مع السلامه

بسم الله الرحمن الرحيم
صار بيني وبين احد الشعراء
باحد المنتديات شوي سوء تفاهم وشرهت عليه شوي لكن صار طيب اعتذر مني جزاه الله خير فكتبت هذه الابيات عسا ان تنال اعجابكم والى القصيده
الشاعر / مشعل عسام التريباني الشمري
مع السلامه في 17/ 11 / 1433 هـ

مع الســـــــلامه يالـــرجال الحلاحيل = انا نويــــــت ابدل الــــــدار بــــــــديار
اخاف من شـــــــرهة كرام الرجاجيل = الياطفح كيلـــــــي وفـي الغضب ثار
اصيرمالـــــــي وزن عــــندالمشاكيل = من عقب ماني مضرب امثال الاخيار
الرجل ياكــــثرمــــــــن الحط والشيل = ينقص وقاره عند صلبين الاشـــــــوار
ويحسب حسابه من حساب المهابيل= وايقال هــــــــــذا ناقـص الوزن ثرثار
يصــــــــــير مسكينن قليل المحاصيل = يقلــط علـــــى البارد وينـزح عن الحار
واناماني مـــــن يقبل النقص والميل = نفســـــــــي جوادن ذللة كل مضمار
ابرك الياهـــــاب الحــــمول المخيليل = شـــرهن على فعل المشاكيل مغوار
من راس عــــــــودن هابته قرح الخيل= اولادعلــــــــــي مضمـّرت قب الامهار
ســــــــــورالجبل يوم الليالي بهاذيل = يوم الليالـــــــي بين غازي وســـــبـّار
تضــــــرب به الامثال جيلن بعد جيل=بين يحياءالعـــــــــــــبدي وبين بن بقار
امعشـــــــــية ذيب الخلا فطّح الحيل = يوم ان قل الزاد مع نقص الاســــعار
ببيوتنا مزبان مـــــــــن ضامه الشيل=مـــــــــــا يقربه خصمه ولو يطلبه ثار
واليا بطشنا بالعدى نوفـــــــــي الكيل = معيارنا يرقا علـــــــــــــــى كل معيار

الشاعر الكبير مقاماً القدير مشعل العسام التريباني
كبير طال عمرك ولك مقامك الشامخ لله درك فاضلي
ابو عبدالرحمن
صح السانك مدد بلا عدد
خالص التحايا لسمو شخصك النبيل

مشرفنا الغالي ابو غازي
مرورك شرف لي ووسام على صدري بيض الله وجهك
الله لايهينك يالغالي

الشاعر القدير ابو عبد الرحمن

قدرك على الراس والله

وصح لسانك يابعد حيي وصدقني كل من خسرك خسران

قصيده في غاية الروعه

وعلى طاري الصوره العمر له حقه ف لا تسال عن الشبه هههههه

ادامك الله لنا

تحياتي لك

شاعرنا الكبير الحكيم الشامخ / ابو عبدالرحمن

عداك العيب والزلل ياطير شلوى وعز الله انك كفو وزود يالعزوه

صح لسانك انت رجل نفتخر فيك جميع وكل من يعرفك يقول ذلك

انت مكانك على الراس واللي مايقدرك خايب لأنك مكان كل الوقار

تقبل مني كل التقديري

تركي الزوبعي
مرورك شرف لي الله لايهينك اخي الفاضل

نهيرنمش
مرورك شرف لي الله لايهينك اخي الغالي

عداك العيب عمي مشعل التريباني
صح السانك ملايين ولايكفون
تقديري لحضرة جنابك

نعم فيك وفي ﻻابتك

عزالله قول وفعل

الغالي ابو عبدالرحمن

صح لسانك مدى الحياة

ديما مبدع لله درك

صح لسانك وسلم بنانك