قصة جربوع الشمري وبنته مع الرشيدي !!

قصة جربوع الشمري وما دار بين بنته والرشيدي ؟

يقولون رواة السوالف : في ايام القحط والجفاف في الجزيره العربيه كان فيه واحد
( رشيدي ) يرغب بالزواج ببنت عمه ولا عنده شيء . وعمه يريد ان يزوجها واحد ثري عنده مال لــ أن
إبن اخيه فقير. وقام انت يالعم ونادى إبن اخيه
وقال له : يافلان انا ودي ازوجك بنتي اذا كان احضرت لي عشره من البل وذلول
فــ أنا زوجتك واذا ماحضرت لي
فـــ أسمحلي أبي ازوج بنتي واحد غيرك قال الولد : ابشر ياعمي .
اصبح الصباح وقام الولد واخذ بندقيته (يامال هميس ) وتوكل على الله ولايدري وين يروح !! إلاّ ان امله في الله سبحانه وتعالى باقي .
اخذله قرابة يومين لاأكل ولاشرب وتعب المسكين وبالصدفه لقى قدامه مفلى وبهن أبل وراعيتها بنت واقبل عليها وَسَلَّم ،

وقال لها :

يابنت يلـي تسمعيـن الكلامـي .... ماتصبحين اللي قطع بطنه الْجُوع !

قامت البنت وحلبت احدى النياق حتى ملت الطاسه .

وقالت :

هاك اللبن وانت عليك السلامي .... ان كان مالك عندنا غير مطموع !


شرب الولد من اللبن لين اكتفى وقال :

يابنت يابنت الرجـال الكرامـي .... انتي من ايا الناس والجود متبوع !

قالت :

انا من اللي جمعهم مـا يضامـي .... ربعي مطوعت الاعادي لهم طوع !

قال :

ماذم ربعك من رجال الكرامي .... لكن دليني على بيت شعشوع !
( معناها يقول : انا ماذم ربعك لكن دليني على بيت واحد راعي كرم .

قالت :

أنصا الفريق اللي بهاك العدامي .... وانشد يدلونك على بيت جربوع !
( جربوع ابوها )

مشى الرجال من عنده وراح ينشد عن بيت جربوع ! حتى وصل البيت وقلط عند الرجال ابو البنت جربوع وضيفه وبعد ماتعشوا قامت البنت وصوتت لــ ابوها وقالت له : يابوي هذا الرجال جاني اليوم في المفلا وقال : كذا وكذا وروت جميع الابيات والظاهر انه يابوي شوفت عينك رجال محتاج واعطه اللي يبي وانت الكريم .
وقام انت ياجربوع وقال : تعال ياولدي وش عندك علمني بامرك وقال : والله ياطويل العمر ماعندي ألاَ .. سلامتك بس مشكلتي اني طلبت بنت عمي وقال عمي : احضر لي عشر من البل وذلول وانا والله ماعندي شيء ولا املكهن وجيت اترزق الله .
اصبح الصباح قام جربوع وقال له : تعال ياولدي اختر واعزل عشر من البل وذلول واركب على احسن مطيه وروح لعمك اذا اخذ البل منك وزوجك تعال وهات زوجتك واسكن عندي هنا !! واذا زوجك ورد البل عليك الله يوفقك أسكن مع عمك .
قام الرشيدي واخذ البل وركب مثل ماوصاه جربوع الشمري وجا عند عمه وقال : يالله ياعمي انا جبت طلبك .
قاله انت يالعم : من وين جايبها انت غازي على عرب ؟ ومن هم ؟ وإلاَ من وين ؟ علمني ؟ ( والله النشبه والشفايه )
قال الرجال اعطانياهن الله من رجال كريم .
قام العم واستحى من ابن اخوه وزوجه بنته ورد البل عليه .
وقام الرشيدي يقصد ويمدح في جربوع ويثني عليه ويقول :


مانت بجربوع انت نمـر تنمـر .... نمر وظاهر من شيوخ النماره !

نمر ظهر بالطيب من روس شمر .... شمر اهل التكميل واهل الوقـاره !

شيخ اليا منـه طلـب ماتعـذر .... يعطي العطايا ماحسب للخسـاره !

راعي دلال وسط نـاره مزبـر .... يفرح بها اللي نازح من ديـاره !

اعطاني البل يوم عمـي تعسـر.... عسى المطر دايم يسقي اديـاره !

وسلااااامتكم .
______________________________________

انشهد جعل المطر يسقي ديار الاجاويد اي والله يستاهل جربوع الطيب الكريم وهذه ماشالله عادات الطيبيييين عساه ماتنقطع .


( منقوووووول )