انا تراني ضيغمي للسناعيس ..!

السلام عليكم ورحمة الله وبركاته


اسعد الله جميع اوقاتكم بالخير


عقب غيبه غير مقصوده

نعود بشي يشفع عن الغياب


حصريّه للنشاما / لكم


عابره من موقف .. اتمنى ان تنال على رضاكم


/
/

البارحه والجـو كـلـه هواجيس=نامت عيون الي سهر ليلته يآس
بين الطبول الي حوتها المراويس=مِجنة عقولٍ طاح من فكرها كاس
وناديت ياحادي زها النور للعيس=في جوها يطرب لها كل نسناس !
قولوا لـ منهو نال كـل المتاريس=الارض فيها ماطرا يوم تنداس
كل الغلابى في وطنهم متاعيس=وانا وطن منهو غدى كله اتعاس
حلمٍ سكن روحـه بليا مقاييس=عشقٍ جنونه نور في لمعة ألماس
ويومه كتب اعوذ من شرك بليس=خابت اماني كل خاين و بلاس
وعقب البطا شبيت نور الفوانيس=ولا بقى منهو تشبه بجساس ..
حقدٍ ربى لو قلت ياقيس ياقيس=قمريةٍ جرت تناهيد الاحساس ..!
استغفر الله لا تثور المقابيس=في حينها ماينفع الدرع والطاس
مير اني اقرأ في كتاب النواميس=ومن لا يأسس عالمه ينقصه ساس
نصيحةٍ ألقى بها الوصف تقييس=يومن نادا العود وين انت يادباس
من حرقته فاح الوجع بالمحاميس=بين الملاقى قطعت ارماس وارماس
والليله الي جوها به تضاريس=يصعب على سريانها كل عساس
مغزاي عندي صعب ماله تداريس=الا عن الي يعرف الحال بقياس
ان كان لون فعولهم مدت الكيس=افعالنا ماهي على كل هلاس ..!
لو خط حرفه فوق بيض القراطيس=قرطاسنا نورن شعى فوق عباس
مالي ومال الي علينا مناحيس=لو خط حبره واثمر الحرف كراس
حنا كتبنا العلم فوق القواميس=لو موجها يآتي مع الصعب غطاس
انا .. تراني ضيغمي للسناعيس=أروم أشمخ منحنى للبشر راس

وسلامتكم



اخوكم غازي بن عالي الجعفري

شاعرنا القدير غازي بن عالي الجعفري
الحمد لله ع السلامة ياخال
عوداً حميد لأخوانك وأخواتك وبيتك الثاني شبكة نشامى شمر
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

لاهنت اخوي الشاعر
غازي بن عالي
صح لسانك الف
ودي لك يسبق ردي

بابا انا سنغوسي اصلي يخب شمر خييييل
صخ لسان انتا كثيرات

الشاعر غازي بن عالي
صح لسانك وبيض الله وجهك يالنشمي
شكري وتقديري لك

صح لسانك واعتلي شانك اخوي الكريم

أهلاً وسهلاً فيك أخونا الغالي الشاعر/ غازي بن عالي الجعفري
الحمد لله على السلامه وعوداً حميدأً ياهلابك ملايين
وصح لسانك يابعدي وبيض الله وجهك.
تقبل فائق أطيب تحياتي،،،

الشاعر غازي بن عالي
كفؤ كفؤ يالنشمي
صح لسانك ملايين
تقديري لحضرة جنابك

البناخي العزيز


ابو غازي


هلابك وبحضورك النور


اسعدني تواجدك بين تواضع حروفي



من الاعماق شكرآ مدد





مودتي

الاخ طخطيخ


اهلا لك اخي الكريم


نورت متصفحي المتواضع


لك شكري مقلد بتقديري واحترامي