وقت الطفوله

ابيات من الارشيف عمرها حوالي ١٢ عام
وتم نشرها قبل ٤ سنوات في مجله تابعه لمكتب السياحه الهولندي الذي اعمل به
اتمنى ان تنال اعجابكم

ليت الزمان يرد وقت الطفولة=وليت الزمان يرد ذيك الليالي
ذاك الزمان اللي بقلبي نزوله=لا ياسقى الله ذاك وقتٍ مظالي
وقتٍ قضيته دون هم وحموله=وقتٍ مع المجمول كنا عيالي
وقتٍ بسيط وزين ما به ميوله=نلعب مع الخلان ما احدٍ يبالي
نلعب مع رش المطر في ثعوله=ونخشى هدير ارعودها والتوالي
نركض مع الريضان نسبق سيوله=ونلعب بزوف السيل والعقل سالي
ما همنا من الوقت شئً نطوله=ما همنا غير المرح والتسالي
واقفت بنا الايام عرضه وطوله=لما غدينا كبار كلٍ بجالي
واصبح يحط بريقعه عن عذوله=وانا اللبس الشمغان واوزن عقالي
والحظ الاقشر ما رضي لي ينوله=وعيا بختنا يجيبهم بالحلالي
اقفى طلب غيري تناسا الطفوله=ناسي هذاك الوقت وذيك الليالي

طلال الاحيوات المساعيد

شاعرنا القدير طلال الاحيوات
صح السانك مدد بلا عدد
خالص التحايا لسمو شخصك النبيل

انس الزمان اليا مضى حول حوله=امسح على ذكراه اول وتالي
ماراح راح ولا تطالع بزوله=لو شافته عينك صعيب المنالي


قصيده جميله وعذبه ومعبره
صح لسانك انت شاعر متمكن ماشاء الله

بانتظار المزيد

الجزل طلال الاحيوات

صح لسانك وطاب فالك ولاهان راسك يالجزل

كلنا ودنا يرجع زمان الطفوله لكن ماهي على الكيف

سلمت ودمت ولاهنت على جميل الشعر وفصاحة القول

تقبل مني كل الود

اقتباس المشاركة الأصلية كتبت بواسطة المشرف العام شاعرنا القدير طلال الاحيوات صح السانك مدد بلا عدد خالص التحايا لسمو شخصك النبيل

هلا وغلا بالطيب كله
شرفتني في مرورك الكريم
تحيه لشخصك الراقي

شاعرنا القدير طلال الاحيوات
مبدع بكل حالاتك يالغالي
صح لسانك
وسلم بنانك
دمت بأحسن حال

اقتباس المشاركة الأصلية كتبت بواسطة نداء الغيداني انس الزمان اليا مضى حول حوله=امسح على ذكراه اول وتالي ماراح راح ولا تطالع بزوله=لو شافته عينك صعيب المنالي قصيده جميله وعذبه ومعبره صح لسانك انت شاعر متمكن ماشاء الله بانتظار المزيد

وشلون ننسى اللي مضى ما نقوله *** ومن عادة العربان كسب المتالي
ننسى وهو ماخذ علينا البطوله *** ويجدد اجروحه لو الجرح بالي
هيَ كذا الدنيا بخطوه عجوله *** ومن نعمة النسيان ربي عطالي

هلا وغلا بالشاعر نداء الغيداني
عذرا على القصور بالرد يا بعد راسي
شرفتني في مرورك الراقي والمميز

اقتباس المشاركة الأصلية كتبت بواسطة نهير النمش الجزل طلال الاحيوات صح لسانك وطاب فالك ولاهان راسك يالجزل كلنا ودنا يرجع زمان الطفوله لكن ماهي على الكيف سلمت ودمت ولاهنت على جميل الشعر وفصاحة القول تقبل مني كل الود

الاخ والشاعر نهير النمش
شرفتني في مرورك يا بعد راسي
واكيد ما كل شئ على البال يسير
لك الود والاحترام يا الغالي

راااائع ياطلال

دمت مبدع

تقديري

ابلع جروحك ياعشيق الرجولة =الوقت ميلاته على كل غالي
دايم ظروف الوقت عرضه وطوله = على النشاما ماتجي للتوالي
الرأس مستهدف والاشرار حوله = والا الذنب حاشاك خامد وسالي
والحر حل اللي صعابٍ حلوله = وان شاف ميلاته كفخ مايبالي
الحر مايبرك مبارك ذلوله=ماقصّر ألأول بتوجيه تالي
مادامها هاللون فإتبع مقولة=(من عافنا عفناه لو كان غالي)