجتال لولشـلها المـحـفـل وزادت هـوايـل = الجسـم ثابت والشعر طاح وانشال بـالـغيم يـدخل بـرقـهـا لـه شـعـايـل = وينثر من جوفه على الارض شلال في قـدرت المـولى تسـيل المـسـايل = يسـحب رمـل الضـلع والتـل والجال ويــخـلـط مــع بــذرٍ قــديـمٍ سـلايــل = ربك حـفظـها داخــل الارض مـازال كـل بـذرٍ مـن اصـلـه عـلـيهــا دلايل = وهـدب شـجـرهـا كـنـها ذيـل مشوال رمــت عـن زيـن الثـيـاب السـمـايـل = تـقـل مـغـطي كـوكب الارض بـجـلال الـلـه اكــبــر يـامـغـيــث الــقـبـايــل = يـامـنـزلٍ طـاهـا وتـبـارك والانـفــال يـارازق الــداب العــمـى بـالخـمـايـل = يامغـذيٍ بوسط الحشى جسم الاطفال ارزق ديــارٍ يـسـكـنـونــه حـمــايــل = لــو مـات مايـطـلـب من غيرك ريال

قال خلف الليفي السلماني رد على عويد عبدالله السلماني

حي الجواب وحي منهو يسايل = الف ن هلابه عد مادق جوال
يابوعـبـدالله ياكــريم الحـمـايـل = ابشرك حايل وخشم الجبل سال
من فضل ربي بالوسوم المخايل = قام تلاعج بروقها خير وخيال
وانا مالومك يافتى بحب حايل = وانا هواه يافتى غرب واشمال
يابو عبدالله يذكر العشب طايل = على ديارن هي لنا دوم مدهال
من عرعر تسنيد لم الثمايل = وشمال على حروت الخور ووعال
غلاه بقلبي لوتزول الزوايل = وهاذي علومي يافتى الجود بكمال

لو انت تحرص يقلبون المعاني

	بـديـت بـلي يانـطـق كـاف كـاني = طوعٍ وكرهن بامره الكون يمشون يامخـفـيٍ مـوسـى والحمل داني = وبوسط الحشى يكون ولكنها يكون وامه جعلت بصدره لطفله حناني = من دمها يظهر غذاء ابيض اللون ثمن رزقته واحتـفظـتـه زمـانـي = والله خلق خلقه على شان يعبدون يـالـلـه تـغــفــر ذنـبــنـا وتهداني = عـلى الـكـلام الي ذكر خالق الكون انت الذي تحمي حمى روح فاني = واهل الحـميه فـي حماكم يحامون والوذ بك من شر منهو هـجـانـي = نـاسٍ عـلـى لـحـم الاوادم يـتغذون منشار بعروض الاوادم سناني = معميه من اعمى عن الحق فرعون لو انت تحرص يقلبون المعاني = وينقش شوك الشيـل لـو كان مدفون مـريـض لـو جسمه سليمٍ يعاني = فـي داخـلـه حقـدٍ مـثل حـقـد شارون القـراد شـقــق الجـلـود الـمتاني = والـفـار فـي مارب هدم سد وشلون رغم صغر حجمه يحوس الاواني = ويقـرض الاثـاث بـيـديـن وسـنـون لا تـصـيـر للـنـذل هـشـن لـيـاني = قــلـه ولو تـخـسر من المال مليون يـاهـيـه لا تـدخـل شانـك بـشـاني = تر وزنـكـم مـعـنـا مـثل وزن بالون دنياك هـذي بـيـن مسني وساني = ولا كـل مـن سـاق السواني يغنون نـجـمٍ يـغـيـب ونـجـمٍ للعين باني = ونـجـمٍ ثـبـت حـوله نجومه يدورون تكوين رب الكـون بالكـون كاني = ولا يـفـهـمـه الا رجـالٍ يــعــرفــون وانا احب الطيب ولاهله اعاني = ولـلي فـعـل بـي طـيـب اصير مديون الطـيـب صـعـبٍ مايجي بالتماني = مايكسبه منهو رضى لنفسه الهون مـاهــو طـقـوم دلال ولا صياني = والعـنـكـبـوت بـداخـلـه تـلـعب فنون ولاهي مهايط في حروف المعاني = الـفـرق بـالـي للـنـشـامى يهلون وايضا ماهو لواحــدٍ دون ثـاني = من تفعل ايديه لها الطيب مضمون جاك الجواب الي لفظ به لساني = من قـمـة الاشعار تدرج به عيون

عويد عبدالله السريّع السلماني

القلب في حايل لو الجسم غايب

	يابو حمود من يطــلـب الرب ماخاب = يـذري ليا هــبـت هـــبـوب اللـهـايـب من يطلبه يــفـتــح لها رزق وابـواب = بـيـبـان رزقـه مــاتـضـبـه ضــبـايــب مابين كاف ونون يسـبب لهـا اسباب = وليــا امــر تسـهـل عــليــه السـبايـب محصي عناصر ذرة الكــون بحساب = بـيـن الـتـنــاسب والنـسب له نسايب وتكوين طفلن بالحشى يثير الاعجاب = والصوص بسط البيض ماهو بسايب ويغـذي الـدود العمـى هـو ويا الـداب = ومـن الـخـشـب يـظـهر حلو الرطايب وليا امــر الـكـون فــي امــرهــا ذاب = ومـادب فــوق كــوكـب الارض ذايـب نــرجـيـه مانــرجـي ردييـن الانـسـاب = وما قـدر المـولى على العـبد صـايـب ونصبر على بعد الوطن هو والاحباب = لـجــل الـمعـزه نـبـتـعـد عـن الـحبايب معهم ولو نسكن ورا راس مشـعـاب = القـلـب فـي حايـل لو الـجسـم غـايــب نـغـلي هضـابـه مـع جـباله والاشعاب = ونـــفــودهـا يا ذعذعــت بالهـبـايــب مالــوم انــا راسٍ علـى حبهــا شـاب = لا شــك كـسـب الـرزق فيـها صعايب