قصيدة خالد العتيبي في مدح الرسول

السلام عليكم ورحمة الله وبركاته

قصيده الشاعر/ خالد محمد العتيبي

في مدح الرسول صلى الله عليه وسلم

دعت سمرالجدايل وانتخت بالقذلـة الهلـة
تبي مني عروس للقصيد ازريت لاغويهـا
ويوم اني لقيت لها الخلود وجيت ابوصل له
تنحرك الكـلام اللـي فهقهـا دون مغليهـا
خضع لك راس مسبوق القصايد وانحنى كله
وانا بك شاعرالدنيـا ومشغلهـا وماليهـا
يذكرني رحيلك مجلـس بـاق علـى حلـه
مداهيل الرجال اللـي تنومسنـا مواطيهـا
هنا سليت سيف يوفي الثارين مـن سلـه
هنا علقت رمح يطعـن الجـوزا ويطفيهـا
هنا بينـت مصحفـك الكريـم ودلنـا دلـه
معك نبدا مواعيـد الكـلام وننتهـي فيهـا
هنا ساقيت غصن من غلا كنا تحـت ظلـه
نسولف بالغنا يـا بايـع الدنيـا وشاريهـا
هنا كان الرجال جبال ما تقبل خنـا الزلـة
عمايمها سحـاب وابلـه باقـي مواظيهـا
رجال لو تشوف الماء غدر ما شربتـه لله
نبت عشب الرضا يا سيدي بأول مغازيهـا
هل التوحيد وكنوز العلوم ونصـرة الملـة
رجـال يضحـك التاريـخ لولهـا وتاليهـا
هنا ماضيك ورياض الخليل اللي رعى خلـه
شربنا عذبها مـدري لعبنـا فـي مغانيهـا
هنا تخنقني العبرة وانا اكتب يا رسـول الله
على قبرك نسيت الناس حاقدهـا وحانيهـا
وابو قبر يتيه من الفخـر بالبيـد وتجلـه
على حسد تبين مـن سمايمهـا وصاليهـا
ويهناك الوفا قبر يضمـك فـي ثـرا تلـه
ما دامه بين فردوس الجنان وبين منشيهـا
وانا لامن ذكرت فراقك اللي في يدي غلـه
نسيت ان الليالي شيبتنـي مـن بلاويهـا
على بعد الزمان اللي يعقد الحبـل ويحلـه
ليامني ذكرتك طاحـت الدمعـة وراعيهـا
سلام الله ما هز الصبـا نسرينـه و فلـه
على الطفل اليتيم اللي عطى الدنيا معانيهـا

راقت لي

اللهم صل على محمد وعلى آله وصحبه أجمعين
ابو بندر الشمري
تسلم اياديك يالنشمي وصح لسان الشاعر خالد محمد العتيبي الف
تحياتي لجنابك

جميلة والاجمل انها بحبيبنا صلى الله عليه وسلم

تسلم اياديك عالنقل

اللهم صلي وسلم على خير خلقك محمد عليه افضل الصلاة والسلام
قصيده تستحق الاشاده والشاعر خالد العتيبي شاعر غني عن التعريف
صح لسان الشاعر خالد وسلمت يمينك على جميل ما نقلت
تقبل مروري وتقييمي

اللهم صل على محمد وعلى آله وصحبه أجمعين

الله يسلمك اخوي بتال
وشكرا لمرورك

اللهم صل على محمد وعلى آله وصحبه أجمعين

شكرا لمرورك

اللهم صل على محمد وعلى آله وصحبه أجمعين

الله يسلمك اخوي سليمان بن جبيل
نورت بحضورك