ولا ازال طامحا خارج البيت

(( ولا ازال طامحا خارج البيت ))
الحقيقه من يوم نزلت قطر والوضع بالبيت مع ام فهد هادي مافيه مشاكل
مابعد سالفة الصاج اللي قبل سنه تقريبا وكانت هي فاير دمها الله يثيبها
ومعذوره طيرة شلوى والا هي سترنا عند الاجناب 0
وقبل ليلتين تسبب علينا ولدي الصغير وانا قاعد اكتب على الجهاز وهي قاعده
تاكل فاكهه وبيدها سكين وشوكه شطيره فقال الولد ايكم اقوى انت والا امي؟
طبعا قصرت صوتي علشان ماتسمع هي ونبلش بها فقلت:

انـتــه تقـولـه صـادقٍ ياصـغـيـري=او قلت هذي وحدةٍ من مزاحك
وان قمت تسمع له صياح وجعيري=في ليلها حـتى يشـعـشـع صباحك

واثريها سمعتني الله يثيبها ويمار هي شفقانه على الخناق ومبطية عنه وتدور الشر

وهي ترد علي تقول:

اهـجـد قـبـل تـقـعـد طـريـحٍ كسيري=وشهرين تدهن بالليالي جراحك
واحذر تقارب في طوارف سريري=والا تركت الناس تسمع صياحك

وهي تكبر علي السكته والولد يسمع اخاف تنزل قيمتي عنده وخاصه اني شفت

العيال والبنات كلهم قريبين للتدخل السريع اذا تطلب الامر وانا ابيعها بزبيبه

وقلت ياعلك عمرٍ تلوى وانا ارد عليها قلت:

الحكي واجد في وقوت الفراغه=لاتحسبينه كبر هبر وردايف
ياما دبـغـتـك يالـطـقوعه دباغه=ونتفت راسك يالذروقه نتايف

وهي تزعل وتحتمي وحسيت انها قامت تتحرك بمكانها من القهر تقل تبي تنطلق

وهي هذا عذيريبها بس ماغيره وهي تقول:

وانـتـه بـعـد ماهـي قـصـيد وبلاغه=والا حروبك في فلة حجاج معروفه

لا اقوم اسكر وسط حلقك بباغه=وان متت والله ماعليكم حسايف

اخسي يالعلهب والله وقامت تتهددن العوبا وانا ماني خايف منها لكن خايف من

هالسكين معها اخاف تشعط وروكي الملعونه وعاد وشلون ارقعها لاسيما اننا بديار

غربه ولا ودنا يمسكون الناس علينا شي قلت:

والله لو انتي حول جيلان عـقده=فقعت وجهك في مضارب بقوسي
وزقدت حيلك بالـبـقـاقـيس زقده=وحـطـيـت لـك لحـــفـلـة عـروسي

ضربت على الوتر الحساس اللي هو العرس وهي تسوي نفسها ماهمها وانا اشوف كتوفها

تنتفض من القهر تقل كتوف ثور وهي تلتفت قالت:

لااقوم اولع فـيـك بالـنـار وقــده=واشويك شوية واحدٍ من تيوس
ورقدت فوقك ياغسيلان رقده=وتصـير عينك مثل عـيـن البلوسي

والله وهو يدخلن الماء 0 اخبرها الملعونه تقول وتفعل 0

وهي جسمها تقل بعيرين مربوطات جميع وانا جسمي ناعم والعشق لاعبن بي لعب لما صرت

تقل مسواك 0 يعني موازين القوى غير متكافئه اطلاقا ولذلك المغامره تعتبر جنون 0

فكرت بفزعة العيال وهم مايقصرون الله يسلمهم لكن المشكله انهم ماياصلون الا وهي منهية الجوله

لصالحها بالضربة القاضيه 0

ولا ودي اتراجع عن موقفي اسمي اللي وطيت بالمعجن ومثل ماقالوا لاكليت من البصل كثر 0

قلت تدري ارجع لسلاحي المضمون والمجرب اللي هو رجولي بالركض لاهربت والله ماتلحقن مطقوقه

بالمسمار 0 وانا اقوم كني ابي دورة المياه وانا افتح الباب الطالعي واخليه مفتوح احتياطا وانا ارجع

لها واقعد لي قعده ماهي متواسيه تخبرون قعدة اللي يبي يفوع قلت:

انتي عجوزٍ طايحاتٍ سنونك=ولا يربح اللي داخل السوق باعك
لو اتغصك تغصه تبلز عيونك=وتلقين كل الناس تسمع طقاعك

على ماقلتها وانا افوع هكالفوعه اللي تجي سبعة اذرع طولها ومن غير مااشوف ردة فعلها لاني ادري

وش تكون بليا 0 ياجماعه يمار يوم ثارت سليماء وراي ساكبٍ عجاجها تقل درامٍ يتدربى 0 مع ان الارض

اسمنت وماادري هالغبار من وين جاء ؟؟

اثاريها قبست هي نار بصدرها من القهر ودخنت 0 يوم سمعت حس ضروسها اضراس جمل وهو يجيني

البلاء يمار اوجس سرعتي قامت تنخفض وهي قامت تزود مثل ذلول اللحاوي اللي تذكر 0

اثاري رجولي جاها القعيطل من الموت الحمر واوجس يدها قربت تمسكني ولاادري سرعتي اول وين راحت

يوم الداب يطردن واثاريها سالفة هذي ناسٍ ماتعرف بيص 0

ويقعد ولدي فهد يشجعني ويرفع من معنوياتي علشان بس اتوهل الباب ولا انخمع دونه ويقعد يقول:

يالذيب دس له بقى خطوه=قبل تذوق الغرابيلي
واقـمـز مـثـل قـمزة القـطوه=لاشاهد الفار بالميلي

وفعلا وانا اطبقها وازبن بعمري ويوم شافت انها افلست مني ومن قضبتي وعلى العتبه وهي تقرط

السكين اللي بيدها قرط ويمار اخبرها ماتخطي الافعى هذي ابد بالقرط 0

وقبل تاصلن السكين قمت اسمع وريره تقل عاصوف لا هي لي بالعلباء وجابها الله ركزت مع قفاه

مع المقضب ماهو الشطير والا كان مالي قبر يزار 0

يوم صبخت علباي يمار اوجس عيوني تقدح شرار ولا ادري وين انا رايح بس المهم اني وصلت لشاطئ

النجاة وافتح السياره واقعد ابي الهواء علشان اتنفس 0 واراعي لرجولي تنتفض تقل مشبوكات على الكهرب

قلت لرجولي عقب هالفزعه منهن:

ياطيبكن لاصار بالربـع هوشات=ياللي على قمز الحواجز سراع
بكن بساعات اللوازيـم فزعـات=كان الافاعي قاربت من كراعـي
خطواتكن عند المخافـه وسيعـات=وعاداتكن نقلي لـدرب الوساعـي
اليوم لولاكـن دقـاقٍ سريعـات=ماكنت اعيش بقرب بعض الافاعي
ماهي جبانـه لا ورب السمـوات=لاشك ما للهوش والطوش داعـي

والله وانا اخليها طمحه عن البيت طمحت زعلان بفندق ماعندي احد ولا خوف

ولا مداهمات ومع ان الدبلوماسيه شغاله للاصلاح من فهد ولكني ماازال متعنت ورافض

(( ولا ازال طامحا خارج البيت ))

ياحضرة المشرف العام عدلتها اربع مرات وعجزت

اضبطها انت لانها سالفة تجوز لكم

ههههههههه

الحمد لله على السلامه
ماودك طمح لمنا ياحيي .... بدل هالفندق وانا اخوك وابشر باللي يخطب لك اعزبتن اتسمه على عدوك ماوالله له تواصيف
خفيفة دم .... لا وبعد عنده خبره بالملاكمه ........... وابي أم فهد تنقهر

ارخو صرخه
هو سلم دركسونك بس

xc

اقتباس المشاركة الأصلية كتبت بواسطة الراوي ابن غسلان ياحضرة المشرف العام عدلتها اربع مرات وعجزت اضبطها انت لانها سالفة تجوز لكم

هلابك يارأوينا الفاضل

سلاماااااااااااااااات ويش اللي صار انا خابرك سويت هدنه قبل مع أم فهد
خخخخخخخخخخخخخخخخخخخخخخخخخخخخخخخخخخ
الله يونسك بالعافيه ويسعدك انت وأم فهد ويخليك لهم هي وعويله أمين

اشكرك على روعة حضورك يافندم
ولاتنسى موضوع العزبة جارتكم هي لاهلحين ماخطبة خخخخخخخخخخ

تقبل خالص التحايا

راوينا ابو فهد

الله يونسك بالعافيه والله يخليكم لبعض

واتنبه خلك حول فهد والعيال وافطن لروحك

والله يهدي سركم وعليكم بالهدنه بدون شروط

اقتباس قلت لرجولي عقب هالفزعه منهن

انتبه منه تره تغدرك
الدعوا به سكين

خلك حول الونس هههههههههه

ههههههههههههههههههههههه
بوه لواحد تووه جاي من الشغل عليه بنطلونوه وهي تلقف لوه بعصاء المكنسه وهي يهج لم الباب
وهي نهفوه بالعصاء يامار بالنجاف نجاف الباب هههههههه وهي تخمشوه ولاتقضب الا ردن القميص وشوا انفج الردن ونتق الرجال مع الباب ؟؟؟؟ وهو يطمح لم خوين لوه ويتعزبوه لوه كم يوم

عاد انت هالحين الله يعينك مار توسط بالوغدان اغديه تصفح عنك
ههههههههههههههههههههههههههههههههههههه

اباالثواريات راعي الصوت التالي
لاتخليه يامل الشحم ركه بله جاره لو العرس مسيار والله الا تهجد

افا ولو

ارخو دوشه تسيف يالراوي
ابشر بي انا والقناة ابي الغده لك بفرخ الهامة

اسموحة يا ام فهد خخخخخخخ كلش ولا الراوي عاد لا وبعد بالستسين هاهاو