مراسلة

العوهلـي مشـرع علـي الملازيـم =انـه يبيلـه محطـتـن مــن عقـالـه
اللـي يبـي منـي مـشـوره وتقـيـم =مايـدري انـي واحـد مــن عيـالـه
ماعنـدنـا مـمـا مـعـه ربــع ملـيـم =كنق القصيد وشيخ بيت الجمالـه
اخير مايعشق ضيـوف ومعازيـم =واخيـر مايبغـض حـلالـه ومـالـه
مايذبـح الا مـن عيـال المجاهـيـم =كنه من اصحاب السمو والجلاله
لايبعد مـن رهمـه الشعـر ترهيـم =وشيـن طـروقـه شـيـن الله فـالـه
يالعوهلي عندك للافكـار تصميـم =لو فالنجوم نجـوم نجمـك الحالـه
حنا نبي من مدرستك انت تعليـم =فالشعر والا وفي علـوم الشكالـه
يالعوهلي حقك على سبيع تكريم =ماهيـب لحيـة مـدح والا رسـالـه

الشاعر/ زامل الحميدي السبيعي

ياللي عن اللي يزبنك تجلع الضيـم =لامـن زمـان الضيـم مسـت احبالـه
اخـذت رايـك خابـرك قــرم وفهـيـم =ماخذت راي اهـل الـردى والنذالـه
من حق مشرع لاطلب منك تحكيـم =بـر العـرب ماهـوب مـثـل الحثـالـه
طيبك وشعرك ورثت اجدود ومقيم =شــي عـلـى ماقـيـل قـالــه وطـالــه
يـامـن ربــي قـسـم الطـيـب تقسـيـم =منزلـك فـي القمـة صعيـبـن منـالـه
دايـم عداتـك مـن حقدهـم مكاظيـم =والضيف تفـرح بـه وتكـرم سبالـه
يلقى الشحم فوق الصنايـا مراديـم =يــوم الـهـويـن مهـجـراتـن دلالـــه
مثل المزون اللي تهل المطر ديم =شهـادتـن بالـصـدق حــق وعـدالـه
يــارب تجعـلـه مــن الـنـار تحـريـم =عـودن مـثـل زامــل تجيـنـا عيـالـه
الـلـي عــداه يحـدهـم حــدة الـهـيـم =وعـدن لامـن يـرده قراحـن زلالــه
اقسم بمن نحني له الرووس تعظيـم =انــه فـخـر للسـبـيـع لاجــا مـجـالـه
وأخـتـامـها مـنــي صـــلاةٍ وتسـلـيـم =على الرسـول اللـي بعـث بالرسالـه

الشاعر / مشرع ابن ذعار

الشاعر مشرع العوهلي مرحبا بك

وصح لسانك ودام هتانك ايه الجزل

وصح لسان الجزل زامل الحميدي

وتقبل مروري المتواضع

اقتباس المشاركة الأصلية كتبت بواسطة نهير النمش الشاعر مشرع العوهلي مرحبا بك وصح لسانك ودام هتانك ايه الجزل وصح لسان الجزل زامل الحميدي وتقبل مروري المتواضع

صح بدنك وبيض الله وجهك

شاعرنا القدير مشرع ابن ذعار العوهلي السبيعي
ابو مشهاب
صح السانك و لسان الشاعر الجزل زامل الحميدي
ااالف
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

اقتباس المشاركة الأصلية كتبت بواسطة المشرف العام شاعرنا القدير مشرع ابن ذعار العوهلي السبيعي ابو مشهاب صح السانك و لسان الشاعر الجزل زامل الحميدي ااالف .. .. . . خالص التحايا لسمو شخصك النبيل ??¯?ـ?ابو غازي?ـ?¯??

ابو غازي صح بدنك وبيض الله وجهك الله نة لايهينك

الشاعر مشرع العوهلي
صح السنتكم الجميع

اقتباس المشاركة الأصلية كتبت بواسطة الشيخ منحاش الشاعر مشرع العوهلي صح السنتكم الجميع

صح الله بدنك وبيض الله وجهك