يتامى ورمله وشاعر المليون

من جديد لمسابقة شاعر المليون على الرغم من انني ضد مافي بطن الفكره وتمنيت لو انها على اسمها ولكن اللجنه اصبحت هجنه وحصل ماحصل واتضح الامر ولو انه في البدايه متضح ولكن اصبح منفضح في نهاية الامر ومن هنا الدول ومن هناك القبيله واصبحت التجاره اكثر انتشاراً وتلك الابيات جاءت هكذا بعد نهاية البرنامج ولكن اليوم احببت ان البط بها هاهنا مع احترامي للجميع وتقديري للشعر

عشت يامعطي نصيبك لوانه بس رغيف=عشت. يالمري ولاهي بحاجة علعله
معجبن فعلك وشعرك فخر ياهذا الشريف=وجداً اكره شيء اسمه سوالف بلبله
افرحي يااحلى القصايد تهيالك مصيف=شاعرك.. ولياسألنا طلع له من هله
والله انك يالنتيجه عادله مافيك حيف=ياقصايد للرجاجيل... ياالله زلزله
القمر من أول ظهوره تبيّن ثم شيف=والبدايه واجب انه تكون البسمله
اتركوا عنكم دعايا مع الرقم الرديف=راية الشعر السنافي خذاها وحمله
مظهرك صحيح جذاب يالحي اللطيف=لكن انك نسيت انك تلبست سمله
القصيده واضحه بس ماتقبل نصيف=والثقايل مالها كود عزه وجمله
والله ان الدين ديني وأنا ديني حنيف=والله انّا كل منا له الله وعمله
والحكايه مابها شيء يالداعي طريف=ولاترده واللي عندك طلبتك لي قله
مقتنع ان القصايد حصل له منه ريف=فيه منّه كلهن فيه ياالله مااجمله
ظنتي لو القصايد مغازي فيك سيف=وشوفتي ياابعدت عنهن يتامى ورمله
والله ان السيف زوله يابيّن لك نحيف=لكن انه حاتميٍ ياجاله بعمله
والله ان الشعر يااقفيت يصبح كالكفيف=واللغه وش ميّزه غير حرفه وجمله
الشباب ليااسفهلوا يقولونه زحيف=وحنا في شعرك ترانا زحيف وهجوله
كاتب الابيات هذي متذوق لك حليف=شمريٍ والشعر فيك ياخي له وله

جزل يافلاح


صح الله لسانك ولاعدمتك



لاهنت يالغالي

صح لسانك مليار أخوي فلاح

وبيض الله وجهك
قصيدة رائعة

صح لسانك أخوي فلاح


قصيدة رائعة

ظنتي لو القصايد مغازي فيـك سيـف=وشوفتي ياابعدت عنهن يتامـى ورملـه

صــــــــــح الساااانك يابوضاري

اااااااااااااالف

كاتب الابيات هذي متذوق لـك حليـف


شمريٍ والشعر فيـك ياخـي لـه ولـه



تسلم تسلم

على الدرر

فلاح

صح لسانك

يالقرم

صح لسانك ياشاعرنا المبدع .. فلاح السعد


لاتحرمنا المزيد من روائعكـ

صح لسانك وعلى شانك
اجد نفسي امام هذه الباذخه متلعثم انطق اكتمل جمالها بوفي صياغتها منك وتراقصت عذوبتها بأحساسك
وحرفنتك الشعريه
دمت بخير/اخوك سراب الراحل