آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 04-05-2014   #21


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي الى الأمام قدها / بقلمي



الى الأمام قدها / بقلمي

يالمشرف العام بشر عسى كل العلوم سمان=دامك زعيم المعرفه والحمله انت قايدها
الى الأمام قدها وتوكل على الله الرحمن=وهذي شمر من خلفك شوفها تشمر سعايدها
من شان ياسر كل شمر مدت الكف المليان=وهذي شمر وقت الشدايد وهذي عوايدها
يابو غازي لايهمك وخلك على كل اطمئنان=قضية ياسر باذن الله ستنكف نكايدها
بكره نشوفه باذن الله تفتح من دونه البيبان=وتعم الفرحه والشعار تعبر في قصايده
بالمحفل اللي فيه كلٍ في شوفت ياسر فرحان=الله كريمٍ سبحانه وبيديه حل عقايدها
ولاهنت يابو غازي وكل من اهتم بياسر ماهان = ياهل الوقفات اللي الله من الخير زايدها


 
 توقيع : نجم الشعر



قديم 05-05-2014   #22


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي والكل مد المده اللي الطيب سابقها / بقلمي



والكل مد المده اللي الطيب سابقها / بقلمي

الحمد للمعبود الفرد الصمد=الواحد اللي كل الخلايق رازقها
تمَّت والفضل لله الواحد الأحد=واليوم الفرح دمع الأعيان مغرقها
وزالت الشده بعد التعب والنكد=وارتاحت نفوسٍ عناء الوقت طارقها
يوم سمعنا الإعلان في يوم الأحد=إكتمال المبلغ اللي النفوس مرهقها
وعمَّت الفرحه والكل لربه سجد=والناس ماتسجد الا لوجه خالقها
نهنيك ياام ياسر بسلامة الولد=إشكري الله مطلعٍ شمس مشرقها
ثم اشكري شمر اهل العز والسعد=اللابه اللي ربي للخير موفقها
يوم نخيتيهم جوك مافيهم أحدٍ قعد=والكل مد المده اللي الطيب سابقها
ثم اشكري ابو غازي راع الطيب والمدد=اللي قاد الحمله وبالدرب رافقها
ومن زرع الطيب لابد من يومٍ يحصد=وترفع له البيضاء والطولات عانقها
وشمر سند للي يبحث عن السند=بعد الله اللي كل ابواب الشر مغلقها
أنا اشهد وكل من يعرف شمر شهد=بالناس طيبين لكن شمر الله فارقها


 
 توقيع : نجم الشعر



قديم 07-05-2014   #23


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي ينابيع نوي / بقلمي



ينابيع نوي / بقلمي

يا طائرة الرس هومي بالإقلاع=وخلي تجاهك شرق بغلاف جوي
ترى عيوني لك جناحينٍ شراع=فوق بريده يا طائرة ميق دوي
لو البلاد فجوجها كثارٍ وساع=أبيك بارضي تهبطين بتروي
فوقك حبيبي تلني بين الأضلاع=يارد ويشرب من ينابيع نوي
الصاحب اللي مالنا غيره اطماع=قلبي معه بالطامنه والعلوي
عليك قلبي ياهوى البال منلاع=ملكتني بالحب احكم وسوي
يابو خدودٍ كنها البرق سطاع=ونورك يغطي بالبلد كل ضوي
عز الله اني فيك يازين طماع=مادام جوك ياهوى البال جوي
أنا معك يازين في كل الأوضاع=تأمرني وتنهاني مااقول توي
لبيك يالمجمول يازين الأطباع=وكل الذي مطلوبٍ مني اسوي
وانا تكفيني ضمةٍ بين الأكواع=تشفي غليل القلب وتسعد سموي


 
 توقيع : نجم الشعر



قديم 08-05-2014   #24


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي قصيمنا / بقلمي



قصيمنا / بقلمي

لاضاقت الدنيا على كل الأحوال=عند الولي ثم سيدي ماتضيقي
ياسيدي ياطيب العم والخال=مبداك من أصل الملوك العريقي
من يجهلك وانته وريثٍ للأبطال=ابن الأسود اللي مداهم غميقي
فيصل بن مشعل لك المجد منوال=كل المحامد في ثناكم تليقي
فيصل بن مشعل لك الطيب منزال=معناك من كل النواحي عميقي
فيصل بن مشعل بك المدح ينهال=في برها في بحرها والمضيقي
فيصل بن مشعل بالأفعال رجال =حبل المراجل في يمينك وثيقي
فيصل بن مشعل للأصعاب حلال=صعب المنال وغيركم مايطيقي
يالفيصلي يالصيرمي رمز الأشبال =علمك يجد وعلم غيرك عتيقي
تاريكم معروف ياطيب الفال =حتى العدو يعرفك قبل الصديقي
ويعرفك من يبدع جزيلات الأمثال=ويعرفك من يمشي بعيد الطريقي
لك مجلسٍ فيه التراحيب تنقال=لافاحت الدله وفاح الإبريقي
والضيف له عندك من الكيف فنجال=والعود الأزرق مثل نفح الرحيقي
فيك الكرم والجود والزود والعال=ياصاحب الوجه البشوش الطليقي
ولك فزعةٍ وقت الشدايد والأهوال=بأمرك رهين القيد يصبح طليقي
أماتجي بالجاه والا بالأموال=والا تجي بالطيب وقلبٍ رقيقي
هذا الأكيد وصدق الأقوال ينقال=والصدق للنجاة أخون شقيقي
يا شبه حرٍ ما يصيد الا الأجزال=لا عاث في جول الحباري يعيقي
ما تقصره بعد المسافه والأميال=لا هد يصفق بالمخالب صفيقي
وانت الذي ياسيدي طيبك افعال=الطيب طيبك والفخر بك حقيقي
شوفتك تجعل قاسي الهم ينزال=وخيرك على كل المخاليق سيقي
الله عطاك وصرت للخير مكيال=واصبحت من فوق العوالي تويقي
قصيمنا في عهدكم ماله امثال=رمز الحضاره للسحايب عنيقي
وقصر الإماره للجماهير مدهال=تقضى اللوازم فيه وقت المضيقي
والفندق اللي صممه رجل الأعمال=يشكر على التصميم فنَّه دقيقي
جنوب الاماره بارزن تقل تمثال=تحلا الليالي فيه مع العشيقي
ومن غيرها تنوَّعت كل الأشكال=برق التطوُّر شوف يبرق بريقي
هذا التطوُّر تذكره كل الأجيال=تسلم يمينك ما يجيها العويقي
سألت حظي يافتى الجود سوآل=أبيه يجاوبني وعيا يفيقي
وصارت علومي كلها قصارٍ طوال=الحظ حظي بس ماهو رفيقي
يمضي علي الوقت والضيق بالبال=ومن ضيق بالي تايهن في طريقي
حدتني الدنيا من الجال للجال=بأمواجها يامير شفني غريقي
ياسيدي إن كان تسأل عن الحال=نصيتكم يوم العناء جف ريقي
أوجس بجوفي تقل بركان زلازال=لا هز بلاد الصين خاف الإفريقي
لوكان غيري يمكن يصيبه هبال=ولو يرقيه السديس ما يستفيقي
ياسيدي دام انت للجود فعَّال=أعطف علي وخل قلبك شفيقي
وسلامتك ياسيدي وعمركم طال=عساك ماتوجس لهيب الحريقي
وصلاة ربي عد نغمات الإرسال=على نبيٍّ فاز بأعلى الرفيقي
صلوا عليه وسلِّموا ياهل الإجلال=إعداد ماطافوا بالبيت العتيقي


 
 توقيع : نجم الشعر



قديم 12-05-2014   #25


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي يمشون صوبك / بقلمي



يمشون صوبك / بقلمي

وقفات شمر تجيب الخير=قبيلةٍ كلها خيري
لو الزمن كله معاسير=تهون كل المعاسيري
هذا ياسر عايشٍ وبخير=عند امه في قمة الخيري
واليوم نفس الخطى والسير=يمشون صوبك يالوبيري
ماهسة الجمه عن البير=شمر على جمة البيري
بالناس خيرٍ وشمر غير=لاصار بالحال تغييري
إن جت على دفع المخاسير=يامادفعوا من مخاسيري
وكل القبايل بلا تقصير=مافيهم نقصٍ وتقصيري
وماقدَّر الله علينا يصير=وكل شيٍ بامر الله يصيري
وهذي تحية مع التقدير=لأهل الوفاء كل تقديري


 
 توقيع : نجم الشعر



قديم 09-06-2014   #26


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي مركب غرامي / بقلمي



مركب غرامي / بقلمي

الناس قالوا كل مطرود ملحوق=وانا اخالفهم بالمثل والسبايب
ياماطردنا بالهوى حب معشوق=وماطالنا غير العناء والتعايب
لكن تجي لاجابها الحظ من فوق=ويصبح منامي فوق حلو الترايب
والرازق المعبود والعبد مرزوق=ياماعطى للعبد جل الوهايب
ياهل الهوى حب الغظي ساقني سوق=وانا على شانه تعَّبت الركايب
مركب غرامي يشتكي هزَّت الشوق=وتمطر عليه من المحبه سحايب
لاقلت للمجمول انا فيك مشفوق=قال ابتعد اشوفك اليوم شايب
مايدري اني بالهوى صرت مطفوق=لو تابوا العشاق ماني بتايب
ياليتني ماشفتها داخل السوق=من شفتها ياناس والقلب ذايب
أبو خديدٍ كن تلمع به بروق=وريح الشمطري بين شقر الذوايب
عليك قلبي ياهوى البال محروق=مير ارحميني قبل عوج النصايب


 
 توقيع : نجم الشعر



قديم 12-06-2014   #27


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي الطيب ساس / بقلمي



هذه القصيدة موجهة الى أبو فارس/
إبراهيم بن عزيز السليمي/
من الشاعر/ نايف الشويب

الطيب ساس / بقلمي

يابو زايد اسمع كلامي واناخوك=الجيب خله جاهزٍ ياعضيدي
ولامن جهزته قم وقرب لي البوك=أبكتب اللي زارني من جديدي
قافٍ جديدٍ من صدى الفكر محبوك=صغته وعسفته على مانريدي
أقطف جزيل القاف والهزل متروك=ومعناي اقوى من صخرها والحديدي
هز الخفوق ودك بالقلب داكوك=لاقلت انا له كف جاب المزيدي
واللي طرى للقلب مافيه مشكوك=رجلٍ على الطولات فعله مجيدي
أبو فارس لامن الأنذال حدوك=لاجيت عنده شفت حالك سعيدي
إبراهيم بن عزيز من الناس مبروك=عريب ساسٍ والسجايا حميدي
له ماقفٍ لاجاه من يشكي ضنوك=يشكي ضروفه والزمان العنيدي
قام وتنهض واصدر العلم بصكوك=وتبدلت بالخير وعيشٍ رغيدي
يابو فارس هذا انت والخير لأبوك=هو الذي رباك وعلمه مفيدي
والطيب ماهو صفقةٍ داخل بنوك=الطيب ساسٍ والمراجل رصيدي
يامدله الضيفان لامنهم جوك=لاجوك من قريبٍ والا بعيدي
لك مجلسٍ ماهو عن الضيف مصكوك=فيك الكرم والجود والله شهيدي
يفداك يارع الوفاء كل صعلوك=اللي كما ضبٍ يروم الرديدي
والحر مايوقع على كومة شبوك=له ماكرٍ من فوق راس الجليدي
والذيب يسري لو على دربه الشوك=لاحدد الغارات ماهو يحيدي
وهذي علومي والمدح فيك مشروك=هذا ابو زايد بالمدايح سنيدي
يومه عزمني يمكم قلت له دوك=دوك المفتاح وشغل الجيب سيدي
وتم اللي الكلام اللي به القاف مسبوك=من خاطرٍ ماقال غير الأكيدي




 
 توقيع : نجم الشعر



قديم 17-06-2014   #28


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي ليت السديري / بقلمي



ليت السديري / بقلمي

ألا ليت السديري من قبره يقوم=ويطلع علينا من حضيض المقبره
ونستقبله بالورد في حال القدوم=ومن شانه التكريم كلٍ يحضره
وبعد الضيافه يبتدي سرد العلوم=كلٍ يقول اللي في باله يذكره
أول بدا شعر العرب يشكي هموم=من بعدك يالسديري كلٍ بعثره
بين البراد وبين لفحات السموم=وعظمه كسيرٍ مالقى من يجبره
الشعر يشكي من تصاريف الرخوم= باسم الشعر نشوفها مستشعره
من شان جمع المال للمعنى تسوم=تبيع وتشري الشعر مستسعره
وغير المهايط والجشع مامن لزوم=إسأل حبيِّب واسأل معه منقره
كم شاعرٍ شفناه من فوق النجوم=على حساب الشعر يوم استثمره
وكم شاعرٍ يدفع على شعره رسوم=من شان شعره بالمحافل يظهره
وكم شاعرٍ قال انا الشاعر اللطوم=هذاك ودك لاتكلمح تقهره
ودك تصده بالدفاع وبالهجوم=حتى المعاني من جزيلك تحشره
وكم شاعرٍ يقول انا مليك الروم=القاف ماكسره وغيري يكسره
ماكل من طب البحر يقدر يعوم=والموج لاجاه الإعصار يطمره
وكم شاعرٍ من اللي ذكرنا محشوم=جزيل المعاني والمشاهد يشكره
اللي لاطب الميدان يسد اللزوم=ويجيب لك صدق الخبر من مصدره
عزيز نفسٍ ماهو للجشع يروم=والشعر ماهو بالمطامع يخسره
ومن بعد ذكر الشعر نذكر السلوم=عاداتنا نشوفها مستنصره
شيٍ خلا العقِّيل تشق الهدوم=ماتسمع بالمجالس غير الثرثره
وياكثر مايحصل فيها من الشتوم=واليوم الطيِّب اللي يطيع المره
وشفنا القرايب جت للقرايب خصوم=حتى الأخو ماصار اخوه يقدره
ولامن ذكرنا اهل النخاوي والعزوم=يطلع لك منهم من المليون عشره
هذا الذي عندي والمعارض يقوم=ويجيني ويعمل معي مناظاره
وتم الكلام اللي ماقلته بالعموم=واقدم لكم ياهل الطيب المعذره
يالله يالمعبود الغفور الرحوم=تجعل على قبر السديري مغفره


الشاعر/ نايف الشويب السليمي


 
 توقيع : نجم الشعر



قديم 22-06-2014   #29


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي جار الزمان / بقلمي



جار الزمان / بقلمي

ألا ياهاجسي حرِّك وبيِّن خافي المكنون=ومر الضمير وقله يشرح لك عن سر مكنونه
والا ياخاطري عبِّر عن اللي داخلك مخزون=ومر الخفوق وقله يكتفي من فيض مخزونه
والا ياقافي المطنوخ لحِّن من قصيدي لحون=ومر الجديد وقله يبتدي في نغمة لحونه
والا ياقلبي اللي من عناء الدهر بدا محزون=مر النفس الشقيه قلها وش فيك محزونه
والا ياحالي اللي كل يومٍ هو من دونٍ بدون=مر الصبر وقله لايحول الليل من دونه
خله يجيني حالاً وانا ابستعين برب الكون=وماخاب عبدٍ يستعين بربٍ عالين كونه
يالله انا طالبك انك تمد لي من عندك عون=أنت الذي ماغيرك نرتجي من مده وعونه
جار الزمان وماقصر أثر على حالي طعون=الله يعين اللي مثلي حاله تزايد طعونه
والناس ماتدري وانا مابغاهم عن حالي يدرون=أعيش وهمي البشر ماهم لزومٍ يدرونه
وختامها صلوا عدد مانشت من الغربي مزون=على النبي صلوا عدد مالاح البرق بمزونه


 
 توقيع : نجم الشعر



قديم 29-06-2014   #30


الصورة الرمزية نجم الشعر
نجم الشعر متصل الآن

بيانات اضافيه [ + ]
 رقم العضوية : 3907
 تاريخ التسجيل :  26 - 03 - 2014
 أخر زيارة : 20-10-2019 (08:51)
 المشاركات : 2,762 [ + ]
 التقييم :  67
 اوسمتي
وسام وسام وسام درع التميز 
لوني المفضل : Cadetblue
افتراضي يغنيه عيبه / بقلمي



يغنيه عيبه / بقلمي

يعيبني والمشكله كله عيوب=ليته على شانه يريَّح ضميره
ويرتاح مايجني على نفسه ذنوب=يغنيه عيبه عن معاييب غيره
ليت الردي لو مرةٍ يقدر يتوب=وعن الرداء والشين يعدِّل مسيره
يعيبني والعيب شربه من الكوب=وتشبِّعه كنه اسلاك الظفيره
ياهيه انا كلي على النخوه دروب=بنيت ساس المجد في كل ديره
أحفظ سلومي واحتمي كل ماجوب=تلقى مكاني بين شيوخ العشيره
والشعر يعرفني وانا صغته اسلوب=كل المعاني من قصيدي غزيره
يجيب لي شعر الغزل كل محبوب=أسرح وروِّح والسوالف كثيره
والمدح مالي عنه بالشعر مجنوب=أغوص بحر المدح واترك غديره
ويعيبني لأنه من الغيض مكروب=ومن فوق عدِّي جت حباله قصيره


 
 توقيع : نجم الشعر



 

مواقع النشر (المفضلة)


الذين يشاهدون محتوى الموضوع الآن : 21 ( الأعضاء 0 والزوار 21)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:53


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام