العفن لا تندم على شان فرقاه . . !

دار توريــــــــــك المهونة بلياه
شمس الخيار ولا ظلال فريضة

أن ضاق درب فيك وشلك بممشاه
غير طريقك والفيافي عريـــضة

الحر لا من أبـــــرق الريـش وازاه
خلا الديار وعاف عشه وبيضه

مادام رزق العبد بيدين مولاه
وش حاجته لأهل النفوس المريضة

اللي زعل من خاطره لا ترضاه
لا صار ما سويت شي يغيـــــــــظه

والعفن لا تندم على شان فرقاه
ترى ألردي فرقاه ما هي غميــــضة

عين تريح موقها من حلاياه
لوهو من الأدنين عين حظيظه

والعوشزه لو سكة الدرب تاطاه
في ظلـها ما للطروش تغميضه

طلعه ضريع وعودها ما تعصاه
لو هي على ضــفة غديــر بفيـــضه

والناس كل يجذبه ساس مجناه
مثل الشــجر لو هو تجدد بريـــضه

أحد ليا زلت بك الرجل تلقاه
حبل النــجاة اللي بتـــوته غليــــظة

واحد ليا بان الخلل فيك يرفاه
عزك يعزه وانكســـارك يهيــــضه

واحد بساعات الرخا جاه ووجاه
لاشك وقت الضيق مافـــيه عيـــضة

مثل الغدير اللي حفظ ماه بشتاه
واهلك وروده في لواهيب قيـضه

واحد على الأدنين ما به محاماه
بالك تغرك سكبته وتعريــــضه

مثل السراب وخاسر من ترجاه
لا مرضي عين ولا هو مغـيظـه

دونكم هالورد

صدق في كل كلمة قالها عزالله
صح لسانك شاعرها

اختي / بري حالي

اشكرك على النقل الجميل والاختيار الرااقي

دمتي بخير وسعادة

اقتباس المشاركة الأصلية كتبت بواسطة محمد الذرفي صدق في كل كلمة قالها عزالله صح لسانك شاعرها اختي / بري حالي اشكرك على النقل الجميل والاختيار الرااقي دمتي بخير وسعادة

ياحي هالطله ياحيه

منور يالغالي ياحلو تواجدك لي الشرف والله

اختنا القديره بري حآلي
عودا حميد لبيتك الثاني شبكة نشامى شمر يالنشميه
صح لسان شاعرها وسلم بنانك
خالص التحايا لسمو شخصك النبيل

بري حالي
يسلموا لايادي وصح لسانتس ولسان قايلها الف
تحياتي لك

اقتباس المشاركة الأصلية كتبت بواسطة المشرف العام اختنا القديره بري حآلي عودا حميد لبيتك الثاني شبكة نشامى شمر يالنشميه صح لسان شاعرها وسلم بنانك خالص التحايا لسمو شخصك النبيل

ي هلا وووو ي غلا
حي من جانا ي حيه ولعيناكم يهون كل شي
يسلم راسك
نورتنا ي الأمير

اقتباس المشاركة الأصلية كتبت بواسطة الشيخ منحاش بري حالي يسلموا لايادي وصح لسانتس ولسان قايلها الف تحياتي لك

صح بدنك ي الغالي
شرفتني بتواجدك والله عساني مانحرم من هالنوووور

اختيار رائع سلمت يداكِ اختنا الفاضلة

برئ حالي

اقتباس المشاركة الأصلية كتبت بواسطة غالب الشلاقي اختيار رائع سلمت يداكِ اختنا الفاضلة برئ حالي

ي حلو طلتك ي سيدي لاتحرمنا مرورك