آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 06-05-2014   #11


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي أغــلــى بـشــــر




أغــلــى بـشــــر

يوم الخميس الدمع عيني تكيله = ماوقـفـت تنثر غزير العباير
هذا هو المكتوب مافيه حيله = حكم القدر يجري على العبد صاير
أغلى بشر بالكون تعلن رحيله = ودعتها والركب بالخير ساير
أشتلت همي والحمول الثقيله = والخاطرالمكسور ماله جباير
غرس الثمر فالوقت نجني حصيله=حال البشر فالوقت والوقت جاير
وش عاد يبقاله وأنا وش بقيله = ياكود ذكرى في حشاي وحساير
يرحل بي التفكير يمه وأجيله = وأذكر زمان ٍفات كله عزاير
أدعي لها بأمر الولي كل ليله = بجنات عدن ٍ يسكن أم البراير
وصلوا على من لانبي بديله = أعداد مابالكون ماشي وطاير


 

قديم 05-08-2014   #12


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي يــاصـــــاحـــــــبـــي




يــاصـــــاحـــــــبـــي

ياصاحـبـي لوفرقـتـنـا اللـيـالـي = تبقى خليـل العيـن والقلـب والـروح
إن جيتنـا غالـي ولـو رحـت غالـي = وشرواك من دون المعاذيـر مسمـوح
ياصاحبـي كــل اللـيـال التـوالـي= لأبقى علـى الميثـاق والسـد مابـوح
على الوفاء وأصفى من المـاء الزلالـي = أزيد ميثاق الغـلا صـروح وصـروح
حتـى وأنـا مـع غفلـة النـوم مالـي = غيـرك يناجنـي مـع صحـوه النـوح
الدمع من عينـي علـى الخـد سالـي = وأنا الذي كنت أحسب إن الهوى مـزوح
لا والـذي فـوق المخالـيـق عـالـي = اللـي كتـب للأدمـي صفحـة اللـوح
مـن يـوم تشـرق شمسهـا للزوالـي = وأنـا بغبـات الهواجـيـس سـابـوح
محد (ن) درى وش صابني ووش جرالي = وأضيـم حالـي ناحلـه كلهـا جـروح
وكل مـن نشدنـي قلـت ياهـم لالـي = سد(ن) يعرفه ثالـث النـاس مفضـوح
حتـى ولـو إنـه قريـب (ن) موالـي = وصية (ن) من صافي الـود بوضـوح
وأختـم كلامـي والـغـلا لايـزالـي = ومدموح كـل اللـي تسويـه مدمـوح


 

قديم 12-01-2017   #13


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي كنت همس



كنت همس
وصرت هم بدون سين
كنت شمس
وأظلمت فيني سنين
كنت أحلام واماني وامنيات
وصرت مليانه حنين

كنت همس
الحزن ينصب في خفوقي خيامـه= ويهدّني بين الجـروح العظيمـه
في وحدتي ماغير دمـع وندامـه=وجيوش حزنٍ طاغياتـن أليمـه
والحظ صوّب للأمانـي سهامـه=وبقيت وحدي مثل حلـم اليتيمـه
احتاج لي صبـحٍ يبـدد عسامـه=واحتاج قلبٍ مثل روحي سليمـه
قلبٍ كريمٍ كـل بوحـه شهامـه=كبير يشبـه للايـادي الرحيمـه
واصبحت كني للمآسـي علامـه=تغشاني همومن تكالـب ظليمـه
امد يدي وسـط داجـي ظلامـه=ولا شوف غير المظلمات القديمه
يوم القهر وقتـه يسـاوي لعامـه=وانا لضيقاتـي وشعـري نديمـه
وارجي فرح عمري يوصّل سنامه=واعيش باقي العمر فرحة مقيمـه
وارفع يدينـي بالدعـا باستقامـه=يارب وصلنـي لـذروة نعيمـه
انا تعبـت وقلت:ويـن السلامـه=تعبت من شيل الجروح العظيمـه


واناجي الليل والاسماء
انا من وين
انا تاسرني الاحزان
والظلما
تمادى هالتعب فيني
لآخر يوم
ومواويلي حكاياتي وأسراري
تعنيني
تغنيني على الآحزان
والاوزان تحكيني
كما الاسماء


 

قديم 31-08-2017   #14


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي تضيق بي عين الفضاء




تضيق بي عين الفضاء
تضيق بي عين الفضا وتصير هالدنيا ظلام=وابو محمد لاحضر همومي تشـد رحالهـا
شيخٍ وقف للمرجله يرقا على راس السنام=يارب جعله خيمتن نعيش وسـط ظلالهـا
ياتاج راسي يالغلا ياعـز غالينـن حشـام=وتفداك ناسن ماتعرف اقوالهـا وافعالهـا
جيتك ابي منك ابشري من قبل لاقول السلام=جيتك اجابة وانـت تقـرا بهـا سؤالهـا
انت الكبير اللي يعرف بدايته قبـل الختـام=وانت العظيم اللي يشـد امالنـا بحبالهـا
ياخوك مليت المكان اللي يسبب لي حطـام=كمـن سنه وانا كسيره و اتحرا فرا جاهـا
من فرحتي بك قلبي يطيـر وطير حمـام=وانا بقول فـداك عمـري بكـل احوالهـا


 

قديم 23-09-2017   #15


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي عيد الاحزان




عيد الاحزان
العــيد عاااد وعاااد بأحزاني العيد=سابع دهر ياعيد جرحي أشيله ..
مال الامال بحلم عمري مواااعيد = كل الأمال بدنيتي تةن مستحيله
ياأروى عظيم الجرح ماطاب ويزيد=مابي على مابي حلـول ووسيله
الهم عم وسـم حالي بتاكيد = حـــلم ٍ تبدد وأنتهى في حصيله
أسرح مع أحزان الشقاء وأرجع أعيد=ومن عاش وضع الحال ياعزتيله
أقفت ســــنين العمر جمع ومفاريد= وموت المواجع صمت صبري أكيله
واللي ورى صدرالشقاءوصف تحديد=بيت ٍ مشرع بس ماله عقيله
الله أكبر يالحـــظوظ المقاريد= مال السعد في وجه حظي مقيله
ياأروى دموع العين ياأمي مقاويد= دمع ٍ غسل كحل الرموش الظليله
هم ٍ سكني كيف ياعيد بيحيد=عن زرع روحي فوق جمر المليله
ورمح القدر مسنون يطعن بلا أيد=وخضر الطعون أجداد دم الفصيله
والله يفعل مايشاء فيني ويريد=ومالي عن المكتوب ياأروى بديله
العيد عاد وعاد بالحــزن لاعـيـد= وغنت هجوس الشعر طرق الجزيله


 

قديم 11-10-2018   #16


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي اشيل




اشيل
اشيل من كثر المصايب وحطي = مالا تشيل ظهور حرش العراقيب
ترمي بي همومي على كل شاطي =تغيب شمس وتظهر الشمس وتغيب
ترفعني ظهور الزمن وتوطي =لوكان نفسي فوق روس المراقيب
فاضت عيوني وامطرت فوق خدي = اكتب ودمعي فوق بيض المكاتيب
ابكي على اللي تو مشيه تخطي = قبلي بكى شالح على عزوته ذيب
بكاه حي وفي منامه يغطي = يصحي على صوته وخايف من الغيب


 

قديم 24-01-2019   #17


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي الهمس





الهمس
الهمس عيت تهتني بالمناما= باسباب خل(ن) راح والقلب مطعون
أون ونات الكسير العضاما = واخفي جروحي خوفي الناس يدرون
واصك انا البيبان واخشى الكلاما= وهمس المشاعر صيبة اليوم بجنون
كل المشاعر بعدهم بنحطاما = ياعونت الله دمع عيني على الهون
يالله طلبتك يا عزيز المقاما = ترد غالي صار بالوقت مهيون
اول شموخه عالياه بعتزاما = والحين جار الوقت ويقول تكفون
السجن يقهر من قوين حزاما= مسجون ضلمن والمخاليق يدرون
والوقت يطوي خافقي بابتراما= وحسبي على ذا الوقت للناس مديون
ماعاد يفرق بين حل وحراما =ولا عاد يفرق بين جائز ومسنون
ان كان حطوا فالمرابع خياما = فانا طويت البيت وانتم تشوفون
قولوا له اني حالتي بانعداما = وقولوا له اليا ابطى ترى الوقت له شون
شقيت جيبي واستروني عماما= ابيه يدفني قبل لا يصيحون
ماعاد باقي للخلايق ملاما = النور لامن غاب وش عاد ترجون


 

قديم 03-02-2019   #18


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي الوقت مايل





الوقت مايل
الوقت مايل بالمصايب عليــّه = وش حيلتي ياناس فيما جرالي
ماغير دمعي وامسحه في يديــّه= اجاري احزاني ويا ويل حالي
مابحت انا للخلق ماحل ّ فيـــّه= ماني ببايحته ولو لي مجالي
عزيزةٍ نفسي عزومي قويــّه= أشيل همي لو يعدل الجبالي
لكن خوفي من بعض هالبريـّه =تشوفني وتقول ذي ما تبالي
وانا خفوقي فيه نار ٍ لظيـــّه= أطفي حرارتها بصبر الجمالي
عسى توال الصبر هجر الأذيــّه = تروح مايبقي لها عاد تالي
ويالله يالمعبودجزل العطيــــّه = تمدني بالصبر فيما بقالي
وتوهب لي النسيان منك هديــّه = وقلبي عقب حزنه لفرحه ينالي


 

قديم 06-02-2019   #19


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي اهرب خلا




اهرب خلا
يالله يارب المخاليق مولاي = الطف بحال اللي تجدد عذابه
ليلي طويل وجاور الهم مركاي = اسهر مع الهاجوس دمعي صبابه
ضاقت بي دروبي وضيعت مسراي = وذاك العجاج اللي عماني ترابه
ذاك الظلام اللي تعثر به اخطاي = ودرب (ن) عوير وموحش(ن) به كاءبه
لاقلت زان الوقت.في درب شرواي=ياقوم قام الليل ينعي غرابه
عفت الحياة وعفت بحري ومرساي= ياعيشةٍ كله عذاب وكئآآآبه
زادي دموع العين وافراحي بكاي=ونومي على مر الليالي نهابه
لوقلت انا همس المشاعر بدنياي=ماحدٍ عرف جرحي ولاحدٍ درابه
أهرب خلا واضيع الهم بغناي=والله يعلم ياسبيب الربابه


 

قديم 17-09-2020   #20


الصورة الرمزية همس المشاعر
همس المشاعر متصل الآن

بيانات اضافيه [ + ]
 رقم العضوية : 3785
 تاريخ التسجيل :  04 - 09 - 2013
 أخر زيارة : منذ 22 ساعات (06:09)
 المشاركات : 362 [ + ]
 التقييم :  80
 اوسمتي
وسام وسام الإبداع 
لوني المفضل : Cadetblue
افتراضي مني لبو سلمان سلاما الثباتي




مني لبو سلمان سلاما الثباتي
المجد في وجه الليالي يبينا=ماضي وحاضرها مع المقبلاتي
ويوم الوطن ذكرى عزيزة علينا=ذكرى على التوحيد ولم الشتاتي
ومن ساسنا والعز منا وفينا=شعب البطولة شعبنا فالحياتي
واليوم للقايد رفعنا اليدينا=عهْد. ولابو سلمان عهداً ثباتي
سلمان عز العُرْب والمسلمينا=وولي عهده يطوع المعضلاتي
وياطالباً مولاك وبه تستعينا=وتدعيه رب الخلق وقت الصلاتي


 

 

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:49


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام