وحوش الغابة !!

السلام عليكم ورحمة الله وبركاتة
اولاً اعتذر من ادارة هذا المنتدى الغالي علينا جميعاً
ومن الجميع منسوبي هذا الصرح الشامخ
عن الغياب بالفتره الماضيه
وقد تشرح هذه القصيده بعض هذه الأسباب .

حضرت وغيابي بعد اسبابه=وابي العذر منكم قبل لابدابه
كانت ورى الغيبه ضروف ٍقشرى=عجزت لحكمها ولا اقفل بابه
ان جيتها منا تجيني منـّا=راحت كـذا الايام ياحسابه
حتى القريحه يالله انك تستر=من سبته كنّك تقول ان صابه
راحت علي فرصة عمر محسوبه=بأضخم تنافس للشعر يحكابه
في سيدي عبدالله ابو متعب=رمز الكرم راس الهرم مرقابه
راحت ولكن العوض عند الله=والسبّه اللي قلت تقل اذيابه
أهموم واوضاع ٍتشوفه عيني=حــرام لانبيه ولا نرضـابه
لاكنها ثارت وصارت فينا=وانقلبت اللعبه على اللعّابه
ثورة كذا ثارت وطاح المفسد=وثوره بعد قامت وصار مجابه
يالله تلطف يالـولي بلطفك=عن شي ما كنا خذينا حسابه
ان تهوي احوال العرب للأسفل=ونعيش في ضيعه تسبب نابه
لَكن مانندم على كل واحد=تحــوم له جنيّته وغـرابه
من طاح قلنا له بقلعت جدي=حسيبــه اللي يبعثه ليـّابـه
واكيد ياحسني و زين وزنقه=الكل منكـم حقه اللي صابه
مافيه داعي لو حديكم برّر=وجه الفضيحه طاح عنه حجابه
ومن عاش عمره وسط غابه يعرف=ان الاسد اشرس وحوش الغابه
مهما تخفا خلف ذاك الحاجر= نقطة قـــواه مخفيـه بنيابه
لكن يافاهم وشعبك فاهم=خل العلــوم اللي سفــاه ترابه
من يسئله عن هضبته وش جاها=وشلون راحت من يدين اصحابه
وان قال راحت مننا بالقـوة=سلّـم على النصـاب والنصابه
اكيد فبركها على من يسمع=ماتصعب الكـذبه على الكذابه
لابد له يومن يطيح بشـره=ودم البشر تبقى عليه طلابه
لو كل حاكم متبع في حكمه=نهج الشــريعه سنته وكتابه
اشهد بربي كان مامن ثوره=ولا كـــان هيبتنا تشق ثيابه
اللي كـذا كلن يبيه ويطلب=ان الله يديمه ذخــر لحبابه
مثل ابو متعب عز كل سعودي=وفخر العرب كله وفخر اجنابه
القايد الشهم الشجاع الصارم=اللي اليامنه ضـرب مضــرابه
يشتت الفتنه ومن له كـوّن=أهل الضلال اللي نشوف ارهابه
حنا بعد حكم الولي في حكمه=ونجــدد البيعـه ونفتـح بـابه
لنّا نعيش بخير بأطهر موطن=دون ارضه نشل العدو واحزابه
مانرخص البيعه على من ساوم=حنا فدا لأرض الوطن وتـرابه
اما نعيش وروسنا مرفوعه=ولا نمــــوت وموتنا نرضابه

..................
:lkd :
..................

اخوي الغالي متعب الشمري والله الف الف مليار نعم ولا يكفي اخوي الغالي لا املك الا ان اقول صح لسانك وجاد بيانك وسلمت يمناك ولا عدمناك اخي يسرني ان اكون اول من يصافح هذه الرائعه واقول لك شكرالك ايها الهرم الشعري المبدع على كل ماتخطه يديك الطاهرتين تحياتي لشخصك القدير

اقتباس المشاركة الأصلية كتبت بواسطة مشعل التريباني اخوي الغالي متعب الشمري والله الف الف مليار نعم ولا يكفي اخوي الغالي لا املك الا ان اقول صح لسانك وجاد بيانك وسلمت يمناك ولا عدمناك اخي يسرني ان اكون اول من يصافح هذه الرائعه واقول لك شكرالك ايها الهرم الشعري المبدع على كل ماتخطه يديك الطاهرتين تحياتي لشخصك القدير

هلا ومليون غلا
بأخي الو عبدالرحمن
صح بدنك يالغالي
والله لايهينك على هالكلام
اسعدتني وشفتني بمرورك الفريد
تحياااااااتي لك

الشاعر متعب الشمري

صح السانك مليون يابعدي

تحياتي

اقتباس المشاركة الأصلية كتبت بواسطة مالك سنع الشاعر متعب الشمري صح السانك مليون يابعدي تحياتي

مالك سنع

صح بدنك
ولاهنت على تشرفك يالغالي

الحمد لله على السلامة شاعرنا الكبير والقدير متعب الشمري
أبو سعود
وافي يالعزوة وبيض الله وجهك على هالرائعة بروعة كاتبها اطال الله في عمره
صح السانك مدد بلا عدد

تقديري لسمو شخصك الكريم ؛؛؛

اقتباس المشاركة الأصلية كتبت بواسطة المشرف العام الحمد لله على السلامة شاعرنا الكبير والقدير متعب الشمري أبو سعود وافي يالعزوة وبيض الله وجهك على هالرائعة بروعة كاتبها اطال الله في عمره صح السانك مدد بلا عدد تقديري لسمو شخصك الكريم ؛؛؛

هلا ومليون غلا
بأخي ابو غازي
صح بدنك
والله يسلمن من كل شر يالعزوه
وبيض الله وجهك على جهودك المبذوله لرقي بهذا المنتدى الى سماء الابدااااااع
يعلم الله انك شرفتني بطلتك
وحضورك الراااااااقي

تقبل ودي

متعب الشمري

صح السانك الف

اقتباس المشاركة الأصلية كتبت بواسطة الشيخ منحاش متعب الشمري صح السانك الف

منحاش
صح بدنك
ولاهنت على تشريفك يالغالي

الشاعر متعب الشمري

صح السانك