08-06-2006 | #1 |
|
بنيه الجربا وابن مهيد
بالخير يالربع
انا ذبحن هالبيت وجبت لكم القصه والابيات كلهن مع اني سامعه لي اكثر من سنيتين
وان ماجابـك اسيـر و مكتـف=يحرم عليه يقبلن علـي شفـاف
هذا بنيه الجربا ابو عبطا يقولون سنة من السنيين صار بينه وبين ربعه من شمر خلاف صغير وهو ينتزح عنهم هو وكم بيت معه يامار بنيه اكثر مغازيه على الروله وعنزه وخاصة الفدعان من عنزه الوكاد هو ياصل العلم لتركي بن مهيد "مصوت بالعشا" امير الفدعان جاء يمه واحد قال ياتركي كانك تبي بنيه شفه نازلن بهكا المكان قال ابن مهيد ترونا غزو وهو يغزي هو وحوالي خمس طعش فارس معه ماهم واجد يامار بنيه بأول سنيين زواجه يامار متزوج له وحدة بكلام الرواه انه من اجمل بنات العرب بزمانه وهو يمر ابن مهيد على حلال بنيه يامار هذي مرة بنيه لابسه عباةٍ متقطعه يامار اللبس وسط والزين واجد " يامار ابن مهيد مايعرفه ولايدري منهي" قال ابن مهيد :بالخير يابنت قالت : يالله حيه قال ابن مهيد: من انتي يابنت قالت: مالك بالمعرفه شف بيتنا هذاك هو والله يحيك ضيف قال ابن مهيد ماحنا ضيوف وكانك من عرب بنيه علميه حنا غزو قالت :خلو الغزو عنكم وضيفوا بنيه وهو يزعل ابن مهيد من رده عليه قال:
يابنت من علمك سرح الغنـم=والضان عرجا والمعز كشاّف يابنت من لبسك جـرد العبـاة=يبلى بشلفى من يميني شـاف يابنت عزباء ومالـك حليـل=ورمان صدرك للعقل خطاف يابنت وان كنتي قصيره عندنا=لاالبسك ثوب الحرير الضاف "يامار ابن مهيد مايدري انه زوجة بنيه" قــــــالت "تبي تعلمه منهو زوجه"
انا حليلة مـن يجـر ردونـه=واليا هرج هرجه ماهو زيافِ انا حليلة من يقصـر بعيطـه=يغض النظر عن جارته عفافِ انا حليلة من يحـط المنسـف=كفه صخيه وخنصـره دلاف ِ انا حليلة مـن يعـز ربوعـه=ياصار بالجمعين كز شـلاف ِ هالساعه تشوفه وعينكم لـداده=من فوق حمراء شلفته تنشـافِ يخوي عليكم كالعقاب الكاسـر=انتم حباري وهو لكم خطـاف ِ وان ماجابـك اسيـر و مكتـف=يحرم عليه يقبلن علـي شفـافِ قال ابن مهيد علمي رجلك انا خذينا حلاله وهو ياخذ الحلال ويقفي به وهي تركض يم بنيه يامار جالس يتقهوى وهي بوجهه تسرج الفرس قال بنيه عسى ماشر قالت غزو قال كم هم قالت حول هالعشر قال بنيه بسيطه وهو يركب فرسه وهو يلحقهم يوم اقبل عليهم وهو يطلع له ابن مهيد وهو يصير بينهم طراد عندك وعندك وهم يتجادعون وهو يجدعه بنيه ويكز الرمح ياذابحن الفرس وهو يلتفت بنيه للفريس الباقين قال ردو الحلال ولا ان الله اشى الا تشيلون بعضكم الوكاد يوم ردو الحلال وهو يجيبهم بنيه لبيته ويذبح لهم يوم تغدوا وخلصوا قال ابن مهيد نبي نمشي مار عطن فرسك يابنيه قال بنيه اردف لحدى خوياك وياجيت ربعك علمهم بالعلم الوكاد ولكم جزيل الشكر على حسن القراءه |
التعديل الأخير تم بواسطة مفصل شماغ ; 08-06-2006 الساعة 03:08
|
08-06-2006 | #2 |
الإدارة
|
غفر الله له ولموتى المسلمين اجمعين
هذا العلم الوكاد تسلم / ياراعي الشماغ كل يوم اطرق ردن من ردون الشماغ بهذا بارك الله فيك |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
14-08-2012 | #9 |
((من لايقدروجودك 000لاتعظم غياااابه))
|
رد: بنيه الجربا وابن مهيد
مبروك تفصيل الشماغ عساك دايم تفصل شمغ وتجيب لنا من القصص الطيبة الله يسعدك
|
|
14-08-2012 | #10 |
|
رد: بنيه الجربا وابن مهيد
الله ماجمل سوالفهم وقصيدهم وبيض قلوبهم وهم بوقتهم مغازي وذبح وذابحين
بنيه الجرباء .... وهم ماخذين حلاله وناهبينه اســــــــــف بهم لايقتلهم وهو قادر على قتلهم شهامه الرجال واخرها غداهم وهبهب ريحهم وهم بزمانهم عدوان وقوم ولاكن مايصخون ابعض قدر ابن مهيد وقبيلة عنزه بما فعله رحمه الله تعالى بيض الله وجهك على النقل الجيد يالنشمي |
انا الغريب اللي بكى من قصته حزن الغريب = وانا مسافات النهايه والبدايه زايله
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام