..(.. أبو خلود ... وصدى الشمريه المجهوله .. )..

السلام عليكم ورحمة الله وبركاته...

أخواني أخواتي أعزاء .. أعضاء ورواد هذا الصرح الشامخ ...

أحب .. أن أنقل إليكم ... مساجله بيني ... وبين الشاعره القديره ...

الأخت / الشمريه المجهوله ...

أتمنى أن تلقى إستحسانكم..

البدايه ...

أبو خلود ...

قولوا لمجهوله تجي عندنا هان=بنت الشرف بنت العفاف النقيَه
يابنت قوليلي عن أخبار الأخوان=أخبارهم بأرض العراق السبيَه
وش لون ربعٍ بالجزيره لهم شان=وش لون سنجار الجبل يابنيَه
وش لون بغداد ونخلها بالأعيان=وش لون صقعيها وتمن يديَه
وش لون دجلتها تمشَى بالأحزان=وش وضعها والدم فيها سجيَه
وفراتها العارم حياته بنيران=هو يسقي العطشان من حوض ميَه
وأبي جوابن وافيٍ حول الأسكان=وش وضع سكَانه وحال الحميَه
يابنت أنا في حبكم حيل هيمان=لكني اموالي وأجازي بسيَه
خوذي مقاصد قالتي ضمن الأوزان=وأعطيني المطلوب وأعطيك ريَه
ياشاعره تفهم تصانيف الألحان=جيتك نصيتك بالبيوت الزهيَه
هذا كلام اهلال ينشد عن أخوان=أخَون وينشد عن أخوان زيَه
أخَون يعيش الهم في كل الألوان=جسمه هنا والقلب ... وسط السريه

وسلامتكم

&&

الشمريه المجهوله ترد ....

يامرحبا بلي كتب حلو الأوزان= من الموصل الحدبأ سلام وتحيه
لبيك ياصوت ٍ على الطيب شفقان= لبيك ياقرم ٍ يعز السميه
يالشمري ياليث يالذيب سرحان=ياعزوتـ(ن) تفخر بهاالشمريه
تمطر سمأ شعري كما وابل امزان= وتروي ضمى روح ٍ لداره وفيه
وشمالنا خبرك مثل جو لبنان=وفيه الطنايا حاضرين الحميه
تلقى علوم الطيب في كل ديوان= ومشرعين ابيوت كبار العطيه
هم للدخل والضيف ملفى ومزبان= هلي الطنايا منومسين العنيه
لاكن حكمنا الضد بعنف ٍ وطغيان= اتباع الأجانب والنفوس الرديه
وش ترجى من وقت ٍ به الحر ينهان= عصر ٍ تواسى فيه عفن وشفيه
وين الكرامه ان كان تاليها حقران= وبعد المعزه الروح صارت شقيه
وداري غدت مابين طامع وخوان= وبغداد اضحت للأجانب سبيه
الناس نيمه واقضي الليل سهران= بسبت جروح ٍ في حشايا خفيه
وين العداله وحكمنا بيد عدوان= ومن الهموم الغير ماني خليه
ارجو السموحه كان بالرد نقصان= ابشر بغيره لـ جنابك هديه

وسلامتكم

&&

أبو خلود ختاماً ...

يامرحبى والرد وافي ومليان=بنت الطنا تسلم وتسلم يديه
جابت جوابن مثل هتان الأمزان=جابت جوابن زوَد الكي كيه
لا واوجودي وجد من قام طنيان=وعقب الطنا ذاق المهن والأذيه
على ربوعٍ حبهم مثل الأوطان=مهما يطول الوقت يشتاق حيه
تفداهم الروح الزكيه والأعيان=ويفداهم العالم وكل البريه
ربعي سند راسي بلوعات الأزمان=نعمٍ لهم عد البلا والبليه
الله يجعل دارهم آمن وآمان=وعيش الرغد ويا الحياة الهنيه
ويابنت أنا مثلك خفى خافقي بان=أسهر وأسج بخاطري لالنبيه
أسهر إذا نامت نواظير الأنسان=وأهني المجنون لا واهنيه
وأسبابي مابي وأقضي الليل سهران=قنابلن بالليل تدوي دويه
أبكي على دار السلام وهوى كان=أبكي ودمعي يحرق الخد ميه
ويابنت في طاري طواريق الأوطان=وش صارت أنهار العراق الرضيه
ردي على اللي عايشن وسط الأحزان=جاب القوافي والقوافي أبيه
يابنت عمي حبكم سم ثعبان=أي والله أغليكم ولاهي خطيه
والسموحه في تعابير الأوزان=وأبشري والله برد الهديه

وسلامتكم ,,,,

الشمريه المجهوله ختااماً ...

طال الميعاد وصارللرد ميحان =وارجو السموحه ان كان مني الخطيه
انا اعتذر لن كنت بفراش مرضان = همي رماني والظروف القويه
حياك يانسل الطنايا كحيلان = وصلني قولك ياعريب السميه
هيضت جرح بالحشا كان خدران=وابكيت عين ٍ عن رقاده معيه
ربعي طنايا بالموازم وشجعان = اسباع ٍ ضراغم ماتهاب المنيه
اللي ذبحوبأرض المعاره نجيمان=في ثورة العشرين الزوبعيه
واسأل خميره يوم ثاروا الصفران= كم انكليزي طاح راسه ضحيه
لاأنتخوا بالكون مسطر وفرسان =اشبال ٍ تورد اعداه حياض المنيه
احرارٍ تعشق الموت ولاهمه عدوان =من اجل عزة النفس والغايريه
هاماتهم عليأ وبالقلب ايمان=اكرام تبيع الروح لأاجل القضيه
وساداتنا عن صرخة الحق طرشان = ياحيف وقت اللزوم تعاف الرعيه
مايرحمون الدمع بعيون يتمان= نامت ضمايرهم والروس حيه
مع السلامه يامجد ٍ لنا كان = بس نذكر التاريخ ونجلس بفيه

أخوكم / هلال عزيز الشمري ... والشاعره / الشمريه المجهوله ...

إحترامي ...

ودمتم بحفظ الرحمن ...

.

ابـــ خلــــــــود ــــــو


الله يعطيك الف عافيه لو فهمي بالشعر مو ذاك الزود بس معجبتني



سلمت يمينك يالغالي وعساك على القوة يارب




‘‘‘‘إإإإحترامي‘‘‘‘

ابوخلود



حقيقه انت منبع الابدااااع ..!


صح الله لسانك ولسان الشاعره .. ملاييــن ولا يكفووون ..!!


أبيات قمه في الرووعه والعذووبه رغم قلة ميولي للشعر وروائعه ..



دمت ودامت روواااائعك خيووو



اطيب المنى لشخصك الكريم ’’’

صح لسانك شاعرنا ابوخلود

وصح لسان الشاعرة الشمرية

لله درك يابو خلود
ولاتهون الشاعره الفاضله ...الشمريه

صح السانك شاعرنا ابوخلود

وصح السان الشاعرة القديره / الشمريه ... مليااااااااااااار



تقبل خالص التحايا

ابو خلــود
مساجلة ولا اروع
صـح لسـانك وسلم بنانك
ولاتهون الشمريه المجهولة
وتقبل مروري

صح لسانك يا ابوخلود

وصح لسان الشاعرة الشمرية

ومساجله جميله

دمت مبدعا

ابوخلود

والله وسبعين الف نعم قول وفعل لابد مايجي يوم وتنجلي هالغمه

بعزم الرجال الي مثلكم وشرواكم الله يفرجها

والله بردها شي يلهد ويكدر الخاطر الله يعين

صح لسانك ولسان اختنا الشمريه ملايين

تحاتي لك وتقديري

يالغالي

صح لسانك شاعرنا ابوخلود

وصح لسان الشاعرة الشمرية

صح لسانك يا ابوخلود

وصح لسان الشاعرة الشمرية

مساجله جميله

دمت مبدعا