حايل بعد حيي

سلام يغشاكم حتى مطلع الفجر ..!!

/

حايل بعد حيي


http://www.naif9122.com/rm/hailB3d7i.ra

يستلج القلب لاهبّ الشمال = وينبلج صدري ليا شفت الجبل
بين أجا وسلمى مشاريف الجبال = إجتمعنا في دجى ليل(ن) هشل
ليلة(ن) ماهي مثل باق الليال = رفرف الخفاّق والكل إحتفل
ودامهم أعطوك ياشعري مجال = إنتهض مثل الأصيل إليا صهل
بسرج أمهار القوافي بإبتهال = وانظم القيفان والشعر الجزل
إيه أعرف إنّك هبالٍ في هبال = إن طغيت أنهيت كل غث وهزل
تِسكر عقول(ن) وتودعها ثكال = وكم صميّدع من تبهلالك زِِمل
إيتنّحى من تذمّه بإنعزال = ومن تبيه اتوّصله كوكب زحل
طال ليلي والعنا والشوق طال = وغير حايل ما ملأ عيني مَحل
دار حاتم طي وقروم العيال = منبع الأخيار في ذيك الُطلل
مارأت عيني مثل زينه جمال = إن رضى منّي عذولي أو زَعل
صيفها هايل ومرباعه خيال = وجوّها ياناس يفتلني فتل
وماالوم اللي تغنّابه وقال : = صوب حايل قلبي العاشق رَحل
ياسقى الله يوم غناّبه طلال = مالت اعذوق البختري والنفل
ديرة الأجواد وزحول الرجال = جودهم غيث(ن) تهامل وانهمل
ديرة أهل الطيب مافيهم جدال = طيبهم ديم(ن) على الوادي هطل
الله يغيثه من مزون الخيال = وترتع بغدرانه أجوال الحَجل
وعشت ياسعود السعد واف الخصال = يالأمير اللي على العليا نزل
كامل الأوصاف ولله الكمال = ضاري(ن) ساطي وزيزوم(ن) عدل
حنضل(ن) حلتيت بحلوق الحثال = وللهجافا فيّ وظلال وسهل
ارتقى بحايل طناطير(ن) عوال = قادها للمجد وكل سايح ذهل
يامعدّيها مراقيب(ن) طوال = ياهلال(ن) هل في حايل وحل
العرب لاشبّهت تضرب مثال = وانت ماتوفيك أمثال وجمل
السموحه دام أوجزت المقال = أشهد إن الشاعر ابوصفك بحل
قد سمعت ابمامضى حكمه تقال = خير قول المرء : ماقلَّ ودل !

وسلامتكم ....




للحفظ ... اضغط هُناا

صح لسانك العذب نايف العتيبي

كفو يالذيب بك وبقصيدك

اشهد بالله انك اطربتن الله

يعطيك الف عافيه على هالمعلقه

لاهنت ولا تحرمنا ابداعك

تقديري

عزالله ان ابن جبرين صويدز يالشاعر نايف

لاهنت والله على الرائعو وصح السانك مليون


اشكرك يالغالي

الله الله عليك ياشاعرنا نايف


سلم بنانك وصح السانك الف يابعدي



تقبل خالص التحايا

الشاعر نايف العتيبي

صح السانك وعلا شانك اخوي


اشكرك على هالرائعة طال عمرك

صح السانك وعلا شانك
شاعرنا المميز / نايف العبيد العتيبي

ابداع منقطع النظير
حضور لا يشابه الا انت

كل تقدير

فيصل الجبرين مرورك ينومس طال عمرك

/

صح بدنك ولاهنت يابعدي
لك كل الشكر والتقدير


دُمت بود

أبو التجارب
سررت بمصافحتك المشمسة والمشرفة الله لايهينك
شُكراً لك وبيض الله وجهك يالنشمي


دُمت بود

المشرف العام

/

اسمك وسام وجوخ من دمقس وعسجد
شُكراً لهذا التواصل الأميري ياصاحب السمو


دُمت بود

طواري

/

البقى البقى البقى طال عمرك
ياربي حيه وحي فاله

صح بدنك ولاهنت يالغالي


دُمت بود