صاحت حقل وجاوبه هداج ياخيّه/ مرثيه في لمى

تفاعل الشاعر المعروف معجب الصقيري (شاعر تيماء) مع طفلة البير (لمى الروقي)
بقصيده تقطر حزناً وبكاءً .. القصيده ابكت الكثير من جمهور الشعر نظراً لما تحتويه
من كلمات كأن لمى هي من نطقت بها وابدع الشاعر في ايصالها لمتذوقي الشعر .

صاحت (حقل )جاوبه (هداج ) ياخيّه=الله يعينك على الدنيا وأحزانه
قالت ( لمى ) في ظلام البير مكفيّه=متعلقه بالسماء من بين جدرانه
قال اصبري خابر(ن) لي شاعر هنيّه=يفوح ريح الألم من بين قيفانه
قلت اتركوني مادام العين مبلــيّه=في قصة الي تشيب العين من شانه
البير صار القبر يــوم الكفــن طيّه=وبيديها طشّت ترابه فوق جثمانه
تصيـح وينـك ( يبه ) مـامت انا حــيّــه=ويقول ياعين ابويه وين بيبانه
تقول مدري وكنت العب على الخيّه=تكفى دخيلك ابي امي وبردانه
طلعني قبل اختنق وامــوت في ميّه=اشتقت لامي ابي انام باحضانه
اشتقت لالعابي الي شاريه ليّه=لي كم يومٍ على هالحال سهرانه
كنت احسب العمر توه باقي شويّه=ماكنت احسب المنايا بين شعبانه
سلم على امي وقله تحسن النيّه=ماكنت ابي حزنها يزور وجدانه
ولو كنت اعرف الدرب باخره مهفيّه=كان ارجع لحضنها وخطاي عجلانه
ولا ترمي ( الكيك ) ( والبسكوت )=مافيّه نفسن على الزاد والاخلاق خربانه
( يبه ) ظلام الليالي يتبعه ضيّه=لكن ظلام القبر ماشوف ضيّانه
تدري وش الي ذبح خوفي وطاريّه=اني اشوفك وانا بالبير مرضانه
لو هي بيديني طلعـت وماني معيّه=من يكره انه يشوف ابوه واخوانه
( يبه ) احس ببرود(ن) فوق رجليّه=اظنه الموت تحتي جهز لسانه
روّح تريـح وقل للمـــوت ( يابيّه )=عجّل عليها من الي صار تعبانه
ومع السلامه مادام الروح مطويّه=يوم القيامه تشوف الطير بجنانه

معجب الصقيري (شاعر تيماء)

قام الله بعون والدي الطفلة وذويها
وجبر الله مصابهم والهمهم الصبر والسلوان
وانا لله وانا اليه راجعون
قصة طفله فاجعه لنا كلنا مواطني هذا الوطن وهي ليست بالاولاء ولا الاخيره مع الاسف لايوجد استعداد
من الدفاع المدني ولا الاجهزة الحكومية بكل تخصصاتها
صح لسان معجب الصقيري (شاعر تيماء)
وسلم بنانك اخوي غالب الشلاقي

انا لله وإنا اليه راجعون
اسأل الله لها الرحمه والمغفره وجبر الله عزاء والديها وجميع عائلتها
ابيات مؤلمه مبكية بقوووووووووووووه لكن هذه الدنيا كل ماعليها فان ويبقى وجه ربك ذو الجلالِ والإكرام سبحانه.
صح لسان الشاعر معجب الصقيري على هالأبيات الموجعه والمعبره.
وتسلم أخونا العزيز غالب الشلاقي على هالنقل لا أرانا الله وإياك وجميع الإخوة والأخوات أي مكروه.
دمت بخير ودام ابداعك

رحم الله الطفلة لمى الروقي
تعازينا الحارة لوالدين الطفلة لمى ولذويها
صح لسان شاعر تيما معجب الصقيري
خالص التحايا لسمو شخصك النبيل

حادثه ادمت القلب حقآ

كان الله بعون احبابها ي رب الهمم الصبر

كل الشكر لـ طيب نقلك ي الطيب

لاحول ولاقوه الا با الله العلي القدير نسال الله لها الرحمه والمغفره وان يجعلها شافعه لوالديها
صح لسان شاعر تيماوشكراً لك اخوي غالب على جميل نقلك

المهاجر

تشرفنا بمرورك

حفظك ورعاك الله

استاذي الفاضل ابوكادي

تشرفنا بمرورك

حفظك ورعاك الله

حياك الله مشرفنا الفاضل

ابوغازي


نعم الله يخلف علئ اهلها ويجبر عزاهم


شكراً لشخصك الكريم على تشريف المتصفح

حياكِ الله اختنا الفاضلة

برئ حالي


سعدنا بمروركِ حفظكِ ورعاكِ الله