22-01-2008 | #1 |
|
ياليت كل الطوس مثل طاستك
السلام عليكم ورحمة الله وبركاته
بالخير يا جماعه الربع انا ما اعرف اسوي مقدمات ابي ادخل سيده بالقصيده (( الشاعر طخطيخ )) سنتن من هالسنين اللي انقرطن جانا لنا مطر سيل وتخبرون البويتات الولات يخرن من المطر >>> يخرن يعني يقطرن ماء يعني ينقطن ويسمون المكان اللي ينقط من الماء ناقووط وانا اقوم بتالي الليل وانا اجيب لي طاسه وانا احطه حدر الناقوط وانكس لفريشي واسمع (((طننننننننننننننننننن طنننننننننننن طننننننننننننننن طننننننننننننننننننننن ))) طول ليله ما قدرت انام يوم اصبح الصبح وانا اقوم واخذ لي خيشة سمنت وانا اروح للسطح وانا انثره وهي تغدي ريغانه الله لا يوريكم وانا اشغل الدينمو وانا اقوم ارشه مثل اللي يسقي لوه زرع يوم قضت وانا انكس واقول افيييييييييييه الحين ابي ارتاح من هالنواقيط يوم صارت الصفره وهي تجي جنوبيه وهي تهتل وهي تغدي لكم سيول وانا دوبي ودوب هالناقوط يوم خذيت هناك وهو يقوم ينقط اثري الملوي السمنت اللي حطيته ما سوا شين وهي تقفل معي وانا اروح واجيب الصخانه وانا احطه وانا ارتسب عليه واخذ لي عود اذان شوفو الذكاء شلون وانا اطلع ابي اسد هالناقوط بالعود يوم تواسيت على الصخانه وانا اقوم ابي اسد الملوي وهي تجي نقطه الله والعالم به شوي او انه مخلوطه مع له ذرق طير وهي تجي مروحه لعيني وهي تسفت به وهي تطفي عيني وهي تهتز الصخانه وانا اخانق والعن وانا اجيك مجاوب ولا تردن الا الطويسه يمار هي نادحتن بالدماغ الا وهو يطلع هاك الصعرور براسي تقل شيف جحه انا لله وانا اليه راجعون وانا اروح يالله امشي تقل داعسن جمس وانا اشوف روحي بالمرات الا تقل ملفوفتن علي عصابه حمرا والليه وانا اروح بليلي والمطر يصب وانا اخذ بشتي وانا ادحسوه بالناقوط وهو يهجد شوين وانا اجي للطاسه وامسكه ووين اللي ما يوجعتس وانا اسويه تقول قوطي ببسي ايه تخبرون بوه جني تاالي هالليول وانا احطه حدر المخده وانا انام يوم وعيت الصبيحه وادور الطويسه وما القاه اثريه الملويه منحاشه يوم طلعت بالشارع ابي اروح يم ابو غازي وانا اشوف ولدي لابسه على راسوه ومزينه وراسم عليه لا دموع بعد اليوم >>>> مادري وش قصدوه وش تهقون يقصد ؟ |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام