رثاء الشيخ عبدالله فندي رحمه الله

بعد ان قرأت في شبكة التواصل الاجتماعي مقوله للسياف البيشي
الذي نفذ القصاص في الشيخ عبدالله فندي ابن سعيد الشمري رحمه الله
(بعد ان همس السياف البيشي في اذن عبدالله رحمه الله وقال
سامحني انا عبد مامور فرد عبدالله قائل نفذ الامر وانا رجل مظلوم)
فقد تأثرت في ذالك الموقف..رحم الله الشيخ عبدالله بن سعيد رحمه واسعه
واسكنه فسيح جنانه.

غالب الله على امره

فك للحزن باب وللمدامع هدير=وفك للهم صدر وللبكا حنجره
ارتحالك عن الدنيا وذاك المصير=بقصتن تألم الأفاه لونذكره
والعمر لوتطاول لبن ادم قصير=ومكسبه لنتهى في جنةً مخضره
اسأل اللي يدير الكون وهو المدير=يجعلك في جنانن ترتوي كوثره
بين خمر وعسل والبان وحور وغدير=بجنتن يا ابن فندي بالثمر مثمره
ويلهم الله ذويك الصبر ويعوض خير=ويجبر الله عزاهم بالصبر يجبره
وكل شي(ن)كتب ينفذ تقر او تطير=لكل شيٍ سبب وأجره لمن يصبره
والعفوا في يدين الناس شيٍ(ن)كبير=بس هيهات ياقل الذي يقدره
والليالي تدور وعنك يخفى المصير=بلحظتن ماحسبت وكنت متصوره
ومن مشى في دروب الخير يبشر بخير=ومن تعثر يجي له يوم من يعثره
وغالب الله على امره القوي القدير=لا أحد يقول انا اقدر الله مدبره
رحت يا ابن سعيد بأمر ربٍ كبير=ولا أحدٍ له بذا شي ولا مقدره
وكان بالوضع ظلم الظلم شيٍ مرير=والله أعلم بما نخفي وماننكره
في قلم كاتبٍ عادل عظيم خبير=في كتابٍ جميع اللي خفى يظهره
وأنت هاليوم ضيفٍ للحكيم البصير=الذي يعلم الخافي وهو يبصره
الذي ماعليه يجار وهو المجير=من رجاه ولجا له وطلبه ينصره
اسأل الله رحماته لقبرك تنير=وأسأل الله لك الغفران والمغفره
وأخر القول أصلي والسلام الكثير=مني لخير خلق الله وأكرره

شعر/نايف حزل ابن عنيزان

الشاعرنايف حزل العنيزان صح لسانك ورحم الله الله فقيدنا عبدالله الفندي الشمري
واسكنه الجنة

صح بوحك
اللهم اجعل قبره روضة من رياض الجنة

شكري لسموك

صح لسانك
ورحمه الله واسكنه فسيح جناته

رحم الله عبدلله الشمري
وعظم الله اجركم جميع
انا لله وانا اليه راجعون

شاعرنا القدير نايف بن حزل العنيزان
عوداً حميد لبيتك الثاني والحمد الله على السلامة ولابأس عليه إن شاء الله معافى بإذن الله وماتشوف شر يالعزوة
ابو نواف
عظم الله أجرك وجزاك الله عنا وعن الفقيد خير الجزاء على هالمعلقه ورثاء من يستحق رثائه عبدالله الفندي البطل فمثله مايموت ذكره سوف يخلده التاريخ ويبقى بقلوبنا مادمنا احياء وسوف تظهر حقائق التواطؤ والخيانه بمحاكمة
هذا الإنسان الذي راح ضحية خيانه بلا شك ولا ريب حسبنا الله ونعم الوكيل على من كان خلفها وسلط الله عليهم
صح السانك مدد بلا عدد
خالص التحايا لسمو شخصك النبيل

رحم الله عبدلله فندي الشمري

وعظم الله اجر الجميع والهم ذويه الصبر والسلوان

وكتب لك الشفاء العاجل

انا لله وانا اليه راجعون

الشآعر نآيف العنيزآن ..لافض فوك ولاشُلت يمينك
وعظم الله اجرك واجرنا جميعاً .. بــ عبد الله فندي
حسبُنا الله ونعم الوكيل .. على من كآن سبب ؟؟
والأيـــــــــــآآم دول ؟؟!!

حسبنا الله ونعم الوكيل فهو حسبهم ورايح ياخذ حقه عبدالله الفندي من نواصيهم بحول الله
انا لله وانا اليه راجعون
رحمة الله عليه وتعازينا لاهله وجميع اسرته

اسأل اللي يدير الكون وهـو المديـر
يجعلك في جنانـن ترتـوي كوثـره
بين خمر وعسل والبان وحور وغدير
بجنتن يا ابن فنـدي بالثمـر مثمـره
ويلهم الله ذويك الصبر ويعوض خيـر
ويجبر الله عزاهـم بالصبـر يجبـره


اللهم آمين اللهم آمين

الشاعر الجزل / نايف جزل العنيزان

صح لسانك وسلم بنانك وعظم الله اجرك

دمت كما تحب وترضى