ديوان / الشاعر محمد سوعان الربيع

قرب القبور اللي عليها النصايب
اخير من قرب العفـون الـرديـيـن
.....................................

قرب القبور اللي عليها النصايب

	بعض العـرب ياليـت ماهـم قـرايب = وياليتهــم عنـا مــن اول بـعيـديــن مـاكان شـفنا من بعضهـم غـلايب= ولا كـوتـنـا نـار الاقـراب يا حسين ازوال واجـد بيـن شـبً وشــايـب= مير الهقاوي يا خســاره تخـامين اثـر الـردا يا حسين مابـه طبايـب= عدواه تسطـي باللحم والشرايين اللـي بحـزات المـواجيـب غــايـب= وطنش مشاريه العـرب والقوانين وش ينبغـابه ذاك وقـت النشـايب= اللاش مـابـه نـادره تـطـرب العيـن للغـانمـه مــاهو امــودي وجـايـب= ميّت ولوهو حي في وسط حيين نبـغي فـراقـه مـا نبيـله كسـايـب= بُعده ولا قربه عسى فاله الشيـن ليا صــار مالـه بالمــراجل رغـايـب= وش عـايشـله ميّـت النـار للحيـن مـاهـو مـن اللي يتعبـون الركـايب = باللازمـه ياتــون لـو هـم بـعيـديــن الخـايـب اللـي مـن مبـاديه خايـب= يظـل خــايب لينــه يواســد الطين قـرب القبـور اللي عليهـا النصـايب= اخيـر مـن قـرب العفــون الـردييـن الطيب قسـمه والمـراجل وهـايـب= وليـّا تــرد ا الحظ خـل المــوازيــن شفت الغبينـه والعجب والغـرايـب= شفت الحسد بعيون ربعً حقـودين حيث الغشامه من كبار المصايـب= ونقص العقل ينتج عنه نقص بالديـن ولا اقـول انـا قــولً بـليـا ســبايــب= حدوني اختوش العرب والمساكين ومن لانفعنـي بالـوغـا والنشـايـب = هذاك يحسب من احساب النسـاوين

محمد بن سوعان الربيّع

همســــة غـــــلا

	اقــول انا احبــك ولانيــب خجـــلان= والـحُـب بقـلــوب الاوادم غــريــــزه وشـلون ما احبـك وانـا فيك هيمـان= وانتي على نفسي وقلبي عـزيـزه حـــبً أبــد مــا صــار مثـله ولاكـان= حـبك ممـيّز واكتسب خيــر مـيـــزه أمـي : ولايبـدي على امـي إنسان= ودنيــاي مـا تسـوى بـعـدها بـريــزه

بقلمــي الــى الغاليـــه ........

راع العلوم النادرات الطرايف

اهــداء الى عنـاد بـن فيصــل النحيّـت العنـزي
لما لهذا الرجل من مواقف نبيله وصفات حميده واخلاق كريمه
وطيبة نفس وتواضع لم تغيّرها بهرجة الدنيا واغرائاتها الزائفه
وهذا هو ديدن الرجال الطيبين الاوفياء اللي منهم ابو مناحي يحفظه الله

راع العلوم النادرات الطرايف

	بسم الله ابدا وابتدي نظم الاشعار = واختـارمن جزل المعانـي طرايف ابـي اتخيّـر من جميـلات الازهار= وانثر عبقها فوق بيض الصحايف واعطـره بالمسك والعـود والغار= واقلـطـــه بمهيــــــلاتً ظـــرايـف اهــديــه للـي لـه معـزه ومقـدار= مـن قلـب صـادق والنــوايا نظـايف هـذاك ابـو مناحي ذرا كل محتار= راع العلــوم النــادرات الطــــرايـف اهـو الـذي يسـتاهل المدح تكرار = حيــث الوفــا بعنــاد طبـع ووظـايف علمه ينومس لابتـه سـر واجهار= وليّـا فعــل مـا هـاب حجـم الكــلايف مــا فيــه يــوم الا ويـاتيـه خطـار = بـابــه مشــرّع للغنـي والضعـايــف النعم يرهـم لبو مناحي والاشـعار= وتطبق على شرواه خير الوصايف ماغيّر المنهـج علـى مــر الادوار = ضلـعً يــذري دايــم الـــدوم نـايــف ما غـرته دنيـا بهـا المـرء مــرّار= ضــيـفً بهــا لابـــد يلقــى الحتـايـف يفـداه عفنّ ما نفـع وقت الاعسار = يوم اعرضت له ما استغل الصدايف وقت الرخا وسط المجاليس ثرثار = تــوحي صهيله في صدور المظايف يقطـع وياصـل كنــه السـيف بتّــار=اللاش بـالنمـــات غـــازي وحــايـف ضعيف هقوه ما برز وقت الاخطار = كالخـرب دايـم ميّـت النــار خــايف وش ينبغابه مـال قصّـاف الاعمـار = وان مات هــذا ما عليه الحسايف جعل ابو مناحي من طويلين الاعمار= ويحظـى بجـزلاتً وهـايـب ظـرايف تجذبني الذكـرى الى كل ما صـار = وقلب الوفي هيهات ينسى الولايف هذي شهاده قلتها بواف الاشبار = عـن تجــربه ما قلتـهــا بـه صـدايف ولا قـلتهـا لـي غــايةَ والحيـا طار = ارجي من اللــي للخفيـــــات شايـف بــراة ذمّــه قلتهـا ظمـن الاشعار = وانـا علـى الطيّـب دمــوعي ذرايـف

محمد بن سوعان الربيّع

دنيــــــــــــــــااا .....

	الله عطـا نـاسً ومنـهـا حـرم نـاس =مقســـوم مايحسب خمول وشـطاره احدً شـــمخ مبناه لو ما بنى ساس=واحـــدً مــن القمّــه يتـــم انهيــاره هـذي هـي الدنيـا مـرابيح وافـلاس=ايــامـها مـابيــن ربـــح وخســـاره المستفيـد اللي بهــا حـاش نوماس=طيـب المبـادي والتقـــا والطهــاره

بقلمي ......

اهـــــــــــــداء خــــــــاص
الى اغلا ما اغليت بحياتي
الى اقرب انسانه الى قلبي
الى من غذتني من حنانها
الـــــــى امــــــــــــــــــــي

اهـــــــــــــــداء خـــــــــــــــــاص .....

	يالـوالده والله مـا انتــي رخيصه = وغـلاك اغـــلا ما اغليت بحياتي انتي سواد العين وانتي بصيصـه = وانتي منـاوي عمري وذكـرياتي على رضاك النفس دايم حريصه = حرصي على قلبي وعيني وذاتي تصبح حياتي لين غبتي خبيصـه = وشربي وزادي يختلف مع مباتي قربك على قلبي سعاده وهيصه = نبض الخفوق انتي .وأنتي مراتي

محمد بن سوعان الربيّع

صـقـر العــــروبــــه
اهـــــداء متواضــــع الى :
ســـيدي خــادم الحـرمين الشـرفيـن
الملك عبدالله بن عبد العزيز آل سعود
مليكنا وحبيبنا الغالي
أيـــده الله

صقر العروبه

	اشـوف بـه عنتـر وابــن المغيــره = وعــدالة الفـاروق فـي كل الاحـوال وحكمــة حكيــمً فـاز من يستشيره = وعليه من لقمان شـارات واخصـال واشوف صبر ايوب والصبر خيره = ولا يكظمون الالغيظ يا كود الابطال واشــوف حاتـم طـي جزل البريره = اللـي كمــا نــــوً علـى القـاع هطـال اليّــا عطـــا مــدات جـوده غـزيره = ريف الضعيف اللي عليه الدهر مال فيـه التــواضـع والعـدل والبصيره = وحنكــه وحكمـه وردوها بالامثــال ويـامــا ويــامــا عــز ناسً فقيـره = وتحســنت احـــوالهم عـقـب الاذلال بالخيــر تـدعـي لـه اجموعً غفيره = بـقلــوب يمــلاها الـــولا والتهـــلال واشوف به عزوه وربع وعشيره = وعطـف الابـو والعـم والثـالث الخال نبـع الحنان اللـي يفيـض ابغديـره = تـروى الكبــود الضـاميه منه لاسـال وعنده على دين المسلمين غيره = غيــرة عـــرب ماكل يـــومً لهـا حــال آلام الامـه شـــالهـا فـي ضــميره = مـن غـربي الاوطان للـشرق له شـال يمشي على منهج ملوك الجزيره = حـكــــام نجــد اللـي بنــوها بالافعـــال المعضـله تصـغر ولـو هـي كبيره = عنــده اتحجــم لـو هي بكبـر الاسهال مثـل البحـــر مــا كل شـــيً يثيـره = صــدر وســـيع ولا ايقيّـس بالاميــال وليّــا ابتســـم لـه تبتسـم كل ديـره = وليّــا زعـل تــزعل على شانه اجيال ينصـاب خصمـه بانهيــارً وحيــره = يحناس وضـعه مـادرى كيـف يحتـال في خـافقـه تشــتب مثـل السـعيره = نــارً لظــاهــا داخـــل الجــوف شـعّال خوف وندم ثم يلتعـن صير صيره = بــلاه والله خــابــرً شــــبل الاشـــــبال تـدرون مـن هو يالوجيـه السفيره = واضـح ولا يخفــى عليـكم كمـا الجـال مثـل القمـر نــوره ينــوّر مســيره = واضـح وزولـه ما يضــاها باــلازوال بالحـــال انــا ردت عليـــا امنيــره = قالـت : يبـه هـذا المـلك نسـل الابطال هذا الشـجاع اللي يـداري قصيـره = مـدراة عـينــه والجفـن طيــب الفـــال صقــر العــروبه ما تذكـرت غيره = نلــوذ بعـــد الله فيـــه اعــــن الاهــوال له نلتجي وقـت الظروف العسيره = ان حـــدنا جـــور الـزمـــن والتبــهدال مـــال عـــن درب العــــداله نظيره = لـه ميـــلةً وحـده واهتي مـيلة اعقـال ايـه ابو متعـب يا عسـى الله يجيره = مـن كـل شـــر وســـو نيــات الانــذال ســـطّــر له التـاريـــخ علـمً وسيره = ســـيرة بطل ما سـَطرت لـه بالاموال نســـل الـذي وحّـــد شـتات الجزيره = عبد العزيـز الصيرمي راع الافضـال شـــخصيـةً ينـــدر مثيـــله . مثيــره = هــذا الـوكـــاد وكلمتة الحـق تنـقـال واليــوم عبــدالله يســـير بمســـيره = عــز الوطن سورًعلى الشعب واظلال ابـي اختصــــر ولاّ المـآثــر كثيــره = مبطـي لبــو متعـب عريضات واطوال واختامهــا مســـكً يفـــوح ابعبيـره = ونرفـع الله البيـضا علـى راس ماطـال

محمد بن ســـوعان الربيّع

لابد ما نلقى بالايام معبار .......

لابد ما نلقى بالايام معبار

	ليّـاصـــار انا مـا شوف خلي ابعينـي = ما تنفـــع الدانــات في عمـــق الابحـار وان كان خلـــي مخلصً لـــي يبيني = اجـيه انــا مـاهــــاب غبـات الاخـطـــار افـديـــك انـا يـاصــاحبـي يا ظنينـي = في كل ماملك فـوق جــزلات الاشــعار هــذا وكــاد الهـــرج يانـــور عــينـي = وارفق بقلـبً يحتــري منــــــك الاخـــبار قلـي متـــى زبــدة علومــك تجينــي = واقطف مـن الروض الخضـر حلو الازهـار ياشــيخة الشــيخات بالله عطينــي = عهــد ووعـــد يـابنـت مــليــت الاعـــذار الشــوق يابنــت العـــرب يكتـوينـي = يـاكـن يســري بالضمــايـر لهــــــب نــار حبــك غـــزاني واســـتباح الكنينـي = وبيحـت لك مـغــزاي ياظبـــي الاقـفــار هاض وتهيّض هاجس الشعر فيني = وبـوحـي تمـرد فــوق روتيــن الاســرار يفــداك عفـــن ارجـــالها والـدوينـي = يابنــــت ربــــــعً طــوعـــوا كــل غـــدار امــا اصـــدقينـي يالغـــلا واحتويني = ولاّ ا اتــركينــي وامسـحي كل ماصـــار امـا اجيـــك اليـــوم ولاّ تــجـينــــــي = صبـــري تـعـــدا كل حـــدً ومـعيــــــــار امـا يـــزيــن الحــظ ولاّ يشــــــــيني = ويــطيـــح طيـحـــه مـــا وراهـــا وينـهـار ولابــد مــع الايام كل شـي يبينــي = ولابــــد مـــا نلقــى بالايــــام مـعبـــــــار

محمد بن سوعان الربيّع

ظبيً سرق قلبي

	سـلام ياظبـيً سكن ديـرة اجـنيـف = لاشك سرق قلبي وانا عـيني اتشـوف شـــاله وقفـابـه جميـل التـواصيـف = وخـلا لهيــب الشـوق يــزداد بالجـوف حظي رماني فـي بحـــور المواهيـف = وعــزالله انـه ماعمـل فــي معـــروف وينـي اويـن اجنـيف يا مبعـد اجنيف = وانـا اســبوقي قـاصـراتً ومــكتــوف واصبحت انا بين الامل والتحاسيف = مثـل السـجين اللـي تمكـن به الخـوف يـرجي عفـو . يرجي تنازل وتخفيف = وخصـمه امعنــد يبـغي الحق بسـيوف جـوه العـرب من كل صوبً مراديف = وعيـا يـقـــدر والامـل جـاله اكســوف حـالي مثــل حـاله بشـكلً وتصنيـف = مــأســاتـنـا وحــده وانا يمكـن اتطـوف عيني تبي والنفس قرب المواليف = ميــر الـــولـه يـحتــالبـه كـل عـاصـوف مادري متى الايام تاتي على الكيف = عقـب الـدهـور الجافيـه تصبح اريوف اشــوفها قشــرا وهبــاتـها اتخيـف = ســـودً مـواريها وحنــا بهـــا اظيـــوف

محمد بن سوعان الربيّع

وقت العجب والغرابيل .....

	هبّيت ياوقت العجب والغرابيل=كيف الاصيل من الكديش اتشبّا وشلون تربط للبغل مهرة الخيل= عـريبـــةً والســاس مــا ينتـخبّـا لاوخســاره غربلــوها المخابيل= بيـعــت وواليــها مـن المــال عبـّا ما يفرقون الراس من عكرة الذيل=ولاهمـــهم ويــن المـانبــع تصـبّا الـراي ولــى وافتقدنـا الـدواليـل=وافـكـــارنا مــع كــل ريـــحً تـهبـّا نكـل بنـا عصـر التفــاهات تنكيل= لينــه رســــخ بافكــارنا واسـتتبّا وقـتً خلـط نسوانها بالرجاجيـل=وكلـن بـــدون ادراك هـرول ولبـّا حال الجفا من دون حبل المواصيل= وقطـع الرحـم قـد زاد فينـا ودبّـا وكلـن علـى كـيفـه يجر المـواويـل= لاديــن يـدرع والعــوايـــد اتـذبــّا ضـعنا وتهنـا بيــن شـيلً وتنـزيــل = وبلسـان كـل النـاس لازم يـهبّـا هــذا زمـــان الغربلـه والبهــاذيـل= وكلن بتـدميـــر المبــادي تـنـبّـا

بقلمـــــــــي .......

مساجله بيني الشاعر محمد بن فناطل الحجايا .....

	اهداء واسناد للشاعر : محمد الفناطل الحجايا _( لي غايةً عيٌا بها جور الازمان)_ ذيب الكرك جاوب صدى ذيب هدلان = بـعــواه جــاوبلــه ويـقنــب قنيـبه انـا اشــهد انــه ذيـب مانيب غلطان = ولـه شوفةً سرحان ماهي قريبه لاشــك ابو سـامر عـزيزً ولــه شـان = بقلــوب ربـعً مـا ضــرت للمعيـبه تضمــر لـه الاعجـاب والــود وكـــدان = قــدر ووفــا مـن دون شـكً وريبــه شــاعر ولـه جولات في كل الاركان = غرب وجنوب وشرق حتى مغيبه هـذا الــوكاد ولاش بـالهــرج بهتــان =ولا قلتهــا لـي غــايـةً وارتجيبـــه يالقـرم فـي قلبـي لواهيـب واحزان = ونيـران قلبـي مـا بغـت تنطفيـبه اشكـي عليـك الحـال ياطيـر حوران = وانـت الـذي يسـعى لعلـمً يثيبـه لـي غايـةً عيٌــا بهـا جــور الازمـــان = عيٌـا يتـلاقى مع شعيبي شعيبـه مـــابيـننا حـالت اقـاليــم واوطــان = ودونــه عصــابات وذبــح ونـهيـبــه تـصـافـق الاحـرار مــع كــل خـــوان= وكلـن تـزعـم يـابـو سـامر كــتيبه مـابيـن ديـرة حمص وابــلاد حـوران = حال الخطـر يامسندي والنشيبه وشلون مادري كيـف ياذرب الايمان= وشلـون تبـرا اجروح قلبً عطيبه غـروً ولـــه بالقلـب مـوقــع وعنــوان = وغيـره فــلا واللـــه فــاز ابنصـيبه حبــي لـه اصفى مـن قراحً بعُمان = ينسـاب مـن نبــعً بـراس الجـذيبـه حـبً علـى وضـح النقـا والوفـا بان =ولا خنـت انـا بنـت الرجـال العريبه احبـهــا حـبً يـوصــل للاكفــــــان =حبً يابــو سـامر اطعـونه عجيبــه اشتاق له شوق الصحاري للامزان = والشوق يحـرق وانـت تعلم لهيبه اسباب بُعـده شيبـن بابـن سوعان = ماغيـر اهوجس والخفـوق يهـذيبه ومن شافني ينشد عسى ماانت مرضان = بي علـةً واحتار فيها طبيبه وان مــالفـابه حـظ يامسندي زان = لاواللــه الا ايــام عمــري قـريبـه هذا الذي هيّض اهجوسي ابقيفان = وتـرجمت مأساتي ولون الغليبه اظهرت لك وابديت من ما جرا وكان = مـن واقــعً مـاكـان لـي به رغيبه من واقعً يفـرض اشـروطه والاثمان= واذعنــت انـالــه طيب ولا غصيبه ويـامـــا نخيـت فــلان وفـلان وفـلان = واصبحـت انـا مجبر لدفـع الضريبه _( محمد بن سوعان الربيٌع )_ فـــرد الشـــــــــــاعر: محمد فناطل الحجايا _(ابشر بها بالحق ولاٌ نهيبه)_ حي الكتاب اللي لفت فيه قيفان= من شاعر" بالحب يشكي نصيبه من وايـل الكبـرى سلالات عدنان = نسـل البيـوت الـــزاكيـات العريبه حيــه عـدد مـا رف طيـر"بجنحـان= ومـا ذعـذع الغـربي وجـانا هبيبه وبعداد ما مدوا على الهجن ركبان= وبعـداد مـا عينـي لنـومه حريبـه يالوايلـي يـا نسـل ذربيـن الايـمان= نـار الهوى له بلسمً تنطفي به ان كانهــا ببـلادنـا يابـن سـوعــان= ابشــر بـهــا بالمــال ولا نـهـيبـه نـاخذ لبــوها روس حظـرً وبدوان= بـالجـاه واللــي يطلبـه ننتـخيبـه وان كانهــا بالشــام حـرب ً ونيران= وشبيحـة"مثل الوحوش المنيبه بيهـا الاسد عنـده وحوشً وثيران= مـاهمهـم شوق الحبيب لحبيبه على الهـويـه يذبحوا ذبـح خرفـان= حرب"على السنه وما هي غريبه اصبر لعـل الله يخلخـل لـه اركـان= ويـزول حــكـم الطـاغـي وتلتقيبه وما دمت يا راع الوفا فاقد انسان= وطــال الفـراق وطال عنك مغيبه انا فقدت اللي عضيدي بالاخوان=ولقيـت انـا بالصبـر وصفه عجيبه من شفتهم لفوه في بيض الاكفان=صــارت حيــاتـي يا محمـد كئيبه عفت الغرام وحب نعسات الاجفان= شعــل الخدود معطرات الذويبه واليـوم انـا مـا بين سـجده وقـرآن=وعقــب الجهــاله ربنــا نحتميبه هذا الذي بالقلب عقب الخفا بان= وخــوافيً يالقـرم مــا ينحكـيبه وصـلاة ربــي عـد هطـال الامزان= وعــد الحيـا ببـلاد خظـرا خصـيبه علـى رسول ً للهـدى كان برهان= شـفيعنا يـوم المـواقـف صـعيبه _(محمد فناطل الحجايا)_ رد ثاني على الشاعر ابو سامر حي الجواب اللي لفاني امسيان = واعداد ماهـل الحيـا فـي صبيبه يـامـرحبـــا مــــوصـول ودً وعـرفـان= يـا شـاعرَ ريضـان فكـــره خصيبه مــا يبتـحل باالرد لاجاه قيفان = مـاهــو من اللي يستعين ابربيبه من هاجسً يحوي مع الدر مرجان = قيفـان مـن فيض المشاعر رتيبه اللي بكـم مبخـون ياطيـر حـوران = نخـوه وشـيمه والسـلوم الاديبه مـا كان ودي لك بتهييض الاحزان = ايضـا ولا عنـدي علــوم المصيبـه والله يرحـم مـا فقـدت من الاخوان = ويغفـر ذنـوب اخطـاه ثـمً ويثيبــه ودنيـاك هـذي كـل حـيً بهـا فـان = راح الرسول المصطفى مع صحيبه مـادامـت لقيصـر وكسـرى بـايـران =والفــذ ابـو عـداي سـطوه وهيبـه ميـر اصطـبر وامـلا فـوادك بالايمان = وشـرواك ضـارن للامـور الصعيبـه امـا الـذي عـذب خفوقي والاعيان= ماهي عشيقه وقت وامست خطيبه على كتـاب اللــه وبشـرع الاديـان= تمـت قبـل عامين واظحـت حبيبــه واليوم انـا بشكرك من قلب ولسان = وياعـل عمـرك سـالم وتهـتنيبــه المعــذره يانســل قــومً لهـم شان = نسل الضياغم والجـدود العريـبه _محمد بن سوعان الربيٌع_