ديوان الشاعر / عيد بجاد بن شده

اليا ذكرت اللي مضى يا فتى الجود

	اليا ذكرت اللي مضى يا فتى الجود=هاك السنين اللي خيالي نحتها أسري مع الأرماس مسرى هل القود=اللي مغاوير العرب قافيتها: لو كان مالي مع هل البر مقصود=لكن في نفسي هجوس(ن) شعتها شعتني الذكرى ليا هبت النود :=واذكر مداهيل(ن) رجولي وطتها: في ما مضى نمشي مع الريد بالذود=واليوم في دار(ن) سلومي جفتها سلم الحضارة في راحة ومجحود:=وأنا تراني مهجتي مارضتها الجار دايم يخلط البيض بالسود=عود(ن) يضيع سيته بحسنتها: بلازمه ما فيه فزعة و لا فود:=وحمايل الأجواد ينكر بختها: ينكر كرم ذباحت الحيل والقود=مايعرف الجيره ولا واجبتها: جيته بسلم الشرع والعود مقرود=اللي جميع اقطارنا عارفتها: وجيته بسلم البدو وارسلت له رود=سلم الرجال اللي رفيعن بختها: وغديت انا وياه ناقد ومنقود:=من يفتي المسكين عن شاكلتها

الشاعر عيد بجاد بن شده

عسي السحاب اللي تواهج ابروقه=وفيه الرعد يسبق سنى واهج البرق
يجيه من قبله هبوباً اتسوقه=يغرق مرب الذود واهل الولع غرق
ينحاز ربانه وتكثر اسحوقه=ويضفي علي الديره من الغرب لشرق
يمطر بهمال الرشاش الحقوقه=سحايباً تدرق جميع الدير درق
يسقي انفوسً لجل وبله شفوقه=وبعض الدياراللي حرقها المحل حرق

وصل الله العالي
؟؟

قلبك ينوشه يابن عالي حروقه=لا شاف خرسن طورقت للهوا طرق
وان ذاق خمر اسرارها زاد شوقه=جاوب خفوت الخلج والذئب والورق
من يوم قفى عن ديار معشوقه=سمح القبال عن البشر ناشعه فرق
اخّر بدالوب الضماير فتوقه=بعده دمار وقربهم للحشاء يرق
خده كما برقٍ بنوده تسوقه=والعين عين اللي لفوبه من الشرق

،
عييد بجاد بن شده

يا فكرةٍ فيها العنا والبهاذيل

	يا فكرةٍ فيها العنا والبهاذيل=من عالمٍ بين الشبق والجناني فكرة ظفر ماهيب فكرة مهابيل=لكن حاديها كذالك حداني تحداها ناسٍ ضعوفٍ دعابيل=وتعاف جلسات الردا الخناني تهرف هريف الفعر في داجي الليل=في خرمسيسٍ حالكن مقبساني اصمل من الضرغام واسبق من الخيل=وعلى مماشيها تروح قحزاني وادل من خلج القطاء بالمناهيل=واقوى من القود العراب السماني وانوج من الياقوت والزكا من الهيل=مشروبها وسط البحور اسمهاني وتاكل عشاء القرناس وتجندل الفيل=ومخضرمه في كل رنق المعاني واليوم تبكي حاذقينن. حلاحيل=وعجزت سماريها عن المروجاني

عيد بجاد بن شده

ياهيه ياللي طول الايام شاحب

	ياهيه ياللي طول الايام شاحب=من كثرة الهفوات والظلم مسحوت وش جاب جو فليج في جو واهب=أبعد من السودان عن سوق بيروت تسري بك الافكار فوق الكواكب=وتنزل اليا قاع البحر كنها حوت وتهكب مع اللي وسط الاجداث هاكب=ويضغط عليك اللي شرب كاس من توت لو يركب التابوت ماانته براكب=والله لتبلش بين ساذج ومكبوت عناكبٍ ياكثرهن من عناكب=وفي وزنها ماتازن العشر والفوت مناكبٍ ياعرضها من مناكب=وعقول ترعبها العصافير بالصوت تسكب ترانيم الحكى بالمساكب=ويكشف خفايا ضعفها كل عنتوت قل للغلام اللي من العام شاكب=لايسحته بالمعمعه كل ساحوت ماينفعه كثر الغنى والمهاكب=لاالتفّت الساقين في ساعة الموت

عيد بجاد بن شدة

ياهيه يالهراج خل المواويل

	ياهيه يالهراج خل المواويل=وخل العلوم اللي عليها هويّه مالك ومال مرددين الدهاويل=بياعة النرجس على النّرجسيّه دايم تكر العلم قيلٍ باثر قيل=هرجك غريبٍ مالقينا حليّه لاتامن العيله ولا تامن الميل=حنا فحول الشعر والمسرحيّه قبيلتي هيلاً تهايل كما السيل=أهل الحميّا والكفوف الند يّه ذربين لاجات اللوازم حلاحيل=صلفين لاجات الشدايد قويّه قومٍ لهم صولات في نجد بالخيل=عز الضعيف ويحتمون الخويّه إلهم قرارة نجد ملك ومداهيل=وديارهم وسط الحجاز محميّه من قمة العارض اليا وادي السيل=ومن العريّق اليا شمال الوجيّه من دونها ننقل طوال المفاتيل=بالماضي اللي فات بالجاهليّه لطامة العايل وذباحة الحيل=عجلين بالفزعات في كل هيّه من دون قاصر بالرجال المشاكيل=ادخل على ربي من العنجهيّه كل القبايل تاخذ الكيل بالكيل=وتجندل الضرغام باليافعيّه وتحط شذر السيف والبن والهيل=والطيب والمعروف قبل السجيّه

عيد بجاد بن شده

رديه بين الشاعرين عيد ابن شده:وموسى القوبع

	يانايف الروقي همومي غزتني=من هاجسٍ تواق والفكر داعيه على هنوفٍ في صباها دعتني=على الشرف والعز محلى مباديه الشاهد الله بالجفى ماجفتني= لكن سلم البدوا ياصاح جافيه اضعانها وديارها فارقتني =واليوم يامشكاي مبعد حراويه ياما برمش عيونها خاطبتني= رمشٍ لبيب القلب يفهم معانيه بين البشر برموزها علمتني= والقلب منها صادق الحب شاعيه ياليتها في دنيتي رافقتني=الجادل اللي كنها بكرة التيه سجيت معها والحوادي حدتني=والجهور المكنون في دار راعيه سفرجلٍ ناطع وفيه اسحرتني=السلسبيل مع اعذب الهرج تهديه تفتن عشاشيق الهوا وفتنتني=والرامي التفاق تخلف هقاويه لوشافها القاضي بدر ماشمتني=والله لينظر بالمحاسن ويفتيه ويقول شفت الباهره وابهرتني=واليوم انا ياناس بالشرع باغيه في نهر درياق المناوي رمتني=وبنات فكري بالغزل هيجنت فيه العب هجيني ذرب في كل حتني=والدرسعي نحذف شوايب معانيه في رنق ديدان الخجل عذبتني=وراع الهوا ياناس بان الخلل فيه بقمارها وفنونها شوقتني=عزي لعيد بجاد من كف كاويه

الشاعر/عيد بجاد بن شده

.........مجاراه لقصيدة العملاق

أبيات عيد المرشدي هيضتني=شاعر مخضرم يتعب اللي يجاريه
الله وكيل ارسالته يوم جتني =هزت خفوقا" بيح الهم خافيه
شرد حروفا" بالصبا ذكرتني =وقتاً مضى بالحب مانيب ناسيه
يشكي وأنا شكواي لله كوتني=دنيا" تفرق بين غالن وغاليه
من كأس دورات الليالي سقتني=فرقى وليفا" ماسقى قيس ساقيه
غروا منه سود الليال احرمتني=عليه حالي لايع الوجد طاويه
محبتن ياعيد ماعذربتني=على النقاء ماغثبر المي صافيه
عامين وزيادة ليا واجهتني=تحكي عيونه بالنظر عن خوافيه
سودا" وساع اعيونها جننتني=نظراتها برقاً يشوق النظر فيه
قفت وأنا قفيت ماودعتني=مكتوب والمكتوب للعبد راضيه
يشفع لها راحت وهي مانستني=تبكي زمن موسى وتشتاق ماضيه
كانت تقول اسلومنا حاكمتني= قبل الفراق يحل لاعاد طاريه
وانفسي اللي عقبها محرمتني=من حب غيره لو حلا الكون كاسيه
كثر الطواري بعدها مخلفتني=صدري بحر واهموم فكري موانيه
دنيا العناء في كشفها سجلتني=في قائمة ( مطلوب) طبا" يداويه
مجنون قلبه في اريش العين فتني=الله يكون بعون قلبه وراعيه
قلته بعد ياعيد ما هيضتني=أبيات شاعر جزل يتعب مجاريه

الشاعر/موسى القوبع

قريت البيوت اللي بها روقٍ فوا

	قريت البيوت اللي بها روقٍ فواح=تغنا بها الشاعر ورتب مشاعرها داعها كما الصقار لاصاح بالملواح=داع له قطامي فروة الخرب ينثرها على المنهج المطلوب ماردد الامزاح=بنات المعاني هاجس الفكر يصخرها رفع فكرة الاهداف عن حلة السواح=تخطراء العجاف وينتقي من نوادرها على كور عوصٍ من بنات الجمل سفاح=يصيد البيوت اللي صعيبه مصادرها معاني كلامه هيل مع عنبرٍ فواح=يجيد الطروق الفاخره مايكسرها ونشدته عن اللي من قرا نجد زار رماح=وتمشى بجو فليج والنفس يشهرها لكن العميل اللي بغى دانة السباح=خسر عندليب الخود واسخى جواهرها رماها برمحن دونها بالبسيطه طاح=وتوكا على العكوز والساق جابره

عيد بجاد بن شده

ياغلام مايفلح الغشاش

	ياغلام مايفلح الغشاش=لو غرق السوق بأمواله ماينفع اللاش ذخر اللاش=حت ايش لو زانت احواله متملقٍ للكرم ماحاش=كذاب والنفس ختاله ينحاش من ذيرة الشوباش=فال النشاما ولا فاله الضيف من سفرته ماناش=والجار مايكرم اسباله لا شاف بعض العرب ينداش=يغلب على عقله هباله لو طار طير الرثد خفاش=وابو حقب ياكل عياله يانعنبو جد ابو قطاش=جده على جد غرباله الخيل ماتشبه الاكداش=والذيب ماينجب ثعاله والسيف مايثلمه منقاش=وقلب الرحى يهجي اثفاله

،
عيد بجاد بن شده

يامل قلبي يسجنه هناديبه

	يامل قلبي يسجنه هناديبه=درهم به الهم والهوجاس درهامي درهام هجنٍ سروا به روقة عتيبه=مع غيبة الشمس حثوهن بالاقدامي عطوا بهن خرمسيسن عاوين ذيبه=بين الجياسر وريك وسمر الاكوامي اللي عليهن رجال العرف والهيبه=ماوركوا بالاشده ناسٍ اقزامي تنحروا شولقٍ بانت مضاريبه=عقيد قومٍ يريخ رؤس الاخصامي اهل النضى نوخوهن مع معازيبه=وانا هواجيس فكري راحت اقسامي على الذي في حياتي بعده مصيبه=رمز السعاه حداني عنه ضرغامي اغلق عليها ولد بقعاء لواليبه=وعيا المعلم يخط برؤس الاقلامي وانته حديثك ضعيف وداخله ريبه=مثل ام ضرفين عضت برؤوس الابهامي مرٍ تشرق بها واحيان تغريبه=وتشجع الحزب مع عفلق وصدامي والشيخ ياخذ هجوره من معازيبه =ويشاور السيد اللي جوهره نامي والضو تسحب من الجزه مشاهيبه=منته من اللي نهار الكون جزامي اقر المثايل ورونق فكرتك جيبه=ولا تحمل ردود الخصم لا قامي

عيد بجاد بن شدة

ياللي تقيّم بالنبط مستوانا

	ياللي تقيّم بالنبط مستوانا=ابعد عليك النقد من حبة الكوع حنا نريّخ من تمنا عيانا=يبحل بنا اللي بالمهمات باتوع حنا ترانا بالمثايل ترانا=قطاعةٍ بالشعر مع كل قاطوع تامن بنا بالخوف بنت قصرانا=مندونها نسق المعادين قرطوع وعلى مناحينا طوالٍ خطانا=وانطوع اللي فيه تسعين راموع ندحم وتعرفنا حمايل عدانا=حنا نجيد الشارده وانت كنبوع واللي يشجع كلمتك ماخفانا=قل له يهيد ويترك المد والصوع

عيد بجاد بن شده