آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 15-11-2013   #1


الصورة الرمزية نهار بن ثلاب
نهار بن ثلاب متصل الآن

بيانات اضافيه [ + ]
 رقم العضوية : 3830
 تاريخ التسجيل :  15 - 11 - 2013
 أخر زيارة : 15-11-2013 (11:40)
 المشاركات : 2 [ + ]
 التقييم :  10
لوني المفضل : Cadetblue
افتراضي ديوان الشاعر / نهار بن ثلاب





بـــــديـــــت بــالــمــعــبــود جــــــــــزل الــعـــطـــايـــا

بديت بالمعبود جزل العطايا=وابديت مادّك بي من هواجيس
ياكاتبي كفاك شر الخطايا=وشر الشرور ومن سعّوا له قوابيس
دنّ ..القلم ياشوق صاف الثنايا=حبره جديد وزاهي بالقراطيس
اكتب سلامي واختمه بهتوايا=خص الرجال اللي تحشّم عن الهيس
لرجال زوبع ملحقين الونايا=يعمكم ياكاسبين النواميس
يسّلمون عليكم ناطحين الدهايا=عند اللوازم ياتناخوا سناعيس
مع الاسف يامكرمين العنايا=تطيعون راي منكس الراي تنكيس
جتنا علوم من الحقايق عرايا=عواقبه بين الرفاقه حواسيس
يامودع الاخوان شتّ ونحايا=ادخل على الله لاتسمى لويليس
حشى الشريف انه ذكر به ونايا=الاّ ذكر ماقدر الله ولابيس
شمّر *****نً ولابه روايا=هدت حراراً وجدعوا به ملابيس
والشاهد البرهان فيه الكفايا=مايحتمل يارجال غلبا عواسيس
خصيم نفسه مايدّور قضايا=شي بشوف العين يجلا النواحيس
وإليا اشتبهتوا كثرن الدعايا=أسئل عن قومً كاسبين ومفاليس
تروا الدلايل تقتدي به سرايا=اخير من قول وراء القول تنكيس
حفيظته ياعيال حرد السبايا= وبلاحفيظه فيه شكً وتوهيس
الخيل ماجت يالنشامى حذايا=ولاهي بسوق فلوس من مرخص الكيس
الخيل فود مجّدعين الشفايا=يوم انتخوا بالحيز مع السناعيس
صاب الحريب رعاب شاف الرزايا=راحت عليه الخيل مع المطاويس
تروا الظبا و الربد ماهن عطايا=واكبر دليل ولاتهوجس هواجيس
ولاهن همل تقول جابوا رذايا=عند الاصايل مثل ضرب النحاحيس
ياما اجبروهم كيد وراحوا حفايا=وشيفن شوف العين ماهو ذكر ***
تخيلوهن محتمين الونايا=وعاشن سنين جرد مع السناعيس
مار عسى لكم من كل شر وقايا=يامتعبين نجورهم والمحاميس
نصيحتي لمثمنينّ الهدايا=لاتحرفون القيل يرّث لواليس
ترو مفتاح الشين شرّ البرايا= ماله شبيهاً كود فرعون وابليس
والظلم ظلمى والظوالم خزايا=والحق نور وفوق نور الفوانيس
حنا لكم ماهي علوم وحكايا=وانتم لنا مادام تذرى النسانيس
حنا لكم ياذاب ريق الشفايا=في ساعة اهل العوايد مراويس
حنا لكم وشهود قولي بقايا=ومن لايجيب شهود ربعه مفاليس
حنا خذينا الثأر قدم الطنايا=لعيون آخر صوت ثلاث فرّيس
شي بشوف العين ماهو افترايا=حامت عليهم مع سباعه رواميس
وحنا لنا فريس مارد ضحايا=خلوهم فريس الضياغم مفانيس
وحنا حماة الدار ورد المنايا=حبس الجمل عن كل طامع وعرّيس
من دور مفتاحً عريب الدنايا= لليوم الادنى للبطاحي غواريس
نرسي كما ترسي الجبال الدهايا=لو طوّل الدخان فوق المتاريس
ظهور السواني للغروب الملايا=ياما وقع بنحورهم من ملابيس
يفرح بهدتنا منقوص الشفايا=ياورّدوا ماتسمع الا .. سناعيس
هدّاتنا تبري القلوب الدمايا=وتجلي هموم اللي بصدره هواجيس
مار امنعوا دلو الغلط والهزايا=واحترموا حق مطوعين الملابيس
وافعالكم به زود ماانتم عرايا=عندكم جابر وفياّض وطويس
مع غيرهم زاروا حياض المنايا=من فعلكم ياكاسبين النواميس
عثمان قال وقص كل القضايا=قال ماطعتني ياشريف يالحية التيس
خالي صمد ماله منا حظايا= إلا الحذر عن فعل زوبعً والسناعيس
واقول لاتحارب وساع الثنايا=تراك خطير وعن مرامك معيكيس
قبلك بهيجً راح ماله سمايا= من راس عيطا حدّروه السناعيس
شاف الزهود وعاف طلع القنايا=وتجاوزوا بالقيض حرّ الطخاميس
غلبا على اسمه عند حقه طنايا=ضد الحريب اليا انتخوا زوبع وعيس
مابه طمع مار القدر كالمنايا=يجري بحكم اللي يفكّ المحابيس
هذي فعول جدودنا والدنايا=ولاخير في رجلً علومه دنافيس
وان مااقتنعتوا والدلايل ملايا= الحق مرضي نافيً كل تلبيس
هذا والسلام ختام عند النهايا=يعمكم من غير قيدً وتلبيس
وصلوا عدد ماناض برق النشايا=على الشفيع اللي اسس الحق تأسيس


 

قديم 15-11-2013   #2


الصورة الرمزية نهار بن ثلاب
نهار بن ثلاب متصل الآن

بيانات اضافيه [ + ]
 رقم العضوية : 3830
 تاريخ التسجيل :  15 - 11 - 2013
 أخر زيارة : 15-11-2013 (11:40)
 المشاركات : 2 [ + ]
 التقييم :  10
لوني المفضل : Cadetblue
افتراضي ذكريات الشاعر نهار بن ثلاب الحسيني



ذكريات الشاعر نهار بن ثلاب الحسيني



 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:21


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام