آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 11-03-2008   #1


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي ديوان الشاعر / ابو جمال المنيس







هذه القصيدةإسناد للشيخ الشاعر/عبيد حمود الجبرين
بعد ان جانا بالكويت وقال وش نوح وجهك ماهو زين وخاطرك ضايق فقلت له هذه القصيدة توضيح الاسباب التي ضايقتني واهديها لكم وارجو ان تنال اعجابكم كاول مشاركة لي بمنتداكم الطيب بدعوة من ابن عمي الغالي بدر الشمري


هذه القصيدةإسناد للشيخ الشاعر/عبيد حمود الجبرين!!!

سايفت مع بحر القصيد المسايف =وسنّعتها لين إستوت لي على الكيف
كتبتها من فوق بيض الصحايف =وحميتها من كل همزه وتصحيف
وأردى الكلام اللي يقال الحسايف =واللاّ من أول ما تعنيت للسيف
رحنا ندور الدرس ثم الوظايف =وأصبحت لاطرقي ولا بالبلد ضيف
وبديت بحساب السنين العجايف =ولقيت ناتجهن طوا لٍ مهاديف
وعادلت بحساب السفر والنكايف =ولقيت ما باقي يا كود المناكيف
روسن نوالفهن ولو مهن الايف =ما تستوي صحبه للاصحاب توليف
ونحتاج من قبل السفر للسنايف =ما يمشي الغارب بليا مجاديف
يا عبيدلا تنشد مثل ما أنت شايف =شيبي قبل وقته على عارضي شيف
ولو شفتني داله تراني مهايف =على شفى شفت كبير المهاييف
لاني بمضيومٍ ولاني بخايف=لكني أشكي من فراق المواليف
وأكبر سبب باللي جرى من كسايف = فقدت أبو لولاس وعبيد وخليف
وفالح وسايروأبو نايف ونايف =وفواز ومحمد زبون المناكيف
وحميد أبو غالي فراقه حسايف=هو الوحيد إكثر عليه التحاسيف
مواقفه معنا كبار وكلايف =يوم المجاعه والمعيشه تناتيف
وآخرهم مناحي عن السن طايف=ومحمد الفواز شهرين ما شيف
ذكرت نبذه عن ظروف المهايف=ويا نمت ذكراهم تجيني مع الطيف
بكيتهم باغلى الدموع الذرايف =تحملني يا الدموع الذواريف
فضلان يوم إن السنين العجايف =يرعون بالدو المطرف ليا خيف
من دور أبو بندر رضا وأبو هايف =حتى زمن مطلق بعيد المحاذيف
ومذود تعرفه كل سبع الطوايف =فعله معرف مايبي زود تعريف
من دون جيرانه يسل الرهايف =عيا على الجيران بالعزم والسيف
سموه محيي بالسنين الصلايف =هذا الكلام الصدق وأبعدعن الزيف
معه الدويله متعبين الهجايف=قصيرهم تمشي نياقة على الكيف
ما دوّرو عند القصير العرايف=وافعالهم تشهد بماض السواليف
ببيوتهم تلقى كبار المضايف=فقيرهم يضحك حجاجه ليا ضِيف
وغنيهم يعط البكار الولايف=ما حسب التجرة وكثر المصاريف
وقصادهم دايم علومه طرايف=ما هو من اللي يشذبون الاطاريف
وترابهم يسوى جديد القطايف=وفراشهم يسوى البرازيل وجنيف
ومعهم عن التكييف تكفي سقايف=وديارهم لو هي محل عدها ريف
واللي نصا لبنان يلقى مصأيف=وأنا نصيت اللي يذري عن الهيف
ربعي سناعيس الجبال النوايف=من حد تثليث وشمالٍ ليا طريف
ومن دون نقص بكاملين الوصأيف=كل القبايل به جميع التواصيف
لكن شفي بإجتماع الولايف=واللي رحل وقت الشتا ينزل الصيف
وبالختم صلوا عد وبل الهتايف=على نبيٍ شرّف الدين تشريف

عقيل سعود المنيس الشمري( ابو جمال ) - الكويت 20/7/1999


 

قديم 19-03-2008   #2


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي ديوان الشاعر / ابو جمال المنيس



بعد ان سجلت مسلسل التهجير وذكرت أغلب ديار شمر ما عدا مسقط راسي ( المسعري ) حسيت ان له حق علي فقلت هذه القصيدة اتمنى انها تعجبكم ولن اشرح القصيدة واتركها لخيالكم لقراءة ما بين السطور واهديها لاخوي الغالي طالب معرفه لانه طلب تنزيلها مع شكري العميق له
المسعري والقراين


يوم التقا وادي سنا في جبل طي = صار السنا من واهج النار باين
وتخالط المستقبل الزين بالسي = وحلّت ضعاين وإستقلت ضعاين
وبعد ثمان عصور بالعز والغي = الحر ما يرضى السكن بالطماين
وآخر علاج يدوّر المسلم الكي = والسكري والضغط غير الضغاين
ولو كل من حب يتريح لقى في = ما شفت بظلال الشجر صار لاين
واللي يبي يستذكر الشي بالشي = يشوف ماصاب القمر من تباين
اول قمرخمسة عشريلتهب ضي = واليوم لونه شين والوقت شاين
دار الضوأ للمترف التالي الدّي = وصار التفاخر بالبطن والبطاين
بعد التفاخربالقيم صارت فري = مافيه زهره باقيه بالمداين
وحرثٍ بلّيا بذر ما ينفعه ري = وحلّت بدل شهب الغوارب مكاين
تستنزف المرعى وتستنزف المي = وتعين لكن تمنعك لا تعاين
وعزاي باللي مات ما قاله الحي = لازال للنعمان باقي جناين
لكن جرح السالفه بيننا نِي = وحجز المشاعر كإحتجاز الرهاين
والعي ما يعرف علاجه سوا العي = واللي يعيي يرفع الظلم خاين
ولو خيروني بين لبنان ودبي = إخترت بين المسعري والقراين

عقيل سعود المنيس الشمري السبت24/1/1998


 

قديم 23-03-2008   #3


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي الشيخ الحميدي الدهام / في دار حكام الكويت الاجاويد





الشيخ دهام الهادي رحمه الله



الشيخ الحميدي الدهام طول الله عمره

الأهداء للشيخ الحميدي الدهام الهادي الجرباء اثناء زيارته للكويت

آمل تنال رضاكم


في دار حكَّام الكويت الأجاويد = آل الصباح أهل الفعول الجلايل
دارٍ بها محجا و ملجا وتوحيد = يا عل يسقيها صدوق المخايل
سلام يا شيخٍ قدومه كما العيد = الشيخ أبو فارس عزيز النزايل
نيابةٍ عني وكل القواصيد = وعن شمّر أهل الطايلات الجزايل
سلام يا صنديد وأصل الصناديد = توصف على مثلك وعندي دلايل
تشهد بها الشّياب قبل المواليد = إنّك من أجوادٍ تحوش النفايل
وثاني دليلي بالظفر مثل أبا زيد = تلطم بكف العز من كان عايل
أما الكرم ما فيه شرطٍ ولا قيد = أنتم هله وآهل المهار الاصايل
جربان من يوم الضعاين على فيد = حتى مشن يوم اصبح الحمل مايل
يقودهن مطلق كعام الآضاديد = وهو ضلهن عن حاميات القوايل
وجن للشريف وغرّبن عقب تسنيد = من شان حق الجار عند القبايل
ومرن على تيما وحزم الجلاميد = وصار بعيارات الهول و الهوايل
ثم اشملن تحت أمر سيدٍ ولد سِيِدْ = فارس صغير السن واف الخصايل
بسط حدودٍ ما خذاها بتحديد = ألاَّ بخشم موشمات الفتايل
من دون جندية و شعبات تجنيد = جِنّده طنايا مقحمين الدبايل
شمَّر هل الردات واهل البواريد = شمّر هل العليا رقوا كل طايل
ومن عقب فارس بان بالعلم صنديد = إصفوق شوق معكرشات الجدايل
فعل المحزم ما يبي زود تمجيد = لو أبي اعده جبت عشرين فايل
كرم شجاعة مرجله مأقدر أزيد = غير الكلام اللي ذكر بالآوايل
وعقبة وصل دورأكرم اللي وطا البيد = عبدالكريم ولا بقولي دغايل
سمَّوه أبو خوذة كلامٍ بتوكيد = نفخر بفعله عند كل القبايل
يوفي ويستافي ومن فوده يفيد = ويشيل من قلّت عليه الرحايل
صيته تعلَّى مأيبي زود تنشيد = هو بالشمال وصيت حاتم بحايل
ماهو مثل شيخ إحضروا في مواعيد = وإرجع لنا باكر وسجل رسايل
ومن بعد أبو خوذه خيار الأواليد = فرحان باشا من شخوص الحمايل
خلّف لنا عدة شيوخٍ بواليد = أدناهم اللي يالفى الضد صايل
يفك تال المصدره والمواريد = ويصمل ليا قلت رجال الصمايل
علومهم بانت كما عالي الحيد = و أفعالهم ما ينوجد له مثايل
ماتنحصي ببيوت شعرٍ وتعديد = لكني ابي أختص ريف الهزايل
العاصي اللي نفتخر فيه ونعيد = مدحه بفعل مصقلات النصايل
ومن بعده الهادي نحاز المقاريد = فكاك تال معبسات الشمايل
وعقبه دهام اللي يغيض الحواسيد = يشهد بفعله جمع شمر و وايل
ودهام جاب اللي ليا صاد ماصيد = كيله يزود ليا وزن كل كايل
جاب الحميدي وأحْمِد الله وأعيد = مدحه و تمجيده بكل الوسايل
حافظ على النخوه وتال التقاليد = يوصي بتكريس القيم والفضايل
يفعل ولا يسمع كلام الهرابيد = يا كبرت القاله يشيل الثقايل
وميده ليا منه بدا يبعد الميد = و اللي مشى مثله رجالٍ قلايل
وليا مدحته ما سمعت النواقيد = ولا قلتها لو ما مضى له فعايل
ومن دون نقص بحق كل الأجاويد = ذكرت فعل مرملين الحلايل
وأبي اعتذر عن ذكر باق المقاويد = هذا نسب ماهو مجرد تحايل
ولاقلتها وأقصد وراها مقاصيد = ولاني من اللي يطلبون العدايل
من دور عبدالله ومصقول وعبيد = نبين يا نامت قلوب الهبايل
وتبت يدين المغرضة والملابيد = اللي يثيرون الغِيل والغلايل
ناسٍ مثل خوة إسماعيل وسعيد = اللي على الهربيد شبوا ملايل
ومادام خشم جلاعده مع جليعيد = الحظ باقي وأغلب الهم زايل
ويعل رجلٍ ما اشترك في صناديد = يطيح وسط مشربكات الحبايل
و بالختم أسلم و(الربوع) إقتلب عيد = بحضور ابو فارس عزيز النزايل


عقيل سعود المنيس المفضلي الشمري
الأربعاء 19/11/1997 الكويت


 

قديم 12-04-2008   #4


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي سنجار والجهراء



سنجار الجهراء


سنجار والجهرا وغربي جبل طي = بغيت أجمعها سوى ما تهيّا
وحاتم طلع علمه قبل يطلع عدي = في عالي السمرا يشب الضويا
والحرب يبغى شي والسلم له شي = والحب يبغى مثل هيّا وريا
وأنا عشقت الشمس ومحارب الفي = وشربت من جمْ الغلا في يديا
وكان الغلا يحسب على الادمي سي = ما عاد فيها يا أصدقانا كنيا
كل العيوب اللي تقولونها بي = سرع الزعل والعكننه والحميّا
وكلمة بعد ميتي وكلمة بعد حي = عندي لها رونق مقره هنيا
بين الضلوع اللي تواجف بلا كي = مثل قلوب أعدا جموع المحيّا
وأقرب دليل إن المدينه مهي هي = راع النسيم يضيع وسط العليّا
وأكبر خطا حرث الزراعه بلا مي = وأردى الطيور اللي تطير الحديّا
والفرق ما بين الروايات والري = كالفرق ما بين القمر والثريّا
ولا تزعلوني وأرتبك وإلتهب ضي = وأنا هواجيسي تزاحم بليّا
والله ما أغير طريقي وأنا حي = نهيت قلبي عن طريقه وعيّا
وأنتم لكم جبه وجلباب وفري = يمكن تساوون السما بالسميّا
عقيل سعود المنيس الشمري


 

قديم 26-04-2008   #5


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي الباب الثاني



الباب الثاني

اتمنى ان تنال اعجابكم وتكون كفارة عن انقطاعي المتكرر ولكن مشاغل الدنيا الله يكفينا شرها


أنا من ثلاث أيام والفكر كالدولاب = يدور بمكانه و يتقدم و يرجع به
تفره هواجيسه ولا يعرف الأسباب = تنزله بعض أحيان وأحيان تطلع به
يرف بمكانه مثل ما يرجف الصباب = يعبر المحيط وقاطر البيت يطبع به
غدى مثل من يقدم على شي لكن هاب = أو اللي يدّور ما لقى علم يقنع به
أشوف الضيوف اللي تزاحم بثاني باب= وأشوف الحجيج كثار تفتر بالكعبه
أجامل محبيني وأنا هاجسي مرتاب = وأشوف الربيع وناظري ما تمتع به
وأسولف مع الحاضر وفكري مع الغيَّاب = وأعرف الحقيقه زين لكنها صعبه
ايا غيبة ابن هذيل عنا هنيه غاب = عن الوقت هذا كل ما فيه يجزع به
زمانٍ يخذل السيف و يقلط المشعاب = تجوع الصيارم وأبرق الريش تشبع به
تساوت بها روس السوالف مع الاذناب = يعز الهزيل وطيَّب الساس يقمع به
وعن ذياب بن غانم قنعنا بعمر ذياب = ندش السباق ولا كسبنا ولالعبه
صحيح اللحا ما تكرم الاّ من الأشناب = واللي فاخت أصحابه ترى الناس تطمع به
يصلي بمسجد مير لا يقرب المحراب = ولا فيه سيَّد قوم لاجل أتشفّع به
تخالط قيم والا تمازج بشروانساب = تناغم نشوفه شوف والناس تسمع به
طلع فيه شعبه ما يجيها طريق نصاب = بدل شعبة المياه صرنا مية شعبة
ياليت العذارا تعتزل مهنة الإنجاب = أو تجيب عالم محترم مثل ابن شُعبه
أنا في بنوك سويسرا ما فتحت حساب = فقير ورصيدي متر قاع اتربع به
لكني عرفت مسيلمه لو حلف كذاب = عسى النار تطفي عن سُليم وتولع به
ونخيت القصيد إيزيد لكن قافي شاب = ولكن ضميري دايم الحزن يرتع به


(( عقيل سعود المنيس الشمري 12/4/2003))


 

قديم 07-02-2009   #6


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي



اوهام بدر صفوق





اوهام البدر
بعد ان عقب بدر صفوق بن مريبد على احد القصائد بشاعر المليون حيث جارى هذا الشاعر قصيدة الامير والفارس عبيد الرشيد وقال الشاعر لي الشرف ان اجاري علم من اعلام الشعر والفروسية الامير عبيد الرشيد مؤسس امارة الرشيد بحايل هو واخوه الامير عبدالله قال بدر صفوق انا ما عندي مداخلة على القصيدة ولكن عندي تعقيب على المقدمة للشاعر حيث ان عبيد الرشيد منصوب لابن سعود .



يا مـن لقلـبٍ محرقتـه اللواهيـب = هذا الشهر واللي بقى مـن شهـوره
يرسل ويسترسل ويقـرى مكاتيـب = ويشوف لـه شخـصٍ كثيرٍغـروره
غـره جماهيـرٍ تسـوي طباطيـب = جمهور للشاعـر وجمهـور كـوره
ما أعمهم وأنا مضى لـي تجاريـب = وأعـرف لبـرد بلادنـا والحـروره
وادري بأن الضان ما يعرف الذيـب = وأصواتنا ما عـاد عـادت جهـوره
لكـن حدانـي لابتـداع الهنـاديـب = زرعٍ حصـاده مـا يشابـه بـذوره
و بدرٍ طلع نوره بالأوهـام ويغيـب = من دون سبه مـا عرفنـا ظهـوره
بدرٍ بـدل سفـوان زار النويصيـب = وش محرقٍ خبـزه وفـوّح قـدوره
ينصب وقال أهل المعـزة مناصيـب = والظاهر إنـه مـا تمالـك شعـوره
ما أعلّمه بعد إمتلى عارضـه شيـب = لكني أبي أهـدي عليـه المشـوره
ترى الحكي يحتـاج دقـه وترتيـب = ليتـه تـرك هرجـه وزوره بـزوره
يقـول عنـده للتواريـخ تعقـيـب = بعد إنتهى التاريـخ والأمـر شـوره
بيـن الفهـود مكمليـن المواجيـب = الأمـن شامـل والبـلاد معـمـوره
بس أنت وش جابك لحايل من السيب = وتدخل يدينك فـي حلـوق النمـوره
يا بن مريبد وش تبـي بالمعازيـب = اللي خذوا فـي قمـة المجـد دوره
اللي لهم تشهـد جميـع الأجانيـب = بأقصى جبل حوران وأقصى شـروره
ومن الحجاز اليا مشى الجمع تغريب = وشرقا بلد سفوان تشهـد قصـوره
خويّهـم كنّـه بـروس الشخانيـب = غير أمر ربّـه مـا يمّـره خطـوره
وتشهد لهم سعدى وصرخه بلا ريب = قاله عبيد الضيغمـي فـي سطـوره
لكن ترى هرجٍ بليّـا سبـب عيـب = وش دخلك بأخوان نـوره و نـوره
كلن خـذا دوره وعكـف الأشانيـب = تشهد لهم .. كل العلـوم مخبـوره
بأيمانهـم عـدّوا طـوال المراقيـب = كـلٍ خـذا حقـه وطالـت شبـوره
واليـوم حكـم الله وثـم المعازيـب=وأخوان نوره تعرف أخـوان نـوره
وإن عدت عدنا لك بحام المشاهيـب=حتى تصير بصورةٍ غير صورة
عقيل سعود المنيس الشمري

4/2/2009


 

قديم 12-03-2009   #7


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي حفل شمر بالكويت بمناسبة انشاء مبرة باسم ضاري الطواله




حفل شمر بالكويت بمناسبة انشاء مبرة باسم ضاري الطواله







ماضي الجنفاوي - ابو جمال - علي المبرد - صلاح محمد الشمري

************************************************** ********


اقيم ملتقلى لقبيلة شمر بالكويت على شرف الشيخ0 برغش بن محمد الطواله بمناسبة انشاء الاسلم لمبرة

باسم الشيخ ضاري بن برغش الطواله بمنطقة الجهراء وذلك نظرا لمواقف الشيخ ضاري بن برغش الطواله لحماية الجهراء

في حرب الجهراء 1920 م ومعه الاسلم وبعض من قبيلة شمر الموجودين بالكويت حينها

وقد شاركت بهذه القصيدة واتمنى ان احصل على باقي قصائد الشعراء المشاركين وانزلها هنا

وهم علي المبرد وصلاح محمد الشمري وميزر الطواله وعبدالكريم الجباري وماضي الجنفاوي وانا .

---------------------------------------------------------------------------------------------------------------


مبرة ضاري الطواله

الإهداء للشيخ برغش بن محمد بن ضاري الطواله

في دار حكامٍ ... تبيّن ثناها = للي وقف معها على مر الأزمان
دار الكويت اللي يذري ذراها = للي للفى بأيلول واللي بنيسان
دارٍ لأبو ناصر وشعبه حماها = في موقفٍ واحد تقل رصف بنيان
دارٍ وفا سكانها من وفاها = واما الكرم يشهد على الفعل دسمان
وقفت أرحّب وأنتخي واتباها = في حفلةٍ ضاري لها صار عنوان
مبرة .. باسمه وفي محتواها = الخير للمحتاج وأنواع الإحسان
تضفي على الجهرا تخص فقراها = واللي يجي ملهوف من كل الأوطان
يا جالها من عوز يطلب عطاها = تضفي على المحتاج من وين ما كان
ما تنشده عن رحلته كيف جاها = تهتم بالإحسان وحقوق الإنسان
مبرةٍ.. للخير يالله عساها = أجرٍ مضاعف يرجح بكل ميزان
نطلب من الباري يضاعف جزاها = للشيخ أخو صلفه سلايل كحيلان
شيخٍ علوم الطيب جمله حواها = يشهد له القصر الحمر يوم الأكوان
نادوه بالشيمه ... ولبا نداها = يتليه باللقوات ذربين الأيمان
شمر وهو من روسها وومراها = هم ذخرنا من دور برغش وعدوان
الأسره اللي وقفتي من غلاها = من برغش الأول تسلسل إلى الان
مشاعري هاضت وعقلي هداها = يعلن محبتنا لهم سر وإعلان
لن الطواله تختلف عن سواها = في سرعة النخوه وفي زرقت الزان
ما يرحلون من النذر عن عداها = من دون نقص بغيرهم شانهم شان
تشهد لهم سلمى وإجا مع قراها = وضلع العصام ويشهد الضلع رمان
ومواقفٍ بالجوف مأحدٍ نساها = وقصايد العوني على الفعل برهان
يوم المراجل غاليٍٍ مشتراها = سقتوا بها ياهل الوفا غال الأثمان
وكان الليال السود دارت رحاها = عندي كلامٍ مختصر قدر الأمكان
عندي لكم كلمه وهذا غطاها = ضاري مثل ضاري بزوغات الاذهان
وبرغش عضيده كان غيّم سماها = يبين يا غطّى على الجو دخّان
يا قال كلمة بأمر ربي حماها = ما هو من اللي يعتذر لك بالأديان
كم من قضيه بين شمر رفاها = وكم مستحق لفزعته راح كسبان
يمشي مماشي لأخو صلفه مشاها = غير الحميّه للمساكين مزبان
من ضاق به كل الوطا مع فضاها = يزبن لابن ضاري محمد كحيلان
كم من عجوز جت برجوىضناها = واعتق ولدها من قضيّه وسجان
ولا كل من رام الحموله قواها = ما يرتكي يا غير مثله بليهان
وقصيدتي وختامها مبتداها = هلا بكم من قلب وشعور ولسان
في ديرةٍ واجب علينا ثناها = الله يحفظ شعبها بأمن وآمان
عقيل سعود المنيس الشمري
الخميس...........5/3/2009


 

قديم 29-08-2013   #8


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي قصيدتي بمناسبة فوز الشيخ سلطان الاغيصم



هذه القصيدة بمناسبة فوز الشيخ سلطان بن جدعان اللغصيم بالمركز الاول بانتخابات مجلس الامة

قصيدتي بمناسبة فوز الشيخ سلطان الاغيصم!!!

سلام يا روس الرجال المشاكيل=الصاملين اللي وقفتوا لسلطان
وانتم صيام ولاحقتكم بهاذيل=لكنكم بنتوا على كل من بان
وقت التعب تظهر فعول الرجاجيل=اللي لهم في ماقف العز عنوان
تستاهلون من الدلال الفناجيل=جميعكم ما أخصص إفلان وفلان
يزهى بكم شعري تفاخر وتبجيل=جدّدتوا الموقف بزوغات الاذهان
وين الطنايا وين شرّابة الهيل=يقولها العوني على مر الأزمان
يوم انتخيناكم حضرتوا كما السيل=تسابقوا للطيب .. شبٍ وشيبان
وخواتنا اللي يلبسن الخلاخيل=شكري لهن من قلب وإحساس ولسان
الحمدلله زغرتن بالهلاهيل=والمركز الاول .. لنا سر واعلان
شمّر هل النخوه وشمر هل الخيل=شمّر هل العليا وشمّر هل الشان
شمّر هل الموقف ليا ميّل الشيل=كبار الصحون ومشبعة كل جيعان
وساع الطعون ومتعبة كنّس الحيل=زبن الدخيل ومروية مرهف الزان
الكاملين الصاملين الحلاحيل=يا تاج راسي ياطويلين الايمان
ونطلع من الموجز لبعض التفاصيل=بغيت أبارك فوزكم باسم سلطان
واسمي واسم خالد وسلطان تاصيل=وجديع وفهيد اللغيصم وجدعان
وعواد إبن مذود تسلسل اليا جذيل=وإسم اللغيصم كلّهم دون نقصان
أخوان جوزاء نور كان اظلم الليل=يشهد لهم بالطيب حضرٍ وبدوان
هم ذخرنا يا صار بالوضع تبديل=من ديرة الجهرا لحايل لرمان
نطّاحة الواجب وجيه المقابيل=ملجا الضعيف اليا شكا ضيم ديان
شيخاتهم ماهي كراسي وتطبيل =نفخر بهم يوم انها سرج وعنان
وآخر فعايلهم قبل واحد ابريل=باخر ثلاثة واول ايام نيسان
شمّر بسبتهم تشب القناديل=غرب تربه حطوا مزاين وبنيان
لخيام شمّر والبيوت المظاليل=سباق ومزاين وشعلة ودخان
نفخر بهم من دون زودٍ وتهويل=ولا أقول باللي غيرهم فيه حقران
واليوم هذا الفوز من دون تعليل=المبتدا عقبه خبر كان ما كان
الفوز هذا والرشا والمحاحيل=منكم لكم والرقم شاهد وبرهان
الشوط الاول طاف من دون تسجيل=مواقف الغيّاب من دون نسيان
تحيزموا للموجبات المقابيل=بآخر شهر تسعه نبا الكل فرحان
عبدالكريم إيقول لا ينقص الكيل=ينخى الجميع وينتخيكم من الآن
نبي الحضور يكمّل الكشف تكميل=عند الجباري كلنا موقف أخوان
ترى الرشا يبغى تكاتف وتوصيل=العز بالجمعا وتنفيذ الاردان
وترى الغياب نشوفهم بالدرابيل=ونعلن مواقفهم على كل ديوان
قلته وأنا من كاسبين التنافيل=عبده هلي والجد شمّر وقحطان
لنا على بعض المواقف مداخيل=ماهي هنا وأقسم لكم عشرة أيمان
وليا تناسانا قليل المحاصيل=نبين في وقت اللوازم والاكوان
نشره ولا نزعل ولا نسمع القيل=وننسى الخطا ياجا من الضد عدوان
واللي تحرّا فزعة الجدي لسهيل=ما له قضيّه تاصل حقوق الانسان
وبالختم شكري للرجال المشاكيل=وسلطان عاهدكم على بروإحسان
ومواقفٍ تشف القلوب المغاليل =لاجل الكويت ولاجلكم يعلن اعلان
انه على المبدا ولا يمكن ايميل =عيبٍ على اللي يتقي عقب ما بان
كد قالها قبله بعيد المصاويل=إبن رشيد اللي حكم قصر برزان



عقيل سعود المنيس الشمري
السبت 27/7/2013 م


 

قديم 07-01-2015   #9


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي سلمى واجا وسنجار



هذه القصيدة بمناسبة حفل بركة الفليحي السليطي الشمري
بحضور كل من صاحب السمو الملكي الامير سعود ابن فيصل ابن مساعد بن سعود ابن عبدالعزيز وصاحب السمو الملكي الاميرعبدالعزيز ابن نواف ابن مساعد ابن سعود ابن عبدالعزيز ال سعود حفظهم الله .
سلمى واجا وسنجار
قبل لابتدي جبت المواضيع للسونار= وتوكلت بالله والمواضيع صاخرها
وقفت ابي اسلم بالنيابة على الأمار= سلالة ملوكٍ كلنا تحت أوامرها
سلامي على ترثت معزي حماة الدار= ملوكٍ مفاتيح الفخر هم مصادرها
حضور السعود يزيد حفل السليط انوار= سلالة حرارٍ نادرة من مواكرها
هلا عد ما خط القلم داخل الاسطار= ترحب بكم شمر على لسان شاعرها
هلا في سعود الفيصلي ترثت الاحرار = عدد ما تهل إغيوم حايل بماطرها
وأثني هلا في ساعده صارمٍ بتار= سمي جده معزي موحد حظايرها
سلالة ملكنا سعود يا عمسة الأبصار= حكم بعد أبوه وكلمة الدين ناصرها
ملوكٍ لهم في عروة المجد دوم إشعار= على كلمة التوحيد تمشي عساكرها
عسى الله يجنب دارهم طغمة الأشرار= من أي الفصايل دايم الرب داحرها
رجالٍ على إسم الدين يستوردون أفكار= عسى الله يحمي دارنا من مخاطرها
وبعد مبتدا النشرة بقى موجز الاخبار= ابا ابدا هجوسٍ دوم للشعر ذاخرها
من هجوس شاعر جنب اجا خاطبت سنجار = تنادي لها سلمى تداعب مشاعرها
هجوسٍ لها في شمر اهل الوفا والكار= طقوسٍ شماليه والافكار فاكرها
سلامي سلام أهل الوفا يشمل الحضار= مكرر على غيّاب شمّر وحاضرها
سلامي عليكم كلكم والعلوم كبار= على لابةٍ بالطيب والجود خابرها
سلامي عدد كلمة هلا يا لفى خطار= تردد هلا يا مرحبا من حناجرها
يا شعار غنوا باجمل الشعر يا شعار= حسب فعل شمر صفحة الطيب ناشرها
لهم بالوفا موقف وبالمعضلات إيثار= إذا ضيّعت بعض الخلايق بصايرها
وقفتوا لياسر وقفتٍ تلفت الانظار= تناخت ثلاث أركان شمّر لياسرها
سناعيس زوبع كل الاسلم لهم تعبار= مفاخر تضاف لما مضى من مفاخرها
ولا انسى رجال الخيروالموقف الجبار= اللي ساهمت باموالها من متاجرها
من أي القبايل من هل الدور والتجار= على الصفحة البيضا نسجل مآثرها
وهالحين أبا أنخاكم على حملة الويبار= وسلمان ينخاكم بعالي منابرها
نبي موقفٍ صامل وواضح وفعلٍ حار= وسلمان ترجيه أم نعرف مشاعرها
رجاها بكم بعد الولي يا أهل الايثار= وشعور الفخر والحزن دايم محاصرها
فخرها بكم يا لابةٍ ترخص الدينار= ولو دمعها بالليل يحرق محاجرها
ترجى ولدها بالسجن داخل الاسوار= هجوس الامومه و الاماني تساورها
ومواقيفكم ما تنحصي داخل الاشعار= وابا أذكرملخّص مختصر من نوادرها
من افعالكم كم شخص يعطي كلاه الجار= سوات الزبيلي ما يدّور مساعرها
ونواف السليطي مابهذا بالكلام إغبار= تبرع ودمع إخته يغطي محاجرها
وحسين إبن غازي مثلهم صار لأمه بار= عطا كليته لأمه وعينه تناظرها
ومثال احمد الوجعان كبده بدون أسعار = من أجل الخوي كبده من النصف شاطرها
ولا أنسى لذيبٍ يوم سمع الخبر مأحتار= جزا الاسلمي طيب المواقف نكررها
سمع بالخبر بالقيظ وأنقذ ثلاث أنفار= بوسط النفود ولا تهيّب مخاطرها
ذكرنا نموذج والسوالف طوال كثار= مواقف رجالٍ سجلت في دفاترها
وختام الكلام لراعي الحفل الزوار= تحيات بزهور الندى جيت ناثرها
عسى الله يبارك ببركه من رجال اخيار= عيال الفليحي وابن غسلان ذاكرها
ذكرها بفعل الخير وبطيب جار لجار= هل العشه اللي ميرها ما يغادرها
وانا من رجالٍ يا حكينا لهم مقدار= من دويلة الفضلان و الإسم شاهرها




ابو جمال المنيس


 

قديم 10-09-2017   #10


الصورة الرمزية ابو جمال المنيس
ابو جمال المنيس متصل الآن

بيانات اضافيه [ + ]
 رقم العضوية : 940
 تاريخ التسجيل :  11 - 03 - 2008
 أخر زيارة : 04-04-2018 (04:36)
 المشاركات : 95 [ + ]
 التقييم :  10
لوني المفضل : Cadetblue
افتراضي قصيدة بمناسبة اجتماع شمر لحملة بندر سعد الجعفري الشمري



قصيدة بمناسبة اجتماع شمر لحملة بندر سعد الجعفري الشمري
قصيدة بمناسبة اجتماع شمر لحملة بندر سعد الجعفري الشمري
أول ما نبدى نبتدي باسم الله =الواحد اللي لا الاهٍ ... غيره
ربٍ رحيم للعباد مساح= جالي هموم العبد بعد الحيره
نرفع له أيدينا دعا ونلبي =لبيك مع تهليله وتكبيره
ومن بعد ذكر اللاه ننخا شمر= شمر هل التاريخ وأهل الغيره
وأهل الحميّه والفخر والنخوه=سجينكم ينخا يبي تحريره
مع كل شرطي بالسجن يفتح له=يفز قلبه ينتظر تبشيره
يا لابتي بندر سعد ينخاكم =وأنتم هل النخوه كرام السيره
وأبوه ينخاكم وقلبه خافق =غير المرض هم السجين إيديره
وامه تحرى وين فزعت شمر=ودموعها تذرف سبب تاخيره
تأخير مسجونٍ بعد عون الله=يرجي فزع شمر على تحريره
الحمل كايد مير شمر قده =عاداتهم مهما كبر تصغيره
ماهي ديه وحده دياتٍ واجد=مدة ثلاث إسنين جعله خيره
ما تنحصي لاكني أخمنها =أصفارها سته بعد تدويره
مية دفعناها بعامٍ واحد=وسبعين باللي قبلها تقديره
وبالعام هذا فوق نصف الميه=بحساب جاري ما كمل تصديره
اللي ذكرت أرقام مليونيه =والمال شمر تنتهج تبذيره
ايبذرونه ياحصل له واجب=وسط الصحن والا على التبهيره
إيبهرون إدلالهم بالعنبر =والهيل والبن الخضر تحضيره
والكبش يذبح للضيوف مولم=وكلمة هلا يامرحبا بالديره
وعاداتنا في كل دار نهلي =والجارعن ضيم الزمان إنجيره
من دون نقص بكل رجلٍ طيّب=كلٍ على العليا يواصل سيره
لكني افاخر بربعي شمر= صقار و الصقار ينخى طيره
شعري على شمر يزوم لحاله =كنه محدر من شفى تحديره



عقيل سعود المنيس المفضلي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:16


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام