رؤوس اقلام

رؤوس اقلام

اتمنى انها تجد قبول النشامى

مبداي ذكر الواحد العلآم= اللي نحج لبيته الحرام
وصلاة ربي عد من حج واعتمر=على نبياً وضّح الاسلام
ومن بعد ذكر الله وصلاةٍ على النبي= أدنيت انا القرطاس والاقلام
واكتب من الاشعار ماطاب ذكره= ومن غير نومٍ هاضة الاحلام
احلام يقضانٍ ولاهو بنايم= وفكره غرق وسط البحور وعام
ومن غاص غبات البحور العميقة =يبحث عن الؤلؤ في جوف ظلام
وانا غصت ببحور الخيال الوسيعة=واصيد في بحر الخيال كلام
اصيد بالسنار ماصيد بالشبك=اخاف كثر الصيد يجيب ملام
ولو قيل صيد البحر كله محلل=ولا الميت من صيد البحور حرام
أخاف أنا من صيد طير المسمّى= طيرٍ لأبن برمان من فـوقـه حــام
ياللى تبي صيدٍ من الصيد وافي= شايم وطيرك عن الهزيلات شام
خلك معي ياصاح واسمع كلامي= كلام. وترى بعض الكلام إسهام
كلامٍ عند اهل العقول اللبيبة= الذّ من الفنجال من بعد عيام
للي يبي حلو الكلام الطيب= وإلا ترى بعض الكلام أوهام
ولخصت ماعندي بخمسة معاني= شيٍ على ماقيــل رؤوس أقلام
الاولة. احرص على الخمس يافتى= خمسٍ عليهن ينبني الإسلام
من ضيع الإسلام لو عاش بالغنى= يموت وأمواله تروح أقسام
ولابد ماتعْرف نهاية مصيرك= وسط اللحد في قطعةٍ من خام
مهما عطاك الله من قوة الجسد= يبلى وتبقى باللحود عظام
والثانية . ايّاك لا تدنس الشرف= ولا تجعل البنيان يصير هدام
ترى الشرف ياصاحبي مظهر الفتى= وفقد الشرف اشد من ضرب حسام
ورجلٍ بلى شرف حياته مذلة= مثل الحصان اليامسك بإلجام
والعار يبقى لو تتالت سنينيه= على المحيّـــا بصمةٍ ببهام
والثالثة. مهما حصل لك من العنا= ايّاك وايّا مقاطع الأرحام
لاتقاطع الارحام مهما حصل لك= ولو حصل لك موقفٍ وخصام
تحصل على رضا الإله بوصلهم= وصل الرحم يلبسك خير وسام
واصلاح ذات البين بين القرايب= اخير من الدنيا وحمر انعام
والرابعة. ان جـاك نقّال هــرجة= لا تقبل الهـرجة من النمــام
ابـق بشموخٍ كالجبال الرواســي= وروس القمم ما تنالها الأقـزام
خله تر ى الحقران سيفٍ ســاطي= يجيه من الحقران قهر و هيــام
وترى ان سفهته ولا وجد منك مايبي= حطيت في خشم الغبيث و خـزام
والخامسة: لا تخيب اللي هقا بك= خلك على ماقيل هديب الشام
ابذل له المجهود بقدر استطاعتك= وليّن جوابك للرفيق شمام
لا تبدي الأعذار لو كنت صادق= من شان مايجي الرفيق اوهام
ومقابله في طيب نفس وبشاشة= خصله كرم وصى بها الإسلام
قلته وأنا فعلي على قدر حالي= لاشك احب من الطيبين اعلام
هذا وصلى الله على سيد الملا= المرشد الهادي القائد المقدام
نبينا اللي ساكنٍ وسط طيبة= اعداد من قام رمضان وصام

سطم فهد الخليل (ابو فهد)

اللهم صلي على حبيبنا محمد وعلى آله وصحبه وسلم

خمس نفائس اغلا من الجواهر والدرر .. لله درك

بيض الله وجهك وجزاك الله خير وطال عمرك على الطاعه والعمل الصالح

رؤوس اقلام تشرح الصدر وتذكر الفكر من الغفله

صح لسانك واعتلا شانك ولاهنت

رائعه تستحق التثبيت وتستحق المرور عليها مراااار

اللهم صلي وسلم على نبينا محمد وعلى آله وصحبه اجمعين

صح لسانك وطاب فالك على هالنص الشامخ بكل مافيه من

قيم وحكم ومبادي ومواعظ وجعله الله في موازين اعمالك

طبت وطاب حظك ياأبو فهد واصلح الله لك النيه والذريه

تقبل كل التحايا

صح لسانك واعتلي شانك
شاعرنا الكبير
تقبلي من خالص الحترامي وتقديري

اللهم صلى وسلم على نبينا محمد وعلى آله وصحبه اجمعين

ياسلام عليك ابدعت اخي الشاعر ابو فهد
صح السانك ملاييين

اللهم صلى وسلم على نبينا محمد وعلى آله وصحبه اجمعين

لله درك شاعرنا ابدعت بيض الله وجهك على هالمثمونة الشامخه
أياديك يابو فهد
صح السانك مدد بلا عدد
تقديري لسمو شخصك الكريم ؛؛؛

	الرائـــع بحضـــوره / ســطم فهــد الخـليل (ابو فهــد) اللــهم صـلى وســلم عــلى صفوة خــلقك نبيـــنا محمــدٍ وعـلى آلــه وصحــبه اجمعــين ومـن تبعــهم بإحســان إلى يــوم الــدين ، وعـنَّا معـهم بفضــلك يا أرحــم الراحمــين .. صح لســانك ترليونات ومايكـفون يا أبوفهـــد .. موعظــــه إحــتوت نفائــس النصــح ، ودُرر الــكلام تجــلت فــي هــذه القصــيده الرائعــه بروعـــة إطــلالتك التــي نشــتاق إليــها دائمـــاً .. لك كل الود وأطــيب تحــــــــياتي محــبك / أبومــــراد

الشاعر الكبير ابوفهد
صح السانك بحجم السماء
تحياتي وتقديري لك

الشاعر الكبير ابوفهد
صح السانك بحجم السماء
تحياتي وتقديري لك

الشاعر القدير والاخ العزيز ابوفهد
رؤوس اقلام ولكنها وافيه بكل معنى الكلمه
وقصيدة حكيم وكلها حكم
صح لسانك يالعزوة
وسلم بنانك
لك من القلب اجمل تحيه واطيبب امنيه