اختلاف النساء

26-05-2006

هذا القصه تبين اختلاف النسـاء

تـوجه محمد بن فهـيد الروقي العتيبي الى قرية قصيـبه ليحضر بعض الغريـس وبعض انواع النخيل وفى الطريق جلس هو وأخويـاه لتناول الغداء وكان غداهـم عباره عن قرص مـدهون بالـسمن وكان بقربـهم إمرأه نرعى بغنـمها لايعرفونهـا قدمـوا لـها قطـعه من القرص ولكن رفضتـها فتـركوا لهـا القطـعه على الشـجره وذهبـوا وبعد شـهر رجـعوا من نفـس الطريـق ووجدوا قطـعة الخبـزه فى مكانـها لم تلمسـها فتعجب ابن فهيـد من أمرها وكيف شـامة نفسـها مما يدل على انهـا من بيت رفيـع فسـأل عنهـا فـأخبروه انهـا بنت بن سبيـله من عبـده من قبيلـة شمر فخطبها

وتزوجهـا وبعد الزواج ولاها كل امور الطعام والضيافه...وفي يوم من الايام لفـى عليه ابن سلـيم من عـنيزه ومعه خمسين رجال فجلس معـهم طيلة الوقت لم يتحرك صاحب الدار من مكانه حتى قلط الغداء... وبعدعامين مر ابن سلـيم ومعه خمسـه من الرجال على ابن فهـيد ولـكن ابن فهيد على غير عادته فكان يجلس عندهم ثم يذهب الى داخل الدار ويرجع يجلس شوي ويذهب الى داخل الدار وبعد ان اكرمهم قال ابن سليم يابن فهيد انت مختلف عن أول كنت فى السابق تجلس ولا تقوم من مكانك حتى تقلط ضيوفك والان كل شوي تدخل وترجع وش السبب..قال ابن فهيد أنا اقولك زوجتي السـابقه توفت وزوجتي الثانيه ما تعرف تدبير البيت الا لما اقولها سوي كذا ومن ثم انشد هذه القصيده:

اطلب عسى الجنه منـازل مطيـره=حيث ان بها طبع على البيض ماصار
ما معجبن زينه ولـو هـي نظيـره=قصدي تنومسي الى جـون خطـار
مع زينتها الوافـي بهـا زود سيـره=دبره وعـرف وكـل شـي بمقـدار
لاجو على هجن من ارض الجزيـره= تعومسـوا عنهـم ردييـن الاشـوار
ان جييت للمطبخ ايـلا فيـه نيـره=تلقى الحطب عندها تقل شغل نجـار
ماهيب خطوا العلة المستديـره=يجي العتيم وطامـي القـدر مافـار
يدلاك وين اللـي خطاهـاقصيـره=من جيته ما قط فاتت مـن الـدار
ياعنـك مايسمـع نباهـا قصيـره=ولاقط شفت الغيض منها والاكـدار
الا ومع قصـرة اخطاهـا ستيـره=جتنا وراحت ماسمع صوتها الجـار

26-05-2006

:15951:

صح لسانك ولسان صاحب القصه والقصيدة الله يرحمه , وتسلم ياعاشق باب الريان على هذا النقل الجميل , ودوما تتحفنا بنقلك الجميل وشكراً . تقبل تحياتي أخوك الدرع

:15951:

26-05-2006

ياعل تسلم يمينك / ياشيختا

النساء في ذيك الزمان عبره من العبر، وقليل مثيلات امطيره هذه المرأة رحمها الله
والدليل القصيدة محزنه بالحيل
اقول ويش رايك بحريم هالزمان يمنه هذا ارسلت الرجل للمطعم يجيب الغداء أو العشاء
الله المستعان

اسمح لي بنقلها هنا بارك الله فيك

جزاك الله عنا خير الجزاء

26-05-2006

وتسلم ياعاشق باب الريان على هذا النقل الجميل

26-05-2006

أولئك ابائي فجئي بمثلهم ....إذا جمعتنا يا جرير المجامع

يا زين ذا الوقت وزين اهله
يعاطيك العافية يا شيخ على النقل الموفق

28-05-2006

مشرفنا العزيز
الجار العزيز : أبو وليد
الأخ العزيز : بكل فخر قالش
الأخ العزيز : سعود الخالدي
جزيتم خيراً على مرركم الكريم
ونسأل الله أن يغفر لنساء ذاك الزمان وأن يبارك في نساء هذا الوقت.