[قصيدة] :: مــنــيــفــه ::

(بسم الله الرحمن الرحيم )

:: مــنــيــفــه ::

تعريف : حول موضوع ( منيفه ) هي ضلعة شاهقة الطول ، كانت تقطنها البدون (الوعول) نظراً لكثرة المراعي في علوها وشدة الوعورة ، وكان لي ذكريات معها في أيام صغري وكنت قادر على تسلقها وانقطعت عنها وعدت لها بعد وقت طويل وذكرت كل اشكال الذكريات آن ذاك وهاضت قريحتي بهذه القصيده .

تبقين يا منيفه على اسمك منيفه=يا معانقه غر المزون البعادي
يالطــايلة يالثابــــته يالكليــفه=غلطان من ظن ان مرقاك عادي
انا خــبرتك كــل وقت مريفه=انــواع نبتــك وافره بالوكـــادي
مرباع حذرات البدون ومصيفه=يرعن نبات المرتفع بالوهادي
تسكن بحد اعلاك من غير خيفه=مزبان هاذي حيلته لا تصادي
جيت ورقيتك يوم حالي خفيفه=باول شبابي كنت بالعمر بادي
واليوم ما اقوى ارقاك حتى النصيفه=وان قلت ابي راس الهرم قيل غادي
ملسا المراقي ضلعتن مستهيفه=يالراسية مرسيك رب العبادي
خلقك خلاقك بالارض النظيفه=باوسط صحي جيتي على جال وادي
واحاط من خلفك جبال رديفه=حمرن على سمر الرعيلة تقادي
بأجا الذي فيه الهبايب لطيفه=شمة نسيمة متعةٍ للفؤادي
ولاهله سلوم بالمراجل مطيفه=شمر هل النخوة لصوت المنادي
احفاد من يكرم بماله بكيفه=حاتم بطيبة نفس بالمال جادي
ما بات يشكي له بالجوع ضيفه=دليل ذلك يوم نحر الجوادي
رغم الزمان اللي شحيحن رغيفه=في صلف الايام القصاف الشدادي
وبأجا الشواهد باقي في مقيفه=القبر والمنزل وسود الهوادي
وفيه النخل طلعه فرآ وسط ليفه=يغني هله بالتمر وقت الجدادي
ايضآ النبات اللي قليل وصيفه=غابات اجا الخضرا به الجو هادي
وعذب القراح من المنابع ذريفة=نبع الصفا ما طلعته الايادي
وبطحاه عندي مثل زرع القطيفه=يصلح فراش وثم يصلح وسادي
عسى السحاب اللي يشوق رفيفه=سيله ليا منه تمثناه زادي
حيث ان لي به ذكريات كثيفه=عاد القديم ولا ادري كيف عادي
اجا ملآذٍ بالسنين القصيفه=من مبتدا شرقه لغربه سنادي
يعرف وقلت المختصر بتعريفه=اشيد به من عرض من فيه اشادي
في ضف حائل يوم كانت عنيفه=يوم المعارك تتطحن والطرادي
بالخيل والا موميات السفيفه=ياما امتطوا سرجآ وركبوا شدادي
ذباحته باسلاح يرهب رجيفه=والصارمات المرهفات الحدادي
كم فارس يضمن ليا ادلى بسيفه=او ناش في سبابته للزنادي
لعيون اجا وعيون عذرى عفيفه=حآئل تذود بقوته للمعادي
وارجع على منيفه علومه طريفه=كنه تسولف بالقيم والمبادي
تبدي لي اسرار الوليف لوليفه=افهم عليها زين لو هي جمادي
احيان لو خاطبك حي تعيفة=ما كل قولن يوصلك للمرادي
رايي كذا ياهل العقول الشريفه=وعلى الله الحي العظيم اعتمادي
فيه الامال اجزال ماهي ضعيفه=بالماقف اللي به بياض وسوادي
هذا وما خط القلم بالصحيفه=صلوا على راع الهدى والرشادي

الشاعر: زيد زياد المفضّلي

تسلم يا زيد ازادك الله من كل خير وعز الله انك ابدعت يالقرم وكلماتك ذهب وامتاع لا متناهي

لله درك وعسى عمرك طويل

اللهم صل على محمد وعلى آله وصحبه أجمعين

الله مااجمل ماقرأت شاعر من العيار الثقيل سلم بوحك
اخي الشاعر العذب زيد الزيادالمفضلي
صح السانك حتى ترضى
تقديري لجنابك

اللهم صلى على محمد
اخي الشاعر زيد الزياد
امتعتنا بهذه الرائعه صح السانك الف
تقبل مروري

شاعرنا الكبير مقاماً القدير زيد بن زياد المفضلي
هلابك اسعدتنا بهذه الإطلالته الجميله فاضلي
ابو هادي
الإبداع ليسى بغريب من شخصك الكريم فأنت أهلاً له شاعر من العيار الثقيل وشعرك عذب وممتع يعلم الله
صح السانك مدد بلا عدد
خالص التحايا لسمو شخصك النبيل

الشاعر العملاق / زيد زياد المفضلي صح الله لسانك ملايين ولايكفون

لقد أمتعتنا بهذه المعلقة النايفة في منيفة وإعدتنا للذكريات القديمة وللبدون والشباب بارك الله فيك آمين.

أبو هادي بحق أن هذه القصيدة الوجدانية في منيفة هي منيفة أيضاً لاهنت.



تقبل فائق التحية والتقدير

الشاعر زيد الزياد المفضلي
بحق امتعتنا بهذه المعلقه لذكريات عزيزه على قلبك وقلوبنا سلم قلبك النزيه
صح السانك بحجم السماء
تقديري لك اخي الكريم

الشالعر القدير زيد زياد المفضلي
صح لسانك على هذه الاطلاله
وسلم بنانك
وقصيده اكثر من رائعه
من شاعر اروع
تحياتي لك

اقتباس المشاركة الأصلية كتبت بواسطة زيد زياد المفضّلي (بسم الله الرحمن الرحيم ) :: مــنــيــفــه :: تعريف : حول موضوع ( منيفه ) هي ضلعة شاهقة الطول ، كانت تقطنها البدون (الوعول) نظراً لكثرة المراعي في علوها وشدة الوعورة ، وكان لي ذكريات معها في أيام صغري وكنت قادر على تسلقها وانقطعت عنها وعدت لها بعد وقت طويل وذكرت كل اشكال الذكريات آن ذاك وهاضت قريحتي بهذه القصيده . تبقين يا منيفه على اسمك منيفه=يا معانقه غر المزون البعادي يالطــايلة يالثابــــته يالكليــفه=غلطان من ظن ان مرقاك عادي انا خــبرتك كــل وقت مريفه=انــواع نبتــك وافره بالوكـــادي مرباع حذرات البدون ومصيفه=يرعن نبات المرتفع بالوهادي تسكن بحد اعلاك من غير خيفه=مزبان هاذي حيلته لا تصادي جيت ورقيتك يوم حالي خفيفه=باول شبابي كنت بالعمر بادي واليوم ما اقوى ارقاك حتى النصيفه=وان قلت ابي راس الهرم قيل غادي ملسا المراقي ضلعتن مستهيفه=يالراسية مرسيك رب العبادي خلقك خلاقك بالارض النظيفه=باوسط صحي جيتي على جال وادي واحاط من خلفك جبال رديفه=حمرن على سمر الرعيلة تقادي بأجا الذي فيه الهبايب لطيفه=شمة نسيمة متعةٍ للفؤادي ولاهله سلوم بالمراجل مطيفه=شمر هل النخوة لصوت المنادي احفاد من يكرم بماله بكيفه=حاتم بطيبة نفس بالمال جادي ما بات يشكي له بالجوع ضيفه=دليل ذلك يوم نحر الجوادي رغم الزمان اللي شحيحن رغيفه=في صلف الايام القصاف الشدادي وبأجا الشواهد باقي في مقيفه=القبر والمنزل وسود الهوادي وفيه النخل طلعه فرآ وسط ليفه=يغني هله بالتمر وقت الجدادي ايضآ النبات اللي قليل وصيفه=غابات اجا الخضرا به الجو هادي وعذب القراح من المنابع ذريفة=نبع الصفا ما طلعته الايادي وبطحاه عندي مثل زرع القطيفه=يصلح فراش وثم يصلح وسادي عسى السحاب اللي يشوق رفيفه=سيله ليا منه تمثناه زادي حيث ان لي به ذكريات كثيفه=عاد القديم ولا ادري كيف عادي اجا ملآذٍ بالسنين القصيفه=من مبتدا شرقه لغربه سنادي يعرف وقلت المختصر بتعريفه=اشيد به من عرض من فيه اشادي في ضف حائل يوم كانت عنيفه=يوم المعارك تتطحن والطرادي بالخيل والا موميات السفيفه=ياما امتطوا سرجآ وركبوا شدادي ذباحته باسلاح يرهب رجيفه=والصارمات المرهفات الحدادي كم فارس يضمن ليا ادلى بسيفه=او ناش في سبابته للزنادي لعيون اجا وعيون عذرى عفيفه=حآئل تذود بقوته للمعادي وارجع على منيفه علومه طريفه=كنه تسولف بالقيم والمبادي تبدي لي اسرار الوليف لوليفه=افهم عليها زين لو هي جمادي احيان لو خاطبك حي تعيفة=ما كل قولن يوصلك للمرادي رايي كذا ياهل العقول الشريفه=وعلى الله الحي العظيم اعتمادي فيه الامال اجزال ماهي ضعيفه=بالماقف اللي به بياض وسوادي هذا وما خط القلم بالصحيفه=صلوا على راع الهدى والرشادي الشاعر: زيد زياد المفضّلي

اخوي زيد زياد المفضلي اسال الله العلي العظيم رب العرش العظيم انه يطول عمرك ويرفع قدرك ويصلح اولادك هكذا يكون الشعر والا فلا بيض الله وجهك يالغالي لاستطيع اكثرمن كذا قصيده رائعه جدا وراقيه جدا ومعبره جدا وذكريات جميله جدا تهز المشاعر تشكراعليها

الشاعر الاستاذ/ ابو هادي


صــح لسانك قصيدة عذبة امتزجت بالوجد والحنين

فكانت من القلب الى القلب مباشرة

اول قصيدة من قصائدك اطلع عليها رغم اني اسمع عن شاعريتك منذ زمن


شاعر بمى تعنيه الكلمة .. لا فض فوك