( المرجله ) ماهي عباةٍ ولا ثوب

حظيـظ مـن يصبـح مـن العقـل مسلـوب=مـــــا يــجــرحــه لــــــومٍ ولا يـــبـــدي عـــتـــاب
ولا تـشـغـلــه دنــيـــا ولا هــجـــر مــحــبــوب=ولا يــمـــيّـــز بــــيـــــن ربــــعـــــه والاجــــنـــــاب
مــا هــو سـواتـي جـوفـه وجــار مشـبـوب=جـمـر الـغـضـى وســـط المعـالـيـق لـهًــاب
لا قـيـل وش بــك قـلـت : تكفـيـر لـذنـوب=ذنْـب الوفـا عنـه ابيـض القلـب مـا تــاب
حـيـاتــي الــلــي روحــــت كــنـــت مـنــهــوب=لـــو حسـبـوهـا مـــا ســــوت حـفـنــة تــــراب
لا واحـسـافـه كـــان مـاعـشـت مـحـســوب=ولا حـصـل لــي مـنـه يــا كـــود الانـشــاب
انـــا عـلــى امـــري دايــــم الــــدوم مـغـلــوب=وش عـاد ينفعنـي لــو ابـديـت الاسـبـاب
مـانـي عـلـى سـلـم الرجـاجـيـل مـغـصـوب=طــبــعٍ ورثــتــه قــبــل يـنـبــت لــــي الــنـــاب
درب الردى صوبٍ وانا عنه في صوب=مـانــي مـــن الـلــي لا حـكــى قـيــل كـــذاب
ولانــي مــن الـلـي نظـرتـه داخــل جـيـوب=ولا ني من اللي لا مدح ينطـر حسـاب
الــمــرجــلــه مــــاهــــي عــــبـــــاةٍ ولا ثـــــــــوب=لا مـــن بغـيـتـه تلـبـسـه لـجــل الاعــجــاب
الــمــرجــلـــه قـــــــــولٍ وفــــعـــــلٍ ومـــــاجـــــوب=مـــــن طـالــهــا لازم يـبــرهــج لـــــه الـــبـــاب

ماني على سلم الرجاجيـل مغصـوب
طبعٍ ورثته قبـل ينبـت لـي النـاب
درب الردى صوبٍ وانا عنه في صوب
ماني من اللي لا حكـى قيـل كـذاب
ولاني من اللي نظرته داخل جيـوب
ولا ني من اللي لا مدح ينطر حساب

ابوفراس
اسعدك المولى
وصح لسانك
وسلم بنانك
وشامخه من راس شامخ
لاهنت يالغالي
دمت كما تحب

كبير يابو فراس
صح قلبك وسلم بنانك على الرائعه
خالص التحايا لسمو شخصك النبيل

شامخ وراسك فوق يابعد حيي
لاهنت على ها الدره
صح السانك بحجم السماء
تحياتي لسمو جنابك

احمد الجريفاني

شاعرنا القدير يقول محى الهبداني

هنيكم ياهل القلوب المريحه= يالدالهين الي على بركة الله
هنيكم بقلوبكم مستريحه =وياليت قلبي كل ماجاه ينساه
ينسى هواجيس الضمير المشيحه= ويرضى على غوال حلقه ليارخاه

كفو يابو فراس

وبحفظ الله

ابو فراس

صباحك شعر ومطر

نص رائع ومعبر

صح قلبك استاذي

وابعد الله عنك الهم والانشاب

ودمت مبدع يا الغالي

نبرهج قلوبنا لك يابو فراس

عزالله كفوووووو بس ترا ماعمل بك هاتس إلا قلبك الخضر

صح لسانك وعلاشانك كلمات روعه الله لايهينك

صح السانك الف

الـمـرجــلــه قــــــولٍ وفـــعـــلٍ ومـــاجــــوب
مـــن طـالـهـا لازم يـبـرهـج لــــه الــبــاب

صدقت يالجريفاني

ولانـي مـن اللـي نظرتـه داخـل جـيـوب
ولا ني من اللي لا مدح ينطر حسـاب

كفووالله ولله درك

لا قيـل وش بـك قلـت : تكفيـر لذنـوب
ذنْب الوفا عنه ابيض القلـب مـا تـاب
الله الله الله بيت له عمق وله طعم خاص
كما قلت لك من اول دكتور بعلم النفس ماشالله عليك الله لايضرك يالغالي

يقول الشاعر الملهم الحساس// يراء في سلوب الناس مالا يراه الغير
الشاعر القدير علي القحطاني
لك سمو تقديري
حفظك الله