خـافـي مــن الله دام قـلـبـي ملـكـتـي

بسم الله الرحمن الرحيم

يــا بـنـت ويـحـك يـاعــذاب المـزايـيـن = يـاعـزتـي للـبـيـض لآمـــن حـضـرتــي
البيـض حـولـك مـثـل ورد البساتـيـن = وأنتـي عقـول النـاس منهـم سلبـتـي
مايشبهـك ياكـود حـورن مـن العيـن = عــــزا لله انــــك بـالـجـمــال انـفــردتــي
لــو الـملك يـعــرف لبـيـتـك عـنـاويـن = يمـديـك فــي قـصـر اليمـامـه وقـفـتـي
إنا اشهد انـك ياغلاتـي علـى الديـن = يابخـت منـهـو وســط بيـتـه سكنـتـي
يـاحـظ أبــوك وحــظ عـمـك والأدنـيـن = وأخــوك وأمــك سعـدهـم لا ضحـكـتـي
الشـعـر فــي زيـنـك يبيـلـه دواويـيــن = أقـولـهـا صـــادق مــادامــك وصـلـتــي
وصلتي لقلب(ن) شكا وقته الشين = وعـن لوعـة الحرمـان مالا عرفـتـي
الله يّحفظـك عـن عيـون الحسوديـن = يــأم الـكــلام الـعــذب لآمـــن نطـقـتـي
وصـلاة ربــي عــد مــن لــه مصلـيـن = وعـد الحديـث اللـي بعمـرك سمعـتـي
علـى النـبـي الهاشـمـي قـولـوا أمـيـن = وخـافـي مــن الله دام قـلـبـي ملـكـتـي

وســــــلامتكم

اللهم صلِ وسلم على سيدنا محمد
صح لسانك وسلم بنانك

العتيبي
صح بوحك
وطابت روحك
قصيده اكثر من رائعه
لاهنت يابعد حيي

شاعرنا القدير ابو نشمي العتيبي
صح السانك مدد بلا عدد
خالص التحايا لسمو شخصك النبيل

صح لسانك ملاييين شاعرنا العذب ابيات جميلة لروحك باقات من السعادة والرضاء لاهنت

شاعرنا الفاضل

ابو النشمي

صح لسانك ملايين

لاهنت

الشاعر ابو نشمي العتيبي
صح السانك يابعد حيي
ودي لك يسبق ردي

صح لسانك
على هالقصيده الجميله

بانتظار المزيد

على نبينا افضل الصلوات واتم التسليم

الجزل ابو نشمي

الف صح لسانك وطاب فالك ولاهان راسك

جزل كما تعودنا منك ولاغرابه فأنت شاعر جزل

تقبل كل الود