ديوان / الشاعر محمد سوعان الربيع

_________(باحــثً اجتماعي)__________

باحثً اجتماعي ,,,,؟؟؟ !!!

	يــا بــنت مــانـي بـــاحــثً اجتماعــي =ولا نــي مـدرس تـربيـه واعــطـي ادروس ولانــي خــبير لخدمة النـاس ســاعي=ولانـي طــبيب اعـصاب واعـالـج انفوس مــحتـاج انــا للــي يــداوي اوجـــاعي=ويــبري صــوابً داخـل الـقلــب مـغروس عــن مــركبي يــابنت طاح الشــراعي=واصبـحت صـيــدً للتـفاكيــر واهجـوس قبـــلك اجـــروحي بالضماير اوساعـي=تــنزف وكـــن القلــب مـــطعونً بمــوس ابــحث وادور حـــل قبــل الضـياعــي=وقبــل الاوان يــفوت ويــحوسـنـي حـوس لا تـــشتكي للنــاس مـــافيـه داعي=ازبـــن علــى اللــي يــطمن ويرفــع الروس ارجـه لاضـاقـت عليك المـســـاعي=ســــبحانـــه اللـــي يــفـرج لكل مـنحوس

________(محمد بــن سوعان الربيع)_________

ظبي الفيافي ..

	روح ياظبي الفيافي يابـو عيـونً وسـيعه=روح وارجع بالسلامه والهدف يابنت سامي لاتخليني ابحيره وانت من يُشكر صنيعه=كالذي ضيٌـع دليله ثم غدا وسـط الزحامي والهدف قلناه سامي يستمد من الشريعه=مــانـي مدٌور تســالي مع جميلات الاسامي كالـذي لجـل يتـوصل دور اكثـر من ذريـعـه=باي طريقه باي حيله باي وســيله للغرامي ماهو مصدق عيونه للهوى نفسه مجيعه=منشغل والعين تسهر وانحرم حلـو المنامي الهوى شب بخفوقه نار تلهب به سريعه=صــاد لـه وحـده غشيمه ثم خدعها بالهيامي احذري من ذا وشبهه واعني الروس الصديعه=وان وثقتي بـه غديتـي والندم بالقلب حامـي امـا انا قلبـي تقفـل ؟ وارتـويت من الخديـعـه =والتجـارب علمتنـي ؟ درس يبقى كل عامي وانتهى مشواري اللي عشت انا نشوة ربيعه=وعدت انا لكتـاب ربـي تايـب بمسـك الختامـي

محمد بن سوعان الربيٌع

حملً ارهقني من عزيزً بقومي

	حملً نقلتـه من اكبار الحجومي = ولو تنقله زمل العرب كان جظـن حملً ارهقني من عـزيزً بقومـي = وليتـه لعذري يوم انا ابديه ثـمن ياليت في صدره خفوقً رحومي = يرفق بحالة من به الهم يسكن اركى على كبدي سواة الوسومي= مياسمً في مهجة القلب يكوٌن ولا اقـدر اكدر خاطره لـو يظـومي = مجبور اطيع اريـاه لو هن يهينن اغليه ؟ لكنـه لجرحـي يرومـي = وكم لي وانا صابر ؟ وانا اقول يمكن يمكن ايوقف غارته والهجـــومي = وينسى العداوه والعلاقات تمتن ندحر ابليس ومزعجات الحلومي = وننســى اعلـــومً غربلتنا ونــدفـــن ويالله عسى ماني بهرجي ظلومي = ولاني من اللي بين الاصحاب يفتن آمنت باللي لـه نحج ونصومي = واللي بأمره سود الاجبال يرسن وعزاي باللي ينطحون السهومي = عن كاهلي يوم الصواديف يجرن هم عزوتي في يوم مابه يمومي = يوم الفتى من جاير الوقت يُغين ذخرتهـم للـي بخشــمه يزومي = وللطايش اللي لاابيض القلب يمحن لاشك ذرايا عن هبوب السمومي = وافخـر بهـم يومـن الاخبــار يلفـــن اعني فهد واسعود وقت الزحومي = سنايــدي يـوم الضــواري يتعــاون وطـلال ومشـاري ذهاب الهمومي = وعبد الله اللي دوم لرضاي يذعن وخالد ومشعل عزوتي والعزومي= بهـم ارفـع الهـامه والامـال يُبنن ويالله يا مـديـر القمـر والغيـومـي = وبمــرك اتثبتهــن وبأمرك يغيبن اصلح لنا ما اعطيت يـومً ودومي = يا معطـي الجنـه لعبدك بلا مَن

محمد بن سوعان الربيٌع

انشــد احســاســك ..؟

انشد احساسك !!!

	يامن سكن في خافقي واستقرا = لالا تقـول ان كـل مطــرود ملحوق كــم لـي وانا فـوق الجحيم اتحرا = والصبر قاسي والزمن صارلي عوق الحـظ بــدٌل خيـر الايـــام شـــرٌا = والغبــن نــاره تكـوي القلـب بحـروق ارفــق بقلـــبً للجفــا مــا تضـرا = وراعيـه دايــم تـرتفــع هـامتـه فـوق قلبي من اصحاب الوفا ما تبـرا = ومن عادته يهوى ويعشق هل الذوق ولا احب انـا اللي بالحديث يتزرا = القلـب عيٌــا لايــدانـي هــل البــوق عطني وعد واعطيك هرجً يسرا = وآتيـك انـا لـو قالـوا الناس مطـفـوق آتيــك انــا لــو كنـت ببــلاد بــرٌا = وافرش لك افوادي وجفني مع الموق واجلس لحـالك بالخفوق وتذرا = وقبـلك ابــد ما صـار بــه كل مخلووق يـذريــك عـن هـمً وبـردً وحــرٌا = وانـت الـذي بـه بالغـلا غيـر مسـبوق وابحث احساسك وانشده وش اسرا = ينبيك عن ما يكتم القلب يا شوق

محمد بن سوعان الربيٌع

بسم الله الرحمن الرحيم
الشاعر المعروف والاديب المشهور
مخلف عنيزان الشمري
احييك بتحية الاسلام
السلام عليكم ورحمة الله الله وبركاته
اما بعد
شاعر اديب بطل من ابطال القادسيه المجيده
جندي من جنود العراق الشرفاء يوم الردي بار وخاب حظه
اسمحلي بهذه الابيات كهديه متواضعه ومن شخص متواضع

اهداء الى الشاعر مخلف عنيزان الشمري !!!

	يا مخلف عنيزان والنعم لاهنت = ولاهان قرم يالبطل مثل شرواك قدمت روحـك للوطن ماتهاونت = يوم الردي في ساعة الضيق خلاك لان الحديد وانت يالقرم مالنت =واكبر دليلً كان هو فقد يمناك ويوم الردايا خانو الدار ماخنت= يوم اخو هدله بارفع اوسام هناك ام الدسم تحشم عن العيب زلاانت = قرمً من اقروم الطنايا عرفناك شاعر ولك موقع للانذال ما اذعنت = وللحق كلمه قلتها لاعدمناك فرحت انا في شوفتك ثم تطمنت = يوم انت في خيرً وعايش بدنياك وان سلت عني يابن الاجواد بينت =عطيتك المظمون والهيس يفداك

وسلامتكم هذا ماجادت به قريحتي ارتجالياً اثناء تذكري لفترة الثمانيات
وتذكري للبطل والشاعر مخلف عنيزان الشمري
اشكرك وعسى الله يعطيك الصحه والعافيه وطول العمر

تقبل تحياتي ووافر مودتي

اخوك الشاعر
محمد بن سوعان الربيٌع العنزي

هذه الابيات مهداة من الشاعر مخلف عنيزان الشمري
الى الشاعر محمد سوعان ابن ربيٌع العنزي
ردا على الابيات التي ارسلها لي مع الشكر والتقدير لشخصة الكريم.

رد الشاعر مخلف عنيزان !!!

	انا على مايقسم الرب آمنت =رب الملا مدير الهبايب والافلاك سلوم البوادي والدواوين له صنت= من شانها نمشي على درب الادراك ببيات ابن سوعان والله تمعنت= شاعر على صعبات الابيات فكاك يالوايلي براس العدامه تبينت=يابعد شوحك عالغوانم ومسراك يامحمد السوعان بالقول وزنت= وصلن سلامك يالسنافي وحياك وانا اعجبتني ابيات شعرك ودونت = والشمري حلل كلامك وجازاك ودي بشوفك يالخوي ماتمكنت=وانت بديت بطيب وحنا شكرناك عز الله انك جبت الاجزال واحسنت=واطلب من الله والي العرش يحماك

مخلف عنيزان الشمري

سلم العرب والدين ماغاب عني

سلم العرب والدين ما غاب عني !!!

	حسبي على اللي جزٌع الترف مني= وانحـى مشـاحـي ديـرتـي عن ادياره وانـا حظــوظـي قبلــها غـــربلنــــي =والحـــظ اخـــذلــه لـفـــةً وانـحداره اللـي علـى شـانه لفيــت امتـعنـي = وكـــنت اتحـــرا بــالـدقيـقـه قـراره اللــي قـراره بــالنهــايــه غـبنـي = واليأس اعلــن بالاخيــر انتصـــاره ليـت الرســايل عنـه مــاخبــرني = وظلـيـت بالحـلــم القـديـــم ومـداره كثـر الـولــه مــا فـادنـي والتمنــي = وصبري وحلمي والثقه والجسـاره تقـول مــا خلـي خفوقي يـوٌنـي = على جنينـي؟ واحتــري لـه ازيـاره واصيــر انـا كنـي خلـوجً تحنـي = عـلـى ولــدهــا ليلهــا مــع نهـــاره واذعنـت انـا لاعــذار؟ مـافرٌحني = وكلـن علـى ماقيـل يبـدي اعـــذاره حيث الاعـذار الصادقه مازعجني = اقنع بهــا ويــزيـــد عنـدي وقـاره وكانه عـذر؟ في حق نفسه تجني = ولابــد من جني النـدم والخسـاره يامـــن جعلتـه غــايتـي والتمنـي = ؟؟ ولازال حبــه يكتـوينــي بنـاره حبي سكن قلبـه وحبه سـكني = صنت العهد والقلب مااخلف مساره يـابنـت غيـرك بالبنــي مافتنـي = لا والــذي راحـــو لبـيـتـه زيــــاره والقـول وهـروج العـرب شوقني = والمـدح يـذهــل والمـديح ابغـزاره ساقتني السمعه على حسب ظني = وعلــمً بــه الختيـار جـتنـا اخبــاره ابغي على وضح النقا كنت لني = ابغـي علـى السـنٌه وشــرع الطهـاره مـاجـيت ادور لـون خمري وبني = ولا ادور العشــقات فـي كـل حــاره المـرجلــه مــا وصــلٌت للتدني = عنــدي تعـلٌـت فــوق حـــد الصــداره سلم العرب والدين ماغاب عني = نمشـــي عليـها لو نـــذوق المــــراره ايـه ابـدوي واســلومنا نومسـني = وعــاداتنــا كســب الثـنــا والنمـــاره الصــدق فطـري مامـلكته تبني = والكــذب للانســان يظـهـــــر دمــاره شـــاعر ونظمي للقصيـد ابتـأني = علـــى اســاس ابنيــه بنــي العمـاره ما ني غشيم بكل ساحه يغني = العقـــل وافــي والـحيـــا والســـــطاره وان تهت انا خمس الفروض يهدني = وآخــذ من القرآن خيـر استـشاره مسلم ولي مذهب حنيفً وسنٌي = وحجيـت بيـتــه واعتـمرت بـــزيـاره واغتاظ مـن قطـع الرحـم والله اني= احرص على وصـله بشوق وحـراره وزيـف التصنـع يبتـعـد حيـل عنــي = حيـل؟ اكـرهه لو كان مصــدر حضاره دروب الخنــا يا صاحبي ما غشــني = وسهـــر النوادي والـورق والـزقـاره قلبـي الــى عــادات ربعـي يحني = حنــة خلـوجً ضـــاع منـها احـــواره اشتاق انا لعلومهــم؟ لو مظنـي = والشــعر وعلــوم القنـص والصقـــاره علـوم النشـاما غـايتـي لالفنـي = والدلـــه الصفــرا علــى جــال نــــاره وشـوف الربيـع ولـون ورده فتنـي = وشوف الفيافي لا غشــتها امطاره والبــل عطــايا اللــه لامن طرني = يفــز قلبــي يـــوم تــاتــي اذكـــــاره ســـود ً وصفـر ووضـح ما ينسني = والشـعل يطــرب خــافقلــي ابكـــاره لاشــفت انا حيرانهـــا يلعـبنــي = افرح؟ ليا شـفت الفحــل في اهجــاره انـا مـع البل من قديـم امتهـني = اخير من مليووون صــفـقة تجـاره والخيـل احـب علومهــا واجذنـي = الخيــل هـيبــه للرجـــال ونـمـــاره نومـاس للفرسان وليا اسرجني =وكــم مــن عديــمً فوقهـــا رد غــاره الخيل عـــز ومفخـــره ليـا اقبلنـي = وكلن يمــااري في ســلالة امهاره هذا هوى نفسي وشفي وفني = مـــاهــي اعلــوم امـــدورين العيـــاره ومكــارم الاخــلاق لــو ينشـرني = كلن شـرى ثم سـاق غالي اسـعاره لكــن على مـا يقسـم الله يجنـي = بيـديــن رزاق الــــدبا فــي اجحـــاره لياخــابـت احظوظ الفتى وادبـرني = مــاظـــنتــي يجنـي فـوايــد اثمـاره ومن عاش بالاوهام طاح امتثني = بيـــن النــدم ذا عيشـــته والحقــاره منبـوذ مـاظني يعيش امتهنـي = ويقــل عـنـــد الغـانميــن اعتبــــاره وتم الجـواب اللي اهجوسه لفني = والحُـر؟ قــالــوا يفتهـــم بالاشــاره

محمد بن سوعان الربيٌع

ســهـــم الهــــــوى فضٌـــــــاح

ســــــــهم الهــــــــوى

	خذنــي معـك ياراعـي السوبـر الجمس = وانــت الــذي شـروك لاقـال وفّـا خــابــرك انــا للطيٌــب دايـــم تحمٌــــس = وسـلم النشــاما ماعطيتــه امقفا تكفـا وانـا حبل الهـوى مسٌـني مــــس = لا القلب مرتـاحً ولا الجفــن غـفـا اشعــر بضيقــه يافتـى الجـود من أمس = وحاولــت اخـفٌيـهـا وعيٌـت تـخـفٌا بسري بي الهــوجاس بالليـل الادمس= وافــز متضــايق وجــفــنـي يــرفـا يطـرى علي اللـي حمس خافقـي حمس = الصـاحـب اللـي شـال قلبـي وقـفٌا وسهم الهوى فضٌاح ما ينطمس طمس = امــا قـضـا راعيــه ولاٌ اسـتـخـفا واللـي دعــاني لاهـرج هـرجتـه هـمس = مثـل الهبـوب الهـادي اللـي يهـفـا والهمس فـي لهجة هل الشارقه رمس = ويـازيـن رمسـه يـوم للهـرج صـفا حبـه سـطا في خـافقي وانغمس غمس = واســـــمه تلولس بالحشا واستلفا اودع بقلبـي جــرح مـا يدانـي اللمس = وجــرح البــطا ينــزف وعيٌـا يـجـفا نبي السفر : تكفا قبل طلعة الشمس = حيث السفـــر للنفس غــايـه وشــفا عجٌــل وانــا لـي خاطـرً منعمس عمس = قبــل ًان يـُـقــال انجــن ولاٌ تـوفٌـا على القصيم الدرب خله على الخمـس = قبــل ان جنــاح الليــل عنّــا يـكــفا نـــمر ابو عجـرم وناخذ قــدر خمس = دقــايــقً قـبــل الـــولــه يســتـجـفـا ادمس لي الخـزان من شيشته دمس = من الاخضر اللي بالمصافي امصـفا فـلل لــوان التانكــي ناقـص الخمس = ومن دون حايل مســـتحيل انتعــفــا للعـاصـمـه عـمٌـان وجـهلـي الجمس = ومـن دون (زيـزا) موترك لا يطفٌـا وليٌــا وصلنا حـروتــه خـلني وامـس = تكـــفا فـــديتــك دونهـــــم لا تلــفـا الله يجيرك مـن غثـا الحــب والعمـس = واللي مثــــل شــرواك وفٌـــا وكــفا يفـداك خطــو الـلاش والعفـن والنمس = اللي من اعلوم العرب ما اسـتشـفا

محمد بن سوعان الرببٌع

الله يعين اللي يذوق الأمرين!!!

	القلـب يـا اميـره قسـمتيه قســميـــن = قســـمً معـي والقســـم الآخـر معـاكي وش يجمع القسمين يا كامل الزيــن = قــولي بحــق الـلـي يخفـف عنـــــاكي انتـي بـدار حسـين نسـل الشــريفين = وانـــا بـديــرة نجــد ماني معــاكـــي يابنت رغم البُعــد مــع ظرفي الشين = وفيت انا لك واتحـــرا وفــــاكـــي واللــه يعيـن اللــي يـذوق الأمرٌيـن = تنـزف جـروحــه والســبايب هـــواكي حبك جرى بالدم . وسـط الشرايين = وكـل نـبضــةً بالقلــب تعلــن غـلاكي اقـولهـا مــن دون شـــكً وتخـــميـن = اهــيـم بـك والقلب يبغـــا رضـــاكي بمشـي على لامــاك فالعســـر واللين = وانا الذي في كل مااملك شـــــراكي في حب ابن ســـوعان لالا تشــكـيـن = مـوته . ولا يقولـون يعشـق ســـواكي يمشـي على سـلم الرجال الوفييـن = والشــــاهــد الله بالــردا مـا نـواكـــي يمشي على عادة ومنهح هـل الدين = علـى الكتــاب وســــنٌة الله بـغـــاكــي القلــب يااميــره قســمتيه قســمـيـن = قســـمً معــي والقســم الاخــر معــاكي

محمد بن سوعان الربيٌع

بسم الله الرحمن الرحيم

اخواني واخواتي الاعزاء والاكارم

اخواني يؤسفني ان اخبركم بانه وقع حادث مروري مؤلم لابني الشاب خالد
في منطقة القصيم ادخل على اثره مستشفى الملك سعود في عنيزه وانه في العنايه المركزه
ومازال في غيبوبه تامه ما ودي اغثكم لا والله, ولكن اطمع بدعائكم له بالشفاء العاجل
والحمد لله على كل ما يقسم ولا يحمد على مكروهً سواه

قلت هذه الابيات

ادعوا معي يالابتي يا خوالي!!!

	يا موت لاتاخد من الناس غالي = تكفــا تـراه يعادل القلــب والروح وان كـانها لابد خدنـي لحالي= عن لاتذوق النفس لوعات واجروح الغالي اللي من نوادر عيالي= خــالد صـوابه صـار للقلـب ذابـوح ليتي على مرقد سريره واصالي = نار الألم لو هي على كبدي اتفوح ...افـداك ياخـالد بروحي ومالي= هذي حقيقه ما بها شك وامزوح يانبض قلبي مانسيتك محالي= يمــرنـي طيفك وذكــراك واتـروح يالله تصبرني على اللي جرالي= واشوف زوله واترك الحزن والنوح ادعـوا معـي يالابتي ياخوالي= ادعوا لخالد واظهروا صادق البوح

محمد بن سوعان الربيُع