قصيده في وصف الجيب الشاص...

قصيدةالشاص

راكب اللي هيض البال تصفيره = يوم جاوب دبته صوت شكمانه
صوت ريح ثايرات معاصيره = في هدب سدر نما الطلع بأغصانه
حس مكراته اليافرها سيره = عزف ابن حشاش يوم اسمع الحانه
لاعطف قوس الربابه على سيره = جرة المسحوب بأبيات مليانه
لاعوى ترس الدبل في جنازيره = صوت ذيب لا عوى صك نيبانه
لا لمست البنص تدفع مواصيره = سايل يوقد على البلف نيرانه
اشهب معطيه ميزه على غيره = صدة الكبوت عن وزن بيبانه
رابط (ن)بالشرق الاقصى مساميره = ماهر يحمل شهاده على اتقانه
كاتب(ن)في "ناجزاكي" تقاريره = اجردن دقنه مثل جلد سيقانه
يجهلون اعريبيا في معاييره = همهم وش قاله افلان لفلانه
الكلام انه من دبي تصديره = ما عليه الا رموزه وعنوانه
يوم يزمي بين طلعه وتحديره = ركض ذيب سمع الرمي باذانه
شاف صياد يدارق مع الشيره = وسط ضلع تغدي البل بريعانه
والشنب تصل الرفارف بواكيره = شارب اللي يعتزي قدام عدوانه
باغتوه اعداه في خيل مغيره = وسط عفر(ن)كلها ورث جدانه
سل مصقول تلهب شواذيره = واعتزى والموت حول بميدانه
حز مقدام العدى عن مغاويره = وشال راسه بالمصقل عن امتانه
فك ذوده والعدى يالله الخيره = نكفو هراب يوم اعتلى شانه
تهت مع فعله وشعري وتعبيره = يوم جيب فارقينه عن اخوانه
والله انه يعجز العقل تصويره = مير مثل الذيب وجهه وذرعانه

للشاعر / الحميدي الحلو الحربي