08-03-2015
|
#1 | |
|
يقول اللي ثمان سنين في حله وترحاله
يقول اللي ثمان سنين في حله وترحاله=ورغم الحجر ماراجع بنوك القرض والتمويل اذا بانت نجوم الليل صارت حالته حاله=ولا تركد هواجيسه لما تسري نجوم الليل يبوج الدرب في غابة طبوع الجيل وادغاله=وبالشدات شوف العين يغنيني عن الدربيل لاني تارك بالناس درهامه وزرفاله =ولاودي تضيع ايام عمري بين قال وقيل وعيب النفس يكفيني عيوب الناس واهماله=وراع العقل مايغويه كثر المدح والتطبيل ولاتلقى الذي ماداج درب العيب خياله=وراع العيب مايدخل مجال الجرح والتعديل و دام الله كتب باللوح رزق الخلق وأجاله=ولاجانا من الخلاق لا رخصه ولاتوكيل لي اعمالي وكل الخلق له دنياه واعماله=ورب العرش يكفينا هموم الجمع والتحصيل ولاتخفى على الخالق جداد الخلق واسماله=ولاتمشي على المولى دموع الكذب والتمثيل وراع العقل ما ينقد طعوس داج برماله=ولايفتح على راسه هروج العيب والتفشيل ومن يطرد كلام الناس ضاع وضاع مرساله=بعصر صار فيه الكذب والبهتان رمز الجيل وكذب الناس مايهفي عزيز طاب منواله=ولايرفع ردي العزم قاف اللي مثل جهويل يصير الهرج بالتالي طيور طارت اجواله=وتلقى الثلث والباقي كساه الكذب والتضليل الا ياكثر من يظلم حريم الناس ورجاله=وشال الذنب بهروج وطاه النقص والتكميل واذا ماجاك هرج الحاسد اللي ثار زلزاله=وشفته ينشر الزلات بالجمله وبالتفصيل فلا نلت المقام اللي ينوش الغيم سرباله=ولا حزت المقام اللي يحرك ثورة التاميل ونار الحسد ماترحم خباث الخلق وارذاله=ولاتسكن صدور اللي غمرها الذكر والتهليل ولولا الحسد ماشانت طبوع الناس وخصاله=ولا شفت البشر تاطى الخطايا من زمن هابيل ومن ناسب شحيح القوم حط البخل بعياله=ولا يمحى عروق البخل كثر المسح والتغسيل ولايجذب قراح البير دلو العفن وحباله=ولا يفجر نبوع الحرص كثر العيب والترزيل وراع البوق يبقى البوق في كاسه وفنجاله=وناب الداب مايطهر بكثر الخلع والتبديل ونمام العرب مفتاح باب الخبث واقفاله=ومقباس الجحيم اللي يشب النار بالمنديل وانا مرتاح بديار يعيش الجود بجباله=بفضل اللي عطى رزقه بلا شاهد ولا تكفيل يسوق الرزق للعاصين في حجه وشواله=ولا يطلب من العالم حقوق النقل والتوصيل منعت النفس عن ناس تشوف الريف بسهاله=لعل البعد يحميني فساد الراي والتحليل واذا زادت على كتفي حمول العمر واثقاله=وشفت الميل قدامي وطبعي مايحب الميل دفعت النفس عن سكة قصار الناس وطواله=وسقته للرجال اللي تعزك لاوطاك الشيل نجي عبدالله الباشا عرين السبع واشباله=وبين شيوخنا الجربان رمز الجيل والتبجيل سليل اللي صمد بالدار رغم الحرب واهواله=وبرميلان سجل لك ثبات الشامخ الحلحيل حلف واقسم ظنى العاصي برب شاعت افضاله=وجابه من ظهور اللي فخرها يوم عام الفيل فلايترك ركون الدار دام الروح مازاله=ودام صفوق له نسل تنازى في ظهور الخيل وقال الشيخ مايترك بوقت الضيق منزاله=ويبقى في ظلام الليل لربوعه تقل قنديل ومن يسقي غروس الخير يلقى الخير بظلاله=لان الفرع مثل الاصل بالصنعه وبالموديل ثبات قلوبهم يرفع بصدر المجد ثمثاله=ونبع كفوفهم بالجود زاد المجد والتفضيل ولا زرنا حفيد دهام لاجل اهواه وامواله=مع ان الله جعل خير ال محمد مثل وبل السيل ولكنه يذكرنا لجيل غابت ابطاله=وفعل شيوخنا اللي له تواريخ تهد الحيل نقل هم العجوز اللي بشمر ضايق باله=وطفى جمرة اللي خاف نار الطرد والترحيل مع ان عصورنا حاست عقول الجيل واشكاله=وخلت جيلنا ياطى عيوب مالها تعليل غدت كشخة شباب الجيل في جنزه وسلساله=ومعها موضة تحوي بنود الورس والتكحيل لما شفنا الذي يرخي بوسط السوق بنطاله=لاجل يمشي على منهج هل التوراة والانجيل وبعض شيوخنا تشري هوان النفس واذلاله=وترمي بنتها ليله بحضن الفاجر الزنقيل ولاادري ماتت الغيره على اللي لاح خلخاله=مثل مامات هاتفهم سبايب خدمة التحويل او ان رجالنا هانت وجاها الهون من خاله=او ان اسبابها العيشه وكثر الطبخ والتخليل لما صار الفخر للي يدوس الطيب بنعاله=وللي يشكي انسابه اليا منه طلع طربيل وعافت سربة الباشا دروب الهون واوحاله=ولاشفنا لهم بالهون لا هاتف ولا ايميل سقى الله سربة العاصي مزون سال شلاله=عدد مانفدت يمنى ال محمد من خياش الهيل |
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله 
|
|
08-03-2015
|
#2 | |
|
الإدارة
|
رد: يقول اللي ثمان سنين في حله وترحاله
شاعرنا القدير فواز الغسلان ابو فهد الحمد لله ع السلامة عوداً حميد يالنشمي لأخوانك وأخواتك وبيتك الثاني شبكة نشامى شمر صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
08-03-2015
|
#4 | |
|
رد: يقول اللي ثمان سنين في حله وترحاله
منعت النفس عن ناس تشوف الريف بسهاله
لعل البعد يحميني فساد الراي والتحليل الله اكبر صح لسااااااااااااااانك ابداع لاقصى الحدود فعلا هذا هو الشعر الحقيقي |
|
|
|
|
10-03-2015
|
#7 | |
 
|
رد: يقول اللي ثمان سنين في حله وترحاله
الشاعر ابن غسلان
صح لسانك كل الشكر والتقدري لسموك الكريم |
|
|
اغلي اهل الطيب واعز القرابه=وابغض النمام والرجـل الهـذور من يحط الطيب والنخوة زهابـه=والله اني له رفيـق (ن) مايبـور
|
|
10-03-2015
|
#8 | ||||||||||||||||||||||||
|
رد: يقول اللي ثمان سنين في حله وترحاله
هلا وغلا مشرفنا القدير وانا معكم بالقلب دائما مهما انشغلت يالغالي وشكرا لمرورك النبيل . تحياتي العطره |
||||||||||||||||||||||||
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
|
10-03-2015
|
#9 | ||||||||||||||||||||||||
|
رد: يقول اللي ثمان سنين في حله وترحاله
هلا وغلا اخ صلفيق وكل الشكر والتقدير لك |
||||||||||||||||||||||||
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
|
10-03-2015
|
#10 | ||||||||||||||||||||||||
|
رد: يقول اللي ثمان سنين في حله وترحاله
هلا وغلا اخوي الشميلي مرورك شرف وتعليقك نبل منك تحياتي العطره
|
||||||||||||||||||||||||
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
