ديوان / الشاعر محمد سوعان الربيع

اجمع شتاتي ,,,,,,,

اجمع شتاتي

	اجـمـع شـتـاتي طلـبـتـك لا تبعـثرني = والنفس من غيبتك يا زين ملـتـاعـه ارجـع حـبـيـبي طلـبـتـك لا تـحـيّـرني = والشـك حـنا نـويـنا نـطـوي اشراعـه والغـيره اللي بـدون اسـباب تقهــرني = مافـيه شـكً تمـيـت الشوق بانواعـه وانـت الـذي تمـلك افـوادي وآسـرني = ومن بد غيرك عطاك السمع والطاعه ان غـبت سـاعـه تـرا بعـدك يكـدرني = تعـال عـالـج خـفـوقً زادت اوجـاعـه تكـفـا طلبـتـك حـبـيـبـي لا تعــذرني = يا غـايـة الـروح والخـافـق ومـربـاعـه وان كـنت ناوي تـفـارق لا ,,تخـبــرّني = يا اقرب قريبً بشون القلب ووضاعه اجـمـع شـتـاتي تــرا صــدك يعـو رني = والـنيّـه الطــيبه ,,,يـازيــن جمّـاعـه

بقلمي /
محمد بن سوعان الربيّع

قلبي كـوّاه الشوق

قلبي كواه الشوق

	وجدي على اللي وسّمْ القلب توسيم = ظـبيً سـلب روحي وعـقلي ظلـيمـه ظـبيً غـيابه حـطـم القـلـب تحـطـيـم = واقـفـت زوامـيلـه كمـا اقـفـاي غـيـمه ما بيـنـنـا حالـت ظـروف ومـــقـاسـيـم = حـال الـجـفــا مــا بيـنـنـا والـهـظـيـمـه والبُـعـد جــوره يتـلف الــروح وايضـيــم = والصـبر ايـلامـن زاد يـذبـــح زعـيـمــه قلـبي كـوّاه الشـوق كيّ المـياسـيـم = واحـيـا جــروحً بـالضـمــايــر قـــديـمــه الشـوق ســوالــه بقـلــبي تـصـامـيـم = مـثـل المهـنـدس يـوم خـطط قسيمـه وجــاه الـــدركـتـر ثــم نـفـذ تـعــالـيــم = وفـتـت صـخرهـا في مــعـدات هيمــه هــذي مجــاراتي عـلى اليـاء والميـم = لابـيــات مــن حـاز الـفـخـر الغـنـيـمــه وجدي على اللي وسّمْ القلب توسيم = ظـبيً سلـب روحي وعـقلي ظلـيمـه

بقلمي /
محمد بن سوعان الربيّع

ماهــو غـلا بالـرجـم .............

ماهـو غـلا بالـرجــم يـومني أرقـبت = لاشــك ميــلات اللـيــالي,, حــدنـي

‏أطـيب بالجمـعه ويـمرضني السـبت = لاني بـريـت ولاغـــدى الشـر عـني

‏وياطير ياللي عن مدى ناظري غبت = شـفني جـريح القلب ..قلبي يـوني

عطالله الشراري
_____________________________________

فكانت تلك المجاراة لابيات الاخ عطالله الشراري اتمنى تنال اعجابكم
بيحت مكنون الحشا ,,,,,,,

بيحت مكنون الحشا

	يامــن شكيت مـن الــولــه ثــم تـغلبت = ياللـي ظعـون صـويحبـه ســندنـي طـيـرك غــدا وارخــا جـناحـيـه واسهبت = في شرح مابــك والمـعاني زمـنّـي عنـدك تـواسى يـوم الاثـنين والسبت = ومـثـلك فــلا ينــلام يـومــن يـغنّــي ياللي عـن الطـاري فـلا ثـانـيـه غـبـت = إلك التـحــيــه والسلامـــات مــــنّي شـاعر طرقت الصعب وارهيت ماهبت = هــداج تـيمـا لا عــطـى مــا يـمـنّـي مثلك تــراي اعصير في رجـمهـا ارقبت = وتهيّـضـن هـواجـسي ووجـــعــنـي ذكرت بعـض اشـياء من عـقـب ماتـبـت = عــوالــي المـرقــاب بــه ذكّــرنــي بيّحت مكنون الحشــا من عقـب كبـت = وشكيت للمــرقــاب شـــيً غـبـنّي انـشـد عـن اللي مـن فـراقــه تصوبت = وزوّد نـزيـــف جـروح قلــبً يـونّـــي ولو اني اعـلم غـيب الايـام مـا ارقبت = ولا اشرفت في راسه وشوقي شحني

محمد بن سوعان الربيّع

هـذي مناتي يا سليميـن الاذهـان

هذي مناتي ياسليمين الاذهان

	عسى الحيـا يـظفي عـلى خير الاوطان = من أقـصى جنـوب المملكه للشمـالي يـعـمــها مــن طريــف لحــدود نـجـــران = وبــلً مــن المنشـا صــدوق الخـيـالـي من البحـر الاحــمر لـين تـاصـل لهــدلان = حـد الــكـويـت ابــلاد ربـــعً غـــوالــي ديـرة هـل العـوجــا سلايـل كــحــيــلان = اخــوان نـــوره زبـنــوا كــــل جـــالـــي فـي ظـل قـايـد حـزمهـا القرم سـلمـان = وكــل التـحــايــا للــزعـيـــم المـــثـالي عسى الحيـا يـاتـي بـــديــم وهــتّــان = وبــرقً تـلاعـج فــي ظـــلام اللــــيـالـي ومن ســيـلـها تـصبـح خبــاري وغــدران = ومن عـقبــهـا تــزدان فــيهـــا المـفـالي وكــلً يـشيد بما يشــــوفــه بالاعيـــان = وايـزيــن خـاطـــر صـاحـبـيـن الـحـلالــي شـوف البختري والنفـل يجــلا الاحــزان = يـجـــلا غـبـــون النــفـس والاعــتـلالـي شـوف الخــزامـا بلســم لـ كـل مرضان = فـي مــوقــعً نـبـتـه ســـواة الـــزوالــي فيـها ام ســـالم يـومــها اتجــر الالحـان = تشفـا جـروح اللـي فـقـد كــل غـالـي وخـــوّة نشـــامــا دلــهـــوا كــل حيـران = ربـــعً نشـــامى مــن قــروم الــرجـالـي هــذي امـنـاتي يـاســليـميـن الاذهـان = شوف الفـيـاض المخـضــره شـف بـالـي ذي غــايـتي ذي رغـبـتي والعمـر فــان = وكــل شي يـفـني والليـالـي اطــوالـي

محمد بن سوعان الربيّع.

ولــد سلمـان اخـو نــوره

ولد سلمان اخو نـوره

	سـلام الله عـلى ليـثً تحدّر مـن عـريـن فـهـود = خلـيـفة راعـي العـوجا سـليل المـجـد واركانـه ولـد سـلمان اخو نوره مليك الحزم نسل العـود = امـيـر الهـقـوه محـمد شهـر ســيفـه لـعـدوانـه عـريبً جـده معـزي مؤسس دولـة ابن سـعـود = مــليـكً وحـد اطـراف الجـزيـره وارتـفــع شــانـه حـفـيـد موحـد الامـه وريـث شـــيّـمهـا والجـود = حـفـيد الطيب وسيوف الشجاعه والعـهد صانه ملاذ اللي شكى ضـيم الليالي واالعـنـا والكـود = نصيـر. الحـق واحـزامـه ,,, وميـدانــه وعـنـوانـه كما الشـوكـه بحـلق اللي يساوم والنوايا سود = حفـظ عهده وعهد اللي مضى من عهـد جدانه زعيــم الشــيمه محـمد. تعـلا سرجهـا وايـقود = سـرايا المرجــلـه وابحـر بعــزم. وقــوة ايـمانـه سـلام الله عـلى ليـثً تحـدّر من عريـن فـهـود = امـيـر الهـقـوه محـمــد شـهر سيفـه لـعدوانـه

بقلمي // محمد بن سـوعان الربيّع

الراس عالي والكرامه مُصانه
....................................

الراس عالي والكرامه مصانه

	الله يمسي راعـي الطيـب بالخير = يالله اتحــيـي حـافـظـيـن الامـانه انشد عن الطيب ولا همني غـير = اشـفـق عـلى شـوفه وادوٌر مكانه ابـذله المجهـود حشمه وتقـديــر = ويـكـبـر بعيـنـي كــل يــومً كـيـانـه وافــرح بـقـربـه وآتمــنـاه وآغيـر = لاجـات لــه ســيـره وجـابـو,,, بيـانـه ماانشد عـن اللي كل يومً ابتغيير = مثـل الهبـايـب مـاعـلـيهـا ظـمانـه بيـن النفاق وبيـن كـذبً وتـزويـر = متـذبــذبً مابـيـن غــدر ,,,وخـيــانـه حسب المصالح مركبه واصل السير = بـاع الكـرامـه وارتـضى بالاهـانـه بانت اعلومه وانكشف برقع الطير = اطلق سبوقـه وانكشف سر شانـه وابـن الحمـوله والرجـال المناعيـر = مايـهـيـن نـفسه لـو يظـيمـه زمانـه مــا ينحــني الا لـــرب المقـاديــر = الـراس عــالي والـكـرامــه مـصـانـه القصد واضـح ما يبـيـله تفاسـير = ومـن لافــهـم مـعــنـاي خيـره دفـانـه الـموت أنســب للـوجـيه المحاقـير = اهـل العلــوم الهـابــطـه والعـفـانه ومن لاتهـمه سـمعـته موتـه اخيـر = حـقـيــر تـافــه ,,,والحــلايـا مُــدانه ابديت رايي دون ما ابدي معـاذيـر = وعـندي عـزيمــه ,,,واعـتزاز ومـتانـه واللي يبي يشتـك قـدمـه زمهريـر= وعـليـه مـن رب العــبـاد, اســتعـانـه

محمد بن سوعان الربيٌع

(( شـوق البغـاديـد للهـيـل ))

ابيات متواضعه اهديها الى الاخ غانم بن محمد الخشم الجعفري ابو كاسب
اسعد الله جميع اوقاته بكل خير وسعاده .......... على امل ان تنال اعجابكم جميعاً .

شوق البغاديد للهيل

	اشـتاق انا شـوق البـغـاديـد للـهـيـل = شـوق النشامى للعـلـوم الطـريـفـه شوق المـراجــل للقـروم المشاكـيل = لااهـل السلوم النــادرات العـفـيـفـه مطـارده يــوم الـوغــا تتعــب الخـيـل = ومن فعلهــم صـاب المعـادين خيفـه حـريـبهـم يسقـونــه الظيـم والـويـل = وخـويـهـم فـي راس عـيطــا امنيـفـه مـن لابــةً يـــوم المــلاقــا حـلاحيـل = يـروون شذرات السـيـوف الرهـيـفـه لابـة هـل الجـدعـا قــروم الرجاجـيـل = فهـــود الـزراج ولا تٌـهـــاب الكـلـيـفـه ذباحـةً للضيـف مـن شــمّـخ الحـيـل = يــوم الليـالي فـي صلـفـها عـنـيـفـه جعـافــره يـاكـاســبيـن الـتـنـافــيـل = كلـن مـن ادنــا والـمـعــاني لـطيـفـه ولا فـاتني ذكـر الـذي يرعــب الخيل = اللي عـلـومــه بالمـجـالس طـريـفـه اعنـي ذعـار الخـيل صدق وتصـاميـل = عـقـاب العـواجي مايـعـرف النكـيـفه لـه ســيرةً يــقـراه جـيـلً باثــر جيـل = صفحــات بالتــاريـخ مـاهـي صحيـفه فارس ولــه تشهد سـيوفً مصـاقيـل = لـه سـيـرة يـــوم الحـرايـب ظـريفــه يـوم الليـالي مـا غشـتهـا التساهيل = لــه هـيبـةً. بيـن. القبـايـل مخـيـفـه ونعــمً بـكــم ياكـاســــبيـن التنافـيـل = ياهـل المعـاني والعـــلوم النظـيـفـه لابـــةً بـنـي عــمً عـزيـزيـن بالـحيـل = غـالـيــن والله والـنــوايــا ,شــــريـفـه يحشـم بكـم جــارً حـدتـه الغـرابـيل = ومن دون حقــه كلن ايـسل سـيـفـه غـالي يابـو كاسب ولاهيب اقـاويـل = غـالــي وقـدرك ما يجـيـلـــه وصـيـفـه غـانـم وكلمة نعـم كسب ومحاصيل = مـن كـل طـيب جـات ماهـي صديفـه هـذي حـقـيـقـه والمـواقـف دوالـيـل = وكلـن يـقـول فـلان نـفسـه خـفـيـفه وانا اشهد ان شرواك ما يقبل الميل = قـرمً لعـشــاق المــــراجــل مـضيـفـه يفـدونـك عفـون العــرب والمخـابيـل = اهــل العـلـوم الناقـصــات السخـيـفه اللـي عـلى الـزلــه يجــر المـواويـل = يفـرح ليّـا شــاف الخـلل فــي ولـيـفه اخـيـر مـنهــم لابـســات المفـاتـيـل = ضعـوف الهـقـاوي مهتــويـن الضعيفـه يا مــال فـرقـا العـين هــاك الازاويـل = اهــل المـصــالـح جـعـلهـم للـذلـيـفـه ليا حصـل المطلـوب عـط الهـلاهـيـل = نـذلً عـلى النمات تـوحـي وحـيـفــه يالله عـسى دارن نـزلـــتـوه للـسـيـل = تصـبح وتمسي يابـو كاسـب مريـفـه تاخد لها اسبوعين مع صبحـها الليـل = الســيـل يـدرج والخـبــاري كــثـيـفـه يعـمهـا المــاطــر جـنـوب وتـشـاميـل = من شرقي الخنفـه ل غـرب الـرديفٌـه يـرتــع بـهـا راع الـبهـم والمـخـالـيـل = من عـقب ما اقـفـا صيفها مـع خـريفـه وتصـبـح لعـشــاق البـراري مـداهيـل = وكلن على ما قيل يمـشي بـكـيـفـه هـذي طـراة العـمر كانـك لي اتسـيل = هــذا هــوا نـفـسـي وشفـي وريـفـه شـوف الفـياض المخـضــره والدعـابيل = عنـدي تــرا تسـوى القصـور المـنيـفـه تسوى البنـوك ومـا بهــا من رساميـل = وخـلاف ذا نـفـسي تـراهـي امعـيـفـه وصـلاة ربـــي عــد وبــل الهـمــالـيــل = عـلـى نـبـيً مــن ســـلالــه شريـفـه

محمد بن سوعان الربيّع

هجسي سـرابـي ,,,,,,,

هجسي ســـرابي

	هـاض القـريح وفـز هاجوس الابيـات = وشـبيت نـاري ثــم جفيت الـرقــادي اخذت ف ابحـور الطـواريق سـجّـات = والـقــاف لـبـى مــا غشــاه العـنـادي هجـسي سـرابـي للديار الـبعيـدات = والـفـكـر دار وللـقـــديــم اسـتعـادي شـوقي لهـا يـزداد في كـل الاوقـات = شوقي ابـد ما كـان في يـوم عـادي عـليـك وجـدي مـا يـبـيـله ,,دلالاات = وعــيّــا لـغـيـرك خــافـقـي لا يـقـادي مثل الخلـوج ألــوج يــوم ابـنهـا مـات = وحـنـينـهـا فـي كـل ضــلــعً اوواادي أرخصـت لـجـلك راحـة البــال والذات = ياللــي مـحـلك في حـنايـا,,,أفـوادي بُـعــدك يسبب لـي اهـمـومً قـويـّات = وقـربـك سـعـادة خاطـري والـودادي أعـالـج الــونـات فـي صبر واسـكات = واجـاهــد الضـيقــات صـبـح وهـجادي لكن جداي الصمت في كل الاوقات = والصبـر حـكــمـه للفـتـى واجـتهـادي

بقلمي /
محمد بن سوعان الربيّع

اعمل معي معروف ,,,,,,,,

اعمل معي معروف

	انـت الذي وان غـبت قـلـبي معـك غـاب = وانـت الـذي حـظـي معـاك ,,,,انتـحـابي وانـت الـذي مـالك شــبـيهً ,,,,,بالاحـباب = وانـت السـعاده والامـل,,,, ,,والعــذابـي كـنت احسـب ان الحـب راعـيـه كــذاب = وكـنت احسـبـنـه كــ بحــور,,, السـرابي واليوم عشته دون مااحسب له احساب = واصبحـت مثـل اللي شـرب سـم دابي وان مت انا يا صاحـبي فاانت الاسـباب = وان عشت اعيـش بلـوعتـك , واكتـئـابي وانت اتحـمـل ذنـب تـوتـيـر الاعـصــاب = واصــبحـت جــاني وانـت حـربــة صـوابـي وكانـك نـويـت اتـصك من دوني البـاب = قـلـهـا ابـوجـهـــي ,,,,,,لاتـقـول ابغـيـابـي احـذر تغــيب وخاطـري مـنـك مـا طـاب = ولا تـجـعـــل الصـدمـه ,,تـزيــد ارتـيـابـي جـرح الجفــا يصعـب على كـل الاطـباب = ولا قـالـوا انــه للعــلاج,,,, اســتجـابـي ياللـي ليامـن غـبـت قـلبي معـك غـاب = انـت النصـيـب اللـي رضـيـت ,,ورضــابـي خلك معي من دون ربـعـي والاصـحـاب = واعمـل مـعـي مـعـروف واكـسب ثـوابـي

محمد بن سوعان الربيّع

الشعر حبـك وسـبـك

الشعر حبك وسبك

	الشعـرحبك وسـبك ماهـو دعايـاات = الشــعـرمعـنى تحتــويـه الـقصـيـده ماهوب قص ولـزق ياهـل الخرافـات = الـشـعـر امـانـه مع قـديـمه جـديـده واقــول انـا يا ســارقـيــن الامـانـات = اهــل الـقـلـوب المـيـتات البـلـيــده يا اهل الوجيه السود يااهـل الرديات = عـنكـم مناهـيـج الـنشامــا بعــيـده غـربـلـكـم الله والفـضايـح لكـم جـات = والشـعـر منكم صــار ينـزف وريــده الشعر ينخـا الحي من عقب الاموات = يـبغـى العدالـه يالعـقـول الرشـيده لعـبوا عـليه اهـل النفـوس الدنيات = ومن هـب واللي دب سوى قصـيـده اما يـحـوسـه دون معـنى وغـايـات = هـذرً يـجي ما فــيه جمله ,,مـفـيده أوهو نهـبهـا زي نهـب العصـابـات = من دون وازع للـهــدايـه,,, يعـيـــده ومـن بـاق مره يمكن يـبـوق مـراات = مــرات ثــم مـرات مـاهـي وحــيـده ومن عاش بسلوب الثعـالب وحيلات = ولابــد مـا اسهـوم الليالي تـصيـده يا مرحـبــا باللـي يـحـكـرون الابـيـات = عـن كل نقـص ًليـن تصـبـح فـريـده قرومً لـهـم بالشـعـر صـوله وجــولات = ولا يقـبلــون الناقــصــه والـزهـيــده مثـل الــدرر ياتـن ابيـوتـــه جـزيـلات = من راس شـاعـر فـالمجابـه ولـيـده تنقـاد لــه مثــل المهــار الاصــيلات = تـنـصاع له عـوب الـبيـوت العـنـيـده ماجـابهــا قـرضـه ولا وهـبـةً جــات = مـن نسج ذاتـه والبـحـور المــديـده الشعر ديوان العـرب مـن زمن فـات = مـوروثـنـا زيــف الـزمـن ما يـبـيـده ويالله طـلـبتـك بالعــلـن والخـفـيات = جـعـل الـردي ل مات ماله شـريـده

محمد بن سوعان الربيّع