جتني جيوش الهم صف وطوابير

اخواني وخواتي اعضا منتدانا الغالي منتدى نشامى شمر
هذه القصيده الرائعه للشاعره المبدعه والمتألقه / الـــــعـنــــــود
وهي عزيزةً على نفسي بالحيل

وهي ليس معنا في هذا المنتدى ولكن ولاول مره يتم نشر
اول قصيده لها واتمنا ان تكون معنا يوما من الايام انشاء الله

واترككم مع القصيد

جتني جيوش الهم صف وطوابير=ياطول ليلا" بالمعارك تساوا
هاذي سيوفه وذي خيوله مقاطير=شتات همي في عيوني تخاوا
شف عجهن بالجوف مسرح جماهير=حتى اودعنه منعدم ويتجاوا
غارت علي غارات مافالها خير=جتني هجاد الليل سحمن تعاوا
انا وحيده وهن جموع مغابير=جيش إحتلال قادم ويتقاوا
كنه تحالف واتفق بوش وبلير=وين قدرتي وارد جيشآ تلاوا
قلت اسمعن كانك تعرف التعابير=ياجيش ماحيلي لحيلك تساوا
اخطيت دربك كان لك وجهتن غير=ماني فلسطين الجريحه تداوا
ولاني العراق اللي غزوه الاباطير=وتبي تحرر دجلته والسماوا
ولاني انا كابل ولاني بكشمير=ولاهي انا الشيشان او جزر جاوا
غير طريقك لك من الله تياسير=حرام تجرح قلب توه.. تشاوا.
قال: حنا لفينا يم قلبك مداوير=انتي طليبتنا ولابك مغاوا
حنا ماجينا للحكي والمسايير=ونقضي معك اوقات مزح ودعاوا
يالله بدينا اهجموا يالمناعير=ورفعت انا الرايه وجسمي تهاوا

الله الله صح السانك رائعه بكل حرف وبكل كلمه وبكل شعور
تألقتي فابدعتي في هذه القصيده

بكل اعجاب وبكل ثناء أنتي رائعه بكلماتك ومعانيك وما أجمل هذا

اللون من المشاعر الحزينه

وما أجمل احساسك يا الــــــعــنود

فلكي مني كل الود والاحترام