فلسطيــن

قصيده كيف انساها .... قصيده وزنها مكسور
قصيده بحرها يصرخ .... بكى موضوعها مأسآه

قصيده 00حبرها دم ..... حفر له بالزمان سطور
وخلى الحر يبقى حـر .... تكسر سجنهم 00 يمناه

قصيده ماهي ( أور شليم ) ... الاسم اللي شهد بالزور
فلسطين00 ومهي ( اسرائيل )....حرف الضاد في معناه

بكت من ظلم شاعرها....الكذوب الضايع المغرور
لقى بالشعر تبرير ..... وسلام ٍ كاذب 00 وغناه

لو انه مالها شاعر .....حموها اطفالها 00بـــ صخور
وتعلت وجه حاضرها .... بماض ٍبالعقل نقراه

الا ماكذبها دعواهم..... مثل كذبة ( وعد بلفور )
فلا الهم ( حق تاريخي )....وبري ٍ ماوهبها الله

الا ياغافلين اصحوا ..... تنهض يامريد الشور
الامن لاآمن بربه ونبيه .....عهدهم تنصاه؟

وتصدق بالوعود ......ولا وتقبلها بكل سرور
و هذا ابسط طلب النا .... بحق ( النقض ) من ألغاه

ابا أبكي كل ماقالوا ..... ترانا للسلام 00 حضور
فلا هم للسلام اصحاب... ولاهم للسلام 00 حماه

كتبت ولو بعد أكتب ترى راس القلم مكسور !
اقول اكتب طفل هالارض... وترجم قولي لمعناه

اقول انحت مطالبنا .... على جباه العدو بصخور
ولين صابر الغادر.....الين يحس ماســـواه

واذا هم ماقروا خطك ... ترى ارضك معاك تثور
وتسمع للحجر كلمه..... ويكون لهالجهاد صداه

شجرها وكل ماتحويه.... نصرك الله 00 يامقهور
وش اكبر من نصر ربك .... وش اصغر من ذليل ٍ تاه

ابد ماينتحر منهو.... فدى لدينه 00 قبل هالدور
شهيد ٍ 0يافدائي وانت... كل اللي غلي يفداه

اقول اعلن هويتها..... العروبه دمها مهدور
مادامك باول الجبهه.... ضياع الحق مانخشاه

هدير ٍ للغضب ( كبر ) ....بدينك 00 تطرد المجدور
فلا تخطيطهم ناجح......ولاتهويدهـــم 00تلقاه

طموحاتي طعنها اللي .... يقول اليوم انا معذور
بعيده 00ونوب اقربها ....... وضامي اليوم من اسقاه

.انا ودي طموح ابعد..... من (ابو غنيم )ودار 00 وسور
وابعد من حدود( القدس ) ...... وابعد من (رام الله )

انا آمالي اذا القى ( القصيده ) في خبر منشور
تحت عنوان من صفحات......( وطنا اليوم حررناه )!

ويصبح وضعها موزون ! ......وشاعرها سكت ! مغرور
وتطوى كل مأآسينا......وبحرها يبتسم 00 لشفاه

ونعلنها ترانا صقور ........ترانا صقور 00 حنا صقور
بدين الحق وقول الحق......... بحول وقوه من الله..


شعــر مصبح باني