قولوا لها / بقلمي

قولوا لها تكفون تكفون تكفون=إن الوفاء في حبها من صفاتي
مادام حبي عندها يعادل الكون=إن كان هذي هي تعادل حياتي
قولوا لها ترفق على حالي بهون=من بعدها ياناس خطرٍ مماتي
وعن حالتي الناس ماهم بيدرون=أسهر وغيري يهتني بالمباتي
ياعزتي للحال من دون في دون=مالي جدى ياغير لحن اغنياتي
قولوا لها تكفون لايصير تنسون=كود الغظي بوصله يسبب نجاتي
دام الخفوق بناعس الطرف مفتون=على الأقل ليته يسوي سواتي
أبدع على شانه طواريقٍ لحون=واسجل الطاروق في ذكرياتي
أنا وقصيدي فدوةٍ له وممنون=وشوفت حبيب الروح تصبح غناتي
وفي حبها مااطيع ناسٍ يعذلون=واحيان يعرض حبها في صلاتي

نايف الشويب

شاعرنا القدير نايف الشويب
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

شاعرنا الرائع نايف الشويب
صح لسانك وسلامت قلبك قصيده مميزه لافظ فوك

الشويب ابدعت وامتعت لاهنت لاهنت ياشوق البنت

لك كل الشكر

أبو غازي صح بدنك لاهنت /
تحياتي لشخصك الكريم :

الشاعر/ الكبير مشعل التريباني صح بدنك /
تقديري واحترامي لك :

الأخ العزيز محمد الذرفي صح بدنك ولاهنت /
لك أجمل تحية على مرورك العطر :

الشاعر نايف الشويب
صح لسانك الف
تحياتي لك

أبو طارق صح بدنك لاعدمنا تواجدك معنا /
تحياتي لك :

الأخ طاهر صح بدنك لاهنت /
تقديري لك :