رساله إلى العزيزالشيخ مهدي ابن فتات اليامي

في بداية هذا الاسبوع جاني اتصال مبكرحوالي السابعه صباحاً

وكان من علي خلف البعير السحيمي البلوي كلمني ابو حاكم وسئلني عن احوالي

وحمدت الله وبعدها قال لي عندي غداء واتمنا حضورك وطبعً اعتذرت بحكم ضروفي

وهو يسكن في تبوك وتقبل عذري وقال انا عندي غداء لرجال يام تبين لي من خلال

الحديث ان يحيى ابن مهدي ابن فتات اليامي صار عليه حادث وتوفى وان مجموعه كبيره

من يام جايين من نجران للعزاء وكان غداهم عند ابوحاكم وذبح لهم قعود وكم خروف

الله يبيض وجهه *وطلب مني كم بيت بالموضوع كتعزيه لآبن فتات لآنه يعز عليه وقلت يصير خير

لا احب السرد بالحدث ولكن لمعرفت سبب القصيده*****
-------------------------------------
صوت

فزقلبـي واحتمـى صــدري وهــز اقـدامـي=وانثنيـت ولاحمـل جسـمـي عــزم رجلـيـه
من خبر يحيى نسل مهدي سليل اليامي=طيبـاً مــن ســاس قــوم تحـنـي الجنبـيـه
ادري ان الـمـوت حـقـاً مـاحــداه مـحـامـي=والـعــمــار مــحـــدده وايـامــنــا مـقـضـيــه
ضـاربــاً لـــه درب حـقــاً يـاخــذ الـنـيـامـي=وياخـذ السجّـد اببـيـت الله عـلـى الزولـيـه
والله اعـلــم وش بـقــا بأيـامـكـم وايـامــي=كلـنـا مـــع درب يـحـيـى رحـلــه وطـرقـيـه
ميـر يامهـدي سليـل المجـد ياالضرغامـي=احتسبـنـي واحــداً يـامـي مـــن اليـامـيـه
يوجعـه مايوجعـك واليـا لمـسـت الحـامـي=جمـرتـك مــن قـبـل تاطاهـاوهـي ماطـيـه
اعتبرنـي لـك حــزام وقــول ويــن حـزامـي=والله اني ما اثنـي عزومـك ونفسـي حيـه
ادري انـك مغتنـي عـن خبزتـي وايـدامـي=لـكــن احـقــوق الـعــرب مـربـوعـةً مثـنـيـه
وبعـدهـا يـامـجـازي الـحـجـاج والصـيـامـي=مغـفـرتـك ورحـمـتــك مـطـلـوبـةً مـرجـيــه
ظل يحيى في ظلالك عن لهيـب الحامـي=ياعظيـمـاً مارفـعـت لـمـن ســـواك ايـديــه
وبارك الله ب ابـن عمـي يـوم ليـه شامـي=بيـض الله وجـه ابـو حـاكـم عـلـى طاريّـيـه

سليمان الجبيل البلوي
---------------------------------
صدى
الرد وصلني اليوم وكان من الشاعر/الكبيرعبدالعزيز ابن يحيى ابن فتات الشرمان اليامي
يقول عبدالعزيز

ياسليمان ابن حمـدان البلـوي إلهامـي=ينثنـي قـدم الرجـال اللـي لهـم مـاويـه
وانت من ربعاً لهم فالطيب فعلاُ سامي=ينطحـون الواجبـه فـي كـل وقـت وهيـه
ورّدو مـنـك التـعـازي يالغـزيـر الـطـامـي=والحـزن يبطـي وتبطـي جمرتينـه حـيـه
بــس يجبـرنـا عـزانـا ارحــم الارحـامــي=اللطـيـف الـلـي بلطـفـه ماتحـصـل زيــه
الثنـاء لـه جـل وجهـه والشكـر الـزامـي=والصبـر عـلـى النـوايـب سـنـةً مقضـيـه
وبالنيابـه عـن عمامـي والربـوع ويامـي=الله يجزاك الف خير ويمحي الك السيـه
حن لكـم وانتـو لنـا فـي معمـة لايامـي=والهـقـاوي فــي بعضـنـا يابـلـي مثنـيـه
دولتيـن ولــو تباعـدنـا جـنـوب وشـامـي=بـس تربطنـا تـواريـخ (ن) لـنـا مسمـيّـه

تقديري وصادق مودتي للجميع

شاعرنا القدير سليمان ابن جبيل
ابو يوسف
عزائنا لذوي المتوفى ولبني يام كافه
رحم الله الفقيد برحمته الواسعة وأسكنه جنات النعيم
انا لله وانا اليه راجعون
بيض الله وجهك وصح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

اخوي سليمان بن جبيل
الف الف الف صح لسانك ولسان اليامي
عزالله انكم ابدعتو كلكم مافيكم حيله مثل
ماقالو ورحم الله الميت وانتم صحت السنكم

الشاعر العزيز / سليمان بن جبيل
صح لسانك ملايين يابعدي وصح لسان اليامي
كلكم ابداع.
ونسأل الله سبحانه وتعالى الرحمه والغفران والفردوس الأعلى من الجنة
للمتوفى.
تقبل فائق أطيب تحياتي،،،

ابو يوسف صح لسانك لقد اجزلت وابدعت لاهنت /
تحياتي لك :

سليمان بن جبيل
صح لسانك ولسان اليامي والله يرحم ميتهم
تحياتي لك

الشاعر سليمان بن جبيل
صح السانك ولسان اليام الف
تقديري لحضرة جنابك

الشاعر القدير سليمان بن دبيل
صح السانك ولسان اليامي الف
تحياتي لك

اقتباس المشاركة الأصلية كتبت بواسطة المشرف العام شاعرنا القدير سليمان ابن جبيل ابو يوسف عزائنا لذوي المتوفى ولبني يام كافه رحم الله الفقيد برحمته الواسعة وأسكنه جنات النعيم انا لله وانا اليه راجعون بيض الله وجهك وصح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

ابوغازي الله يجزاك بالخير

مرحبا ومسهلا فيك وصح بدنك ووجهك ابيض يابعدي

تقديري لك يابوغازي

اقتباس المشاركة الأصلية كتبت بواسطة مشعل عسام التريباني اخوي سليمان بن جبيل الف الف الف صح لسانك ولسان اليامي عزالله انكم ابدعتو كلكم مافيكم حيله مثل ماقالو ورحم الله الميت وانتم صحت السنكم

هلابك يابوعبدالرحمن ومليون صح بدنك وصح كلك ياعميد الشعراء

الله لايهينك ويرحم والدينا ووالديك يابوعبدالرحمن

امين امين الله يرحم اموات المسلمين ويجزاك كل خير