ديوان الشاعر / زيد زياد المفضلي

السلام عليكم ورحمة الله وبركاته

هـذه قصيده من إحـدى قصـائـدي وهـي قصيــده بـدون نقـطـ ..

	مــــالك ومــال عـلـوم حــاسد وهلاس=لاصار مامعهم صك حصر الادلـه عـــــدوكــــــــم ودك ورا دا مدراس=والى طراله وصلكم ماحصلــــــه لــــولاك مادارك لـهـا مولــعك داس=دارك الـى طـالـع حدوده عــدلـــه كــمــل حلاك الله وطـول لك الــراس=الـورد والـعـود الـمـورد عمـلــــه للــراس عطر وللصــدر لامع المــاس=محلى سلاسل لامع المـــاس هلــه هـــلا هــــلا مـــاحط لــلدلو الـمـراس=وماصـار محاله على الماء وصلـه ومـــا مـد ســراح ومــا راح عســـاس=علـى الحــرار وكـملــوا كل دلـــه ود أوده لـــك لـه اصــل لـه ســـاس=صــح علــى صــح والاسلام ملـه احلــــى المهـــار المالكه سلم الكـــاس=ملاكــها صــار السـعــد مسهملــه لـولاس ود معـــادل الــروح لـــولاس=لـولاس ودك صــار هـــم وعلـــه حال الحسود وحاس سر الهوى حـاس=وعلــى المــود الأمر واكود حلــه لاوالله الا دك داكــــــوك وســــــواس=طــار الكرى والسهر عود محلــه اسـهر كما الساهر على المال حــراس=مســؤول لأموال وهو حارس لــه اسهر على عكس الملا سهر الادمـاس=واعــد لمـــــاع السمــا والاهــلــه كـــم للــمــود هــمـوم وإلـهــود دراس=وكـــم حــاكــم هــم الموده حملـــه وكـــم واحــد سـره على السر مرواس=والصـارم المسلــول لـعداه سلــــه صدر كســاه الدرع والــراس له طاس=كلــه عــدم مــار الهوى ماسهلـــه حــــالـه طواه الهم للحـــــــال حمــاس=سمّــه هوى السحـار والحال سلـه الود لـه حمـى والـم راس واعـمــــاس=راع الهوى عــده علــى حر ملــه ارحم رحمك الله لك ادراك واحســاس=اعــط الــوداد مسلـــم الـود كلــــه وصلو على طـه عدد رمل الاطعــاس=وصلوا عــدد مامـطر الوسم علـه

وسلامتكـم

	ولـّي احلام

السلام عليكم ورحمة الله وبركاته



اخواني اخواتي


اريد ان اطرح بين ايديكم قصيده نظمتها بعد حلم حلمته


هذا الحلم جمع ناس طيبين وناس توفاهم الله ( اسال الله لنا ولهم الجنه ) وان يطيل باعمارنا على طاعته

والقصيده تشرح الباقي

اليكم هذه القصيده

ولـّي احلام..!!!

	لــي أحــلام(ن) جـابـت الـحـي والمـيـت = تـخـالـطـوا عــنــدي عـزيـزيــن قــومــي حلـم(ن) جمـع نــاس(ن) عـلـى ماتمنـيـت = قــمــت أتـخــيــل شـوفــهــم بـالـحـلـومـي ناظـرت عنـدي مـن لـهـم بالـوفـا صـيـت= أهــــل الـمــكــارم طـيـبـيــن الـسـلـومــي يالـيـتـنـي بـالـحـلـم غـطـيــت و أبـطـيــت = والحـلـم طـاولـنـي عـلــى طـــول نـومــي بـالـحـلــم لـوجــيــه الـرفــاقــه تـحـلــيــت = حـــي(ن) بـعـيـد ومـيــت(ن) مـايـقـومـي بـالـحـلـم مـعـهــم بـالـسـبـات أسـتـلـذيــت = وبالعـلـم ضـافـت فــي حشـايـه هـمـومـي صـحـيـت وزادت عـبـرتـي والتـنـاهـيـت = الله يــلــوم الــلـــي بـوضــعــي يـلــومــي الله يـقـربـنــي لــمـــن كـــنـــت حــبــيــت = حـــي(ن) بـقـربـه ينهـضـنـي عــزومــي والمـيـت ربــه يـرحـمـه حـامــي الـبـيـت = ويـجـعـل لـنــا مـعـهـم بـطـوبـى لـمـومـي يـاغـافـر الـــزلات كـــان انـــي أخـطـيـت = عـفـوك رجيـتـه مــن لـهـيـب السـمـومـي ادعــــو جــلالــك يــــا إلــهــي تـعـالـيـت = اســــالك عــفــوك يـالـغـفـور الـرحـومــي إنــت الـــذي عـلــى الضـمـايـر تـوريــت = تـعـلـم بقـلـبـي وش ذكـــر مـــن عـلـومـي والله يـالــولا الـحـلـم أنـــا مـــا تـطـريـت = صـار السبـب بالـلـي مضـالـي عمـومـي عـــن دار ربـعــي والـجـمـاعـه تـنـحـيـت = لــولا ظـروفـي لــي هـكـا الــدار تـومــي ونــاس(ن) يحسبـونـي دلـهـت وتسـلـيـت = جـسـمـي قـعــد والـقـلـب يــمــه يـهـومــي مــانــي بـغـربــه بــــس للــــدار حـنــيــت = حـنــت خـلــوج(ن) كـــل لـيـلـه تـحـومـي اقـفــى ولـدهــا فـــي يــديــن الشـمـامـيـت = حــــلال مــيــت يـــــوم وزع قـســومــي الـولـف مــن طبـعـي وأنــا فـيـه اقـريــت = لربـعـي ومـــن لـــه بالـمـراجـل قـدومــي الا ولا أشــفـــق لـلـعــفــون الـهـتـاهـيــت = الـخـايـبـيــن الـسـاقـطـيــن الــرخــومـــي شـتـان بـيــن أهـــل الـشـيـم والسـرابـيـت = الـفـرق شـاسـع بـيـن حـــر(ن) وبـومــي هـــداج تـيـمـا مـــا يـشـبّـه عـلــى هـيــت = والـجـدي يـفـرق عــن جمـيـع النـجـومـي يـاتـهـت عـــن دربـــك بـلـيـل استـدلـيـت = بـــه تـهـتـدي هــــذا الــكــلام امـعـلـومـي والأمـثـلـه واجـــد لــهــا مــــا تـقـصـيـت = ويـعـيـش رجـــل(ن) للمـعـالـي يـهـومــي فـرق الرجـال أفعـال مــا الـفـرق تنكـيـت = مـاالـفـرق بالكـشـخـه وزيـــن الـهـدومـي ومـهـمـا بالهـدنـيـا انبـسـطـت وتمـشـيـت = لازم يجـيـك مـــن المـصـايـب سـهـومـي دنـيــا دنـيــه بـــه لـلاصـحـاب تـشـتـيـت = يــــدوم وجـــــه الله وهـــــي مـاتــدومــي كـون(ن) يـجـي نـهـار وإلا لـيـا امسـيـت = شــي(ن) مـوكّـد مــن طرفـهـا الهجـومـي دنـيـاك ماتعـطـي عـــن الـغـيـب تـوقـيـت = ســـــره عـمــيــق ولـلـخـفـايـا كــتــومــي حصل المجال وجبت بيت(ن) ورى بيت = ولــولا السـبـب بالشـعـر مـالـي لـزومـي واختامهـا عـلـى أفـضـل الخـلـق صلـيـت = الـلـي عـــن الـــزلات كـــان معـصـومـي

الشـاعـر: زيـد زيـاد المفضّلـي الشمـري


وسلامتكم

	عساك يا حايل عقب طول الامحال

السلام عليكم ورحمة الله وبركاته



هذي قصيده بحايل وشمر


ولا هو نقصان بباقي القبايل وديارهم

	عساك يا حايل عقب طول الأمحال ‍=يسقيك غيمٍ فيه خير المنافيع رخم المزون اللي مسيره بالأمهال ‍= الناشيات الراعدات اللواميع بالغيث بأمر مكوّن الكون حمال ‍= لأمر الكريم اللي خلقهن مطاويع نشوٍ من القبلة يجيلك بالأقبال ‍= ويهب من يمة سقيّا ذعاذيع غيمه يصير طبوق يلتم بالحال ‍= سيره بطي يا جاك ماصار تسريع ينفك مخزونه من الجو همال ‍= وبلٍ يميّع يابس القاع تمييع على شعيبك يصطفق سيل الأجبال ‍= وهاك التلاع وكل ما صار من ريع سيلٍ قوي يضرب من الجال للجال ‍= برحمة مغيث الناس من غير ترويع ويا عفتي الما عياف وإديرعك سال ‍= عقبه اسبوع العشب غادي فقاقيع واليا اكتمل نبته عقب مدة وطال ‍= يلقى الزبيدي بالمنابت مصاليع ويصير به للبدو والحضر منزال ‍= لراعي الحلال ومن يحب المطاليع يموج نوّاره له ألوان وأشكال ‍= من كل نوع لطاغي العشب تنويع خيره يعم ديار جزلين الأفعال = ‍ شمر ومن معهم بكل المواضيع وباق الديار أرضه من السيل تكتال ‍= وللناس بدياره تزين المرابيع يا دارنا نذكرك بالواو والدال ‍= ومن حقنا بك نفتخر حيل ونذيع يا حايل انتي عندنا مالك أمثال ‍= وفي كل ذره من ترابك مطاميع دايم هلك وافين في كل الأحوال ‍= وعلى العداء يوم الحرايب قواطيع زينين للصاحب وسوٍ لمن عال ‍= يا جاء نهارٍ به تشيب المراضيع يوم المعارك يشتهر فعل الأبطال ‍= ستر البنات مخضبات الأصابيع في ساعةٍ جمعٍ على جمع ينهال ‍= والبيض من هول التلاقي مفاريع شمر لهم فوزٍ على روس الأقذال ‍= نصرٍ من المولى وحظ وتسانيع شجعان وكرامٍ بلطف ونقا بال ‍= وسلومهم ما به عيوب وقواميع والجار محسوبٍ من العم والخال ‍= لو كان من ناسٍ بعادٍ مقاليع أحفاد حاتم بالدجى مشعل النار ‍= ناره تصوّت للسراة المجاويع دايم وبيته للخطاطير مدهال ‍= ما بين يستقبل وما بين توديع حاش الغنايم والفضايل والأنفال ‍= وذبح جوادٍ تخدمه بالمفازيع شمر على طيبه ليا تالي التال ‍= هذا كلام الصدق ما فيه ترقيع وصلوا على منهو عن الحق ما مال ‍= ما صار بعذوق الغروس المهانيع

وسلامتكم

الشاعر: زيد زياد المفضّلي الشمري

بسم الله الرحمن الرحيم


السلام عليكم و رحمة الله وبركاته

	عــودهـ مـن جـديـد لسـاحـات نشامـى شمّـر

أحبائي ..



بما أن المدهـ طالـت .. و أخذتنـا مشاغل الحياة .. [ ونسأل الله أن لا يشغلنا إلا بطاعته ] ..



أحببت أن أتواصل معكـم .. و أن أهديكم هذهـ القصيـدهـ الغزليه ..




...



القصيدهـ بـ عـنـوان ...





.. ][ شــيــخــة الــبــيــض ][ ..



\\\

	لو كنت يا صاحبي باللبس متنكّر = زولك علي ما يخفى بتغير لباسه يامشيت الضابط اللي تتبعه عسكر = يفهم بكل النظام بفن ودراسه ما تدري اني ما غير اطريك وآفكر = واقول حبك يدوم او ينهدم ساسه سلّم وسولف علي وآكون متشكر = يا فرحة القلب ياهمه وهوجاسه كلامك احلى من احلى الشهد والسكر = وأطعم من اللي من الناقة الى الطاسة يا خنّة الفيضة اللي وسمها بكّر = من كل عطرية الاعشاب محتاسه ولك مبسم فيه خمر لو شِرب سكّر = خمر الهوى لا بقاروة ولا كاسه وياعين حرٍ على المرقاب يا وكّر= متعلي بالرفيع بمنتهى راسه والفكر مشغول بك والجو متعكر = ما وسّعت صدري الديرة ولا ناسه انا لما بيننا من حب متذكر = ماني مثل عاشق ٍ متبلد احساسه يا شيخة البيض غضات الصبى البكر = يا قمة الزين بانواعه ونبراسه إن كان باب الهوى من يمكم سِكّر = على كذا المهتوي يعلن عن افلاسه افلاس فلاّح بأرض ٍ عقب ما حكّر = كلى الجراد الحكير وضر غراسه

و سـلامـتـكـم ...


الشــاعــر : زيــد زيــاد الـمـفـضّـلـي الـشـمـري

السلام عليكم و رحمة الله و بركاته



هذه قصيدة رثاء في جارنا الفقيد الشيخ / فيحان بن هاجد العضياني العتيبي



والذي وافته المنيّة يوم الخميس 14/1/1431هـ


سائلين الله له الرّحمة والمغفرة وأن يُلهم الجميع الصّبر والسلوان .

	مرثيه بالفقيد الشيخ/ فيحان بن هاجد العتيبي

	مرحوم يا شيخٍ فجعنا رحيله = جارٍ عطا الجيرة حقوقه تمامي فيحان ابن هاجد بطيبه نفيله = متعليٍ بالمجد بأعلى السنامي عدلٍ يحب العدل ما فيه ميله =أدّى حقوق الله بكل التزامي يشهد له المسجد سنينٍ طويله =والناس تشهد له وشهر الصيامي عَمَر حياته بالفخر والفضيله = أرضى جليل المُلك ثم الأنامي الحامد الشاكر عسى ينبني له =بالجنة العليا قصورٍ تقامي وفواكه الجنة وألذ سلسبيله = جزاء اجتنابه للخطأ والأثامي أقفى عن الدنيا وفينا مليله =ومسمارنا من عقب فرقاه حامي بأمر الولي ما نملك اليوم حيله =كلٍ يموت وللعظيم الدّوامي والصّبر كله خير وأجمل وسيله = أعزّي أبناه العزاز الفهامي الله حماهم عن دروب الرذيله = لهم بكل الطايلات اهتمامي وفيّاح أخوه اللي علومه جميله =وأعزّي العضيان فيه الكرامي ومنا العزاء يمتد لأبناء القبيله =عتيبه هل النخوة بعاد العلامي اللابة اللي جارنا ينتمي له = نعمٍ من الهيلا ومنا سلامي ما لاح برّاقٍ وما سال سيله =هذا اختصار الشمّري بالكلامي وأخير ختمٍ للبيوت القليله =على النبي صليت عند الختامي

الشاعر: زيـد بن زيـاد المفضّلـي الشمـري

بسم الله الرحمن الرحيم أحببت أن أشارككم بمرثية للفقيد الشيخ/عبدالله بن ملبس الجبرين رحمه الله رحمة واسعة وبارك الله في من بعده ..

	مرحوم يا شيخنا والأمر رباني=الموت حق خذا حتى نبي الله الله يجبر عزا مسفر والأخواني= وعمامه الأوفياء والعايلة كله وكل المفضل من القاصي ليا الداني= ويجبر عزا شمر ٍ في فقد عبدالله عبدالله اللي له النوماس عنواني=عز الصديق وعلى كبد العدو عله إن جيت له بالثقافة رجل فهماني=من جالسه بالحديث العذب ما مله وليا اختلط بالسما عج ودخاني=النفس ما عوده للهون والذله أماالكرم عنه تقصر هرجة الشاني=ذباح جل الغنم ومقدم الدله ملجأ وعون الضعيف ومزبن الجاني=من صار له مشكلة يتعب على حله ويتبع رضى واحد ما عاد له ثاني=وماله بغير الرسول ومنهجه مله وابوه قبله تبين والوفاء باني=الله يكتب له الحسنات ويحله من شجرة ٍ ضافية له ساق واغصاني=في لاهب القيظ من جاها دخل ظله وصادق مع الناس والدولة ومتفاني=من خيرة ابناء الوطن والنصح طبعله هذا ابن جبرين للزلات ما يداني=عدلٍ يحب الوفاء ما يقبل الزله لولان صم الحجر للشين ما لاني=وبالعطف مالين منه وارحم منه لله سور الجبل مرهب الأعداء كحيلاني=ياقل منهو مثل شرواه يا قله ما أقول خليت ولكن فوق الأمتاني=شيال عظمى الحمول ليا توازله سنعوسي لو يشين الوقت ما شاني= لا راد ياصل لشي كود ياصله أما العوض في غيابه خطل الايماني=مسفر ومن كان بالشده عضيدله حرص ٍ على كلمتي ما ينطق لساني=إلا بشي وأنا بالحيل فطنله متعهم الله بالصحة بالابداني=وأعانهم بالأمور بدقه وجله والميت له من عظيم الملك غفراني=والحي رب الملا بالعمر يمهله أنهيت قيلي بقيفانه والأوزاني=وعلى النبي الصلاة أفضل ختام له

زيد زياد المفضّلي

بسم الله الرحمن الرحيم


قصيدة بلسان الطفله : ريف ثنيان الشمري
الذي حصل لوالديها حادث مروري توفوا على اثره
رحمهم الله رحمة واسعة والله يجعل لها حياة طيبة في ظل اهلها الباقين

ريــف وقــضــاء الـــلـــه ..

	حان القضى واللي وقع للأهل سي = أمي وأبوي اللي عظيم وفاهم أمر ٍ حصل ما عاد بيدينهم شي = وأجل ٍ وقف مابه حلول وتفاهم في ساعة ٍ يطوون خط السفر طي = في موتر ٍ عند النهاية طواهم موتر صفق في موتر ٍ وإشتعل ضي = شب الوقود وحر ناره كلاهم وقلبي من الفرقى وقع داخله كي = راح الحنان وراح عني عطاهم يدوم وجه الله ولا دايم حي = غابوا عني لا شك باقي غلاهم رحماك يارب إرحم الأم والبي = تجعل رضا وجهك تعالى جزاهم إمي قبل موته هي المنقذه لي = اعطتني اللي في جلوسه وراهم واللي يهّون سالفة موتهم هي = كسب الشهادة كان ربي عطاهم عسى لهم من حوض نبيهم ري = بالجنة العليا غذاهم وماهم وإدعوا معي في تالي الليل وضحي = إن الولي يغفر ويمحى خطاهم ذا قول ريف الطاهره ما مشت غي = اللي هله راحوا وذاقت عناهم وأكيد عماني عن الشمس لي في = الله يبقيهم ونبقى معاهم كبيرهم لي عم وأصغرهم الخي = كل الهيافا دون منهم سواهم وصلوا عدد ما حمّل الغيم بالمي = على النبي يا ذاكره منت واهم

بسم الله الرحمن الرحيم

الإخوة الكرام أعضاء وزوّار شبكة نشامى شمر

السلام عليكم ورحمة الله وبركاته ،،

أعود لكم من جديد بآخر قصائدي وهي بعنوان " " ..

متمنياً أن تنال إعجابكم ..

الإلتفاته .. ..

	الله من قلبٍ كثارٍ طواريه=وعينٍ لها يمّ القديم التفاته جيت المراح اللي بطا الوقت ماحيه=إلا مشب نار العرب لا شماته تالي وجار النار والرّمل سافيه=ياما اشتعل ودلالهم حاضباته مضرب لهب ناره سطابه وصاديه=وجدت من تحت السوافي صداته ما أدنى وقوده راعي البيت شاريه=جروم رمث والنسا جايباته ومكان نجرٍ نازح الناس يدعيه=اللي سمع صوته تجيبه دعاته وطالعت بعيوني ثلاثة هواديه=طال الزمان وطوّلن ساكناته أذكر مصلاّهم وأنا معهم آتيه=وباقي من المحراب كِسرة حصاته بمفرّع الديرع بعالي نوابيه=متخالفٍ من كل شكلٍ نباته بأرض المرا والحمض عينك تراعيه=وتشم عطره بانفتاح زهراته والله تعالى يامر السحب تسقيه=من يِمّة القبلة يجن زايراته سيله على كل النواحي مكافيه=بالمرتفع يصفق على أربع جهاته نرعى نباته ونتجنى زبيديه=الأبيض اللاهق وداكن كماته هذا زمانٍ فات واليوم مخطيه=نشو السحاب وطشّته وبركاته جيته وأنا لي مدةٍ ودي أجيه=وملازمتني بالخفا ذكرياته لولا اشتياقي كان ما جيت ناصيه=وقفت به والصدر جر نهتاته ذكرني الموقع عن أخبار ماضيه=وأصابني في ربشةٍ وانبهاته وين الكرام اليوم ما هم حواليه=ما تقل هم جو به وداجوا فلاته عاشوا على مر الزمان وحلاويه=وطابوا على شح الزمان ورهاته عسى الولي يضفي عليهم حسانيه=ما يجازي الواحد بقدر حسناته ‍ الشخص ما هو كاملٍ في معانيه=من يدّعي ذلك ترى العِرف فاته وللواحد العزّة ولا أحدٍ يضاهيه=متفردٍ جل وعلا في صفاته أنهيت مشواري وردّيت مابيه=وعيني من الضيقة تهل عبراته وقلبي يتوق ويردعنّه محانيه=لولا المحاني فضّل الانفلاته رجعت والموتر مع الخط يطويه=والحصو يرمنّه عليه كفراته الخط صحراوي كثارٍ ملاويه=يضرب على شعبان متعرّضاته روّحت في جيبي على الخط حاديه=وبالخطة الخضراء مساه ومباته دار الكرام الغانمين المداليه=فضلان قومٍ بالسحاب هقواته قالوا مواليف ودويله وقلت إيه=‍فخذٍ جميع ألقابها زاهياته وأمير خطتنا عسى الله يبّقيه=عبدالكريم فعوله مقدّماته اللي فتح بيته وقلبه لعانيه=وتعجبك بشّت خاطره وتحياته الطيب صعبٍ وأبو نواف قاويه=دعا المراجل وأقبلن طايعاته وإن قلت شمر فعلهم ويش يحصيه=واللي دخل معهم كسب طايلاته والكون واسع ساكن الكون ماليه=والطيب أكف الأوفياء نايلاته ومن يامن الدنيا تغرّه وتغويه=لا تنجرف يالعبد مع مغرياته دنياك ما تاتي على ما انت ناويه=ما ينعرف هونه وشدة قساته تخلِف ولا تمثِل مثل ما انت باغيه=تدور ما بين الخلايق رحاته ونوبٍ تنوّر مسلكٍ كنت تمشيه=ونوبٍ طريقك تطمسه بظلماته ومن تضحكه لا بد يومٍ تبكّيه=كثيرة الميلات بتقلباته الله يدوم وكل مخلوق تفنيه=والأجل محتومٍ يحدّد مماته سبحان من يعلم بما كان تخفيه=‍مهما تكون صدورنا حاسباته من قبل لا نفسٍ على الناس تبديه=نفسٍ توسوس به بحزة سكاته حي سواد الليل ما عاد يغديه=عن نملةٍ سوداء بسوداء صفاته ومن طاب حظه من توافيق واليه=ربّه هو القادر يزيد بثراته إن عوّدت للمال من كان بيديه=مالٍ ولا يبخل بمَدّة زكاته مالٍ على فعل المراجل يهقويه=يصير عونٍ له على واجباته وإن جاه محتاجٍ من الناس يعطيه=غني ويلحَق وفرةٍ من غناته وابنه على أحسن ما يريده يربّيه=يكف عوزه يا قدر عن حراته ودينه هو البادي على ما يسوّيه=ومن عند علاّم السراير هداته لا فايته وقتٍ ولا هو بناسيه=مع الجماعة ما تفوته صلاته أدّى الفروض الخمس مولاه هاديه=والسنة الحسنة عَمَر به حياته راضي عن الخالق تعالى ومرضيه=وعند المحن يطلب من الله نجاته أقوى قوي من لاذ بحماه يحميه=أكرم كريم أجزل عطاةٍ عطاته واللي ضعف دينه وفقره يلاحيه=‍دنياه توريه الجفا واجنفاته الفقر مثل الذل وا غبن راعيه=راعيه يفقد من زمانه طراته لا عاش لاشٍ برد عزمه مردّيه=خامل وبانت عند ربعه رداته دنياه كنه تيّده في تراخيه=تفوته الأيام ما أنضج شواته ما تقل به شي يريده ويبغيه=قِلّ اهتمامه حايلٍ عن هناته الملتهي بدون شيٍ يلهّيه=ما يبعد النظرات بتطلعاته يريد سيارة تجيبه وتدّيه=ويطمح لبيتٍ تعجب مواصفاته ويبي هنوفٍ في حياته تسليه=مطالبٍ يحلم بها عاسراته ودّي كسول الناس يبدأ مساعيه=وينفض عن غبار التكاسل عباته من لا عمل بأول شبابه بتاليه= أكيد ما يقدر يحقق مناته بالجهد بإذن الله يحقق مشاهيه=ومن لا اجتهد تموت فرحة خواته لو كثّر التسويف ما عاد يمديه=لا راحت الأيام راحت حلاته خصٍ لْكان الله تعالى معافيه=مفروض ينهض ما يطوّل سباته أما إن حظه في حياته مقدّيه=وإلا عدَاه اللوم بإجهاد ذاته ومعذور لا عاند زمانه تحدّيه=وأبان قدّام الخلايق ثباته بعض الشباب اليوم ما تقل يعنيه=أهله ونوماسه ومتطلباته لو شد حيله نال عزٍ يباريه=عليه تحريك السبب بخطواته أما بعضهم نال مجدٍ معليه=أخذ من المدح الحقيقي كفاته أيّ الذي يذكر عنه خاب راجيه=أو من يقال ونعم بتصرّفاته أحدٍ عليه ليا تقاعس مشاريه=وأحدٍ يقولون العرب مثل شاته قلته وغاية مقصدي بس تنبيه=للغافل اللي ما يلملم شتاته السمعة الحسنة تنومس لأهاليه=أمّه وأبوه وكل ربعه حضاته من زان حظه قامت الناس تغليه=وتزين ما بين المجالس حكاته الطيب سندا كايداتٍ مراقيه=لا هنت ياللي مطلبك طيّباته من لا يعرف الصقر بالنار يشويه=لا مدركٍ فعله ولا من هواته ومن يكسب السود الغرابيب تخزيه=وفي كسبة الوضح الغرايب قداته من خالط الأجرب يقولون يعديه=جنّب طريق اللي قليلٍ صحاته وقم للوطن قله من القلب لبّيه=لازم تعد نفسك من أوّل حماته في كل ما تملك وبالروح تفديه=وتذل شينين النوايا عداته وإن جت بتطويره تشارك وتبنيه=ويصير لك بصمه على منجزاته رجلٍ بلا موطن غثا الوقت يغثيه=عاش الوطن ما تنجحد مكرماته الرجل لا يمكن يخلي مباديه=الدين وسلوم العرب ملزماته والوالدين أهم شيٍ يبدّيه=وأمورٍ أخرى تلزمه تابعاته الضيف والجار وخويٍ يخاويه=والبر لا منّه قدر بلحماته الضيف له حق معزبه يقريه=والجار ما ينظَر على محرّماته وليا دعاه الجار أجابه ويدعيه=حلاوة المعروف بمبادلاته أما خويّه ما يغثه ويوذيه=لا شاف باله ضاق دوّر فضاته والصدق ما يثني عزايم هقاويه=يعيش من حطه سمه من سماته وهبا الكذوب اللي بكذبه تباهيه=ما يصدّقون المجتمع بكلماته وأدّى الأمانة واجبٍ ما يخليه=وصم الجبال الشامخة رافضاته ونيتك في شي تبيعه وتشريه=خلك حريص في نقاه وصفاته والزور والتزوير جنّب حراويه=وخل الشهادة صادقه من بداته ومدام جالي بالقصيدة مناويه=ذكر النساء ما يعد من عايباته تاريخهن كل أكثر الناس ترويه=الطيّبات الطيّبة مدركاته كم لطفةٍ بأمّه وأبوها تحاضيه=تحمّلت زود العنا وكلفاته والزوج ما تنكر جميله وتشقيه=وعند القصاير ما حكت في شناته وتقوم لعياله على خير توجيه=عينه على كل العيال وبناته وإن كان أمرها طاعته ما تناحيه=وليا عطاها السر تحفظ وصاته تستاهل الحشمة مدامه تداريه=ومن عند خلاقٍ الخلايق جزاته لا طاب حظ الرجل طابت ملافيه=سرج البيوت بيوتهن حافظاته أما بعضهن كود تبدي مساويه=وتبيّن أسراره على مجالساته ونظراتها بالعين على مخابيه=وليا خذا الراتب تزيد شرهاته لا صار طيّب ليتها ما تقاصيه=تهوّن عليه ولا تزيد ضهداته وكلٍ على ما يريد تمشي خطاويه=كلٍ معه وعينه مراته هذي مشاعر شاعرٍ في قوافيه=اللي طرى لي قلت يالفكر هاته قافٍ على كل المحبين نهديه=ريح الخزامى والنفل بالغاته وصلوا عدد ليلٍ ضيا الشمس قافيه=على نبيٍ بالمدينة وفاته انقاد لأمر الله وجنّب نواهيه=واطلب من المسلم يسوّي سواته

أخوكم :

زيد بن زياد المفضلي

بسم الله الرحمن الرحيم

أخواني أعضاء شبكة نشامى شمر

السلام عليكم ورحمة الله وبركاته ..

هذه قصيدة مرثية في الشيخ / عبدالكريم بن نواف الجبرين رحمة الله تعالى والذي توفي يوم الإثنين 8/9/1432هـ .

مرثية في الشيخ/ عبدالكريم بن نواف الجبرين..

	مرحوم يا عبدالكريم ابن نواف=يا عل بالفردوس الأعلى منازلك بحماه ما يلحقك خوفٍ ولا خلاف=وإنه تحت ظله بظله يظللك مضت حياتك بالمراجل والإنصاف=حسن التصرف طول وقتك مطاولك نزهٍ عن الغيبة وذا شان الأشراف=واليا هرجت مكوّن الكون قابلك لا مستهين ولا انت بالكذب حلاف=بالصدق وأفعال الأكارم تعاملك يا مؤسس الخطة عطاياك تنشاف=جعلت من ملكك لمن يطلبك ملك للزين ورّادٍ وللشين عيّاف=علمٍ يقود الوجه كسبك وحاصلك الله حماك من التغطرس والإجحاف=وأعطاك صبر وميزك في تحمّلك وكرمك ما طبّه نفاقٍ ولا إسراف=الكامل الله بالمزايا مكملك نبع الكرم ما غثبره كل غرّاف=إن قيل ابن جبرين عرفت مناهلك من مطلق الأول تقودون الأسلاف=جادوا وجادت بالفضايل فعايلك عقبك حزنا حيل والدمع ذرّاف=والموت حقٍ بس ليت إنه أمهلك قلته وأنا داري وفاهم وعرّاف=إن الأجل محتوم والموت ياصلك الله يجبر بالعزاء كل الأطراف=وقبل الجميع أبناك يا أمير وأهلك وشمّر عموم وكل صادق وميلاف=وجميع من قدّر عطاك وجمايلك وأبناك فيهم منك تشبيه وأوصاف=ما خاب منهو في طبوعه يماثلك عسى تكاتفهم يوصّل للأهداف=يالله توفيقك بعاجلك وآجلك حيثك لطيفٍ في عبادك وروّاف=تعلم بما يخفى ولا شي يجهلك هذا رثاي بواحدٍ بالوفاء ناف=يا رب من عفوك لك الملك نسألك انت الذي عن غيب الأيام كشاف=يالقادر اللي قدرتك تجري الفلك بيّنت أنا المعنى والأوزان والقاف=وأقول يا شعري عسى الله يجملك وصلاة ربي عد من بالحرم طاف=على نبيٍ ما رضى لأمته هلك

زيد بن زيّاد المفضلي

أعضاء شبكة نشامى شمر الكرام

السلام عليكم ورحمة الله وبركاته ،،

مشاركة جديدة أتمنى أن تجد منكم القبول

سحر الغلا ..!!!

	يالله يا واحدٍ مالي بغيرك رجا=انت الرجا بأكمله غيرك مانا راجي مهما التوى الهم من بين الضلوع ولجا=فزعتك يا رب تبعد همي اللاجي يا جاعل النور يجلى مدلهم الدجا=تجلى كدر خاطري يا عَجْل الأفراجي من لا نجا يالولي بأمرك هلك ما نجا=ومن طب بحر الهوى تغمره الأمواجي والعاشقين لفرج رب العباد حوجا=العشق سهل الدخول وصعب مخراجي وسحر الغلا ما يفكه ذوق تمر العجا=طرفٍ سحرني مع العربان ما داجي يا عين شيهانةٍ بخشوم ضلعان أجا=وثمانه أصفى من الصافي من العاجي ما به من الشين ما ينطق بأفام عوجا=محاسنه لو تعد تسبب إحراجي ينقاد فيها المديح ويمتنع من هجا=من دون باب الهجا قفلٍ ومزلاجي وما غير أطلع حروفه من حروف الهجا=وأكتب وأعيد الكتابة بأزرق الزاجي

أخوكم / زيد زياد المفضلي