لامن وظايف والرواتب ترا ماش.. الشاعر/مشعل عودة التريباني الشمري

)العنوان) لامن وظايف والرواتب ترا ماش.. الشاعر/مشعل عودة التريباني الشمري

.ابشرك حنـــى بخيـــر وسلامـــه=لامن وظايف والرواتب ترا مــاش
غني بعالي الصوت ي هالحمامه=امالنا مــاتت والاحــلام مهنــاش
الحكم للــــه ثـــم للــه ودامـــه=لله قسم بالله مايضيق لي جاش
حنى مع ال سعود حُبُ وكرامه=لاكن بطانه حظرتك نصها اغشاش
الخوف ماهو عيب لاكن رخامه=واللي بيطغى حزت الكوم ينحاش
للكذب في وجه المنافق علامه =واللي يخون العهد تسلبن وغشاش
واللي يخلّف الوعد مابي سلامه=حتى الردىَ يسهل على النجس واللاش
اللي معاه الواو علق وسامه =واللي معاه الشين يتعب وينداش
الواسطه غصب(ن) علينا احترامه =والاجودي في هالزمن مات ماعاش
نافق تعيش بهالزمان بزعامه =واللي يبوق بهالزمن عاش واعتاش
مافرقوا بين الحلال وحرامه =وجهه غبر والثوب ابيض من الشاش
الى متى وحنى نعيش بندامه =ماكننا الا حزمه اعواد واخياش
تكلمو ياهل العقل والفهامه =والله ثم والله بالصدق متناش
الذل خال الخوف واردى عمامه =وانا حفيد رجال ماترعش ارعاش
اطلق شنب خله يوفر كلامه =ادخله وسط البحر واطلعه ناش
من لم يمت بالذل مات برخامه =ولا يموت وموتته طلقت كلاش
هذا كلام فلان وفلان هامه =هامه ولاكن بعض الاحيان هلاش
كلن بهالدنيا بيبلغ مرامه =وان مت يصفالك ترا قطعه قماش
في تالي الدنيا ترا متر خامه =ولاينفعك ربعك وجاهك وهالكاش
اللي فهم لغز القصيده يمامه=والزير ذباحه خبيث(ن)ومهتاش

-

شاعرنا القديرمشعل عودة التريباني
ابو عودة
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صدقت يالنشمي وهذا هو الواقع والصحيح مع الأسف الشديد
صح لسانك بحجم الكون
تقبل مروري

صح لسانك مشعل ياحيي

الشاعر مشعل التريباني
صح لسانك يالغالي قصيده رائعه من العيار الثقيل
اسال الله انه يديم على بلادنا الامن والامان نعم حنا
مع ولات امرنا على والسرى رغم انوف الحاقدين مهما
حاولو التفرقه فن يستطيعون باذن الله تعالى شكرالك ابو عوده

مشعل عودة التريباني
صح لسانك الف
ودي لك يسبق ردي

صح بوحك

شكري وتقديري

صح لسانك يابوعوده ملايين ولايكفون

لاهنت

حياك الله اخوي مشعل عوده التريباني

وصح لسانك وعلى ماتحتويه قصيدتك من الصدق الملموس

تحياتي وتقدير ي لجنابك الراقي اخوي مشعل

الشاعر مشعل عودة التريباني
ابيات مؤلمه بالصميم
صح بوحك الف
تحياتي لك