ديوان الشاعر / يحي العبودي

((نجدد إعجابنا بما شاركتم به..لأنه الصدق في المشاعر))
قرأت مابين الأقواس في بداية كلمة المنتدى فتذكرت قصيدة لي اسمها صدق المشاعر فقررت أن تكون هي بدايتي معكم وأتمنى أن تكون اختيار موفق يرضي ذائقتكم الشعرية

صــــــــدق الـمـشــاعـــــر .. !!!

	جيتك سرور ومنك رديـت منصاب =والجرح بـي زادت دواعـي عذابـه وهاض الغرام وهيأت كـل الأسباب =وأسباب جرحي ما درى عـن صوابـه اشرح له الأسباب ويضحك بالأنياب =سّره عذابـي معجـب ٍ فـي شبابـه ابطيت في شرحي ولا شـك ما طـاب =شـح بكـلامـه مـا يـرد الاجـابـه يقول لي يا تايه الـراي وش جـاب =إدروبنـا ياسـيـدي مــا تشـابـه يقـول قلبـي مقفـل ٍ مالـه ابـواب=ومـع دورة الأيــام زاد بصـلابـه لالا تسمعني غـزل مابـي اصحـاب=باب ألصداقه مـبـطي ٍ صـك بابـه مالـي ومالـك صـادق ٍ او كــذاب=جنّـب طريقـي لا تضيـع بضبابـه يبين أتوب وقلبـي الشيـن ما تـاب=زاد بعـنـاده يا هـلـي واسفـابـه قفّى وخلانـي مـع سيـد الأحباب=يتبع هـوى مـن لا عنـاه وعنابـه يا مكذبـي صـدق ولا تقـول لعـاب=ارحـم رحمـك الله ولا تزيـد ما بـه اجلب عليك الروح والقلـب مجـلاب=هديـة ٍ مـا ريـد منـكـم ثـوابـه انا بدوي صدق المشاعر لـي ثيـاب=ولو مـا غلاكـم ما نويـت الكتابـه صريع حبـك مـا تداويـه الاطبـاب=وقلـب الخطـا يازيـن زاد التهابـه لك بالحشى ورد ورياحيـن وطيـاب=ولك في عيوني كـل عـز ومهابـه احب قربك لـو تعرضـت الانشـاب=والحـق خيالـك وتحلـى جنـابـه ودري لفعلي تضحك اقراب واغـراب=ودروب عمري كـل ابوهـا غرابـه ان جدت لي بالوصل عنا العنى غـاب=وان عفتنـا عفنـا الحيـاة وشرابـه وان جاء خبر موتي لكم فانت الاسباب=وخطيتك وانتـه سبـب مـا جرابـه